Breaking News

  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1
  • 1


Related
दुखणे अंगावर काढून स्वतःचा, कुटुंबीयांचा जीव धोक्यात घालू नका : आ. शिवेंद्रसिंहराजे; कोणतेही लक्षण जाणवल्यास टेस्ट करण्याचे केले आवाहन

सातारा : कोरोनाचा प्रादुर्भाव दिवसेंदिवस वाढत असून सातारा शहरासह जिल्ह्यात गंभीर परिस्थिती आहे. कोणीही घाबरून न जाता ताप, सर्दी, खोकला आदी कोणतेही लक्षण आढळल्यास त्वरित कोरोनाची टेस्ट करून घ्यावी. दुखणे अंगावर काढल्यास जीवावर बेतण्याचा धोका असून कोणीही कोरोनाबाबत हलगर्जीपणा करून स्वतःचा, कुटुंबीयांचा आणि इतरांचा जीव धोक्यात घालू नये, असे कळकळीचे आवाहन आ. श्रीमंत छ. शिवेंद्रसिंहराजे भोसले यांनी केले आहे. यासंदर्भात प्रसिद्धीस दिलेल्या पत्रकात आ. शिवेंद्रसिंहराजे यांनी म्हटले आहे की, कोरोना महामारीचा विळखा अधिकच घट्ट होत चालला आहे. प्रशासनाकडून उपाययोजना सुरु असल्या तरी या महामारीला अटकाव करण्यासाठी प्रत्येकानेच जबाबदारीने वागले पाहिजे. कोरोना हा बरा होणारा आजार आहे. त्यामुळे घाबरून जाऊन अथवा मला काय होतंय असं समजून दुखणे अंगावर काढण्याचे गंभीर परिणाम भोगावे लागत आहेत. अगदी जीवावर बेतल्यानंतर रुग्ण उपचारासाठी दाखल होतात आणि मग वेळ निघून गेलेली असते, अशी संख्या खूप पाहायला मिळत आहे. त्यामुळे कोरोना आजारासंबंधी ताप, खोकला, सर्दी आदी कोणतेही लक्षण दिसल्यास तातडीने कोरोनाची टेस्ट करून घेणे आणि त्यावर उपचार सुरु करणे आवश्यक आहे. मगच पुढील धोका टळणार आहे. लक्षणे असतानाही अनेकजण घरीच बसून दुखणे अंगावर काढतात. यामुळे ते स्वतःच्या आणि घरातील वृद्ध आई- वडील, पत्नी, मुले आदी कुटुंबियांच्या जीवाशी खेळत असतात. ही बाब अतिशय गंभीर असून एखादे लक्षण जरी जाणवले तरी टेस्ट करून घ्यावी. घरी बसून आपल्याला काहीही होणार नाही या भ्रमात राहून स्वतःचा आणि इतरांचा जीव कोणीही धोक्यात घालू नये, असे भावनिक आवाहन करतानाच कोरोनाला आळा घालण्यासाठी प्रत्येकाने जागरूक राहावे आणि स्वतःच्या आणि कुटुंबाच्या रक्षणासाठी प्रशासनाच्या नियमांचे पालन करावे, असे आवाहन आ. शिवेंद्रसिंहराजे यांनी केले आहे.

औषधोपचारापासून रुग्ण वंचित राहता कामा नये : आ. शशिकांत शिंदे

कोरेगाव : कोरोनाच्या तालुक्यातील रुग्णसंख्या वाढीचा वेग मोठा आहे. त्यामुळे कोरोनाला रोखण्यासाठी लोकप्रतिनिधी आणि प्रशासनाने हातात हात घालून काम केले पाहिजे. एकही रुग्ण औषधोपचारापासून वंचित राहणार नाही, याची दक्षता घ्या. आरोग्यविषयक साहित्याची कमतरता असेल तर ते तत्काळ उपलब्ध करुन दिले जाईल, अशी ग्वाही आ. शशिकांत शिंदे यांनी दिली. कोरेगाव तालुक्याची कोरोनाविषय आढावा बैठक पंचायत समितीत झाली. यावेळी आ. शिंदे बोलत होते. यावेळी सभापती राजाभाऊ जगदाळे, उपसभापती सुनील साळुंखे, माजी सभापती संजय झंवर, प्रांताधिकारी ज्योति पाटील, तहसीलदार अमोल कदम, सहायक गट विकास अधिकारी सुनील भस्मे, ग्रामीण रुग्णालय वैदयकीय अधीक्षक डॉ. राजेंद्र जाधव, कोरोना टास्क फोर्सचे प्रमुख डॉ. राजन काळोखे, मुख्याधिकारी विजया घाडगे यांच्यासह विविध खातेप्रमुख उपस्थित होते. पोलिस दलाने आक्रमक भूमिका घेण्याची आवश्यकता असून बाहेर विनाकारण फिरत असताना आढळल्यास त्याच्यावर दंडात्मक कारवाई करावी, याबाबत प्रांताधिकाऱ्यांनी कडक भूमिका घ्यावी. आरटीपीसीआर व रॅपिड टेस्ट करण्याची व्यवस्था करावी, लसीकरणाचा वेग वाढवावा, कोरेगाव आणि रहिमतपूर शहरातील लसीकरण गतीने पूर्ण केले जावे, अशा सूचना आ. शिंदे यांनी दिल्या.

कोरोना प्रादुर्भाव रोखण्यासाठी पाचगणी पालिकेची निर्जंतुकीकरण मोहीम

पाचगणी : कोरोना विषाणूचा प्रादुर्भाव रोखण्यासाठी पाचगणी पालिकेने निर्जंतुकीकरणासाठी अग्निशमन दलाच्या वाहनाच्या सहाय्याने फवारणी सुरु केली आहे. संपूर्ण शहरात ही फवारणी केली जाणार असून यातून कोरोना विषाणूसह अन्य रोगाचा प्रादुर्भाव कमी होण्यास मदत होईल, अशी अपेक्षा पालिकेचे मुख्याधिकारी गिरीश दापकेकर यांनी व्यक्त केली आहे. कोरोना विषाणूचा प्रादुर्भाव कमी करण्यासाठी शासन स्तरावर विविध उपाययोजना केल्या जात आहेत. सर्वत्र संचारबंदी लागू केल्याने फैलाव रोखण्यास मदत होणार आहे. एसटी बस, खासगी वाहतूक बंद असल्याने कोरोना साखळी तुटण्यास मदत होत आहे. केंद्र आणि राज्याने विविध उपाययोजना केल्यानंतर आता स्थानिक प्रशासनानेही नागरिकांच्या हिताचे निर्णय घेतले आहेत. पाचगणी पालिकेने शहरात बाजारपेठ, हनुमान गल्ली, गावठाण, मंडई, सिध्दार्थ नगर, आंबेडकर कॉलनी, भीमनगर, शाहूनगर, शांतीनगर या वास्तव्याच्या व गर्दीच्या ठिकाणांवर ही निर्जंतुकीकरण मोहीम सुरू केली असून ती सर्व शहरात राबवण्यात येणार असल्याची माहिती मुख्याधिकारी गिरीश दापकेकर यांनी दिली. कोरोनाची रुग्ण शहराच्या विविध भागात सापडत असून याचा वेग वाढू नये यासाठी पालिकेने संपूर्ण शहरात फवारणी करण्याचा निर्णय घेतला. येत्या दोन ते तीन दिवसांत शहराचा संपूर्ण परिसर फवारुन पूर्ण होईल, असे दापकेकर यांनी सांगितले.

कोरोनामुक्त रुग्णांनी ४५ दिवसांनंतर प्लाझ्मा दान करावे : श्रीमंत संजीवराजे

फलटण : कोरोनाचा वाढता प्रादुर्भाव नियंत्रणात ठेवण्याबरोबर जे बाधित असुन उपचार घेत आहेत त्यांना योग्य औैषधोउपचार व अन्य सुविधा उपलब्ध करुन देण्याची आवश्यकता आहे. जे कोरोनामुक्त होऊन ४५ दिवस झाले आहेत. त्यांनी कोरोना बाधितांसाठी प्लाझ्मा दान करावे, अशी अपेक्षा श्रीमंत संजीवराजे नाईक निंबाळकर यांनी व्यक्त केली. विधानपरिषदेचे सभापती श्रीमंत रामराजे नाईक निंबाळकर यांच्या ७३ व्या वाढदिवसाचे रक्तदान शिबिराचे उद्घाटन श्रीमंत संजीवराजे नाईक निंबाळकर यांच्या हस्ते करण्यात आले. त्यावेळी ते बोलत होते यावेळी गोविंद मिल्क प्रोडक्ट्सचे संचालक श्रीमंत सत्यजितराजे नाईक निंबाळकर, नगरपरिषदेचे आरोग्य समिती सभापती सनी अहिवळे, श्रीराम कारखाना संचालक महादेवराव माने, तुषार नाईक निंबाळकर, डॉ. बाळासाहेब काकडे, अशोक ऊर्फ शक्ती भोसले, कामगार संघर्ष संघटनेचे सनी काकडे, युवा उद्योजक संग्राम अहिवळे, अक्षय अहिवळे, सागर सोरटे, नीलेश मोरे, मंगेश जगताप, शिवा अहिवळे, विशाल लोंढे, सूरज भैलूमे व नागरिक उपस्थित होते. विश्वरत्न डॉ. बाबासाहेब आंबेडकर यांच्या प्रतिमेस श्रीमंत संजीवराजे नाईक निंबाळकर यांच्या शुभहस्ते पुष्पहार अर्पण करून रक्तदान शिबिराचा शुभारंभ करण्यात आला. ४३ रक्तदात्यांनी शिबिरात सहभागी होऊन रक्तदान केले. हरिष ऊर्फ आप्पा काकडे यांनी प्रास्ताविक केले व आभार मानले.

कोरोनाशी लढायला एकत्र या : आ. महेश शिंदे

खटाव : गेल्यावर्षी आपण सर्वांनी एकत्र येवून कोरोनाला हरवलं होत. त्यावेळी हा अनुभव पूर्णपणे नवा होता. अनपेक्षित शत्रूशी दोन हात करत असताना शासकीय यंत्रणा, आणि आपल्या सर्वांच्या सहकार्याने कोरोनाला हद्दपार करण्यात यश मिळाले होते. आपल्यावर पुन्हा एकदा तीच वेळ आली असून स्थानिक प्रशासन, नागरिकांनी कोरोनाबद्दल संवेदनशील राहून कोरोना प्रतिबंधात्मक सूचनांचे पालन करणे आवश्यक असल्याचे मत आ. महेश शिंदे यांनी व्यक्त केले. काटेवडी (ता. खटाव) येथील कोरोना पार्श्वभूमीवर आयोजित आढावा बैठकीत ते बोलत होते. यावेळी गटविकास अधिकारी रमेश काळे, सहाय्यक पोलिस निरीक्षक चेतन मच्छले, तालुका वैद्यकीय अधिकारी डॉ. युनुस शेख, डॉ. माधुरी पवार, विस्तार अधिकारी एल. जे. चव्हाण, तलाठी गणेश बोबडे, सरपंच बाळासाहेब जगदाळे, विकास पांडेकर, पृथ्वीराज पांडेकर, बुधचे सरपंच अभय राजेघाटगे, सुसेन जाधव उपस्थित होते. गेल्या आठवड्यात काटेवाडीत २९ कोरोनाबाधित रुग्ण सापडले असून दोघांचा कोरोनामुळे मृत्यू झाला आहे. या पार्श्वभूमीवर आ. महेश शिंदे यांनी कोटेवाडीत आढावा बैठक घेऊन ग्रामस्थांना धीर दिला. महेश शिंदे आमदार झाल्यानंतर काही दिवसांत कोरोनाचे संकट आले. मतदारसंघात पहिला रुग्ण आढळल्यापासून पायाला भिंगरी बांधून यांनी काम केले. रुग्णांच्या घरी भेट देण्यापासून परिसर निर्जंतुक करणे, प्रतिबंधात्मक क्षेत्राला भेट देणे, आरोग्य यंत्रणा वाढविणे, स्वत: उभारलेल्या कोविड सेंटरमध्ये जाऊन बाधितांना योगाचे धडे देणे अशी कामे जीव धोक्यात घालून आमदार शिंदे यांनी केली आहेत. आरोग्य यंत्रणा व अन्य शासकीय विभागांचे अहोरात्र परिश्रम, जनतेच्या सहकार्याने अत्यंत बिकट स्थितीतही कोरोनाशी आपण ?दोन हात? करत आहोत. सध्याची परिस्थिती अत्यंत बिकट आहे. बाधितांना वेळेत वैद्यकीय सेवा पुरवण्याला आणि गंभीर रुग्णाचे प्राण वाचवायला आरोग्य विभागाने प्राधान्य द्यावे, अशी सुचना आ. महेश शिंदे यांनी केली.

खा. उदयनराजेंच्या पाठपुराव्यामुळे रस्ते विकासासाठी २० कोटी

सातारा : केंद्राच्या सेन्ट्रल रोड फंड (सीआरएफ) मधून सातारा शहरातील वाढे फाटा ते पोवई नाका या रस्त्याच्या कामासाठी आणि कराड पाटण तालुक्यातील डिचोली-नवजा, हेळवाक, मोरगिरी, गारवडे साजुर-तांबवे-विंग-वाठार-रेठरे-शेणोली स्टेशन अखेरच्या टप्यातील कामांसाठी ४ कोटी ९१ लाख असा एकूण सुमारे २० कोटींचा निधी खा. श्री. छ. उदयनराजे भोसले यांच्या प्रयत्नातून व पाठपुराव्यामुळे मंजूर झाला असल्याची माहिती जलमंदिर पॅलेस येथून प्रसिध्दीस दिलेल्या पत्रकाव्दारे देण्यात आली आहे. खा. उदयनराजे भोसले सातारा जिल्हयाच्या सर्वांगिण विकासाकरता जास्तीत जास्त निधी शासनाकडून प्राप्त करुन घेण्यासाठी सातत्याने प्रयत्न करत असतात. कराड-पाटण तालुक्यातील डिचोली ते शेणोली रेल्वे स्टेशन या राज्य महामार्ग तसेच वाढे फाटा ते पोवईनाका या सातारा शहरातील रस्त्याची दर्जोन्नती आणि सुधारण करण्याचे खा. उदयनराजे यांनी प्रास्तावित केले होते. त्यानुसार केंद्रीय मंत्री ना. नितिन गडकरी यांच्या अखत्यारित येणाऱ्या सेन्ट्रल रोड फंडमधून या दोन्ही कामांसाठी एकूण सुमारे २० कोटी इतका निधी केंद्र सरकारच्या माध्यमातून मंजूर करण्यात आला आहे.

पोर्टेबल ऑक्सीजन मशीन जमा करण्याचे मुख्याधिकारी रमाकांत डाके यांचे आवाहन

कराड : गतवर्षी कोरोना प्रादुर्भावाच्या काळामध्ये कराडचे मुख्याधिकारी रमाकांत डाके यांनी रुग्णांना ऑक्सिजन मिळावा. यासाठी पोर्टेबल ऑक्सीजन मशीन देण्याबाबत आवाहन केले होते. याला समाजातून उत्स्फूर्त प्रतिसाद मिळाला आणि कराड नगरपालिकेकडे पोर्टेबल ऑक्सीजन मशीन जमा झाले आहेत. दरम्यानच्या काळामध्ये कराडमधील सामाजिक कार्यकर्ते व संस्थांनी कोविड झालेल्या रुग्णांसाठी पोर्टेबल ऑक्सीजन मशीन उपचारासाठी नेल्या आहेत. त्या अदयापपर्यंत नगरपालिकेकडे जमा केलेल्या नाहीत. त्यांनील त्वरित नगरपालिकेकडे सदरच्या पोर्टेबल ऑक्सीजन मशीन जमा कराव्यात, असे आवाहन मुख्याधिकारी रमाकांत डाके यांनी केले आहे. कराड शहरातील ज्या नागरिकांनी विनाकारण नगरपालिकेच्या पोर्टेबल ऑक्सिजन मशीन गेल्या चार महिन्यापासून स्वत: जवळ ठेवल्या आहेत. त्यांना विनंती आहे की, तात्काळ मशीन नगरपालिका कार्यालयात जमा कराव्यात, असे सांगून मुख्याधिकारी रमाकांत डाके म्हणाले, कराड शहरातील कोविड हॉस्पिटलमध्ये ऑक्सिजनचा तुटवडा झाला तर या मशीनचा रुग्णांचा जीव वाचवायला मदत होणार आहे. त्यामुळे तात्काळ मशीन आणून दयाव्यात. मशीन स्वत: जवळ अधिक काळ ठेवणाऱ्यांची नावे नाइलाजास्तव प्रसिध्द करण्यात येतील कायदेशीर कारवाई करण्यात येईल, असेही रमाकांत डाके यांनी सांगितले. राज्यात पहिल्यांदाच कराडचे मुख्याधिकारी रमाकांत डाके यांनी पोर्टेबल ऑक्सिजन मशीन उपलब्ध केल्या होत्या. ही चळवळ पश्र्चिम महाराष्‍ट्रात चांगलीच राबवली गेली. ज्या रुग्णांना तात्काळ ऑक्सिजनची गरज आहे. त्यांना घरी अथवा हॉस्पिटलमध्ये पोर्टेबल ऑक्सीजन मशीनाव्दारे तात्काळ उपचार करण्यात येत होते. यामुळे अनेकांचे जीव वाचले आहेत. कोवाड बाधित रुग्णाला वेळीच ऑक्सिजन देण्याची ही सोपी सुविधा मिळाल्यामुळे आजही या मशीनचा उपयोग रुग्णांसाठी करण्याच्या दृष्टीने नगरपालिका प्रशासनाने पावले उचचली आहेत. दरम्यान नगरपालिकेकडे एकूण अकरा पोर्टेबल मशीन असून कराड शहरात सामाजिक संस्था व व्यक्तींच्याकडे सुमारे शंभर ऑक्सीजन मशीन उपलब्ध आहेत. यापैकी काही मशीन्स उपलब्ध आहेत. यापैकी काही मशीन्स सातारा जिल्हा विविध ठिकाणी रुग्णांच्या मदतीसाठी दिल्या आहेत. ते काम झाल्यानंतर सदरच्या मशीन कराडमध्ये आणल्या जातील.

माणसं तडफडताना बघ्याची भूमिका कशी घेऊ : आमदार महेश शिंदे

पुसेगाव : आपल्या घरातील माणसं माशासारखी तडफडताना दिसत असल्यावर आपण अशावेळी बघ्याची भूमिका कशी घेऊ शकतो? यावेळी शासन यंत्रणेला हाताशी घेऊन प्रसंगी स्वत:ला झळ सोसून आपण नागरिकांना ही सेवा उपलब्ध करून देणारच आहे, असे भावनिक आवाहन आमदार महेश शिंदे यांनी केले. खटाव-कोरेगावचे आमदार महेश शिंदे यांनी त्यांच्या भगिनी डॉ. अरुणा बर्गे यांच्यासह गतवर्षी कोरोना काळात मतदारसंघात कोरोना बाधितांच्यासाठी स्वखर्चाने कोविड सेंटर चालवल्याने अनेकांचे प्राण वाचले. योग्य उपचार मिळाले. याहीवर्षी पुन्हा एकदा कोरोना रुग्णांसाठी मैदानात उतरलेल्या आमदार महेश शिंदे यांची दुसरी उनिंग चालू झाली आहे. जिल्ह्यातील कोरोनाबाधितांची संख्या मोठ्या प्रमाणात वाढू लागल्याचे दिसताच आमदार शिंदे यांनी यावेळी प्रशासकीय यंत्रणेला जोडीला घेऊन कोरेगाव येथील जिल्हा उपरुग्णालयाच्या नवीन इमारतीमध्ये नव्याने कोविड सेंटर सुरु केले आहे. गतवर्षी उभारलेल्या काडसिध्देश्र्वर कोविड सेंटरमध्ये १४०० रुग्ण ठणठणीत बरे होऊन घरी गेले, तर १४ हजार रुग्णांवर आ. शिंदे व डॉ. अरुणा बर्गे यांच्या सहकार्याने अधिक उपचार झाले, तेही स्वखर्चाने. आपल्या माणसांसाठी पन्नास लाखांवर खर्च करणारे आ. शिंदे व अविरत सेवा करणाऱ्या त्यांच्या भगिनी डॉ. अरुणा यांचे उपकार जनता कधीही विसरू शकत नाही.?

श्रीमंत संजीवराजे यांनी ऑक्सिजन प्लॅट रुग्णालयात केला स्थलांतरित

फलटण : श्रीमंत संजीवराजे नाईक निंबाळकर यांनी तरडगाव, ता. फलटण येथील मॅग्रेशिया कंपनीतील ३०टक्के उत्पादन कमी करून तेथील ऑक्सिजन निर्मिती प्लॅट महाराजा मालोजीराव रौप्यमहोत्सवी रुग्णालय संचलित लाईफ लाइन हॉस्पिटल, फलटण येथे स्थलांतरीत करुन ताशी २ जम्बो ऑक्सिजन सिलेंडर निर्मितीची सुविधा उपलब्ध करुन दिल्याने समाधान व्यक्त होत आहे. स्वत:च्या कंपनीतील सुमारे ३० टक्के उत्पादन थांबवून तेथील ऑक्सीजन प्लॅट खाजगी रुग्णालयात स्थंलातरीत करुण काही प्रमाणात फलटणमधील कोरोणाबाधितांची ऑक्सीजनची गरज संजीवराजे नाईक निंबाळकर यांना दयावे तेवढे धन्यवाद कमीच पडतील, अशी भावना रुग्ण व त्यांच्या नातेवाइकांमधून व्यक्त होत आहे. कोरोणाच्या वाढत्या पार्श्वभूमीवर शहरातील शासकीय व खाजगी रुग्णालयातील बेडस, अन्य सुविधा कमी पडत असताना गेल्या २-४ दिवसांपासून ऑक्सिजन, रेमडेसिवीर इंजेक्शनच्या तुटवड्यावर संपूर्ण राज्यभर सुरू असलेले प्रयत्न, त्यातून उपलब्ध झालेले इंजेक्शन्स व ऑक्सिजन पुरेसा नसला देणारा ठरत असल्याने काही प्रमाणात समाधान व्यक्त होत असताना वाढतो रुग्ण संख्या धोकादायक परिस्थिती निर्माण करत असल्याने सर्वत्र चिंतेचे वातावरण निर्माण झाले आहे. येथील महाराजा मालोजीराव रौप्यमहोत्सवी रुग्णालय संचालित लाइफ लाइन लाइन हॉस्पिटलमधील वाढती कोरोना रुगणांची संख्या, त्यासाठी आवश्यक वैद्यकीय साधने, सुविधा विशेषत: ऑक्सिजनव व इंजेक्शन पुरवठ्यासाठी हॉस्पिटल प्रशासन अक्षरश: मेटाकुटीला आले आहे. ऑक्सिजन कोठूनही उपलब्ध होत नसल्याने शासन हतबल झाले आहे. दरम्यान लोणंद येथील औद्योगिक वसाहतीमधील सध्या बंद असलेल्या सोना अलाईज कंपनीमधील ऑक्सिजनव उत्पादन प्लॅट सुरू करण्याच्या दृष्टीने आपण कंपनी व्यवस्थापन आणि जिल्हाधिकारी, सातारा यांची बोलणी करून दिली आहेत. प्रशासन व कंपनी यांच्यामधील चर्चा यशस्वी झाली तर तेथून दररोज २१ टन ऑक्सिजन उपलब्ध होईल, अशी अपेक्षा व्यक्त करत त्यासाठी आपण प्रयत्नशील असल्याचे विधानपरिषदेचे सभापती श्रीमंत रामराज नाईक निंबाळकर यांनी निदर्शनास आणून दिले आहे.

सहलीसाठी आलेल्या मुंबईच्या पर्यटकांवर पालिकेची कारवाई

महाबळेश्वर : कोरोनाचा कहर वाढत असल्याने राज्य सरकारने जिल्हाबंदी लागू केली आहे. हा जिल्हाबंदीचा आदेश झुगारून महाबळेश्वर येथे सहलीवर येणे पर्यटकांना चांगलेच महागात पडले आहे. पालिकेच्या विशेष पथकांना पर्यटक व त्यांना आसरा देणाऱ्या हॉटेलवर दंडात्मक कारवाई करून ५५ हजार रुपयांचा दंड वसूल केला आहे. मुंबईतील काही पर्यटक महाबळेश्वर येथे सहलीसाठी आले होते. त्यांनी महाबळेश्वरमधील लि मेरिडीयनमधील रूम ऑनलाईन बुक करून ते महाबळेश्वरमध्ये आले होते. शुक्रवारी सायंकाळी ते चेक नाक्यावर आले असता हॉटेल बुकिंग असल्याचे सांगून शहरात प्रवेश केला. ही खबर मुख्याधिकारी पल्लवी पाटील यांना मिळाली. त्यानुसार विशेष पथकाला त्यांनी कारवाईच्या सूचना केल्या. या पथकाने या पर्यटकांच्या गाडयांचा शोध घेतला असता एक गाडी छत्रपती शिवाजी चौकात तर दुसऱ्या दोन गाडया हॉटेलच्या प्रवेशव्दारावर मिळून आल्या. यामध्ये जिल्हा बंदी उल्लंघन केल्याप्रकरणी प्रत्येक वाहनास १० हजार तर पर्यटकांना हॉटेलमध्ये प्रवेश दिल्याबद्दल २५ हजार असा तब्बल ५५ हजार रुपयांचा दंड वसूल केला आहे.

रहिमतपुरात उभारलेल्या कक्षाची सुविधा कौतुकास्पद : प्रांताधिकारी सौ. ज्योती पाटील

कोरेगाव : रहिमतपूर शहरातही कोरोनाचा प्रादुर्भाव वाढत आहेत. कोरोनाचा संसर्ग आटोक्यात आणण्यासाठी नगरपालिका व आजी-माजी लोकप्रतिनिधींनी उभारलेलया विलगीकरण कक्षाची सुविधा कौतुकास्पद असल्याचे प्रतिपादन प्रांताधिकारी सौ. ज्योती पाटील यांनी केले. रहिमतपूर पालिकेच्या कोरोना आढावा बैठकीत बोलत होते. यावेळी नगराध्यक्ष आनंदा कोरे, जिल्हा बँक उपाध्यक्ष सुनील माने, नगरसेवक निलेश माने, तहसिलदार अमोल कदम, बीडीओ क्रांती बोराटे, मुख्याधिकारी सौ. संजीवन दळवी, तालुका वैदयकीय अधिकारी डॉ. राजेंद्र जाधव, डॉ. रावीना काकडे, सपोनि गणेश कड उपस्थित होते. सौ. पाटील म्हणाल्या, रहिमतपूर प्राथमिक आरोग्य केंद्रांतर्गत येणाऱ्या गावांमध्ये बाधित वाढत आहे. त्यासाठी आरोग्य विभागाने टेस्टिंगची सुविधा सुट्टीच्या दिवशीही सुरू ठेवली पाहिजे. उपलब्ध लस साठयाप्रामणे शासनाच्या निकषाप्रमाणेच कोवीड लसीकरण सुरु आहे. या लसीकरणा दरम्यान होणारी गर्दी टाळण्यासाठी स्वतंत्र रांग लावण्याची दखल संबंधित वैदयकीय अधिकारी व कर्मचाऱ्यांनी घेणे गरजेचे आहे. सुनील माने व नीलेश माने लस व सुविधाबाबत उपस्थित केलेले मुद्दे प्रशासकीय निकषात बसत नाहीत. मात्र शासन स्तरावर या विलगीकरण कक्षाला लागणारी सहकार्य निश्चित केले जाईल. या विलगीकरण कक्षात रुग्णांची नियमित तपासणी व लसीकरण करण्याची नगरपालिका स्तरावर मान्यता मिळावी, अशी मागणी केली. यावेळी नगरसेवक विदयाधर बाजारे, शिवराज माने, शशिकांत भोसले, रमेश माने, अनिल गायकवाड, मंडलाधिकारी विनोद सावंत, तलाठी प्रशांत सदावर्ते उपस्थित होते.

जिल्ह्यात तालुका निहाय व्हेंटिलेटर कक्ष उभारावेत : सुरेंद्र गुदगे

मायणी : जिल्ह्यात कोरोना रुग्णांच्या संख्येत मोठया प्रमाणात वाढ होत आहे. अत्यवस्थ रुग्णांना आवश्यक असणारे व्हेंटिलेटरची सुविधा जिल्ह्यात तालुकानिहाय सुरू करून जिल्हा व उपजिल्हा रुग्णालयवरील ताण कमी करावा. यासाठी शासनाने जिल्हा नियोजन मंडळास उपलब्ध करून दिलेल्या निधीतून हे कक्ष उभारावेत व ते चालवण्यासाठी सिव्हिलच्या धर्तीवर खाजगी एमडी फिजिशियन यांची मदत घ्यावी, अशी मागणी जिल्हा परिषद सदस्य सुरेंद्र गुदगे यांनी केली. गुदगे म्हणाले, सध्या कोरोना रुग्ण संख्येत जिल्ह्यात प्रचंड वाढ होत आहे. ऑक्सिजन बेड तसेच व्हेंटिलेटरची कमतरताही भासत आहे. व्हेंटिलेटर कक्ष जिल्हा व उपजिल्हा रुग्णालयातच असल्याने तेथील यंत्रणेवर ताण येत आहे. व्हेंटिलेटर कक्ष चालवण्यासाठी एमडी फिजिशियन यांची आवश्यकता असते. वैदयकीय विभागाकडे अशा डॉक्टरांची संख्या कमी असल्याने जिल्हा रुग्णालयात असे व्हेंटिलेटर कक्ष खाजगी एमडी फिजिशियन व्हिजिटिंग अवर्स या तत्वावर चालवतात. याच धर्तीवर तालुकास्तरावर व्हेंटिलेटर कक्ष उभे करुन त्या-त्या तालुक्यातील खाजगी एमडी फिजिशियनच्या मदतीने कक्ष चालवावेत. कोविडरुग्णांच्या खर्चासाठी सरकारच्या सुचनेनुसार, जिल्हा नियोजन मंडळातून ११२ कोटी खर्चास मंजुरी दिली आहे. प्रत्यक्षात ३७.५ कोटी उपलब्ध झाले आहेत. तसेच जिल्हा परिषदेकडे तीन कोटीचा निधी शिल्लक आहे. या निधीतून तालुकानिहाय किमान दहा बेडचे व्हेंटिलेटर कक्ष तातडीने ऊभे करून रुग्णांना दिलासा दयावा, असे हे ते म्हणाले.

कोरोना दक्षता कमिटीने मरगळ झटकून काम करावे : प्रांताधिकारी सौ. ज्योती पाटील

कोरेगाव : ग्रामीण भागात कोरोनाचे रुग्ण संख्या वाढू लागल्याने कोरोना दक्षता कमिटीने मरगळ झटकून कामाला लागावे. कोरोना रुग्ण वाढू नयेत, यासाठी निकट सहवासीतांचे ट्रेसिंग करणे, गृहविलगीकरण करणे व शासनाच्या नियमांचे पालन करावे, असे आवाहन प्रांताधिकारी सौ. ज्योती पाटील यांनी केले. वाठार किरोली येथे आढावा बैठकीत त्या बोलत होत्या. यावेळी तहसीलदार अमोल कदम, बीडीआहे क्रांती बोराटे, तालुका वैद्यकीय अधिकारी डॉ. राजेंद्र जाधव, डॉ. असिफ जमादार, डॉ. अनिरुध्द माने, सरपंच, उपसरपंच, ग्रामविकास अधिकारी यांच्यासह ग्रामपंचायत सदस्य उपस्थित होते. यावेळी प्रांताधिकारी सौ. पाटील म्हणाल्या, ग्रामीण भागात दुसऱ्या कोरोना लाटेत रुग्ण संख्या वाढत आहे. कोरोनाबाधित रुग्णांचा उपचारादम्यान मयत होत आहेत. बाधित क्षेत्रात मिनी कंटेन्मेंट झोन बनवावेत. आशाताई, मदतनीस यांनी नवीन रुग्ण ट्रेसिंग करावेत. ज्यांना गृहविलगीकरणाची सोय आहे. त्यांना घरीच क्वारांटाईन करून औषधोपचार करावेत, ज्यांना सोय नाही त्यांना विलगीकरण कक्षात ठेवावे. जे नियमांचे उल्लंघयन करतील अंशावर दंडात्मक कारीवाई करावी, असे सांगितले.

कराड पालिकेकडून मोफत मानसशास्त्रीय समुपदेशन

कराड : कराड नगरपरिषदेकडून मानस शास्त्रीय समुपदेशन मोफत सेवा सुरू करण्यात आली आहे, अशी माहिती मुख्याधिकारी रमाकांत डाके यांनी दिली. कोरोनाच्या परिस्थितीमुळे मानसाची मानसिकता पुरती बदलून गेली आहे. या बदलत्या मानसिकतेत माणसाला सावरणे अत्यंत गरजेचे असल्याने कराड नगरपालिकेने हे पाऊल उचलले असून असे पाऊल उचलणारी ही पहिलीच नगरपालिका असेल. कोरोनाच्या भीतीमुळे समाजामध्ये अनावश्यक भीती, दडपण, ताण-तणाव, काळजी, चिंता आदी समस्या अनेक नागरिकांना भेडसावत आहेत. त्यामुळे यातून त्यांना बाहेर काढण्यासाठी सकारात्मक समुपदेशनाची गरज निर्माण झालेली आहे. कराड नगरपरिषदेने याचे गांभीर्य लक्षात घेऊन समाजामध्ये अशा समस्याग्रस्त लोकांसाठी नगरपरिषदेमध्ये काम करणाऱ्या अनुभवी तसेच कृष्णामाई महिला समुपदेशन केंद्रातील समुपदेशकांच्या मार्फत नगरपरिषद क्षेत्रातील लोकांसाठी हा सुत्य व महत्वपूर्ण उपक्रम राबविण्याचे ठरविले आहे. कोरोना सारख्या महामारीच्या कालावधीत समुपदेशनाची गरज ओळखून फोनव्दारे मानसशास्त्रीय समुपदेशन कराड नगरपरिषद व कृष्णामाई महिला समुपदेशन केंद्राच्या संयुक्त विदयमाने मोफत राबविण्यात येणार आहे. यासाठी केंद्राच्या अनुभवी समुपदेशक सौ. दीपाली दिवटे, प्रमोद जगदाळे, गीतांजली यादव, अजंना कुंभार, गणेश जाधव यांच्याशी संपर्क साधावा. कराड नगरपरिषद क्षेत्रातील कोरोनाग्रस्त रुग्ण, त्यांचे नातेवाईक तसेच मानसिक ताण-ताणव, चिंता, काळजी, भीतीसारख्या मानसिक समस्या जाणवणाऱ्या नागरिकांनी दररोज सकाळी ११ ते सायं. ५ या वेळेत फोन करून विनामूल्य समुपदेशन सेवेचा लाभ घ्यावा, असे आवाहन डाके यांनी केले आहे.

वर्धन अँग्रोने जपली सामाजिक बांधिलकी

दहिवडी : खटाव तालुक्यातील घाटमाथा येथील वर्धन अँग्रो कारखान्याच्या वतीने कोरोना काळात लोकांच्या सेवेसाठी न थकता न थांबता अहोरात्र सेवा बजावणाऱ्या औंध आणि रहिमतपूर ठाण्यातील पोलिसांना कारखान्याचे चेअरमन धैर्यशील(दादा) कदम यांच्या मार्गदर्शनाखाली, कारखान्याचे कार्यकारी संचालक विक्रमशिल(बाबा) कदम यांच्या हस्ते मास्क व सॅनिटायझरचे वाटप करण्यात आले. तसेच कारखान्या कडून काहीही मदत लागल्यास तात्काळ मदत देण्याचे आश्वासन दिले. यावेळी औंध पोलिस ठाण्याचे सहाय्यक पोलीस निरीक्षक उत्तम भापकर ,रहिमतपूर पोलिस ठाण्याचे सहाय्यक पोलीस निरीक्षक गणेश कड ,शेती अधिकारी वैभव नलवडे, लेबर ऑफिसर रणजित चव्हाण, परचेस ऑफिसर अश्विन कदम, योगेश कदम व पोलीस स्टाफ आदींची उपस्थिती होती.

रणजितसिंह देशमुखांनी केलं निमसोड येथे आयसोलेशन सेंटर सुरू

वडूज सर्वत्र सुरू असलेल्या कोरोना च्या दुसऱ्या लाटेत खटाव तालुक्यातील जनजीवन विस्कळीत झाले असून आरोग्य यंत्रणेवर कमालीचा ताण आला आहे, अशातच तालुक्यातील काही दूरदृष्टी असणाऱ्या गावांनी योग्य निर्णय घेण्यात चतुराई दाखवली आहे अनेक गावे आता लॉकडाऊन, कोविड सेंटर आयसोलेशन सेंटर गावातच उभारून गावातील कोरोना बाधितांना उपचार मिळवण्यासाठी प्रयत्नशील आहेत. यामध्ये तालुक्यातील नेते मंडळी ही हळूहळू गावात लक्ष देऊ लागली आहेत, मात्र हरणाई उद्योग समूहाचे संस्थापक, राष्ट्रीय काँग्रेसचे नेते रणजितसिंह देशमुख याला अपवाद आहेत, कारण देशमुख हे गेल्या वर्षी कोरोनाची पहिली लाट आल्या पासून जनतेला कोणत्या ना कोणत्या प्रकारे मदत करत आहेत, अनेक ठिकाणी जावून रुग्णांची विचारपूस, लागणारी मदत त्वरित देत आहेत. निमसोड ता खटाव येथे निमसोड ग्रामपंचायत व हरणाई उद्योग समूह यांच्या वतीने एक आयसोलेशन सेंटर सुरू करण्यात आले असून या मध्ये २० बेडसह काही ऑक्सिजन बेड ही उपलब्ध करुन देण्यात येत आहेत. निमसोड येथिल जिल्हा परिषदेच्या प्राथमिक शाळेत रणजितसिंह देशमुखांनी आयसोलेशन सेंटर सुरू केले आहे. या बद्दल त्यांचे सर्वत्र अभिनंदन होत आहे.

ऊदमांजराची शिकार करणाऱ्या दहा जणांवर गुन्हा

कराड : शिकारी कुत्र्यांच्या साहाय्याने ऊदमांजराची शिकार केल्याप्रकरणी वन विभागाने बबन बापू देशमुख (वय ४०), गणेश किसन पवार (२०), बाळू काळू जाधव (४५), पोपट आप्पा देशमुख (४०), राहुल शिवाजी पवार (२३), सुनील राजाराम देशमुख (२३), अजय राजाराम देशमुख (३८), रघुनाथ आण्णा देशमुख (३७), राजाराम बापू देशमुख (४५, सर्व रा. ओंड, ता. कराड) यांच्यावर गुन्हा दाखल केला आहे. विंग, ता. कराड येथे रविवारी दुपारी ही कारवाई करण्यात आली. याबाबत माहिती अशी, विंग येथील एका उसाच्या शेतात काही जण शिकारी कुत्र्यांच्या साहाय्याने शिकार करत असल्याची माहिती मिळाल्यावर, वनक्षेत्रपाल विलास काळे, मानद वन्यजीवरक्षक रोहन भाटे, वनपाल सवाखंडे, वनरक्षक रमेश जाधवर, अरुण साळुंखे, सुनीता जाधव व कर्मचारी तेथे गेले. त्यावेळी दहा जण सात कुत्र्यांच्या साहाय्याने शिकार करताना दिसले. अधिकारी व कर्मचाऱ्यांनी संशयितांना ताब्यात घेऊन त्यांच्याकडील गोणी तपासली असता त्यात दोन ऊदमांजरे मृतावस्थेत सापडली.

कराड पालिकेची आता दोनच लसीकरण केंद्रे

कराड : लस येण्याच्या मर्यादा, त्या आल्यानंतर लसीकरणास होणारी गर्दी व डॉक्टरांची कमी उपलब्धता लक्षात घेऊन पालिकेने शहरातील पाच लसीकरण केंद्रे गुरुवारी बंद केली. त्याऐवजी केवळ दोन मध्यवर्ती लसीकरण केंद्रे सुरू ठेवली आहेत. नागरी आरोग्य केंद्र व टाऊनहॉल अशी मध्यवर्ती लसीकरण केंद्रे सुरू राहणार आहेत. तेथे डॉक्टरांसह फिरते पथकही उपस्थित असणार आहे. त्यामुळे गर्दी, सोशल डिस्टन्सिंगसह लस घेतल्यानंतर होणाऱ्या त्रासावर त्वरित उपचार करणे शक्य होणार आहे. पालिका शाळा क्र. ३ मध्ये बुधवारी लस दिल्यानंतर महिलेस चक्कर आली. ती स्थिती अन्य केंद्रात निर्माण झाल्यास आणि डॉक्टर उपलब्ध नसतील तर संबंधिताच्या जीवीताला धोका निर्माण होऊ शकतो, ही गोष्ट लक्षात घेऊन मुख्याधिकारी रमाकांत डाके यांनी शहरातील सर्वच पाच लसीकरण केंद्रे बंद केली. त्याऐवजी शहरात केवळ दोनच लसीकरण केंद्रे पालिका चालवेल, असे जाहीर केले आहे. नागरी आरोग्य सुविधा केंद्रात व टाऊनहॉलमध्ये ती केंद्रे असणार आहेत. त्याशिवाय येथील उपजिल्हा रुग्णालयातही लसीकरण चालू असणार

कराडात साकारतोय ग्रीन झोन; माझी वसुंधरा अभियानांतर्गत पालिकेचा उपक्रम

कराड : माझी वसुंधरा अभियानांतर्गत येथील शाही कब्रस्तान परिसरात ग्रीन झोन साकारत आहे. पालिकेच्या माध्यमातून मियावाकी धरतीवर आधारित जवळपास दोन ते तीन एकर जागेत एक हजार वृक्षांची लागवड करण्यात आली आहे. हवेतील प्रदूषण कमी करण्यासाठी तसेच हरित कराड शहर करण्यासाठी ही संकल्पना राबविण्यात आल्याचे मुख्याधिकारी रमाकांत डाके यांनी सांगितले. वातावरणातील प्रदूषण कमी करण्यासाठी शासनाच्या माध्यमातून माझी वसुंधरा अभियान राबविण्यात येत आहे. त्यासाठी कराड शहरात विविध ठिकाणी पालिकेच्या माध्यमातून वृक्षारोपण केले आहे. याच संकल्पनेतून कराड नगरपालिका आणि शाही कब्रस्तान ईदगाह ट्रस्ट यांच्या सहकार्याने येथील कब्रस्तान परिसरात असणाऱ्या रिकाम्या दोन ते तीन एकर जागेत ग्रीन झोन ही संकल्पना राबविण्यात आली आहे. यामध्ये कब्रस्तान परिसरात जेसीबीच्या सहाय्याने चरी काढून त्यामध्ये काळी, लाल व गाळाची माती भरण्यात आली आहे. मियावाकी संकल्पनेनुसार दोन्ही झाडांमध्ये कमीत कमी दोन ते अडीच फुटांचे अंतर ठेवून वृक्ष लागवड करण्यात आली आहे. या परिसरात जवळपास एक हजार झाडांची लागवड करण्यात आली असून त्यामध्ये चिंच, करंज, वड, पिंपळ, बेल, फणस, लिंब अशा प्रकारच्या देशी झाडांचा समावेश आहे. येथील वातावरणाला या प्रकारची झाडे अनुकूल असल्याने याची निवड करण्यात आली आहे. झाडांना पाण्यासाठी या ठिकाणी एक कुपनलिका असून त्यातील पाणी मोटरच्या सहाय्याने उपसून एका टाकीत सोडले आहे. त्यानंतर सायकल सायफन पध्दतीने हे पाणी सर्व झाडांना समप्रमाणात सोडले जाते. या ठिकाणी लावण्यात आलेली झाडे ही तीन वर्षे वयोमर्यादेची असून दीड महिन्यापूर्वी नर्सरीतून आणून या ठिकाणी त्यांचे रोपण केले आहे.या झाडांचे संगोपन करण्यासाठी कोणत्याही रासायनिक गोष्टीचा वापर करण्यात आलेला नाही. फक्त गांडूळ खत झाडांच्या मुळाशी घालण्यात आले आहे. पशुपक्ष्यांसाठी राखीव या विचारातून याची निर्मिती करण्यात आली आहे. यासाठी फळझाडे कमी प्रमाणात लागवड करण्यात आली आहेत. मियावाकी संकल्पनेतून लावलेली ही झाडे इतरांपेक्षा दहा पट जास्त वेगाने वाढत असतात. त्यामुळे कमी वेळेत घनदाट जंगल होताना पहावयास मिळते, भविष्यात असे अनेक प्रकल्प कराड शहरात राबविले जाणार आहेत. या उपक्रमास नगराध्यक्षा रोहिणी शिंदे, उपनगराध्यक्ष जयवंत पाटील, पालिकेचे मुख्याधिकारी रमाकांत डाके, आरोग्य सभापती विजय वाटेगावकर, नगर अभियंता एन. एफ. पवार, पाणी पुरवठा आधिकरी ए. आर. पवार, एम. एन. नदाफ, पर्यावरणप्रेमी अजित शिंदे, चंद्रकांत जाधव तसेच कब्रस्तान ट्रस्टी मुश्ताफ बागवान, साबीरमिया मुल्ला, मस्जीद आंबेकरी यांचे सहकार्य लाभले आहे. ◆ पालिका करतेय संगोपन ◆ नगरपालिकेच्या माध्यमातून या ग्रीन झोनमधील संगोपन केले जात आहे. या ठिकाणी पालिकेने दोन कर्मचारी नियमित पुरविले असून त्यांच्या माध्यमातून चरी काढणे, माती टाकणे, वृक्ष लागवड करणे, पाणी सोडणे, गुरांपासून संरक्षण करणे अशी कामे केली जात आहेत. ◆ दहा हजार वृक्षांची लागवड करणार ◆ कराड शहरातील प्रदूषण कमी होवून शहर हरित व्हावा या हेतून माझी वसुंधरा अभियानांतर्गत पालिकेने हा उपक्रम राबविला आहे. या उपक्रमासाठी पालिकेसह सामाजिक संस्थांनी मदत केली आहे. येत्या काळात शहरात नव्याने दहा हजार वृक्षांची लागवड करून त्यांचे संगोपन केले जाणार आहे. - रमाकांत डाके, मुख्याधिकारी, कराड नगरपालिका

करोना काळात राजकारण करू नका : किरण जमदाडे

वडूज : करोनाचा संसर्ग वाढत असला तरी लोकांनी स्वत:ला शिस्त लावून घेतल्यास या संकटावर मात करणे अवघड नाही. ग्रामस्तरावर लोकांनी स्वत:हून पुढाकार घेतल्यास संसर्गाची चेन ब्रेक होण्यास मदत होईल, परंतू हे काम करत असताना कोणी गावचे राजकारण पुढे आणू नका, असे करणाऱ्याला पाप लागेल असे मत खटावचे तहसीलदार किरण जमदाडे यांनी व्यक्त केले ते कान्हरवाडी (ता. खटाव) येथे आयोजीत आढावा बैठकीस बोलत होते. यावेळी सहाय्यक पो. निरीक्षक मालोजीराव देशमुख, सरपचं सौ. कांता येलमर, प्रशांत जाधव, शैलेंद्र येलमर यांच्यासह सर्व विभागाचे प्रतिनिधी उपस्थित होते. यावेळी जमदाडे यांनी कान्हरवाडी गावातील आजवरच्या एकूण बाधितांची संख्या, लसीकरण, तपसण्या याबाबत माहिती घेतली. गावातील बा‍धितांच्या संपर्कातील लोकांच्या तपासण्या तातडीनेकरून घ्याव्यात, तसेच लसीकरणाबाबतही समाधानकारक आकडे नसल्याने त्याबाबत लोकांच्यात जनजागृती करून ग्राम दक्षता समिती, तलाठी, ग्रामसेवक, ग्रामपंचयात यांनी लसीकरणाचा आकडा वाढण्यासाठभ्‍ प्रयत्न करण्याच्या सुचना त्यांनी यावेळी केल्या. जमदाडे म्हणाले, कान्हरवाडी गाव लहान असले तरी बाधितांची संख्या जास्त असून त्यातील मृतांचा आकडा हे विचार करायला लावणारा असल्याने लोकांनी घाबरून न जाता स्वत:ची व कुटुंबांची काळजी घेणे गरजेचे आहे. बाधितांच्या संपर्कातील लोक तपासण्या करण्यास तयार होत नसतील तर त्याबाबत प्रशासनाला कळवा, आम्ही त्यासाठी खंबीर असून अशा लोकांच्यावर कारवाई केली जाईल असा इशारा तहसीलदारांनी दिला. यावेळी मालोजीराव देशमुख म्हणाले, लोकांनी काळजी घेणे गरजेचे असून विनाकारण बाहेर पडू नये. तुमच्यावर कारवाई करताना आम्हाला आनंद होत नाही, परंतू सर्वांच्या आरोग्यासाइी पोलीस कारवाई करत आहेत. यावेळी प्रशांत जाधव, शैलेंद्र वाघमारे यांनी मनोगत व्यक्त केले. यावेळी ग्रामपंचायत सदस्य, दीपाली येलमर, मोहन तुपे, अरूण चव्हाण, रविशास्त्री जाधव, माधुरी देवकर, चंद्राकंत येलमर, माजी सरपंच अमोल येलमर, व ग्रामस्थ उपस्थित होते.

कोरेगाव-खटाव मतदारसंघातील रस्त्यांसाठी पावणेपाच कोटी : आ. शशिकांत शिंदे; यापुढेही निधी आणण्यात कमी पडणार नसल्याची ग्वाही

सातारा : कोरेगाव-खटाव विधानसभा मतदारसंघातील रस्त्यांच्या कामांना प्राधान्य देत, गावागावांना जोडणाऱ्या रस्त्यांबरोबर अंतर्गत रस्त्यांची कामे मार्गी लावण्यात यश आले आहे. कोरेगाव विधानसभा मतदारसंघात मूलभूत सुविधांच्या कामासाठी निधी उपलब्ध करून देण्याबाबत मंत्री हसन मुश्रीफ यांच्याकडे पाठपुरावा करून कोरेगाव-खटाव-सातारा मतदारसंघातील विविध विकासकामांसाठी चार कोटी ९२ लाखांचा निधी मंजूर केल्याची माहिती राष्ट्रवादीचे नेते आ. शशिकांत शिंदे यांनी दिली. सातारा तालुक्यातील महागावात अंतर्गत रस्ता काँक्रिटीकरण, शिवथर येथे अंतर्गत रस्ता, वर्णे येथील अंतर्गत रस्ता, पाटखळमधील राम मंदिरासमोर सामाजिक सभागृह बांधकाम प्रत्येकी १५ लाख रुपये, खेड येथील देशमुखनगरात सामाजिक सभागृह, मालगाव येथे हनुमान मंदिरासमोर सामाजिक सभागृह, देगाव येथे दत्त मंदिरासमोर सामाजिक सभागृह, बसाप्पाचीवाडी, ता. सातारा येथे ग्रामपंचायत कार्यालय बांधकाम प्रत्येकी १२ लाख रुपये, गोवे ग्रामपंचायत कार्यालय, जाधववाडीतील तोरस्कर वस्ती रस्ता, अंगापूर तर्फ तारगाव येथील धारण वस्तीतील अंतर्गत रस्ता, सोनगाव सं. निंब येथील मुस्लिम समाज दफनभमीस संरक्षण भिंत, चिंचणेर सं. निंब येथील अंतर्गत रस्ता, वासोळे ग्रामपंचायत कार्यालयासमोर सामाजिक सभागृह बांधकाम, निगडी तर्फ सातारा येथील अंतर्गत रस्ता, फडतरवाडीतील अंतर्गत रस्ता, जैतापूर येथे अंतर्गत रस्ता प्रत्येकी दहा लाख रुपये, या कामांसाठी आ. शिंदे यांच्या प्रयत्नांमुळे निधी मंजूर झाला आहे. कोरेगाव तालुक्यातील कुमठे येथे धरनाथनगर येथील सामाजिक सभागृह बांधणे, वेटणे येथे हनुमान मंदिरासमोर सामाजिक सभागृह बांधणे प्रत्येकी १५ लाख, भक्तवडीत अंतर्गत रस्ता, होलेवाडीतील अंतर्गत रस्ता, सांगवीतील अंतर्गत रस्ता, खडखडवाडीतील अंतर्गत रस्ता, रुई येथील अंतर्गत रस्ता, बोधवाडी येथील अंतर्गत रस्ता, नागेवाडीत सामाजिक सभागृह बांधकाम, भांडारमाचीतील उमाजीनगर येथे खंडोबा मंदिरासमोर सामाजिक सभागृह बांधणे, दुधी येथील बाजारवाट रस्ता, बिचुकले येथे अंतर्गत रस्ता, भाकरवाडीतील अंतर्गत रस्ता, शेंदुरजणे येथील अंतर्गत रस्ता, खामकरवाडीतील अंतर्गत रस्ता, अरबवाडीतील अंतर्गत रस्ता, त्रिपुटी येथील अंतर्गत रस्ता,रामोशीवाडी अंतर्गत रस्ता, खटाव तालुक्यातील डिस्कळ येथील अंतर्गत रस्ता, खातगुण येथील अंतर्गत रस्ता, मोळ येथील अरुण वाघ यांच्या वस्तीकडे जाणारा रस्ता, धारपुडीतील अंतर्गत रस्ता, विसापूर येथील अंतर्गत रस्ता, रणसिंगवाडीतील अंतर्गत रस्ता, चिंचणीतील अंतर्गत रस्ता, वर्धनगड येथील अंतर्गत रस्ता, रेवलकरवाडीतील अंतर्गत रस्ता, मांजरवाडीत ग्रामपंचायत कार्यालय बांधणे प्रत्येकी दहा लाख रुपये, हासेवाडीतील मरिआई मंदिरासमोर सामाजिक सभागृह बांधणे सात लाख, भोसे येथील रस्ता पाच लाख, या कामांसाठीही निधी मिळाला आहे.

कोविडविरुध्दच्या लढयासाठी ५० लाखांची तरतूद

कोरेगाव : करोनाविरुध्दच्या लढयामध्ये ग्रामीण भागात ऑक्सिजन बेड्सचे कोविड सेंटर उभारण्यासाठी आ. शशिकांत शिंदे यांनी पावले उचलली आहेत. त्यासाठी त्यांनी आपल्या स्थानिक विकास निधीतून त्यासाठी ५० लाख रुपयांची तरतूद केली आहे. करोना प्रादुर्भाव वाढत असताना, तालुकानिहाय ऑक्सिजन बेडसची कोविड सेंटर्स सुरू झाली तर साताऱ्यातील आरोग्य यंत्रणेवरील ताण कमी होईल, अशी सूचना आमदार शशिकांत शिंदे यांनी केली होती. त्यासाठी त्यांनी पाठपुरावा केला होता. त्याचा भाग म्हणून कोरेगाव (चॅलेंज ॲकॅडमी), खटाव क्षेत्र माहुली, वडुथ, अंगापूर पुसेगाव, रायगाव (छाबडा कॉलेज), कुडाळ व बामणाली (ता. जावळी) आदी सेंटर्सवर ऑक्सिजन बेड्सचे नियोजन करण्यात आले आहे. त्यासाठी लागणारे ऑक्सिजन कॉन्सन्ट्रेटर, सिलिंडर्स व अन्य यंत्रसामग्रीची तरतूद केली आहे. कोरेगावातील चॅलेंज ॲकॅडमीत शंभर बेड्सच्या कोविड सेंटरमध्ये खाजगी वैदयकीय व्यावसायिकांची सेवा घेण्यात येणार आहे. हे सेंटर दोन दिवसांत सुरू होणार आहे. मतदारसंघात करोना हॉटस्पॉट झालेल्या गावांमध्ये औषधे वाटण्यात आली आहेत. अंगापूर येथील कोविड सेंटर लवकरच सुरू होणार आहे. करोना काळात कोठेही कमी पडणार नाही, अशी ग्वाही आ. शिंदे यांनी दिली आहे. दरम्यान, पुसेगाव येथील करोना केअर सेंटरमध्ये विजेचा प्रश्न असल्याने तेथे स्वखर्चातून मोठया क्षमतेचा जनरेटर तातडीने बसविणार असल्याचे त्यांनी सांगितले.

खटाव येथील करोना सेंटरला प्रदीप विधाते यांची भेट

खटाव : करोनाचा विळखा दिवसेंदिवस घट्ट होत असल्याने खटाव (ता. खटाव) येथे सुरू असलेल्या कोविड सेंटरला जिल्हा परिषद उपाध्यक्ष प्रदीप विधाते यांनी भेट दिली. या सेंटरमधील रुग्णांवर कशा प्रकारे उपचार केले जातात, रुग्णांची जेवणाची व्यवस्था कशी आहे, याची त्यांनी चौकशी केली. या सेंटरमध्ये रुग्णांना योग्य सेवा दयावी. काही अडचण असेल तर आरोग्य विभागास कळवावे, अशा सूचना त्यांनी दिल्या. रुग्णांना बेड, औषधे, इंजेक्शन व इतर सोयीसुविधांची चणचण भासू नये, म्हणून उपाययोजना करण्यात येत आहे. प्रत्येक करोना केअर सेंटरला भेट देऊन तेथील परिस्थितीची माहिती घेणार आहे. त्या संदर्भात आरोग्य विभागास सूचना देणार असल्याचे विधाते यांनी सांगितले. तालुका वैदयकीय अधिकारी डॉ. युनूस शेख, डॉ. पराग रणदिवे, विजयराव बोबडे, मुगटराव पवार, गणेश शेडगे, आकाश बोबडे व कर्मचारी उपस्थित होते.

दि. १ मे पासून १८ वर्षांवरील सर्वांनी कोरोना प्रतिबंधक लसीकरण करून घ्यावे

फलटण : फलटण - कोरेगाव विधानसभा मतदासंघातील १८ वर्ष पूर्ण झालेल्या सर्वांनी दि. १ मे २०२१ पासून नोंदणी करून लसीकरण करून घ्यावे, असे आवाहन आ. दीपक चव्हाण व सातारा जिल्हा परिषदेचे सदस्य श्रीमंत संजीवराजे नाईक निंबाळकर यांनी केले आहे. मुधोजी हायस्कूल, फलटण येथे उपजिल्हा रुग्णालयामार्फत कोरोना प्रतिबंधक लस देण्यात येत असून आज दि. २४ रोजी आ. दीपक चव्हाण, श्रीमंत संजीवराजे नाईक निंबाळकर, नगराध्यक्षा सौ. नीता नेवसे, राष्ट्रवादीचे शहराध्यक्ष मिलिंद नेवसे, श्रीरामचे संचालक महादेव माने व डॉ. पार्श्वनाथ राजवैदय यांनी दुसरा डोस घेतला. फलटण ? कोरेगाव विधानसभा मतदार संघामध्ये कोरोनाचा प्रसार मोठया प्रमाणात झाला आहे. त्या पार्श्वभमीवर दि. १ मे पासून १८ वर्षांवरील सर्वांना कोरोना प्रतिबंधक लस देण्यासा निर्णय शासनाने घेतला असल्याने कोरोना विरूध्दच्या लढयात यशस्वी होण्यासाठी जास्तीत जास्त लसीकरण करून घ्यावे, असे आवाहन आ. दीपक चव्हाण व श्रीमंत संजीवराजे यांनी केले आहे. यापूर्वी ६० वर्षावरील ज्येष्ठांना लस दिली जात होती. त्यांनतर दि. १ एप्रिलपासून ४५ वर्षावरील सर्वांना कोरोना लस देण्यास सुरुवात झाली. आता दि. १ मे पासून १८ वर्षावरील सर्वांना कोव्हिड १९ लस देण्याचा निर्णय सरकारने घेतला आहे. तरी फलटण-कोरेगाव विधानसभा मतदारसंघातील पात्र लाभार्थ्यांनी कोरोना प्रतिबंधक लस घ्यावी, असे आवाहन आ. दीपक चव्हाण यांनी केले आहे. कोरोना लसीकरणाची तिसरी मोहीम दि. १ मे पासून सुरू करण्यात येणार आहे. तिसऱ्या टप्प्यात कंपन्यांना लस खुल्या बाजारात विकण्यास परवानगी देण्यता आली आहे. मात्र, कंपन्यांनी एका महिन्यात निर्मिती केलेल्या लसीच्या ५० टक्के लस सेंट्रल ड्रग्ज लॅबोरेटरीला म्हणजे केंद्र सरकारला दयायच्या आहेत. उरलेल्या ५० टक्के लस राज्य सरकार आणि खुल्या मार्केटला देण्याचा निर्णय घेण्याचा आला आहे. लसीकरण हेच कोरोना विरुध्दच्या लढाईतील मोठे शस्त्र असल्याचे म्हटले जात असल्याने सर्वांनी प्राधान्याने लसीकरण करून घ्यावे, असे आवाहन श्रीमंत संजीवराजे यांनी केले आहे.

रणजितसिंह देशमुख उभारणार वडूज येथे कोविड सेंटर

वडूज : कोरोना संसर्गजन्य आजाराच्या वाढत्या पार्श्र्वभूमीवर खटाव तालुक्यातील सर्वसामान्य जनतेला दिलासा देण्यासाठी राष्ट्रीय काँग्रेसचे नेते रणजितसिंह देशमुख हरणाई सहाकारी सुतगिरणी व माणदेशी प्रबोधनकार सहकारी सूतगिरणीच्या माध्यमातून वडूज येथे सुसज्ज कोव्हिड सेंटर उभारणार आहेत. नुकतीच याबाबत त्यांची तहसिलदार किरण जमदाडे यांच्याशी चर्चा झाली. यावेळी संजय गांधी निराधार योजनेचे अध्यक्ष विजय शिंदे, माजी नगराध्यक्ष डॉ. महेश गुरव, अड. अजित घाडगे, परेश जाधव, धनंजय क्षीरसागर, आयाज मुल्ला, उपस्थित होते. यासंदर्भात माहिती देताना श्री. देशमुख यांनी सांगितले की, दिवसेंदिवस गावोगावी कोरोना संसर्ग वाढू लागला आहे. सकाळ पासून रात्री उशिरापर्यंत नागरिक व कार्यकर्त्यांकडून बेडची मागणी होत आहे. शासकीय आरोग्य व्यवस्थेला काही मर्यादा आहेत. तर खाजगी रूग्णालयात महागडे उपचार घेणे सर्वसामान्य लोकांच्या आवाक्यात नाही. त्यातूनही प्रयत्न करूनसुध्दा ऑक्सिजन बेड उपलब्ध होत नाहीत. अशा परिस्थितीत लोकांना काही अंशी दिलासा देण्यासाठी वडूजला मध्यवर्ती ठिकाणी सूतगिरणीच्या माध्यमातून कोव्हिड सेंटर सुरू करण्यात येणार आहे.

स्व. भाऊसाहेब गुदगे यांचे स्वप्न सत्यात उतरले : सुरेंद्र गुदगे

मायणी : तारळीचे पाणी अनफळेच्या शिवारात पोहचवण्याचे स्वप्न कै. भाऊसाहेब गुदगेंनी पाहिले होते. ते स्वप्न अनफळे (ता.खटाव) येथे पाणी दाखल झाल्याने सत्यात उतरल्याचे समाधान वाटत असल्याचे मत जिल्हा परिषद सदस्य सुरेंद्र गुदगे यांनी व्यक्त केले. अनफळेतील बंधाऱ्यात तारळीचे पाणी दाखल झाल्यानंतर पाणी पूजनावेळी ते बोलत होते. यावेळी दादासाहेब कचरे, पल्हाद यलमर, रघुनाथ यलमर, पांडुरंग यलमर, सुनिल यलमर, सुरेश वाडकर उपस्थित होते. गुदगे म्हणाले, स्व. भाऊसाहेब गुदगेंच्या दुरदृष्टीमुळे उरमोडी धरणाचे खटाव-माणसाठी प्रत्येकी तीन टीएमसी पाणी राखीव ठेवण्यात आले. विरोधकांच्या नकारात्मक टीकेला दुर्लक्षून अथक प्रयत्नानंतर उरमोडीची पाणी आणून दाखवले. अनफळेच्या शेतकऱ्यांनी तारळीच्या पाण्यासाठी आपणाकडे वारंवार तगादा लावला होता. यासाठी कार्यकारी अभियंता गायकवाड, उपकार्यकारी अभियंता परुळेकर यांचे सहकार्य लाभले. यावेळी सरपंच व ग्रामस्थांनी कृतज्ञता व्यक्त करीत गुदगेंचा सत्कार केला. यावेळी योगेश यलमर, सुभाष यलमर, भास्कर चौगुले, राजेंद्र यलमर, सावंता यलमर उपस्थित होते.

महाबळेश्वरमध्ये पालिकेची तपासणी पथके; नागरिकांची आरोग्य तपासणी, मुख्याधिकारी पल्लवी पाटील यांच्याकडून पाहणी

महाबळेश्र्वर : कोरोनाचे निदान लवकर व्हावे व शहरातील नागरीकांस कोरोनावर तातडीन उपचार मिळावेत, या उद्देशाने महाबळेश्वर पालिकेच्या वतीने तपासणी पथके स्थापन करण्यात आली आहेत. या पथकांच्या माध्यमातून शहरातील नागरीकांची आरोग्य तपासणी करण्यात येणार आहे, अशी माहिती मुख्याधिकारी पल्लवी पाटील यांनी दिली. कोरोनाची दुसरी लाट आल्याने शहरातील कोरोना रुग्णांची संख्या दिवसेंदिवस वाढू लागली आहे. याचा रुग्णालयांवर ताण पडत आहे. अनेक रूग्ण व त्यांच्या नातेवाईकांना रूग्णालयात बेड शोधण्यासाठी धावपळ करावी लागत आहे. अंगावर दुखणे काढणे व वेळीच तपासणी न करणे या कारणांमुळे रूग्णालयातील रुग्णांची संख्या वाढली आहे. रुग्णालयांतील रूग्ण संख्या कमी व्हावी यासाठी कोरोनाचे रूग्ण शोधून त्यांच्यावर तातडीने जर उपचार सुरू केले तर रूग्णांना उपचारासाठी रूग्णालयात जावे लागणार नाही. घरच्या घरी औषधोपचार घेवून रूग्ण कोरोना मुक्त होवू शकतो. म्हणून पालिकेने नागरीकांच्या आरोग्य तपासणीसाठी १३ पथकांची नियुक्ती केली आहे. आठ पथके आठ प्रभासाठी नेमण्यात आली आहेत तर पाच पथके शहरातील आयसोलेशनमधील कोरोना बाधित रूग्णांच्या आरोग्याची तपासणी करत आहेत. या पथकांमध्ये एस नर्स, एक शिक्षक व दोन पालिका कर्मचारी यांचा समावेश आहे. ही पथके नागरीकांचे तापमान व ऑक्सीजन याची तपासणी करत आहेत. त्यांना इतर कोणता आजार आहे का ? याची नोंद घेतली जात आहे. दरम्यान मुख्याधिकारी पाटील यांनी शहरात ही पथके कशी काम करत आहेत ? यासाठी शहरात फिरून पाहणी केली.

मार्जिन मनी योजनेचा लाभ घ्यावा : सहाय्यक समाजकल्याण आयुक्त नितीन उबाळे

सातारा : केंद्र शासनाच्या स्टॅण्ड अप इंडिया योजनेतंर्गत उद्योग करू इच्छिणाऱ्या अनुसूचित जाती व नवबौध्द घटकातील नव उद्योजकांना भराव्या लागणाऱ्या २५ टक्के हिश्शाच्या रकमेपैकी १५ टक्के स्वहिस्सा भरावा लागणार आहे. या योजनेचा संबंधितांनी लाभ घ्यावा, असे आवाहन सहाय्यक समाजकल्याण आयुक्त नितीन उबाळे यांनी केले आहे. भारतरत्न डॉ. बाबासाहेब आंबेडकर यांची १२५ वी जयंवी वर्ष साजरे करत असताना केंद्र शासनाने स्टॅण्डअप योजना घोषित केली आहे. या योजनेंतर्गत प्रकल्पाच्या २५ टक्के हिस्सा हा लाभार्थ्यास भरावा लागतो. त्यानंतर उर्वरित रक्कम बॅकेमार्फत लाभाथ्यास उद्योग उभारणीसाठी दिली जाते. मात्र, महाराष्ट्रातील अनुसूचित जाती व नवबौध्द घटकातील लाभार्थ्यांना २५ टक्के रक्कम भरण्याची आर्थिक क्षमता नसल्यामुळे सामाजिक न्याय विभागामार्फत २५ टक्कांपैकी १५ टक्के रक्कम मार्जिन मनी म्हणून देण्यात येणार आहे. या योजनेत नव उद्योजकांनी १० टक्के स्वहिस्ता भरणा केल्यानंतर तसेच बँकेने अर्जदारास ७५ टक्के कर्ज मंजूर केल्यानंतर उर्वरित १५ टक्के रक्कम सामाजिक न्याय विभागामार्फत देण्यात येणार आहे. राज्यात या योजनेंतर्गत ६ कोटी २३ लाख रूपये वितरीत करण्यात आले आहेत. सातारा जिल्ह्यात एकूण १२ अर्जांपैकी परिपूर्ण १० लाभार्थ्यांना याचा लाभ देण्यात आला आहे.

धान्य वितरणसाठी सर्वतोपरी प्रयत्न करणार : खा. उदयनराजे भोसले

सातारा : कोरोना आणि लॉकडाऊनमुळे सर्वसामान्य आर्थिक विवंचनेत आहेत. देशातील गोरगरिब जगला पाहिजे यासाठी प्रधानमंत्री गरीब कल्याण योजनेतून धान्य पुरवठा करण्याचा निर्णय घेण्यात आला आहे. या योजकनेतून जिल्ह्यासह महाराष्ट्रात मोफत अन्नधान्य पुरवठा पोहचवण्यासाठी प्रशासनाच्या बरोबरीने प्रसंगी एनजीओच्या सहकार्याने सर्वतोपरी प्रयत्न केले जोतील, असे प्रतिपादन खा. श्री. छ. उदयनराजे भोसले यांनी केले. कोरोनाकाळात गोरगरिबांची उपासमार होवू नये. यासाठी केंद्र सरकारने मे आणि जून या दोन महिन्यांसाठी धान्य पुरवठा करण्यासाठी २६ हजार कोटी रुपयांची तरतूद केली आहे. या योजनेचा देशातील ८० कोटींचा लाभ मिळणार आहे. कोरोनाकाळात महसूल व पोलिस यंत्रणेवर ताण आला आहे. या पार्श्वभूमीवर सातारा जिल्ह्यासह राज्यातील प्रत्येक गोरगरिबांपर्यंत धान्य वेळेत आणि सुलभरितीने वितरीत करण्याचे मोठे आव्हान प्रशासनापुढे आहे. मोफत धान्य वाटपाबाबत सातारा जिल्हा पुरवठा अधिकारी यांच्याशी चर्चा झाली आहे. प्रधानमंत्री गरीब कल्याण योजनेच्या केंद्राच्या मार्गदर्शक सूचना, तत्वे याचा विचार करुन, कृती आराखडा तयार करावा, तयार केला असल्यास तो जाहिर करावा, अशा सूचना त्यांना दिलल्या आहेत. याकामी लोकप्रतिनिधी म्हणून या वितरण व्यवस्थेची माहिती घेवून प्रसंगी सामाजिक संस्थांच्या सहकार्याने वितरण व्यवस्थेचे नियोजन करण्यासाठी प्रशासनास सर्वतोपरी सहकार्य करणार आहोत. प्रत्येक गरीबांपर्यंत धान्य कसे पोहोच केले जाईल, याबाबात सर्व स्तरावर कटाक्षाने लक्ष पुरवणार असल्याचेही खा. उद्यनराजे यांनी सांगितले आहे.

लॉकडाऊनमध्ये जीवनावश्यक वस्तूंचा पुरवठा; फिरोज पठाण यांची स्वखर्चातून सामाजिक बांधिलकी

सातारा : विलासपूर परिसरात गेल्या लॉकडाऊनपासून गरजूंना मदतीचा हात फिरोज पठाण यांनी दिला आहे. आता पुन्हा लॉकडाऊन झाल्याने उदरनिर्वाहाचा प्रश्र्न गंभीर झालेल्या विलासपूर परिसरातील तब्बल ८०० गरजू कुटूंबांना १५ दिवस पुरेल एवढा भाजीपाला, जीवनावश्यक वस्तूंचे किट त्यांनी कार्यकर्त्यांच्या माध्यमातून घरपोच केले. सामाजिक बांधिलकी जोपासत समाजसेवक अशी ओळख असलेल्या आ. शिवेंद्रराजे भोसले मित्र समूहाचे अध्यक्ष फिरोजभाई पठाण यांनी विलासपूर परिसरात स्वखर्चाने केलेल्या मदतीतूनव गरजू कुटूंबांना मोठा दिलासा मिळाला आहे. अनेकजण परिस्थितीला दाष देत प्रशासनाच्या विरोधात बोलण्याची स्टंटबाजी करण्यात माहिर आहेत. स्वत: काहीही न करता इतरांची मापे काढण्याची काहींना सवय जडलेली आहे. आ. शिवेंद्रराजे भोसल यांच्या प्रेरणेतून सतत जनसेवेत व्यस्त राहणाऱ्या फिरोज पठाण यांनी मात्र विलासपूर परिसरात एकही कुटूंब उपाशीपोटी राहणार नाही, याची गतवर्षीपासून दक्षता घेतली आहे आ. शिवेंद्रराजे भोसले यांच्या आदेशानुसार गुरुवारी, शुक्रवारी विलासपूर परिसरातील गरजूंना एकाचवेळी उदरनिर्वाहासाठी आवश्यक अन्नधान्य, भाजीपाला त्यांनी कार्यकर्त्यांच्या माध्यमातून घरपोहोच केला. विलासपूर, राधिकानगर, फॉरेस्ट कॉलनी, गणेशनगर, तलाठी कॉलनी, मोरेवस्ती, गिरीचिंतन कॉलनी, पंचशिलनगर, आदर्शनगर, झडपवस्ती, बापूजी साळुंखेनगर, संगम कॉलनी, इंदिरानगर, अजंठा चौकालगतच्या झोपडपट्टीतील गरजूंना मोठ्या प्रमाणावर एकाचवेळी घरपोहोच मदत दिली. यासाठी वनगरसेविका मनिषा काळोखे, जितेंद्र शिंगटे आप्पा पिसाळ, अभय जगताप, समिन पाटील, शशी बनवे अमित महिपाल, प्रकाश पाटील, महेश चव्हाण, निरंजवन कदम, सुहेल सय्यद, मिनिष सावंत, विनायक बनकर वनिता कन्हेरकर, अरविंद कांबळे, नवनाथ टकले, मालती साळुंखे, आसिफ फरास मुन्ना मिस्त्री, फिरोजशेठ मुल्ला हेमलता किरवे आदी कार्यकर्त्यांनी परिश्रम घेतले.

लॉकडाऊनमध्ये जीवनावश्यक वस्तूंचा पुरवठा; फिरोज पठाण यांची स्वखर्चातून सामाजिक बांधिलकी

सातारा : विलासपूर परिसरात गेल्या लॉकडाऊनपासून गरजूंना मदतीचा हात फिरोज पठाण यांनी दिला आहे. आता पुन्हा लॉकडाऊन झाल्याने उदरनिर्वाहाचा प्रश्र्न गंभीर झालेल्या विलासपूर परिसरातील तब्बल ८०० गरजू कुटूंबांना १५ दिवस पुरेल एवढा भाजीपाला, जीवनावश्यक वस्तूंचे किट त्यांनी कार्यकर्त्यांच्या माध्यमातून घरपोच केले. सामाजिक बांधिलकी जोपासत समाजसेवक अशी ओळख असलेल्या आ. शिवेंद्रराजे भोसले मित्र समूहाचे अध्यक्ष फिरोजभाई पठाण यांनी विलासपूर परिसरात स्वखर्चाने केलेल्या मदतीतूनव गरजू कुटूंबांना मोठा दिलासा मिळाला आहे. अनेकजण परिस्थितीला दाष देत प्रशासनाच्या विरोधात बोलण्याची स्टंटबाजी करण्यात माहिर आहेत. स्वत: काहीही न करता इतरांची मापे काढण्याची काहींना सवय जडलेली आहे. आ. शिवेंद्रराजे भोसल यांच्या प्रेरणेतून सतत जनसेवेत व्यस्त राहणाऱ्या फिरोज पठाण यांनी मात्र विलासपूर परिसरात एकही कुटूंब उपाशीपोटी राहणार नाही, याची गतवर्षीपासून दक्षता घेतली आहे आ. शिवेंद्रराजे भोसले यांच्या आदेशानुसार गुरुवारी, शुक्रवारी विलासपूर परिसरातील गरजूंना एकाचवेळी उदरनिर्वाहासाठी आवश्यक अन्नधान्य, भाजीपाला त्यांनी कार्यकर्त्यांच्या माध्यमातून घरपोहोच केला. विलासपूर, राधिकानगर, फॉरेस्ट कॉलनी, गणेशनगर, तलाठी कॉलनी, मोरेवस्ती, गिरीचिंतन कॉलनी, पंचशिलनगर, आदर्शनगर, झडपवस्ती, बापूजी साळुंखेनगर, संगम कॉलनी, इंदिरानगर, अजंठा चौकालगतच्या झोपडपट्टीतील गरजूंना मोठ्या प्रमाणावर एकाचवेळी घरपोहोच मदत दिली. यासाठी वनगरसेविका मनिषा काळोखे, जितेंद्र शिंगटे आप्पा पिसाळ, अभय जगताप, समिन पाटील, शशी बनवे अमित महिपाल, प्रकाश पाटील, महेश चव्हाण, निरंजवन कदम, सुहेल सय्यद, मिनिष सावंत, विनायक बनकर वनिता कन्हेरकर, अरविंद कांबळे, नवनाथ टकले, मालती साळुंखे, आसिफ फरास मुन्ना मिस्त्री, फिरोजशेठ मुल्ला हेमलता किरवे आदी कार्यकर्त्यांनी परिश्रम घेतले.

दि. १ मे पासून १८ वर्षांवरील सर्वांनी कोरोना प्रतिबंधक लसीकरण करून घ्यावे

फलटण : फलटण - कोरेगाव विधानसभा मतदासंघातील १८ वर्ष पूर्ण झालेल्या सर्वांनी दि. १ मे २०२१ पासून नोंदणी करून लसीकरण करून घ्यावे, असे आवाहन आ. दीपक चव्हाण व सातारा जिल्हा परिषदेचे सदस्य श्रीमंत संजीवराजे नाईक निंबाळकर यांनी केले आहे. मुधोजी हायस्कूल, फलटण येथे उपजिल्हा रुग्णालयामार्फत कोरोना प्रतिबंधक लस देण्यात येत असून आज दि. २४ रोजी आ. दीपक चव्हाण, श्रीमंत संजीवराजे नाईक निंबाळकर, नगराध्यक्षा सौ. नीता नेवसे, राष्ट्रवादीचे शहराध्यक्ष मिलिंद नेवसे, श्रीरामचे संचालक महादेव माने व डॉ. पार्श्वनाथ राजवैदय यांनी दुसरा डोस घेतला. फलटण ? कोरेगाव विधानसभा मतदार संघामध्ये कोरोनाचा प्रसार मोठया प्रमाणात झाला आहे. त्या पार्श्वभमीवर दि. १ मे पासून १८ वर्षांवरील सर्वांना कोरोना प्रतिबंधक लस देण्यासा निर्णय शासनाने घेतला असल्याने कोरोना विरूध्दच्या लढयात यशस्वी होण्यासाठी जास्तीत जास्त लसीकरण करून घ्यावे, असे आवाहन आ. दीपक चव्हाण व श्रीमंत संजीवराजे यांनी केले आहे. यापूर्वी ६० वर्षावरील ज्येष्ठांना लस दिली जात होती. त्यांनतर दि. १ एप्रिलपासून ४५ वर्षावरील सर्वांना कोरोना लस देण्यास सुरुवात झाली. आता दि. १ मे पासून १८ वर्षावरील सर्वांना कोव्हिड १९ लस देण्याचा निर्णय सरकारने घेतला आहे. तरी फलटण-कोरेगाव विधानसभा मतदारसंघातील पात्र लाभार्थ्यांनी कोरोना प्रतिबंधक लस घ्यावी, असे आवाहन आ. दीपक चव्हाण यांनी केले आहे. कोरोना लसीकरणाची तिसरी मोहीम दि. १ मे पासून सुरू करण्यात येणार आहे. तिसऱ्या टप्प्यात कंपन्यांना लस खुल्या बाजारात विकण्यास परवानगी देण्यता आली आहे. मात्र, कंपन्यांनी एका महिन्यात निर्मिती केलेल्या लसीच्या ५० टक्के लस सेंट्रल ड्रग्ज लॅबोरेटरीला म्हणजे केंद्र सरकारला दयायच्या आहेत. उरलेल्या ५० टक्के लस राज्य सरकार आणि खुल्या मार्केटला देण्याचा निर्णय घेण्याचा आला आहे. लसीकरण हेच कोरोना विरुध्दच्या लढाईतील मोठे शस्त्र असल्याचे म्हटले जात असल्याने सर्वांनी प्राधान्याने लसीकरण करून घ्यावे, असे आवाहन श्रीमंत संजीवराजे यांनी केले आहे.

लॉकडाऊनमध्ये जीवनावश्यक वस्तूंचा पुरवठा; फिरोज पठाण यांची स्वखर्चातून सामाजिक बांधिलकी

सातारा : विलासपूर परिसरात गेल्या लॉकडाऊनपासून गरजूंना मदतीचा हात फिरोज पठाण यांनी दिला आहे. आता पुन्हा लॉकडाऊन झाल्याने उदरनिर्वाहाचा प्रश्र्न गंभीर झालेल्या विलासपूर परिसरातील तब्बल ८०० गरजू कुटूंबांना १५ दिवस पुरेल एवढा भाजीपाला, जीवनावश्यक वस्तूंचे किट त्यांनी कार्यकर्त्यांच्या माध्यमातून घरपोच केले. सामाजिक बांधिलकी जोपासत समाजसेवक अशी ओळख असलेल्या आ. शिवेंद्रराजे भोसले मित्र समूहाचे अध्यक्ष फिरोजभाई पठाण यांनी विलासपूर परिसरात स्वखर्चाने केलेल्या मदतीतूनव गरजू कुटूंबांना मोठा दिलासा मिळाला आहे. अनेकजण परिस्थितीला दाष देत प्रशासनाच्या विरोधात बोलण्याची स्टंटबाजी करण्यात माहिर आहेत. स्वत: काहीही न करता इतरांची मापे काढण्याची काहींना सवय जडलेली आहे. आ. शिवेंद्रराजे भोसल यांच्या प्रेरणेतून सतत जनसेवेत व्यस्त राहणाऱ्या फिरोज पठाण यांनी मात्र विलासपूर परिसरात एकही कुटूंब उपाशीपोटी राहणार नाही, याची गतवर्षीपासून दक्षता घेतली आहे आ. शिवेंद्रराजे भोसले यांच्या आदेशानुसार गुरुवारी, शुक्रवारी विलासपूर परिसरातील गरजूंना एकाचवेळी उदरनिर्वाहासाठी आवश्यक अन्नधान्य, भाजीपाला त्यांनी कार्यकर्त्यांच्या माध्यमातून घरपोहोच केला. विलासपूर, राधिकानगर, फॉरेस्ट कॉलनी, गणेशनगर, तलाठी कॉलनी, मोरेवस्ती, गिरीचिंतन कॉलनी, पंचशिलनगर, आदर्शनगर, झडपवस्ती, बापूजी साळुंखेनगर, संगम कॉलनी, इंदिरानगर, अजंठा चौकालगतच्या झोपडपट्टीतील गरजूंना मोठ्या प्रमाणावर एकाचवेळी घरपोहोच मदत दिली. यासाठी वनगरसेविका मनिषा काळोखे, जितेंद्र शिंगटे आप्पा पिसाळ, अभय जगताप, समिन पाटील, शशी बनवे अमित महिपाल, प्रकाश पाटील, महेश चव्हाण, निरंजवन कदम, सुहेल सय्यद, मिनिष सावंत, विनायक बनकर वनिता कन्हेरकर, अरविंद कांबळे, नवनाथ टकले, मालती साळुंखे, आसिफ फरास मुन्ना मिस्त्री, फिरोजशेठ मुल्ला हेमलता किरवे आदी कार्यकर्त्यांनी परिश्रम घेतले.

दि. १ मे पासून १८ वर्षांवरील सर्वांनी कोरोना प्रतिबंधक लसीकरण करून घ्यावे

फलटण : फलटण - कोरेगाव विधानसभा मतदासंघातील १८ वर्ष पूर्ण झालेल्या सर्वांनी दि. १ मे २०२१ पासून नोंदणी करून लसीकरण करून घ्यावे, असे आवाहन आ. दीपक चव्हाण व सातारा जिल्हा परिषदेचे सदस्य श्रीमंत संजीवराजे नाईक निंबाळकर यांनी केले आहे. मुधोजी हायस्कूल, फलटण येथे उपजिल्हा रुग्णालयामार्फत कोरोना प्रतिबंधक लस देण्यात येत असून आज दि. २४ रोजी आ. दीपक चव्हाण, श्रीमंत संजीवराजे नाईक निंबाळकर, नगराध्यक्षा सौ. नीता नेवसे, राष्ट्रवादीचे शहराध्यक्ष मिलिंद नेवसे, श्रीरामचे संचालक महादेव माने व डॉ. पार्श्वनाथ राजवैदय यांनी दुसरा डोस घेतला. फलटण ? कोरेगाव विधानसभा मतदार संघामध्ये कोरोनाचा प्रसार मोठया प्रमाणात झाला आहे. त्या पार्श्वभमीवर दि. १ मे पासून १८ वर्षांवरील सर्वांना कोरोना प्रतिबंधक लस देण्यासा निर्णय शासनाने घेतला असल्याने कोरोना विरूध्दच्या लढयात यशस्वी होण्यासाठी जास्तीत जास्त लसीकरण करून घ्यावे, असे आवाहन आ. दीपक चव्हाण व श्रीमंत संजीवराजे यांनी केले आहे. यापूर्वी ६० वर्षावरील ज्येष्ठांना लस दिली जात होती. त्यांनतर दि. १ एप्रिलपासून ४५ वर्षावरील सर्वांना कोरोना लस देण्यास सुरुवात झाली. आता दि. १ मे पासून १८ वर्षावरील सर्वांना कोव्हिड १९ लस देण्याचा निर्णय सरकारने घेतला आहे. तरी फलटण-कोरेगाव विधानसभा मतदारसंघातील पात्र लाभार्थ्यांनी कोरोना प्रतिबंधक लस घ्यावी, असे आवाहन आ. दीपक चव्हाण यांनी केले आहे. कोरोना लसीकरणाची तिसरी मोहीम दि. १ मे पासून सुरू करण्यात येणार आहे. तिसऱ्या टप्प्यात कंपन्यांना लस खुल्या बाजारात विकण्यास परवानगी देण्यता आली आहे. मात्र, कंपन्यांनी एका महिन्यात निर्मिती केलेल्या लसीच्या ५० टक्के लस सेंट्रल ड्रग्ज लॅबोरेटरीला म्हणजे केंद्र सरकारला दयायच्या आहेत. उरलेल्या ५० टक्के लस राज्य सरकार आणि खुल्या मार्केटला देण्याचा निर्णय घेण्याचा आला आहे. लसीकरण हेच कोरोना विरुध्दच्या लढाईतील मोठे शस्त्र असल्याचे म्हटले जात असल्याने सर्वांनी प्राधान्याने लसीकरण करून घ्यावे, असे आवाहन श्रीमंत संजीवराजे यांनी केले आहे.

स्मशानभूमीत आता पिण्याच्या पाण्याची सोय

सातारा : कैलास स्मशानभूमी येथे कोविडने मृत झालेल्या रुग्णांच्या अंत्यसंस्कारासाठी नातेवाईक जिल्ह्यातून येत असतात. कोव्हिडने मृत पावलेल्या व्यक्तींचे अंत्यसंस्कार करणेसाठी शासकीय नियमानुसार १ ते २ तास लागत असतात. अश्या वेळी या नातेवाईकांना उन्हात वाट बघत बसावे लागते. या नातेवाईकांना आता बालाजी चॅरिटेबल ट्रस्टतर्फे मोफत पाण्याची सोय करण्यात आली असल्याची माहिती ट्रस्टचे अध्यक्ष राजेंद्र चोरगे यांनी दिली. कोरोनाने सातारा शहर व परिसरात कहर केला आहे. रोज ४० हन अधिक कोरोनाग्रस्तांचे मृत्यू होत आहे. यातील बहुतांश मृतदेह संगम माहुली येथील कैलास स्मशानभूमी येथे आणले जातात. जवळच्या व्यक्तीचे निधन झाल्यामुळे नातेवाईक व्यथित झालेले असतात. या लोकांना आणखीन शारीरिक त्रास होऊ नये, म्हणून मृताच्या नातेवाईकांना सावलीत बसवून बिसलरी पिण्याच्या पाण्याची बाटली श्री बालाजी चॅरिटेबल तर्फे आजपासून मोफत देण्यास कर्तव्य म्हणून सुरुवात केली आहे. यावेळी पत्रकार शरद काटकर, बालाजी ट्रस्टचे संजय कदम, जगदीश खंडेलवाल, जगदीप शिंदे व कर्मचारी उपस्थित होते.

खटावमध्ये १८ वर्षांवरील सर्वांना लसीकरण

खटाव : कोरोनाच्या लसीच्या दुसऱ्या टप्प्यादरम्यान १८ वर्षांवरील सर्वांना १ मे पासून लस देण्यास सुरुवात झाली आहे. खटावमधील प्राथमिक आरोग्य केंद्रात या तिसऱ्या टप्प्यातील या लसीकरणाची सुरुवात झाली. जिल्हा परिषद उपाध्यक्ष प्रदीप विधाते, गटविकास अधिकारी काळे, जनसेवा प्रतिष्ठानचे अध्यक्ष राहुल पाटील, सरपंच नंदकुमार वायदंडे, संदीप मांडवे, तालुका वैद्यकीय अधिकारी डॉ. युनूस शेख, उपसरपंच अमर देशमुख, अशोक कुदळे, वैद्यकीय अधिकारी डॉ. पराग रणदिवे, डॉ. निखिल लोंढे यांची प्रमुख उपस्थितीत प्रतिनिधिक रुपात पहिल्या १८ वर्षांवरील लाभार्थ्यांना लस देण्यात आली. लसीसंदर्भात मात्र संभ्रम निर्माण झाला होता. त्यामुळे सुरुवातीला काही वेळ लसीकरण केंद्राबाहेर गर्दी तसेच तणावाचे वातावरण निर्माण झाले होते. केंद्र सरकारने तिसऱ्या टप्प्यासाठी नवीन धोरण तयार केले आहे. शासनाच्या गाइडलाइनप्रमाणे नावनोंदणी केल्यामुळे आपल्याला पहिल्या २०० मध्ये लस मिळेल, या आशेने पहाटे पाच वाजल्यापासून १८ ते ४५ वयोगटांतील नागरिकांची लसीसंदर्भात नोंदणी करण्यास सांगितल्याप्रमाणे अनेकांनी ते रजिस्ट्रेशन केले, परंतु पुन्हा यात बदल झाल्यामुळे, या नोंदणी करताना लसीकरण केंद्रच दाखवत नसल्यामुळे गोंधळाची परिस्थिती निर्माण झाली आहे. शासनाने निर्धारित केलेल्या पाच सेंटरपैकी कोणते सेंटर पाहिजे, ते तपासून आपल्याला जी तारीख लसीकरिता हवी असेल, ती घालून वेळ घेणे गरजेचे आहे. - डॉ. युनुस शेख, तालुका वैद्यकीय अधिकारी, खटाव

पुसेसावळी व काशीळला करोना सेंटर सुरु करावे

पुसेसावळी : पुसेसावळी आणि काशीळ येथे करोना सेंटर सुरू न केल्यास दि. ५ मे रोजी उपोषणास बसणार असल्याचे निवेदन कराड उत्तरचे नेते व वर्धन अँग्रो कारखान्याचे चेअरमन धैर्यशील कदम यांनी जिल्हाधिकारी, जिल्हा पोलिस अधीक्षक, जिल्हा आरोग्य अधिकारी, जिल्हा शल्य चिकित्सक, मुख्य कार्यकारी अधिकाऱ्यांना दिले आहे. निवेदनात म्हटले आहे की, करोनामुळे जीवन कोलमडून गेले आहे. लोकांना दोन वेळची भ्रांत पूण्र करण्यासाठीची वणवण करावी लागत आहे. त्यात प्रशसकीय यंत्रणा लोकांना वेदयकीय सुविधा पुरवण्यात कमी पडत आहे. त्यामुळे लोकांना मोठया प्रमाणावर अडचणींना तोंड द्यावे लागत आहे. पुसेसावळी गाव जवळपास दहा हजार लोकवस्तीचे आहे. आसपासच्या सगळया वाड्यावस्त्या पुसेसावळी शहरावर अवलंबून आहेत. परिसरात मोठ्या प्रमाणात रुग्ण आढळत आहेत. त्यामुळे पुसेसावळी येथे सुसज्ज कोविड सेंटर सुरू करुन लोकांना दिलासा द्यावा, तसेच गतवर्षीच काशीळ येथे लाखो रुपये खर्च करुन सुरु केलेल्या आरोग्य केंद्रात करोना सेंटर सुरू करण्यासाठी हिरवा कंदील दाखवला आहे. परंतु, प्रशसकीय दप्तर दिरंगाईमुळे आजपर्यंत काशीळ येथे करोना सेंब्र सुरू झाले नाही. त्या अनुषंगाने अधिकाऱ्यांशी चर्चा करत पाठपुरावा सुरू आहे. मात्र, कवळ चर्चेचे गुऱ्हाळ चालू आहे. दि. २ मे पर्यंत अर्जांची दखल घेऊन पुसेसावळी व काशीळ येथे सुसज्ज कोविड सेंटर सुरु झाले नाही तर काशीळ येथील ग्रामीण रुग्णालयाबाहेर बुधवार दि. ५ मे रोजी बेमुदत उपोषणाला बसणार आहे, असा इशारा कदम यांनी दिला आहे.

फलटण तालुक्यातील आठ गावांत कंटेन्मेंट झोन जाहीर : डॉ. शिवाजीराव जगताप

फलटण : कोरोनाचा वाढता प्रादुर्भाव आणि कोरोना बाधितांची वाढती संख्या विचारात घेऊन प्रांताधिकारी तथा इन्सिडंट कमांडर डॉ. शिवाजीराव जगताप यांनी संपूर्ण फलटण शहरासह तालुक्यातील ८ गावांत दि. २ ते ८ मे दरम्यान प्रतिबंधित क्षेत्र (कंटेन्मेंट झोन) घोषित करून दवाखाने व औषध दुकाने वगळता दुध, भाजीपाला, किराणा या आत्यावश्यक सेवेसह सर्व व्यापार/व्यवहार बंद ठेवण्याचे आदेश दिले आहेत. प्रांताधिकारी तथा इन्सिडंट कमांडर डॉ. शिवाजीराव जगताप जगताप यांच्या आदेशानुसार संपूर्ण फलटण शहर आणि तालुक्यातील कोककी, फरांदवाडी, साखरवाडी, वाठार निंबाळकर, वाखरी, जाधववाडी, विडणी आणि तरडगाव या ८ गावांतील प्रतिबंधित क्षेत्रात सर्व नियमांचे काटेकोर पालन आणि कायदा सुव्यवस्था परिस्थिती नियंत्रणात ठेवण्यासाठी पुरेसा पोलीस बंदोबस्त तैनात करण्यात करण्यात आला असल्याचे निदर्शनास आणून देत कोणीही घराबाहेर न पडता घरातच थांबून प्रशासनास सहकार्य करावे, असे आवाहन जगताप यांनी केले. प्रतिबंधित क्षेत्रात किराणा, दूध, फळे भाजीपाला घरपोच देण्याची व्यवस्था करण्यात येत असून, त्यांच्या अंमलबजावणीसाठी नगरपरिषदेने खास अधिकाऱ्यांची वॉर्डनिहाय नियुक्ती केल्याची माहिती मुख्याधिकारी प्रसाद काटकर यांनी दिली. फलटण शहरात दि. २६ एप्रिल रोजी ६६ कोरोना बाधित आणि ८१२ ॲक्टिव्ह दि. २७ रोजी ४६ कोरोना बाधित आणि ७७८ ॲक्टिव्ह, दि. २८ एप्रिल रोजी ५० बाधित आणि ७४७ ॲक्टिव्ह, दि. २९ रोजी ५२ बाधित आणि ७९२ ॲक्टिव्ह रुग्ण आढळल्याने आणि हे सर्व शहराच्या विविध भागांतील असल्याने जवळपास संपूर्ण शहरात रुग्णाची संख्या वाढत असल्याने प्रादुर्भाव रोखण्यासाठी संपूर्ण फलटण शहर प्रतिबंधित क्षेत्र घोषित केल्याचे तसेच तालुक्यातील वरील ८ गावांतही विविध भागात बाधित रुग्ण संख्या वाढत असल्याने सदर ८ गावांत प्रतिबंधित क्षेत्र घोषित केल्याचे प्रांताधिकारी तथा इन्सिडंर डॉ. शिवाजीराव जगताप यांनी सांगितले.

वाई तालुक्यातील तहसील कार्यालयातील रेशनींग विभागामार्फत १०८ स्वस्त धान्य दुकाना मार्फत रेशन वाटप सुरु; तालुक्यातील अंदाजे २५ हजार ७४२ कार्ड धारकांना घेता येणार लाभ

वाई : वाई तालूक्यातील तहसील कार्यालयातील रेशनींग विभागामार्फत गावो गावच्या १०८ स्वस्त धान्य दुकाना मार्फत राज्य सरकारच्या अन्य नागरी पूरवठा विभागाच्या आदेशा नुसार व सातारा जिल्हाधिकारी कार्यालयातील पुरवठा शाखेने मे महिन्यासाठी अन्य सुरक्षा योजनेसह अंतोद्य योजनेतील प्रत्येक शिधा पत्रिका धारकांना माणसी पाचा किलो या प्रमाणे धान्य फुकट वाटण्याचे दिलेल्या आदेशाची अमंलबजावणी दि. १ मे पासून सुरू झाली आहे. शासनाच्या या निर्णया मुळे वाई तालुक्यातील अंदाजे २५ हजार ७४२ कार्ड धारकांना याचा लाभ घेता येणार आहे त्याच बरोबर माणसी मोफत मिळणारे धान्य हे राज्य सरकारने लॉकडॉऊनच्या कालावधीत दोन वेळची भोजन व्यवस्था व्हावी कोणीही शिधा पत्रिका धारकांच्या धारकांच्या घरातील उपाशी पोटी राहु नये हा हेतु डाळ्या समोर ठेवून केलेली हि व्यवस्था आहे पण मोफत मिळालेले हे कोणीही बाहेरील खाजगी दुकानात विक्री करताना अथवा जनावरांना भरडून घालताना आढळून आल्यास अशांची शिधा पत्रिका कायम स्वरूपी तातडीने रद्द करण्यात येणार आहे तसेच रास्त भाव दुकाना मधुन देखील धान्याचे वाटप सुरळीत पणे विना तक्रार करायचे आहे वरील सर्व बाबींवर लक्ष ठेवण्यासाठी आवश्यक्ते नुसार भरारी पथके देखील तयार करण्यात आली आहेत अशी माहिती वाईंचे तहसीलदार रणजित भोसले यांनी प्रतिनिधीशी बोलताना दिली आहे. रणजित भोसले पुढे म्हणाले कि, गेल्या मार्च महिन्या पासून देशात आणी राज्यातील जिल्हा व तालुका स्तरावरील शहरांनसह गावा गावांन मध्ये कोरोना रोगाने थैमान घालुन नागरीक दिवसे दिवस बाधीत निघत आहेत तर अनेकांना त्यात आपले प्राण गमवावे लागले आहेत याचे भान ठेवून जानेवारी महिन्या पासून महसूल पोलिस आणी आरोग्य प्रशासन सज्ज ठेऊन नागरिकांनी अनावश्यक रस्त्यावर फिरु नये, तोंडाला मास्कचा वापर करावा समांतर अंतर ठेवावे आणी मला काय होणार नाही या विश्र्वासावर नागरीक कायद्यांचे ऊलंघन करुन दुदैवाने फिरताना दिसतात त्यामुळे आणी फाजील विश्र्वासा मुळै गेल्या चार महिन्या पासून कोरोनोची रुग्ण संख्येत झपाट्याने वाई शहरा सह गावोगावी झपाट्याने वाढ होताना दिसत आहे या वर तातडीचा ऊपाय आणी कोरोनाची साखळी तोडण्यासाठी राज्य सरकारने लॉक डाऊनचा पर्याय शोधला आहे. कोरोनोची आलेली हि दुसरी लाट या मध्ये झटपट कोरोनोची लागण होताना दिसत आहे त्या मध्ये ऊपचारा दरम्यान बहुतांश ५० वर्षाच्या आतील तरुणांची मृत्यूची संख्या दिसुन येत आहे याचे भान तरुण वर्गाने ठेऊन कायद्यांचे उल्लघन न करता घरातच बसून रहायचं आहे व आपण आणी आपले कुटुंब कसे सुरक्षित राहील याची काळजी घ्यावी. या काळात नागरीकांच्या हाताला काम नसल्याने राज्य सरकारने लॉक डॉऊनच्या कालावधीत कोणीही ऊपासी राहु नये म्हणून शिधा पत्रीकेवर मोफत धान्याचा पुरवठा १ मे पासून सुरु केला आहे त्याचा लाभ घेत वाई तालुक्यातील नागरीकांनी घरातच बसून कोरोनोची साखळी तोडण्यासाठी सहकार्य करावे असे आवाहन वाईचे तहसीलदार रणजित भोसले यांनी बोलताना केले आहे.

वाईमध्ये कोरोना रोखण्यासाठी टास्क फोर्स

वाई : कोरोनाचा कहर वाढला असून अनेक रग्णांचा बेड, व्हॅटिलेटर, रेमडेसिविर इंजेक्शनची कमतरता जाणवत आहे. उपलब्ध रुग्णांच्या नातेवाईकांची धावपळ होताना दिसत आहे. या कोरोनाचा मुकाबला करण्यासाठी वाईमध्ये कोविड टास्क फोर्स ची स्थापना केली आहे एप्रिल महिन्यात राज्यासह देशात कोरोना बाधितांची संख्या झपाट्याने वाढत आहे. वाई शहर व तालुक्यात कोरोना बाधिताची संख्याही लक्षणीय वाढत आहे. तसेच राज्यात काही जिल्ह्यात कोरोनाचा वाढता संसर्ग तसेच विषाणूचा नवीन आलेला ट्रेंड यामुळे चिंतेचे वातावरण आहे. प्रशासन आपल्या पातळीवर सर्व प्रकारच्या उपाययोजना करीत आहे. परंतु कोरोनाचे संकट एवढे महाभयंकर आहे की प्रशासनालाही समाजाची साथ मिळणे गरजेचे आहे. ही गरज व महत्व आळखून वाई येथील सामाजिक संस्था, दानशूर व्यक्ती पुढे सरसावल्या आहेत. त्यांनी एकत्र येऊन कोविड टास्क फोर्सची स्थापना केली आहे. टास्क फोर्सच्या माध्यमातून सामाजिक संस्था प्रशासन, पदाधिकारी, नगरसेवक व सामाजिक कार्यकर्ते यांच्या माध्यमातून कोरोनाच्या संकटात वैद्यकीय सेवा पुरविणार आहेत. यासाठी प्रशासनाशी समन्वय साधणे. येणाऱ्या समस्या सोडवणे हा मुख्य उद्देश आहे. कोविड टास्क फोर्सचा प्रारंभ प्रांताधिकारी कार्यालयात प्रांताधिकारी संगीता राजापूरकर, तहसीलदार रणजित भोसले यांच्या उपस्थित केला. तालुक्यातील रुग्ण व नातेवाईकांना टास्क फार्सची आता मोठी मदत होणार आहे. टास्क फोर्स सामान्य माणसांना मोफत जेवणाची सोय, घरी विलगीकरणात असणाऱ्यांना मोफत औषधे, तज्ञ्ज्ञ डॉक्टरांकडून मार्गदर्शन, कोरोनाविषयी जनजागृती करणे, कोरोना लसीकरण मोहिमेचा प्रचार व प्रसार करणे तसेच सामान्य नागरिक, गरिबांना उपचार घेत असताना येणाऱ्या अडचणी दूर करणार आहे.

आचार, विचार व संस्कारांची खरी ओळख आपल्या दातृत्व भावनेतून : आमदार महेश शिंदे

खटाव : आपल्या आचार, विचार व संस्कारांची खरी ओळख आपल्या दातृत्वाच्या भावनेतूनच होत असते. अशी दातृत्व संपन्न माणसं लाभणं म्हणजे परमभाग्यच आहे. आपल्या सर्वांच्या आशीर्वादाने व प्रेमामुळेच मी सदैव आपल्या सेवेसाठी दिवस रात्र तत्पर आहे. जनतेने दाखवलेला विश्र्वास सार्थ ठरवायचा आहे. कोरेगाव येथे उभारलेले करोना सेंटर एक माध्यम आहे त्यातून करोना काळात लोकसेवा घडावी हाच शुध्द हेतू आहे असे प्रतिपादन लोकनियुक्त आमदार मा. महेशजी शिंदे यांनी केले. श्री काडसिध्देश्र्वर कोविड सेंटर कोरेगाव साठी खटाव ता. खटाव गावचे उदयोगपती श्री. निवासशेठ भूप व कांतीलाल भूप यांचे तर्फे रुपये १ लाख ची मदतीचा धनादेश सुपूर्त करताना यावेळी ते बोलत होते. करोना पार्श्र्वभूमीवर योग्य ती खबरदारी घेऊन सदर छोटेखानी कार्यक्रमास युवा नेते राहुल पाटील, माजी जि. प. सदस्य अशोकराव कुदळे, सरपंच नंदकुमार वायदंडे, उपसरपंच अमरसिंह देशमुख, सर्व गा.पं. सदस्य व ग्रामस्थ उपस्थित होते. आ. महेश शिंदे म्हणाले, करोनाशी सामना करण्यासाठी आपण सर्वांनी दूर राहून पण एकदिलाने दोन हात करणे आवश्यक आहे. आपण गांभीर्याने शासनाने, प्रशासनाने व आरोग्य विभागाने घालून दिलेल्या निर्देशांचे व नियमांचे काटेकोर पालन करायचे आहे. आपल्याला हा आजार होऊ नये म्हणून सुरवाती पासूनच दक्षता घ्यायची आहे व जरी अनावधानाने झालाच तर नाहक भीती न बाळगता करोनाशी मुकाबला करायलाच आहे.

कोरोना लढ्यासाठी वीस लाख रुपये; माण पंचायत समिती, औषधोपचारासह जनजागृतीसाठी तरतूद

दहिवडी : माण तालुक्यात कोरोनाने थैमान घातले असून, रुग्णसंख्येत भरच पडत आहे. उपचाराअभावी माणची जनता तडफडत असताना, जनतेचा जीव वाचविण्यासाठी माण पंचायत समिती सरसावली आहे. पंधराव्या वित्त आयोगातून कोरोनाविरोधातील लढयासाठी पंचायत समिती सदस्यांनी वीस लाख रुपये देण्याचा निर्णय घेतला. माण तालुक्यात दीड हजार कोरोनाबाधित आहेत. तुलनेत आरोग्य सुविधा अपूरी आहे. चार व्हेंटिलेटर, २७ ऑक्सिजन बेड आहेत. कोविड सेंटरमध्ये विलगीकरण बेडची संख्याही अपुरी आहे. त्यामुळे अत्यवस्थ रुग्णांना इतर तालुक्यात, शहरात अथवा जिल्ह्यात भटकावे लागते. कोरोना सेंटरमध्ये योग्य सुविधा वा जागा उपलब्ध नसल्याने अनेकजण घरीच अलगीकरणात आहेत. अनेक रुग्णांना कोरोनामुक्त होण्यासाठी आवश्यक असलेल्या फॅबिफ्लू या गोळ्या मिळत नाहीत. ऑक्सिजनअभावी कित्येक जण तडफडत आहेत. तालुक्यातील नेतेमंडळी, तसेच सामाजिक संस्थांनी कोरोना सेंटरसाठी पुढाकार घेतला आहे, परंतु अजूनही मदतीची आवश्यकता आहे. ही परिस्थिती लक्षात घेऊन पंचायत समितीचे प्रभारी सभापती तानाजी कट्टे-पाटील व सहकारी रमेश पाटोळे, कविता जगदाळे, नितीन राजगे, विजयकुमार मगर, तानाजी काटकर, लतिका विरकर, रंजना जगदाळे, अपर्णा भोसले, चंद्रभागा आटपाडकर यांनी या लढयाला बळ देण्याचा निर्णय घेतला. त्यानुसार, पंचायत समितीच्या पंधराव्या वित्त आयोगातून प्रत्येक सदस्याचे दोन लाख असे वीस लाख रुपये देण्याचा निर्णय घेतला. यावेळी प्रभाकर देशमुख म्हणाले, ?माणमधील दीड हजार रुग्णांपैकी एक हजार कोरोनाबाधित घरीच उपचार घेत आहेत. त्यांना वैदयकीय सल्ल्याने फॅबी फ्लू गोळ्या दिल्या, तर लवकर बरे होतील?. गटविकास अधिकारी सर्जेराव पाटील यांनी तालुका वैदयकीय अधिकारी डॉ. लक्ष्मण कोडलकर यांच्या सलल्याने संबंधित रक्कम खर्च करण्याचे सूचित केले. पहिल्या टप्प्यात ५ लाख रुपये फॅबी फलूसाठी, ५.५ लाख रुपये ऑक्सिजन कॉन्सन्ट्रेटरसाठी, २ लाख रुपये जम्बो सिलिंडरसाठी तर १ लाख रुपये जनजागृतीसाठी वापरण्याचे निश्र्चित केले. उर्वरित रक्कमही आवश्यक तशी वापरण्याचा निर्णय घेतला. ■ प्रशासन जनतेसोबत कायम ■ माणची जनता कोरोनाच्या भयंकर संकटात सापडली आहे. या संकटावर मात करण्यासाठी सर्वांनी प्रशासनाच्या विशेषत: आरोग्य विभागाच्या सूचनांचे पालन करावे. कोरोनाविरुध्दच्या लढयात माण पंचायत समिती जनतेसोबत खंबीरपणे उभी आहे, अशी ग्वाही प्रभारी सभापती तानाजी कट्टे पाटील यांनी दिली.

नागरिकांनी कोरोनाच्या नियमांचे पालन करा : तहसीलदार रणजित भोसले

वाई : कोरोनाचा कहर वाढला असून, सुरुवातीला शहरी भागात कोरोनाच्या संसर्गाचे प्रमाण जास्त होते. परंतु कोरोनाच्या दुसऱ्या लाटेत ग्रामीण भागातही रुग्णांची संख्या लक्षणीय आहे. काही गावे हॉटस्पॉट ठरत आहेत. वाई पश्र्चिम भागात जांभळी, बोरगाव या गावासह इतर गावातही रुग्णांची संख्या लक्षणीय आहे. यामुळे नागरिकांनी शासनाने घालून दिलेल्या नियमांचे कडक पालन करावे असे मत जांभळी येथे भेट प्रसंगी तहसीलदार रणजित भोसले यांनी व्यक्त केले. कोरोना ग्रामीण भागात हातपाय पसरत असल्यामुळे प्रशासनाची डोकेदुखी वाढली आहे. तालुक्यात रुग्णांची संख्या वाढत असल्यामुळे रुग्णांना बेड, व्हेंलिटर, रेमडेसिवर इंजेक्शनची कमी जाणवत असून, उपलब्ध रुग्णांच्या नातेवाईकांची धावपळ होताना दिसत आहे. त्यामुळे या महासंकटात नागरिकांनी प्रशासनाने घालून दिलेले नियम पाळावेत, असे आवाहन प्रशासनाच्या वतीने करण्यात येत आहे. वाईच्या पश्र्चिम भागातील कोरोनाचा हॉटस्पॉट ठरलेल्या जांभळी गावातील कोरोना परिस्थितीचा आढावा घेण्यासाठी तहसीलदार, गटविकास अधिकारी, तालुका वैदयकीय अधिकारी, सामाजिक कार्यकर्ते ज्ञानदेव शेठ सणस, मंडळ अधिकारी उपस्थित होते. त्यांनी गावाचा आढावा घेतला. यावेळी तहसीलदार व गटविकास अधिकाऱ्यांनी ग्रामपंचायत व ग्रामसुरक्षा मार्गदर्शन करून उपाययोजना सुचविल्या. ज्ञानदेवशेठ सणस यांनी खावली उपकेंद्रात बेड सुविधा उपलब्ध करून निवासी डॉक्टर मिळावेत. या भागासाठी रुग्णवाहिका उपलब्ध करून ग्रामीण भागात लसीकरण मोहीम गतिमान करावी, अशी मागणी केली.

माहुली स्मशानभूमी रस्त्यावर मुरूम टाकण्याच्या उपनगराध्यक्ष मनोज शेंडे यांच्या सूचना

सातारा : क्षेत्र माहुली येथील स्मशानभूमी रस्त्यावर पावसामुळे चिखल निर्माण होत असल्याने त्याठिकाणी मुरूम टाकून खड्डे मुजवून घेण्याची सूचना उपनगराध्यक्ष मनोज शेंडे यांनी बांधकाम विभागाला केल्या आहेत. दरम्यान, नगर अभियंता दिलीप चिद्रे, आरोग्य विभाग प्रमुख सुहास पवार यांनी या रस्त्याची पाहणी केली. साताऱ्यातील विविध रुग्णालयांत उपचार घेताना मृत पावणाऱ्या कोरोना रुग्णांवर क्षेत्र माहुली येथील स्मशानभूमीत अंत्यसंस्कार केले जात आहेत. मृत्यूचे प्रमाण जादा असल्याने शववाहिनी, ॲम्ब्युलन्स आदी वाहनाची सतत स्मशानभूमीत वर्दळ असते. अधूनमधून पाऊस पडत असल्याने स्मशानभूमीत जाणाऱ्या रस्त्यावर चिखल होत आहे. काही ठिकाणी रस्त्याला खड्डे पडले आहेत. त्यामुळे या रस्त्यावर मुरूम टाकण्याची तसेच आवश्यक बाबींची पूर्तता करण्याची सूचना उपनगराध्यक्ष मनोज शेंडे यांनी बांधकाम विभागाला केली. खा. श्री. छ. उदयनराजे भोसल यांच्या माध्यमातून स्मशानभूमीत विदयुत दाहिनी, अग्निकुंड बसवण्यात येणार असून मागणीनुसार उपाययोजना करण्यात येत असल्योच मनोज शेंडे यांनी सांगितले. दरम्यान, स्मशानभूमी रस्त्याची पाहणी बांधकाम व आरोग्य विभागातील अधिकाऱ्यांनी केली असून आवश्यक त्या ठिकाणी पावसाचे पाणी जाण्यासाठी पाईप टाकण्यात येणार आहेत. संबंधित रस्त्याचे मजबुतीकरण केले जाणार आहे.

कण्हेर आरोग्य केंद्राचे कार्य कौतुकास्पद : प्रांताधिकारी मिनाज मुल्ला

कण्हेर : कण्हेर प्राथमिक आरोग्य केंद्रातील वैदयकीय अधिकाऱ्यांसह कर्मचारी वर्ग कोरोनाचा संसर्ग आटोक्यात आणण्यासाठी अहोरात्र काम करत आहेत. साठयाप्रमाणे व शासनाच्या निकषाप्रमाणे कोविड लसीकरण सुरू आहे. येथील प्राथमिक आरोग्य केंद्राचे कार्य कौतुकास्पद आहे, असे गौरवोद्गार प्रांताधिकारी मिनाज मुल्ला यांनी काढले. कण्हेर (ता. सातारा) येथील प्राथमिक आरोग्य केंद्रातील लसीकरण पाहणीप्रसंगी प्रांताधिकारी मिनाज मुल्ला बोलत होते. या वेळी वैदयकीय अधिकारी डॉ. सुदर्शनकुमार मेहता, डॉ. ऋतुजा मुळे, मंडलाधिकारी दत्तात्रय शिंदे, विस्तार अधिकारी जितेंद्र काकडे, तलाठी वसंत मुळीक यांची उपस्थिती होती. मंडलाधिकारी दत्तात्रय शिंदे म्हणाले, कोरोना काळात गावागावांतील दक्षता कमिटी मरगळ झटकून काम करत आहे. प्रांताधिकारी मिनाज मुल्ला यांनी संबंधित अधिकाऱ्यांकडून लसीकरणाबाबत माहिती घेतली. तसेच लसीकरणासाठी गर्दी करून गोंधळ न करता प्रशासनास सहकार्य करावे, असे आवाहन केले. यावेळी सरपंच प्रमोद जाधव, मोहन वाघमळे, ग्रामसेवक अजित जाधव, विजय वाघमळे, अमोल चोरगे, आशासेविका सोनाली मोकाशी, चंद्रकांत जाधव, सागर कदम, हणमंत बामणे आदी उपस्थित होते.

कोरोनाच्या लढयाला लोकचळवळीचे रूप : आमदार महेश शिंदे; कुटुंबीयांसह शिलेदारांकडून झोकून देऊन गावागावांत काम

खटाव : कोरोनाविरुध्दचा लढा बहीण डॉ. अरुणा बर्गे यांना बरोबर घेऊन सुरू केला. त्यात आर्थिक भार सोसावा लागला. मात्र, मी व माझ्या कुटुंबाने रुग्णांसाठी तन, मन व धनाने वाहून घेतल्ल्याच दिसताच या लढयात मला शिलेदार मिळत गेले. कोरेगाव मतदारसंघातील कोरोनाविरुध्दच्या लढाईला आज लोकचळवळीचे स्वरूप आल्याचे धाडसाने उचलेले पाऊल सार्थकी लागल्याची भावना आमदार महेश शिंदे यांनी व्यक्त केली. कोरोनाविरुध्दची लढाई एकटया प्रशासनाची नसून समाजातील प्रत्येकाची आहे, असे समजून सहभागी झाले पाहिजे. लोक ऐकतात फक्त आपण त्यांच्या विश्वासाला पात्र झाले पाहिजे म्हणूनच पुन्हा एकदा कोरेगावातील जिल्हा उपरुग्णालयाच्या इमारतीत आपण काडसिध्देश्वर कोविड सेंटर सुरू केले. आज ११० रुग्णांना तेथे सेवा देण्यात येत आहे.? या कामात सुरुवातीला बहीण डॉ. रेणू व स्वत: मी रुग्णांची सेवा करू लागली. आमदार शिंदे म्हणाले, हळूहळू या लढयात कुटुंबीयांबरोबरच सहकारीही आपल्या परीने योगदान देण्यासाठी पुढे आले. उपजिल्हा रुग्णालयाच्या इमारतीमध्ये नव्याने सुरू केलेले सेंटर मी स्वखर्चाने पायाभूत सुविधांनी अदयावत केले; पण आता शिलेदारांनी सूत्र हाती घेतल्याचे दिसून येते. या कामात लागत असलेले मनुष्यबळ व आर्थिक ताकद ओळखून कार्यकर्ते स्वेच्छेने त्यामध्ये सहभागी होऊ लागले. हळूहळू आता एक एक माणूस या महायज्ञात स्वत:ला झोकू देऊ लागल्याने आमची ताकद वाढू लागली आहे. या कामाला अनेक स्वयंसेवकांमुळे लोकचळवळीचे रूप आले आहे. हॉटस्पॉट गावातील स्वयंसेवकांनी ऑक्सिमीटर घेऊन कोंबिग ऑपरेशनचे काम हाती घेतले आहे. सौम्य लक्षणे असणाऱ्यांवर औषधे पुरवण्यात येत आहेत. रुग्णांना जेवण बनवण्याचे कामही सहकाऱ्यांनी सुरू केले आहे. या जेवणासाठी अनेक जण गहू, तांदूळ, तेल, साखर, डाळव भाजीपाला देऊ लागलेत. सकाळचा नाष्टा व फळे, संध्याकाळचा चहा व रात्रीचे दूध पुरवण्याची जबाबदारी काही सहाकाऱ्यांनी वाटून घेतली आहे.? माझ्या व माझ्या कुटुंबापासून सुरू केलेल्या या लढयाला लोकचळवळीचे स्वरूप आल्याचे पाहून समाधान वाटते. त्यामध्ये जिल्हाधिकारी, प्रांताधिकारी, तहसीलदार व इतर प्रशासकीय अधिकाऱ्यांचे सहकार्य व मार्गदर्शन लाभले आहे.

कोरोनाला रोखण्यासासाठी निर्जंतुकीकरण मोहीम

पाटण : पाटण शहरात कोरोना विषाणूचा प्रादुर्भाव रोखण्यासाठी प्रशासनाच्यावतीने संचारबंदी लागू केली असली तरी कोरोनाबाधितांचा आकडा कमी होत नाही. तो रोखण्यासाठी पाटण नगरपंचायतीचे अधिकारी, कर्मचारी, अंगणवाडी कर्मचारी कसून प्रयत्न करत आहेत. पण, अपेक्षित यश येत नाही. म्हणून पाटण गर्दीची ठिकाणी, मंदिरे, चौक, बसस्थानक, बाजारपेठ आदी ठिकाणे निर्जंतुकीकरण करण्यात येत आहे. कोरोनाचा महाभयंकर विळखा पडला आहे. त्याचा दुष्परिणाम देश, राज्य ते अगदी जिल्हा, तालुक्यातील वाडीवस्तीवर पोहोचला आहे. एप्रिल महिन्यात पाटण शहरात कोरोनाबाधितांचा आकडा झपाटयाने वाढला आहे. तो कमी करण्यासाठी नगरपंचायतीचे अधिकारी आणि कर्मचारी कसून प्रयत्न करत आहेत. त्याला नागरिकांनीही सहकार्य करणे गरजेचे आहे अन्यथा त्याला यश येणार दरम्यान, पाटण नगरपंचायतीच्या वतीने सार्वजनिक ठिकाण असलेले मंदिरे, चौक, बसस्थानक आदी ठिकाणे निर्जंतुकीकरण करण्याचे काम हाती घेतले आहे. एवढयावरच न थांबता प्रत्येक वार्डमध्येही ठिकठिकाणी निर्जंतुकीकरण करणे महत्वाचे आहे म्हणून ते व्हावी, अशी मागणी पाटण शहरातील नागरिक करत आहेत. पाटण शहरातील मंदिराबाहेर औषध फवारणी करुन शहर निर्जंतुकीकरण केले जात आहे.

पुढील आदेशापर्यंत औंध प्रतिबंधित क्षेत्र घोषित; अधिकारी-पदाधिकाऱ्यांच्या बैठकीत निर्णय

औंध : औंधमध्ये २० एप्रिलपासून जनता करफू लागू करण्यात आला आहे. मागील दोन दिवसांपासून रुग्णांची संख्या वाढू लागल्याने प्रशासकीय अधिकारी, ग्रामपंचायत सदस्य व ग्रामदक्षता समिती यांच्यात झालेल्या बैठकीत संपूर्ण गाव पुढील आदेश येईपर्यंत प्रतिबंधित क्षेत्र म्हणून घोषित केला आहे. प्रांताधिकारी जनार्दन कासार, तहसीलदार किरण जमदाडे, गटविकास अधिकारी रमेश काळे, डॉ. युनूस शेख यांच्यासह पथकाने शुक्रवारी औंधला भेट दिली. कोरोना संदर्भात बैठक घेऊन ग्रामपंचायत सदस्य व ग्रामदक्षता समितीसोबत ग्रामपंचायत कार्यालयात चर्चा केली. गावात दररोज वाढणारी रुग्णांची संख्या पाहता परिस्थिती हाताबाहेर जाऊ नये म्हणून प्रांताधिकारी कासार यांनी संपूर्ण गाव प्रतिबंधित क्षेत्र म्हणून घोषित केले आहे पुढील आदेश येईपर्यंत अत्यावश्यक सेवा वगळता मेडिकल सर्व दुकाने बंद राहणार आहेत. औंधच्या रुग्णसंख्येचा आकडा आता दीडशेच्या आसपास असून, आकडा वाढतच चालला आहे. तरी नागरिकांनी कोरोनाच्या नियमांचे पालन करावे. असे आव्हान करण्यात येत आहे. यावेळी सरपंच, उपसरपंच, सदस्य व ग्रामदक्षता समितीचे सदस्य उपस्थित होते.

खाजगी हॉस्पिटलना कोविड हॉस्पिटलमध्ये रुपांतरीत करण्यास सद्यस्थितीत मंजूरी नाही ; ऑक्सिजनच्या उपलब्धतेनंतर देणार परवानगी : प्र. जिल्हाधिकारी रामचंद्र शिंदे

सातारा : सातारा जिल्ह्यात सर्व शासकीय आणि खाजगी रुग्णालये (DCHC, DCH व CCC) मिळून एकूण 82 हॉस्पिटलमध्ये आज रोजी 16 हजार 626 इतके कोरोन संक्रमित रुग्ण उपचार घेत आहेत. त्यापैकी 12 हजार 447 रुग्ण गृह विलगीकरणात उपचार घेत आहेत. एकूण 82 हॉस्पिटल पैकी 58 खाजगी हॉस्पिटल यांना कोविड हॉस्पिटलमध्ये रुपांतरीत करण्यास परवानगी देण्यात आलेली आहे. सद्य:स्थितीत सातारा जिल्ह्यात एकूण 20 खाजगी हॉस्पिटल प्रशासनाने त्यांच्याकडील सुरु असलेले हॉस्पिटल हे कोविड हॉस्पिटलमध्ये रुपांतरीत करण्याबाबतचे प्रस्ताव जिल्हाधिकारी कार्यालयाकडे मंजूरीसाठी सादर केलेले आहेत. तथापि, ऑक्सिजन आणि रेमडिसीवर इंजेक्शनच्या कमतरतेमुळे या खाजगी हॉस्पिटल्सना कोविड हॉस्पिटलमध्ये रुपांतरीत करुन मंजूरी देणे उचित ठरणार नाही. परंतू, भाविष्यात ऑक्सिजन आणि रेमडिसीवर इंजेक्शनची आवश्यकतेनुसार उपलब्धता झाल्यास या सर्व 20 खाजगी हॉस्पिटल्सना कोविड हॉस्पिटलमध्ये रुपांतरीत करण्याबाबत तात्काळी मंजूरी देण्यात येईल असे, प्र. जिल्हाधिकारी रामचंद्र शिंदे यांनी कळविले आहे. सद्य:स्थितीत सातारा जिल्ह्यातील सर्व शासकीय व खाजगी रुग्णालयात दैनंदिन लागणाऱ्या ऑक्सिजनपेक्षा कमी ऑक्सिजनचा पुरवठा होत आहे. तसेच अत्यावश्यक रुग्णांना उपचाराकरीता आवश्यक असणारे रेमडिसीवर इंजेक्शनसुध्दा कमी प्रमाणात उपलब्ध होत आहे. याबाबत जिल्हा प्रशासनामार्फत वरिष्ठ कार्यालय आणि शासनस्तरावर ऑक्सिजन आणि रेमडिसीवर इंजेक्शन उपलब्ध होण्याकरीता युध्द पातळीवर पाठपुरावा करण्यात येत आहे. लवकच सातारा जिल्ह्यासाठी आवश्यक असणारा ऑक्सिजन आणि रेमडिसीवर इंजेक्शन्स उपलब्ध होतील असेही, प्र. जिल्हाधिकारी रामचंद्र शिंदे यांनी सांगितले आहे. 00000

क्षेत्र माहुली व वडूथ येथील कोविड केअर सेंटरचे पालकमंत्री बाळासाहेब पाटील यांच्या हस्ते उद्घाटन; वाढती कोरोना संसर्ग साखळी तोडण्यासाठी जिल्ह्यात उद्यापासून कडक लॉकडाऊन

सातारा : लॉकडाऊन लावूनही जिल्ह्यात कोरोना संसर्गाची साखळी वाढत आहे. ही वाढती साखळी तोडण्यासाठी आणि रुग्ण संख्या कमी करण्यासाठी उद्या 4 मे पासून सातारा जिल्ह्यात कडक लॉकडाऊन करण्यात येणार आहे, असे पालकमंत्री बाळासाहेब पाटील यांनी सांगितले. क्षेत्र माहुली व वडूथ येथील कोविड केअर सेंटरचे पालकमंत्री बाळसाहेब पाटील यांच्या हस्ते उद्घाटन झाले. यावेळी ते बोतल होते. या उद्घाटनप्रसंगी खासदार श्रीनिवास पाटील, आमदार शशिकांत शिंदे, जिल्हा परिषदेचे अध्यक्ष उदय कबुले, उपाध्यक्ष प्रदिप विधाते, जिल्हा परिषदेचे मुख्य कार्यकारी अधिकारी विनय गौडा, जिल्हा आरोग्य अधिकारी डॉ. अनिरुद्ध आठल्ये आदी उपस्थित होते. राज्यात लॉकडाऊन असूनही राज्यासह जिल्ह्यात कांही दिवसांपासून मोठ्या प्रमाणात रुग्ण आढळून येत आहेत. आज लोकप्रतिनिधी व जिल्हा प्रशासनाशी चर्चा करुन उद्या म्हणजेच 4 मे पासून सातारा जिल्ह्यात कडक लॉकडाऊन करण्यात येणार आहे. या कडक लॉकडाऊनची गाईडलाईन जाहीर करण्यात येणार असून जनतेने सहकार्य करावे, असे आवाहनही पालकमंत्री बाळासाहेब पाटील यांनी केले आहे. क्षेत्र माहुली व वडूथ येथील कोविड केअर सेंटरमध्ये प्रत्येकी 20 ऑक्सिजन व 10 जनरल बेड असे एकूण 30 बेड असणार आहेत. 0000

आ. महेश शिंदे यांच्या माध्यमातून पावणे दोन वर्षात २९ कोटींची विकासकामे मार्गी; प्रथम नगराध्यक्ष प्रशांत उर्फ राजाभाऊ बर्गे यांची माहिती

कोरेगाव : नगरविकास मंत्री ना. एकनाथ शिंदे व गृहराज्यमंत्री ना. शंभूराज देसाई यांच्या माध्यमातून आणि आमदार महेश शिंदे यांच्या माध्यमातून कोरेगाव शहरात अवघ्या पावणे दोन वर्षात २९ कोटी रुपयांची विकास कामे मार्गी लागली असून, त्यापैकी ७ कोटी रुपयांची कामे सुरु झालेली आहेत. कोरेगावकरांनी मतांच्या माध्यमातून दिलेला भरभरुन प्रतिसाद लक्षात घेऊन कोरेगावात आ. महेश शिंदे यांनी लक्ष केंद्रीत केले आहे. केवळ पोकळ घोषणाबाजी नाही, तर प्रत्यक्षात विकासकामे मंजूर करुन, त्याचा शुभारंभ करणे आणि विकासकामे दर्जेदार कसे होतील, यासाठी त्यावर लक्ष देत असल्याने शहरामध्ये समाधानाचे वातावरण आहे, अशी माहिती प्रथम नगराध्यक्ष प्रशांत उर्फ राजाभाऊ बर्गे यांनी दिली. कोरेगावकरांनी मोठ्या विश्‍वासाने आमदार महेश शिंदे यांना मताधिक्याने विजयी केले आहे. आजवर शहराने कोणत्याही आमदाराला भरभरुन दिली नाही, एवढी साथ महेश शिंदे यांना देत मोठा इतिहास घडविला आहे. कोरेगावकरांच्या विश्‍वासाला तडा न जाऊ देता, त्यांनी बोलणे कमी आणि काम जास्त या नेहमीच्या कार्यक्षैली प्रमाणे शहरासाठी भरीव निधी आणला आहे. नगरविकास मंत्री ना. एकनाथ शिंदे व गृहराज्यमंत्री ना. शंभूराज देसाई यांच्या माध्यमातून त्यांनी शहरांतर्गत अनेक वर्षे रखडलेली रस्त्याची कामे मार्गी लावली आहेत. केवळ विकासकामांचा शुभांरभ करुन ते थांबले नाहीत, तर त्यांनी विकासकामांची पाहणी करत, नागरिकांना काही अडचणी नाहीत ना, याची विचारणा केली आहे. कोणत्याही परिस्थितीत दर्जेदार काम झाले पाहिजे, याकडे त्यांचा कटाक्ष आहे, असेही राजाभाऊ बर्गे यांनी स्पष्ट केले. आमदार शशिकांत शिंदे यांनी आजवर कोरेगाव शहरात राजकारण करण्यापलिकडे काहीच ठोस केले नाही. दोनवेळा आमदार होऊन देखील, त्यांनी कोरेगाव शहरावर कधीच प्रेम केले नाही. त्यांनी केवळ आणि केवळ राजकारण केलेच आहे. विकासकामे करण्यापेक्षा आपली मनमानी ठेवल्याने त्यांना विधानसभा निवडणुकीत कोरेगावातून धोबीपछाड देण्यात सर्वसामान्य जनता यशस्वी ठरली आहे. स्वत: कोणतेही विकासाचे काम करायचे नाही, दुसरा करत असल्यास त्याला विरोध करायचा, त्याचे काम हाणून पाडायचे आणि स्वत:चा मोठेपणा मिरवायचे, हे धोरण राबविल्याने त्यांना पराभवाला सामोरे जावे लागले आहे. कोरेगावकर जनता हुशार आणि अभ्यासू असून, हिशेब करण्यात वाकबगार असल्याचे बर्गे यांनी निदर्शनास आणून दिले. शहराचे हृदय असलेल्या प्रभाग क्र. ७ व ८ मध्ये आमदार महेश शिंदे यांच्या माध्यमातून मोठ्याप्रमाणावर विकासकामे सुरु आहेत. प्रभागातील प्रत्येक नागरिकाचे मत जाणून घेऊन, त्याप्रमाणे विकासकामांची आखणी करण्यात आलेली आहे. गेली अनेक वर्षे न झालेली विकासकामे आम्ही हातात घेतली आहेत. आम्ही घोषणाबाजी न करता, कामे मंजूर करुन आणतो, त्याचे काम सुरु करतो आणि काम सुरु असताना त्याच्यावर देखरेख ठेवतो, कारण जनतेला अपेक्षित अशी दर्जेदार व टिकावू विकासकाम देण्याचा आमचा मानस आहे, आमदार महेश शिंदे यांनी देखील या विकासकामांची पाहणी करुन, आवश्यक तेथे बदल करण्याच्या सूचना सार्वजनिक बांधकाम विभागाच्या अभियंत्यांना दिलेल्या आहेत, असे बर्गे यांनी सांगितले. भिलारे कॉर्नर-रामलिंग रोड - बुरुडगल्ली-व्यापार पेठ- चौथाई परिसर भुयारी गटारे आणि रस्ते ट्रिमिक्स कॉंक्रीटीकरण (३ कोटी ५ लाख रुपये), आर. एम. देसाई पेट्रोल पंप ते कन्याशाळा रस्ता ट्रिमिक्स कॉंक्रीटीकरण (३० ५ लाख रुपये), शांतीनगरमध्ये (सागर दोशी घर ते रहिमतपूर रस्ता आणि श्रीकांत बर्गे घर ते रहिमतपूर रस्ता) रस्ते ट्रिमिक्स कॉंक्रीटीकरण (६५ लाख रुपये), गोसावी वस्ती ते अरुण बर्गे यांच्या घरापर्यंत रस्ता ट्रिमिक्स कॉंक्रीटीकरण (४० लाख रुपये), भगवा चौक ते अयोध्या कॉलनी रस्ता ट्रिमिक्स कॉंक्रीटीकरण (४० लाख रुपये), लक्ष्मीनगर येथील गोसावी हॉस्ंिपटलसमोर रस्ता ट्रिमिक्स कॉंक्रीटीकरण (२ कोटी २० लाख रुपये), आदी कामांसाठी एकूण ७ कोटी रुपयांचा निधी मंजूर झाला आहे. ◆ चौकट : ◆ कोरोना काळातही विकासकामे मंजूर करणारे आमदार उर्वरित २२ कोटी रुपयांची कामे मंजूर झालेली असून, त्याचा शुभारंभ नजिकच्या काळात केला जाणार आहे. कोरोना काळात जनतेसाठी अहोरात्र झटणारे आमदार महेश शिंदे यांनी रुग्ण आणि नातेवाईकांना जसा दिलासा दिला आहे, तसाच विकासकामे आणून इतर नागरिकांना दिलासा देण्याचे काम केले आहे. शहराचा सर्वांगिण विकास व्हावा, यासाठी ते प्रयत्नशील आहेत, अशी माहितीही प्रथम नगराध्यक्ष प्रशांत उर्फ राजाभाऊ बर्गे यांनी दिली.

दि. ३ ते ८ मे २०२१ पर्यंत माथाडी कामगार न्याय हक्क सप्ताहाचे आयोजन; १ मे रोजी माथाडी कामगारांनी मध्य, पश्चिम व हार्बर लाईनच्या २७ रेल्वे स्थानकाबाहेर मागणीचे फलक दाखवून केला कामगार दिन साजरा

मुंबई : माथाडी कामगार व अन्य घटकांचा अत्यावश्यक सेवेत समावेश करा, त्यांना रेल्वेने महापालिका बस व एसटी बसने प्रवास करण्याची परवानगी द्या, या घटकाला शासनाचे विशेष विमा संरक्षण कवच लागू करा या मागणीकडे महाराष्ट्र शासनाचे लक्ष वेधण्यासाठी महाराष्ट्र राज्य माथाडी, ट्रान्सपोर्ट आणि जनरल कामगार युनियनचे नेते सरचिटणीस व माजी आमदार नरेंद्र अण्णासाहेब पाटील आणि अन्य पदाधिका-यांच्या नेतृत्वाखाली माथाडी कामगार न्याय हक्क सप्ताहाच्या माध्यमातून पश्चिम, मध्य व हार्बर लाईनवरील स्टेशनसमोर मागणीचे फलक दाखवित आहेत, माथाडी कामगार न्याय हक्क सप्ताह सोमवार दि.०३ ते ०८ मे, २०२१ पर्यंत रहाणार असल्याचे प्रसिध्द करण्यात आले आहे. दि.०१ मे रोजी माथाडी कामगारांनी मध्य, पश्चिम व हार्बर लाईनच्या २७ रेल्वे स्थानकाबाहेर मागणीचे फलक दाखवून कामगार दिन साजरा केला, तरीही महाराष्ट्र शासनाने माथाडी कामगार व अन्य घटकांच्या न्याय्य मागणीकडे लक्ष दिलेले नाही, त्यामुळे दि.०३ ते ०८ मे, २०२१ पर्यंत माथाडी कामगार न्याय हक्क सप्ताहाचे आयोजन माथाडी कामगारांनी केले आहे. डॉक्टर्स, महापालिका कर्मचारी रुग्नाची सेवा करीत आहेत, पोलीस यंत्रणा संरक्षण व कायदा-सुव्यवस्था राखण्याचे काम करीत आहेत, त्याप्रमाणेनागरिकांना अन्न-धान्य, मसाले, कांदा-बटाटा, भाजीपाला व फळे जीवनावश्यक मालाची तसेच जनावरांसाठी खाद्य, पिकांसाठी खते मालाची लोडींग, अनलोडींग व त्यानुषंधीक कामे माथाडी कामगार व अन्य घटक करीत आहेत, माथाडी कामगार व अन्य घटकांचा अत्यावश्यक सेवेत समावेश करावा, त्यांना रेल्वेने, महापालिका व एसटी बसने प्रवास करण्यास परवानगी द्यावी, त्यांना शासनाचे विशेष विमा संरक्षण कवच लागू करावे, ही गेल्या वर्षभरपासून महाराष्ट्र राज्य माथाडी, ट्रान्सपोर्ट आणि जनरल कामगार युनियन माथाडी कामगार व अन्य घटकांच्यावतिने महाराष्ट्र शासनाकडे मागणी करीत आहे, मा. मुख्यमंत्री यांनी दि. २२ एप्रिल रोजी कामगार नेत्यांची ऑनलाईन बैठक आयोजित केली होती, या बैठकित देखिल ही मागणी मुख्यमंत्र्यांकडे संघटनेने केली आहे, परंतु या मागणीकडे दुर्लक्ष केले जात आहे. केंद्र व राज्य सरकारने माहे मार्च, २०२० पासून लॉकडाऊन जाहिर केला होता, त्यावेळी शासनाच्या सूचनेनुसार माथाडी कामगार व त्यांचे संबंधित घटक नागरिकांना जीवनावश्यक वस्तूंचा पुरवठा होण्यासाठी जीव मुठीत घेऊन काम करीत आहेत, अशी कामे करताना अनेक माथाडी कामगारांना कोरोनाची बाधा झाली, कोरोनामुळे अनेक माथाडी कामगारांचा मृत्यू झाला. कष्टाची कामे करणा-या माथाडी कामगार व अन्य घटकांना महाराष्ट्र शासनाने न्याय द्यावा, अशी कळकळीची विनंती महाराष्ट्र राज्य माथाडी, ट्रान्सपोर्ट आणि जनरल युनियनने केली आहे.

कोणताही कायदा करताना त्या घटकाला विचारात घेण्याची आवश्यकता असते व समन्वयाची गरज असते; विरोधी पक्षनेते आमदार प्रविण दरेकर यांनी माथाडी कामगार, व्यापारी, वाहतुकदार कृती समितीशी साधला संवाद

नवीमुंबई : कोणताही कायदा करताना त्या घटकाला विचारात घेण्याची आवश्यकता असते व समन्वयाची गरज असते, असा विचार न केल्यामुळे आज माथाडी कामगार उपासमरीच्या जवळपास टेकला आहे, माथाडी कामगार क्षेत्रात मोठ्या कार्पोरेट कंपन्यांनी प्रवेश केल्यामुळे शेतकरी, कामगार, व्यापारी असे सगळेच अडचणीत सापडले असून, यासाठी व्यापारी, कामगार, शेतकरी वर्ग यांच्याशी सल्लामसलत करुन ही समस्या सोडविली पाहिजे, पण ही समस्या सोडविताना सरकारी यंत्रणाही राहिली पाहिजे हा अत्यंत महत्वाचा भाग आहे, असे वत्कव्य महाराष्ट्र विधानपरिषदेचे विरोधी पक्षनेते आमदार प्रविण दरेकर यांनी केले. नवीमुंबईतील माथाडी भवन येथे आज पार पडलेल्या माथाडी कामगार, व्यापारी, वाहतुकदार कृती समितीशी संवाद करताना आमदार प्रविण दरेकर बोलत होते, ते पुढे असेही म्हणाले की, माथाडी कामगारांचा समावेश अत्यावश्यक सेवेत करुन, त्यांना रेल्वेने व सरकारी परिवहन वाहनांमधून प्रवास करण्याची मुभा द्यावी, तसेच या घटकाला ५० लाखाचे विमा संरक्षण कवच द्यावे, व्यापा-यांना सकाळी १०-०० ते ३-०० किंवा ६-०० या वेळेत व्यापार करण्याची परवानगी द्यावी, वाहतुकदारांना रस्त्यावर उभे रहाण्यास येणारी अडचण दूर करावी या मागण्यांसाठी मी आणि महाराष्ट्र विधानसभेचे विरोधी पक्षनेते व माजी मुख्यमंत्री देवेंद्र फडणवीस आपल्या मागे खंबीरपणे उभे आहोत. यासाठी शासन स्तरावर सातत्याने पाठपुरावा करुन मुख्यमंत्री, उपमुख्यमंत्री, संबंधित खात्याचे मंत्री, मुख्य सचिव यांचेशी चर्चा करुन आंम्ही या समस्या नक्कीच दूर करु, असे ठोस आश्वासनही प्रविण दरेकर यांनी दिले. त्यांनी वाशी रेल्वे स्थानकाबाहेर माथाडी कामगारांच्या न्याय हक्क सप्ताहास भेट देऊन माथाडी भवन येथे माथाडी, व्यापारी, वाहतुकदार कृती समितीशी संवाद साधला, या संवादामध्ये बोलताना महाराष्ट्र राज्य माथाडी, ट्रान्सपोर्ट आणि जनरल कामगार युनियनचे नेते माजी आमदार नरेंद्र अण्णासाहेब पाटील म्हणाले की, आज माथाडी कामगारांना अत्यावश्यक सेवेत काम करीत असून सुध्दा सवलती न मिळाल्यामुळे तो कामावर येण्यासाठी दुप्पट पैसे खर्च करुन खाजगी वाहनातून प्रवास करीत आहे, तर व्यापा-याच्या धंद्याची वेळ योग्य नसल्यामुळे व्यापारी वर्गही संतप्त आहे, आज गेल्या कित्येक दिवसापासून व्यापारी उधारीवर धंदा करीत असून, अशा अवस्थेमुळे त्यांचाही धंदा कांही दिवसानंतर ठप्प होण्याची शक्यता आहे, तेंव्हा माथाडी कामगार व अन्य घटकांना रेल्वे व बसने प्रवास करण्याची मुभा द्यावी तसेच कोव्हीड काळातील आमच्या ज्या इतर मागण्यां आहेत, याचाही सरकारने विचार करण्याची गरज आहे. रेल्वेने प्रवास करण्याची मुभा मिळण्यासाठी मध्य, पश्चिम व हार्बर लाईनवरील विविध रेल्वे स्थानकाबाहेर माथाडी कामगारांचा न्याय हक्क सप्ताह चालू असून, तो ८ मे पर्यंत चालणार आहे. माथाडी कामगारांना अत्यावश्यक सेवेत घ्यावे, रेल्वेने व सरकारी परिवहन बसने प्रवास करण्याची मुभा द्यावी, तसेच ५० लाखाचे विमा संरक्षण कवच मान्य करावे, व्यापा-यांच्या अडचणी दूर कराव्या इत्यादी मागण्यांचा सरकारने तत्काळ विचार न केल्यास आंम्हाला माथाडी कामगार व व्यापारी यांच्या संयुक्त कृती समितीमार्फत नाईलाजास्तव बेमुदत आंदोलन करावे लागेल, याचा सरकारने गांभिर्याने विचार करावा. या संवादास उपस्थित असलेले ग्रोमाचे सदस्य निलेश वोरा, अमृतभाई जैन, भानुशाली, मयूर सोनी, भाजीपाला मार्केट असोसिएशनचे शंकरशेठ पिंगळे, कांदा-बटाटा मार्केटचे संजय पिंगळे, शुगर मार्केटचे अशोक जैन, वाहतुकदारांचे प्रतिनिधी राजेंद्र नवघणे, इत्यादी व्यापारी प्रतिनिधींनी कृषि उत्पन्न बाजार समितीशी निगडीत प्रश्नांची माहिती व अडचणी मांडल्या. तसेच मसाला मार्केटचे माथाडी कार्यकर्ते जितेंद्र येवले, कांदा-बटाटा मार्केटचे संभाजी बर्गे, मापाडी प्रतिनिधी श्याम धमाले, ट्रान्सपोर्टचे अनिल सपकाळ, भाजीपाला मार्केटचे कृष्णा पाटील, फळे मार्केटचे अंकलेश यादव उर्फ मजनू आणि महाराष्ट्र राज्य माथाडी, ट्रान्सपोर्ट आणि जनरल कामगार युनियनचे अध्यक्ष एकनाथ सखाराम जाधव यांनी माथाडी कामगारांच्या व्यथा मांडल्या, युनियनचे संयुक्त सरचिटणीस व जनसंपर्क अधिकरी पोपटराव देशमुख यांनी आभार व्यक्त केले. या सभेस संघटनेचे संयुक्त सरचिटणीस चंद्रकांत पाटील, रविकांत पाटील व दिलीप खोंड उपस्थित होते. कृती समितीशी संवाद साधून माथाडी कामगार व व्यापारी, वाहतुकदार यांच्या व्यथा समजून घेतल्या व त्या सोडविण्याचा प्रयत्न करण्याचे आश्वासन दिले, त्याबद्दल युनियन व कृती समिती तसेच अण्णासाहेब पाटील माथाडी कामगार सहकारी पतपेढीच्यावतिने महाराष्ट्र विधानपरिषदेचे प्रविण दरेकर यांचा सत्कार करण्यात आला.

सहाय्यक गटविकास अधिकारी सुनील भस्मे यांचा सेवानिवृत्तीनिमित्त हृदय सत्कार

कोरेगाव : येथील पंचायत समितीचे सहाय्यक गटविकास अधिकारी सुनील भस्मे यांचा सेवानिवृत्तीनिमित्त कोरोनाचे सर्व नियम पाळून हृद्य सत्कार करण्यात आला. यावेळी सभापती राजाभाऊ जगदाळे, उपसभापती संजय साळुंखे, गटविकास अधिकारी क्रांती बोराटे तसेच माजी विस्ताराधिकारी श्री. चंद्रकांत घारे आणि इतर अधिकारी व कर्मचारी उपस्थित होते. श्री.भस्मे यांनी कनिष्ठ सहाय्यक पदापासून ते एक सहाय्यक गटविकास अधिकारी पदापर्यंत 36 वर्षे प्रशासनामध्ये सेवा बजावली आणि या यशस्वी कारकीर्दीनंतर नियत वयोमानानुसार ते सेवानिवृत्त होत आहेत .त्यानिमित्त हा सत्कार एका छोट्या समारंभात करण्यात आला. यावेळी गटविकास अधिकारी श्रीमती बोराटे म्हणाल्या ,"श्री. भस्मे यांचे मार्गदर्शन आम्हाला नेहमीच मिळत राहिले. त्यांचा प्रशासनातील अभ्यास खूप मोलाचा आहे. इथून पुढे देखील त्यांनी जेव्हा मार्गदर्शन लागेल, तेव्हा अवश्य द्यावे." उपसभापती श्री. साळुंखे म्हणाले," अधिकारी, पदाधिकारी यांचा योग्य समन्वय महत्त्वाचा असतो. हा समन्वय श्री. भस्मे यांनी योग्य रीतीने राखला आणि कामाचा आदर्श निर्माण केला." अध्यक्षस्थानावरून श्री जगदाळे म्हणाले," श्री भस्मे यांच्या जीवनाचा आलेख हा अत्यंत संघर्षमय आहे. त्यातून सर्वांनीच घेण्यासारखे आहे. जीवनात ज्ञानाबरोबर अनुभव महत्त्वाचे असतात. आपल्या अनुभवाचा फायदा श्री भस्मे यांनी पुढील पिढीला करून द्यावा तसेच यशदा सारख्या संस्थांमधून प्रशिक्षक म्हणून उत्कृष्ट काम करीत राहावे." सत्काराला उत्तर देताना श्री.सुनील भस्मे म्हणाले," आजवरच्या वाटचालीत प्रशासनामध्ये सर्व सहकारी अधिकारी यांनी खूप मोलाची साथ दिली .अनेक योजना प्रभावीपणे राबविता आल्या. याचं समाधान आहे. इथून पुढे देखील प्रशिक्षक म्हणून काम करायला आवडेल. कर्मचाऱ्यांनी कायदा आणि नियम यांचा अभ्यास करावा त्याचा त्यांच्या नोकरीमध्ये निश्चितच खूप फायदा होईल श्री. यशेंद्र क्षीरसागर यांनी सूत्रसंचालन केले आणि आभार मानले

वर्धन ऍग्रो जपतंय सामाजिक बांधिलकी होळीचा गाव येथे केले मास्क,सॅनिटायझर चे वाटप

दहिवडी : आपल्या माणसांच्या आरोग्याची काळजी हीच आपली जबाबदारी समजून खटाव तालुक्यातील घाटमाथा येथील वर्धन ऍग्रो साखर कारखाना चेअरमन धैर्यशील कदम यांच्या मार्गदर्शनाखाली सामाजिक बांधीलकीचे कार्य करत आहे. तालुक्यातील पोलिस स्टेशन बरोबरच अनेक गावांत ही मास्क,सॅनिटायझर व वाफारा मशीन चे वाटप करण्यात आले आहे. सातारा जिल्ह्यातील कोरोना रूग्णांची वाढती संख्या लक्षात घेऊन नागरिकांच्या आरोग्याची काळजी घेण्यासाठी होळीचागांव ता- खटाव येथे वर्धन अँग्रो चे चेअरमन तथा कराड उत्तर विधानसभा मतदारसंघाचे लोकप्रिय नेते धैर्यशील (दादा) कदम यांच्या मार्गदर्शनाखाली कारखान्याचे कार्यकारी संचालक विक्रमशिल (बाबा) कदम यांच्या हस्ते सॅनिटायझर,मास्क व वाफारा मशीन चे वाटप करण्यात आले. याच बरोबर गावातील नागरिकांना आव्हान केले की, आपल्याला आपली व आपल्या कुटुंबाच्या आरोग्याची काळजी घेणे अतिशय महत्त्वाचे आहे. त्यासाठी सर्वांनी काळजी घ्या, घरीच रहा आणि सुरक्षित राहून प्रशासनाला सहकार्य करा.यावेळी अमोल माळवे,सुरेश शिंदे म्हासुर्णे विकास सेवा सोसायटी मा. चेअरमन, तुकाराम गोडसे मा. सरपंच, शंकर खाडे मा. सरपंच, संतोष सावंत (सर), जयदीप देशमुख, आरोग्य विभागाचे कर्मचारी व ग्रामस्थ उपस्थित होते.

आपल्या माणसांच्या आरोग्याची काळजी हीच आपली जबाबदारी; वर्धन ऍग्रो च्या वतीने भूषणगड येथे वस्तूंचे वाटप

वडूज : सातारा जिल्ह्यातील कोरोना रूग्णांची वाढती संख्या लक्षात घेऊन नागरिकांच्या आरोग्याची काळजी घेण्यासाठी भूषणगड ता- खटाव येथे वर्धन अँग्रो चे चेअरमन तथा कराड उत्तर विधानसभा मतदारसंघाचे लोकप्रिय नेते धैर्यशील(दादा) कदम यांच्या मार्गदर्शनाखाली कारखान्याचे कार्यकारी संचालक विक्रमशिल(बाबा) कदम यांच्या हस्ते सॅनिटायझर,मास्क व वाफारा मशीन चे वाटप करण्यात आले. याच बरोबर गावातील नागरिकांना आव्हान केले की, आपल्याला आपली व आपल्या कुटुंबाच्या आरोग्याची काळजी घेणे अतिशय महत्त्वाचे आहे. त्यासाठी सर्वांनी काळजी घ्या, घरीच रहा आणि सुरक्षित राहून प्रशासनाला सहकार्य करा.यावेळी धोंडीराम जगताप,आनंदा कुंभार,लहू जाधव,विलास जाधव अंकुश जाधव,अर्जुन पाटोळे,निलेश जाधव व ग्रामस्थ उपस्थित होते.

राणंद गावात कंटेन्मेंट झोन जाहीर

दहिवडी : वाढत्या कोरोना परिस्थितीच्या अनुषंगाने माण तालुक्यातील राणंद गावात कंटेन्मेंट झोन जाहीर करण्यात आला आहे. माण खटावचे प्रांत अधिकारी शैलेश सूर्यवंशी यांच्या आदेशाने राणंद गावात कंटेनमेंट झोन घोषित करण्यात आला असून गावातील आयडीबीआय बँक,सर्व पतसंस्था, सातारा जिल्हा मध्यवर्ती बँक, सोसायटी व इतर सर्व आस्थापना पुढील आदेश येईपर्यंत बंद करण्यात आलेल्या आहेत. त्यामुळे लोकांना लागणारे दूध किराणामाल व इतर अत्यावश्यक सोयी सुविधा या घरपोच सेवेद्वारे पुरविल्या जाणार आहेत. त्यामुळे ग्रामस्थांनी आपल्या दुकानदाराशी संपर्क साधून साहित्य घरपोच मिळवण्यात यावे, कोणीही दवाखाना किंवा मेडिकल या कारणाशिवाय घराच्या बाहेर पडणार नाहीत याची दक्षता घ्यावी, त्याचबरोबर कुणीही मास्क न लावता घराबाहेर पडू नये किंवा कुठेही चौकामध्ये गावात बसू नये अशा सूचना आपत्ती व्यवस्थापन समिती, ग्रामपंचायत राणंद यांचे मार्फत देण्यात आल्या आहेत.

मराठा आरक्षण रद्दचा निर्णय समाजासाठी दुर्दैवी : आ. शिवेंद्रसिंहराजे भोसले

सातारा : सर्वोच्च न्यायालयाने मराठा आरक्षण रद्द केले आहे. या निर्णयामुळे अन्यायग्रस्त मराठा समाजावर पुन्हा अन्यायच झाला आहे. आरक्षणासाठी संपूर्ण महाराष्ट्रभर लाखोंच्या संख्येने एकत्र येऊन मूक मोर्चा काढून मराठा समाजाने अभूतपूर्व लढा उभा केला. मात्र आरक्षण टिकवण्यासाठी राज्य सरकार कमी पडले आणि मराठा समाजाच्या सर्व प्रयत्नांवर पाणी पडले असून हा निर्णय अतिशय दुर्दैवी आहे, असे मत आ. श्रीमंत छ. शिवेंद्रसिंहराजे भोसले यांनी व्यक्त केले आहे. मराठा समाजाला आरक्षण मिळावे यासाठी संपूर्ण समाज पेटून उठला. सर्वत्र लाखोंच्या संख्येने मूक मोर्चे निघाले. देवेन्द्र फडणवीस मुख्यमंत्री असताना उच्च न्यायालयात आरक्षण टिकले होते. त्यामुळे सर्वोच्च न्यायालयात आरक्षण टिकेल, अशी खात्री सर्वांनाच होती. मात्र सर्वोच्च न्यायालयात आरक्षण टिकले नाही. सर्वोच्च न्यायालयात आरक्षणाच्या बाबतीत योग्य पद्धतीने बाजू मांडली गेली नाही. यासाठी राज्य सरकार कुठेतरी कमी पडले हे निश्चित. मराठा समाजावर कायम अन्याय झाला आहे. आता आरक्षण रद्द झाल्याने यापुढेही समाजावर अन्यायच होणार आहे आणि यासारखे दुर्दैव नाही. मराठा समाजाच्या गरजेपेक्षा, आरक्षणापेक्षा अंतर्गत राजकारणालाच फारसे महत्व दिले गेले. मी पणा, अंतर्गत कुरघोड्या, प्रत्येकाचा सवता सुभा, प्रत्येकजण वेगळी भूमिका मांडत राहिला. यामुळे आरक्षणाच्या प्रश्नावर एकी राहिली नाही आणि त्याचे गंभीर परिणाम आता भोगावे लागत आहेत. आरक्षणापेक्षा मतांच्या राजकारणाला महत्व दिले गेले. सर्वोच्च न्यायालयाच्या निर्णयामुळे मराठा समाजाने केलेल्या कष्टावर, आंदोलनावर अक्षरशः पाणी फिरले असून हा निर्णय समाजासाठी अतिशय कष्टदायी आणि दुर्दैवी आहे, असे आ. शिवेंद्रसिंहराजे यांनी म्हटले आहे.

आ. शशिकांत शिंदे यांच्याकडून पुसेगाव कोरोना सेंटरची पाहणी

पुसेगाव : कोरोनाच्या दुसऱ्या लाटेत सर्वत्र रुग्ण संख्या दिवसेंदिवस वाढत आहे. या संकटात आ. शशिकांत शिंदे यांनी पुसेगाव प्राथमिक आरोग्य केंद्रातील कोरोना सेंटरला भेट देऊन वैद्यकीय अधिकाऱ्यांशी चर्चा केली तसेच उपचार घेत असलेल्या कोरोनाबाधित रुग्णांशी संवाद साधत त्यांना मानसिक धीर दिला. डीपीसीमधून पुसेगाव कोरोना सेंटरसाठी ३० ऑक्सिजन बेड व उतर सुविधांसाठी १० लाख निधी दिला आहे. ऑक्सिजन बेडच्या लाइनचे काम पूर्ण झाले असून लवकरच मशीन कार्यान्वित होतील तसेच अपुऱ्या असणाऱ्या सुविधांसाठी आमदार फंड व जिल्हा नियोजन समितीतून निधी दिला जाईल. कोरोना हे जगावरील संकट आहे. सध्या आलेल्या दुसऱ्या लाटेत रुग्णांची संख्या झपाट्याने वाढते आहे. ही बाब अत्यंत चिंताजनक आहे. सदरची दुसरी लाट रोखण्यासाठी महाविकास आघाडी सरकार व जिल्हा व आराग्य प्रशासन सर्व ताकद पणाला लावून तळागाळापर्यंत जाऊन काम करत आहे. पुसेगावसह उत्तर खटाव तालुक्यातील वाढलेली कोरोना बाधितांची संख्या चिंताजनक आहे. कोरोनाचा वाढता संसर्ग रोखण्यासाठी ग्रामस्तरीय कमिटीने सतर्क राहावे, अशा सूचना केल्या. पुसेगाव प्राथमिक आरोग्य केंद्राच्या कोरोना सेंटरमधील उपचार घेत असणाऱ्या कोरोना बाधित रुग्णांना दिल्या जात असलेल्या सुविधा, औषधोपचार याविशयी माहिती जाणून घेतली. कोरोना सेंटरमधील डॉ. प्रियांका पाटील यांनी रुग्ण व सुविधांविषयी माहिती दिली. यावेळी माजी उपसभापती संतोष साळुखे, सरपंच विजय मसणे, ग्रा. पं. सदस्य सुरेश जाधव, गणेश जाधव, विशाल जाधव, सत्यम जाधव, प्रवीण देवकर उपस्थित होते.

आमचे गाव - आमची शाळा फ्लिफ बुकचा ऑनलाईन प्रकाशन सोहळा संपन्न

महाबळेश्र्वर : पंचायत समिती महाबळेश्र्वर शिक्षण विभागाच्या वतीने आमचे गाव आमची शाळा फ्लीफ बुक प्रकाशन सोहळा दिनांक ३० एप्रिल २०२१ रोजी ऑनलाईन पध्दतीने सपंन्न झाला. तालुक्यातील सर्व शाळांची सर्व साधारण माहिती आमचे गाव आमची शाळा या फ्लिप बुक पुस्तकाच्या रुपाने सर्वासाठी प्रसिध्द झाले आहे महाबळेश्र्वर तालुक्यातील दुर्गम शाळाची व त्या गावाची माहिती एकत्रित पणे ऑनलाईन पध्दतीने फ्लीप बुकच्या रुपाने जगाच्या कानाकोपऱ्यात पोहचवण्याची अनोखी संकल्पना तालुक्याचे कार्यतत्पर गटशिक्षणाधिकारी आनंद पळसे यांच्या विचारातून साकारली. या संकल्पनेस आकार देण्याचे काम तालुक्यातील तंत्रस्नेही पदवीधर शिक्षक श्री विष्णू ढेबे, अशोक राऊत, अमोल कुंभार, अमित कारंडे यांनी केले आहे. या ऑनलाईन फ्लिपबुक ?आमचे गाव आमची शाळा या पुस्तकाच्या प्रकाशन सोहळयासाठी ऑनलाईन व्यासपीठावर महाबळेश्र्वर तालुक्याचे भाग्यविधाते सातारा जिल्हा परिषदेचे माजी उपाध्यक्ष व जलसधारण समितीचे विद्यमान सदस्य मा. बाळासाहेब भिलारे दादा आवर्जून उपस्थित होते. या ऑवनलाईन प्रकाशन सोहळ्यासाठी जिल्हा परिषद सदस्या सौ. निताताई आखाडे, श्रीमती प्रणिताताई जंगम जिल्हा परिषद सदस्या उपस्थित होत्या, महाबळेश्र्वर पंचायत समितीचे सभापती मा. श्री. संजयजी गायकवाड, सौ. अंजनाताई कदम माजी सभापती व विदयमान सदस्य, मा. सौ. रुपाली ताई राजपुरे माजी सभापती विद्यमान सदस्य मा. श्री आनंद उतेकर पंचायत समिति सदस्य आपल्या कार्यबाहुल्यातून वेळ काढून उपस्थित होते. महाबळेश्र्वर पंचायत समितीचे गटविकास अधिकारी मा. श्री नारायण घोलप गटशिक्षणाधिकारी आनंद पळसे यांच्या उपस्थितीत हा सोहळा रंगला या ऑनलाईन प्रकाशन सोहळ्यासाठी महाबळेश्र्वर शिक्षण विभागातील सर्व केंद्रप्रमुख , साहाय्यक केंद्रप्रमुख, मुख्याध्यापक शिक्षक, विषय तज्ञ शिक्षण गट साधन केंद्र महाबळेश्र्वर ऑनलाईन पध्दतीने या सोहळ्यासाठी उपस्थित होते. महाबळेश्र्वर पंचायत समिती शिक्षण विभागाचे कार्यतत्पर गटशिक्षणाधिकारी मा. श्री आनंद पळसे यांनी कार्यक्रमाचे प्रास्ताविक केले, यावेळी त्यांनी ऑनयलाईन फ्लिप बुक ?आमचा गाव आमची शाळा? या पुस्तकाच्या निर्मिती मागची पार्श्र्वभूमी विषद करुन महाबळेश्र्वर तालुक्यातील गुणवत्तेच्या विविध उपक्रमांबद्दल उपस्थितीत सर्वांना माहिती दिली शिक्षक प्ररित होऊन काम करत असून महबळेश्र्वर तालुका भौगोलिक दृष्ट्या उंच स्थानावर आहे तसाच तो गुणवत्तेच्या बाबातीतही ही उंच स्थानावर राहील यासाठी शिक्षण विभाग कटीबध्द असल्याचे त्यांनी यावेळी सांगितले महाबळेश्र्वर पंचायत समितीचे कार्यतत्पर गटविकास अधिकारी मा. श्री नारायण घोलप यांनी आपल्या मनोगतात फ्लिप बुक या अनोख्या ऑनलाइन पुस्तक सोहळयाचे कौतुक करुन शिक्षण विभागच्या या उपक्रमास शुभेच्छा दिल्या. शिक्षण विभागाने कोविड आपत्तीत सुध्दा ऑलाईन ऑफलाईन शिक्षण सुरु ठेवल्याबद्दल शिक्षक बांधवाचे कौतुक केले. आजच्या ऑनलाईन पुस्तक प्रकाशन सोहळ्याचे प्रमुख अतिथी महाबळेश्र्वर पंचायत समितीचे सभापती मा. श्री संजयजी गायकवाड यांनी आपल्या मनोगतात शिक्षण विभागाद्वारे राबवल्या जाणाऱ्या गुणवत्तेच्या सर्व उपक्रमांचे कौतुक करुन शुभेच्छा दिल्या. ?आमचे गाव आमची शाळा? या फ्लिपबुक पुस्तकाविषयी बोलताना त्यांनी या उपक्रमाचा तालुक्याला खूप उपयोग होणार असून ग्रामीण भागातील तरुण युवक नागरिक व्यवसाय रोजारानिमित्त जगाच्या कोणत्याही कोपऱ्यात असले तरी त्यांना आपल्या गावाची शाळेची महती आणि माहिती मिळण्यास साह्य होणार असून असून शैक्षणिक क्षेत्रात अशा गुणवत्तापूर्ण् उपक्रमांनी तालुक्याची वेगळी ओळख होण्यास आणि गुणवत्ता वाढीस उपयोग होणार असल्याचे सांगितले. मा. श्री संजय गायकवाड सभापती पंचायत समिती महाबळेश्र्वर यांच्या शुभहस्ते या फ्लिप बुक ?आमचे गाव आमची शाळा? या पुस्तकाचे ऑनलाईन लिंक ओपन करुन प्रकाशन करण्यात आले. उपस्थित मान्यवरांनी टाळ्यांच्या गजरात हा आनंद उत्सव साजरा केला. अशा या रंगतदार प्रकाशन सोहळ्याचे नेटके आणि सूत्रबध्द संचलन श्री पुरुषोत्तम माने आणि श्री संतोष ढेबे यांनी आपल्या अमोघ भाषा शैलीतून केले. कार्यक्रमाचे आभार प्रदर्शन स्नेही शिक्षक श्री. विष्णू ढेबे मुख्या. शाळा चिखली यांनी उपस्थित मान्यवर पदाधिकारी, अधिकारी, केद्रप्रमुख, शिक्षक, विषय तज्ञ शिक्षक यांचे आभार शब्दसुमनानी केले.

करोना केअर सेंटरमध्ये जास्तीत जास्त सुविधा देणार : सभापती सरिता इंदलकर

सातारा : सातरा शहर व तालुक्यात करोनाबाधितांची संख्या दिवसेंदिवस वाढत आहे. प्रशासन आवश्यक उपाययोजना करत आहे. महागाव (ता. सातारा) येथील करोना केअर सेंटरमधील रुग्णांना जास्तीत जास्त सुविधा देण्याचा प्रयत्न करणार आहे. संकट मोठे असले तरी खचून न जाता एकमेकांना आधार देऊया, असे आवाहन सातारा पंचायत समितीच्या सभापती सौ. सरिता इंदलकर यांनी केले. सौ. इंदलकर या प्रशसनाला बरोबर घेऊन प्रत्येक गावात जात असून, नागरिकांना आधार देत आहेत. जानेवारीपासून प्रादुर्भाव वाढल्यानंतर प्रशासन आणखी गतीने उपाययोजना करत आहे. आ. शिवेंद्रसिंहराजे भोसले यांच्या सूचनांनुसारतालुक्यातील नागरिकांना बेड, रुग्णवाहिका, ऑक्सिजन उपलब्ध करून देण्यात येत आहे. तालुक्यातील नागरिकांसाठी हेल्पलाइनही सुरू करण्यात आली आहे. महागाव येथील करोना केअर सेंटरमध्ये तालुक्यातील रुग्णांचे आयसोलेशन करण्यात येत आहे. सौ. सरिता इंदलकर, तालुका वैद्‌यकीय अधिकारी डी. जी पवार, संभाजी इंदलकर, स्वयम संस्थेचे मनोज विधाते, कांबळे यांनी या केंद्राला भेट दिली. रुग्णांना एक हजार मास्कचे वाटप करण्यात आले. तेथील अडचणी जाणून घेऊन त्या सोडवण्याची ग्वाही सौ. इंदलकर यांनी दिली. मास्कचा नियमित वापर, हातपाय वारंवार स्वच्छ धुणे, सॅनिटायझरचा वापर करणे, सामाजिक अंतर या बाबींचा अवलंब करण्याचे आवाहन त्यांनी केले. डॉ. पवार यांनी सेंटरबाबत माहिती दिली.

सातेवाडी येथील मधुमाला मध्ये हुतात्मा स्मृती आयसोलोशन कक्षाचा शुभारंभ; संदीपदादा मांडवे मित्रमंडळ वडूज यांच्या माध्यमातून सुरू झालेल्या कक्षाचे उदघाटन

वडूज : सातेवाडी ता. खटाव येथील मधुमाला सांस्कृतिक केंद्रात सुरु करण्यात आलेल्या हुतात्मा स्मृती आयसोलोशन कक्षामुळे प्राथमिक अवस्थेतील रुग्णांना चांगला दिलासा मिळेल असे मत वडूज पंचायत समितीचे गटविकास अधिकारी रमेश काळे यांनी व्यक्त केले. खटाव पंचायत समितीचे माजी सभापती संदीपदादा मांडवे मित्रमंडळ, वडूज येथील जनता गॅरेज कार्यकर्ते यांच्या माध्यतातून सुरू झालेल्या या कक्षाच्या उद्धाटन प्रसंगी ते बोलत होते. यावेळी माजी सभापती संदीपदादा मांडवे, तालुका वैद्यकीय अधिकारी डॉ. युनुस शेख, नगराध्यक्षा सुनिल गोडसे, सातेवाडीचे माजी सरपंच हणमंतर कोळेकर, ग्रा प सदस्य सचिन बोटे, डॉ. संतोष मोरे, आनंद पवार, महेश इगावे यांची प्रमुख उपस्थिती होती. श्री. काळे म्हणाले की, काही रुग्णांच्या केवळ टस्ट पॉझिटिव्ह येत असतात मात्र त्यांना आजारांची लक्षणे नसतात. अशा काही रुग्णांना स्वत:च्या घरी विलगीकरणाची सुविधा नसेल त्यांच्यासाठी हे केंद्र उपयुक्त ठरणार आहे. संदीप मांडवे यांनी सर्वसामान्य रुग्णांना दिलासा देण्यासाठी हे केंद्र सुरू केल्याचे सांगितले. या ठिकाणी युवकांचे मोठे सहकार्य लाभल्याचेही त्यांनी नमूद केले. यावेळी नगराध्यक्ष गोडसे, धनंजय क्षीरसागर, धनाजी गोडसे यांचेही मनोगत झाले. दरम्यान माजी नगराध्यक्ष डॉ. महेश गुरव, माजी उपनगराध्यक्ष डॉ. महेश गुरव, माजी उपनगराध्यक्ष विपुल गोडसे, इम्रान बागवान आदिनीही उद्धाटनानंतर भेट दिली.

आमदार महेश शिंदे यांच्या माध्यमातून कोरेगावात दुसरे शंभर बेड्‌सचे कोविड हॉस्पिटल; २२२ बेड्‌सची सुविधा, ऑक्सिजन बेड्‌सची संख्या सर्वाधिक

कोरेगाव : कोरेगाव विधानसभा मतदारसंघातील सर्वसामान्य जनतेसाठी कोरोनाच्या दुसर्‍या लाटेत देखील आमदार महेश शिंदे हे पुन्हा एकदा धन्वंतरीच्या रुपाने कार्यरत झाले आहेत. उपजिल्हा रुग्णालयात उभारलेल्या १२२ बेड्‌सच्या काडसिध्द कोविड हॉस्पिटलनंतर आता वाढत्या रुग्णसंख्येचा विचार करुन पुन्हा एकदा रेल्वे स्टेशननजिक जितराज मंगल कार्यालयात नवीन शंभर बेड्‌सचे सुसज्ज आणि सर्वाधिक ९० ऑक्सिजन बेड्‌सचे कोविड हॉस्पिटल उभारण्यात आले आहे. नजिकच्या काळात ते सुरु केले जाणार आहे. मतदारसंघातील सर्व जनता आपल्याच कुटुंबातील घटक आहे, हा केंद्रबिंदू ठेवून त्यांनी कोरेगाव, खटावसह सातारा तालुक्यातील जनतेसाठी आमदार होण्यापूर्वीपासून काम करण्यास सुरुवात केली आहे. जनतेने मोठ्या विश्‍वासाने त्यांना निवडून दिल्यानंतर त्यांनी जनतेच्या विश्‍वासाला तडा न जाऊ देता अभिनव पध्दतीने कामाला सुरुवात केली आहे. कोरोनाच्या पहिल्या लाटेत त्यांनी स्वखर्चाने रेल्वे स्टेशननजिक जितराज मंगल कार्यालयात काडसिध्द कोविड हॉस्पिटल उभे केले होते. राज्यात स्वखर्चाने पहिले सुसज्ज कोविड हॉस्पिटल अल्पावधीत उभारणारे ते पहिले आमदार आहेत. त्यांनी केवळ कोविड सेंटर उभारले नाही तर महानगरांमध्ये काम करत असलेले तज्ञ डॉक्टर्स आणि कर्मचार्‍यांचा ताफा कोरोनाबाधितांच्या सेवेत दाखल केला होता. व्हेंटीलेटर बेड्‌सची संख्या अगदी नगण्य असल्याने त्यांनी आयसीयुसह व्हेंटीलेटर बेड्‌सची सुविधा देखील उपलब्ध करुन दिली होती. कोरोनाच्या पहिल्या लाटेत ७ हजार ३० रुग्णांची बाह्यरुग्ण विभागात तपासणी करुन, त्यांच्यावर उपचार केले. त्याचबरोबर १४३० रुग्णांवर कोविड सेंटरमध्ये उपचार करुन त्यांना विनाशुल्क सहीसलामत घरी परतले आहेत. मतदारसंघातील जे रुग्ण अत्यवस्थ होते, त्यांच्या उपचाराची व्यवस्था पुणे मुंबईसह अन्य मोठ्या शहरांमध्ये आमदार महेश शिंदे यांनी केली होती. कोरोना काळात कोविड हॉस्पिटलमध्ये उपचारार्थ दाखल झालेल्या रुग्णांना नाष्टासह जेवणाची व्यवस्था देखील आमदार महेश शिंदे यांच्यामार्फतच करण्यात आली होती. तसेच कोरोना काळात व्यवसाय बंद राहिल्याने समाजातील सर्वच घटकांना आर्थिक व जीवनावश्यक साहित्यरुपी मदत देखील करण्यात आलेली आहे. कोरोनाच्या दुसर्‍या लाटेची भीषणता लक्षात घेऊन आमदार महेश शिंदे यांनी जिल्हा प्रशासनाशी समन्वय साधत उपजिल्हा रुग्णालयाच्या पहिल्या मजल्यावर काडसिध्द कोविड हॉस्पिटलची कमीत कमी कालावधीत उभारणी केली आहे. सद्यस्थितीत तेथे १२२ हून अधिक कोरोनाबाधित रुग्ण उपचार घेत असून, तेथे ऑक्सिजनयुक्त बेड्‌सची संख्या जास्त आहे. त्याचबरोबर परदेशातून आयात करण्यात आलेल्या ऑक्सिजन कॉंन्सेंट्रेटरचा वापर केला जात आहे. मतदारसंघातील तीन्ही तालुक्यात कोरोनाबाधितांची संख्या दिवसेंदिवस वाढत चाललेली असल्याने आमदार महेश शिंदे यांनी तातडीने पुन्हा एकदा रेल्वे स्टेशननजिक जितराज मंगल कार्यालयात नवीन शंभर बेड्‌सचे सुसज्ज आणि सर्वाधिक ऑक्सिजन बेड्‌सचे कोविड हॉस्पिटल उभारण्याचा निर्णय घेतला असून, त्याचे काम दिवसरात्र युध्दपातळीवर सुरु आहे. शंभर बेड्‌सचे सुसज्ज आणि सर्वाधिक ९० ऑक्सिजन बेड्‌सचे कोविड हॉस्पिटल तयार केले जात असून, नजिकच्या काळात ते सुरु केले जाणार आहे. ◆ चौकट :◆ कोरेगाव शहरातील सर्व रुग्णांसाठी मोफत जेवण कोरेगाव शहरातील सर्वच खाजगी कोविड हॉस्पिटलमध्ये उपचार घेत असलेल्या रुग्णांना आणि त्यांच्या नातेवाईकांना देखील आता मोफत जेवण दिले जाणार असून, रुग्ण अथवा त्यांच्या नातेवाईकांनी संतोष (आबा) जाधव यांच्याशी मोबाईल क्र. ९२२४४३६६८८ अथवा ७५८८६३७५४५ वर संपर्क साधावा, असे आवाहन करण्यात आले आहे. ◆चौकट :-◆ ◆लवकरच कोविड हॉस्पिटलचा शुभारंभ◆ गृहराज्यमंत्री ना. शंभूराज देसाई यांच्याहस्ते आमदार महेश शिंदे, जिल्हा शल्यचिकित्सक डॉ. सुभाष चव्हाण, प्रांताधिकारी ज्योती पाटील, तहसीलदार अमोल कदम, नगरपंचायतीच्या मुख्याधिकारी विजया घाडगे यांच्यासह विविध मान्यवरांच्या उपस्थितीत लवकरच नवीन कोविड हॉस्पिटलचा शुभारंभ होणार आहे. ◆चौकट :-◆ सुसज्ज रुग्णवाहिकेमुळे वाचले शेकडो रुग्णांचे प्राण आमदार महेश शिंदे यांनी पहिल्यापासून कोरोनाबाधितांसाठी काय काय करता येईल, याचा बारकाईने अभ्यास केला. जिल्ह्यात सर्वात प्रथम त्यांनी जिल्हा नियोजन समितीच्या निधीतून कोरेगाव नगरपंचायतीसाठी अत्याधुनिक रुग्णवाहिका खरेदी केली आहे. या रुग्णवाहिकेने कोरोनाच्या पहिल्या आणि आताच्या दुसर्‍या लाटेत शेकडो जणांचे प्राण वाचविले आहेत. एका फोन कॉलवर २४ तास कधीही रुग्णवाहिका रुग्णसेवेसाठी हजर असल्याने नागरिकांमध्ये समाधानाचे वातावरण आहे. एकूणच सुसज्ज रुग्णवाहिकेमुळे शेकडोंचे प्राण वाचले आहेत.

सोळशी ग्रामपंचायत तर्फे कोरोना सर्वेक्षण पथकाला फेस शिल्ड, ऑक्सीमीटर, मास्क, हेंड ग्लोव्हज, सैनीटाईझर, टेंपरेचर गण या साहित्याचे वाटप

वाठार स्टेशन : प्राथमिक शाळेचे शिक्षक आणि अंगणवाडी सेविका यांचा समावेश असणारे कोरोना सर्वेक्षण पथक प्रत्येक घरोघरी जाऊन प्रत्येक व्यक्तीची तापमान आणि ऑक्सिजन तपासणी करणार आहे. या पथकाला आवश्यक असणारे फेस शिल्ड, ऑक्सीमीटर, मास्क, हेंड ग्लोव्हज, सैनीटाईझर, टेंपरेचर गण, हे साहित्य ग्रामपंचायत कार्यालय यांच्या वतीने देण्यात आले. अशी माहिती सोळशी ग्रामपंचायतीचे उपसरपंच आकाश बाळासाहेब सोलस्कर यांनी दिली. यावेळी संतोष भैय्या उगले, माणिक आबा आवाडे, जितेंद्र यादव ( बाळासाहेब आबा) , अनिकेत यादव, सर्व शिक्षक व अंगणवाडी सेविका आणि आशा वर्कर यांची उपस्थिती होती.

आमदार महेश शिंदे यांनी स्वखर्चातून कोरेगावात उभारलेल्या शंभर बेड्सच्या काडसिध्देश्‍वर कोविड हॉस्पिटलचा शनिवार दि. ८ मे रोजी शुभारंभ

कोरेगाव : कोरोनाला हरवायचेच ही भीष्मप्रतिज्ञा घेऊन रणांगणात उतरलेल्या लोकनियुक्त आमदार महेश शिंदे यांनी स्वखर्चातून उभारलेल्या शंभर बेड्सच्या काडसिध्देश्‍वर कोविड हॉस्पिटलचा शुभारंभ शनिवार दि. ८ मे रोजी दुपारी ४ वाजता गृहराज्यमंत्री ना. शंभूराज देसाई यांच्या हस्ते व विविध मान्यवरांच्या उपस्थितीत जितराज मंगल कार्यालय, रेल्वे स्टेशननजिक, कोरेगाव येथे होणार आहे, अशी माहिती प्रथम नगराध्यक्ष प्रशांत उर्फ राजाभाऊ बर्गे यांनी दिली. कोरोनाच्या पहिल्या लाटेत अनेकांच्या संसाराचे गाडे थांबले, अर्थचक्र थांबले, मात्र सर्वसामान्यांना मदत करण्यासाठी आमदार महेश शिंदे यांनी धाव घेतली. समाजातील शेवटच्या घटकापर्यंत अन्नधान्य पोहोचविण्याबरोबरच आर्थिक मदत देखील देऊ केली. कार्यकर्त्यांचे भले मोठे नेटवर्क उभे करत घरपोहोच मदत पोहोचविणारे ते राज्यातील एकमेव लोकनियुक्त आमदार ठरले आहेत. कोरोनाला जनता बळी पडत असल्याचे पाहून त्यांनी शासनाच्या निर्णयाची वाट न पाहता, स्वत: पुढाकार घेऊन स्वखर्चाने कोरेगावच्या रेल्वे स्टेशनजिक जितराज मंगल कार्यालयात काडसिध्देश्‍वर कोविड हॉस्पिटलचे उभे केले. त्यासाठी आवश्यक असणारी वैद्यकीय उपकरणे थेट परदेशातून आयात केली आणि उच्चविद्याविभुषित वैद्यकीय अधिकारी आणि कर्मचार्‍यांना बरोबर घेत त्यांनी ७ हजार ३० रुग्णांवर बाह्यरुग्ण विभागात उपचार करुन बरे केले तर कोविड हॉस्पिटलमध्ये १४३० रुग्णांवर यशस्वीरित्या औषधोपचार केले. त्यासाठी आय. सी. यु. ची निर्मिती केली. त्यांच्या कामाची गतिमानता, ही पोहोचपावती आहे, असेही बर्गे यांनी निदर्शनास आणून दिले. कोरोनाच्या दुसर्‍या लाटेत वाढती रुग्णसंख्या लक्षात घेऊन उपजिल्हा रुग्णालयाच्या पहिल्या मजल्यावर काडसिध्द कोविड हॉस्पिटलची कमीत कमी कालावधीत उभारणी केली आणि तेथे ९० ऑक्सिजन बेड्ससह १२२ बेड्सची व्यवस्था केली. ऑक्सिजनची कमतरता भासू नये यासाठी ऑक्सिजन कॉन्स्ट्रेटरची उपलब्धता केली. रुग्णसंख्या वाढत चालली असताना बेड्सच्या संख्येवर मर्यादा आल्याने त्यांनी पुन्हा एकदा जितराज मंगल कार्यालयात काडसिध्देश्‍वर कोविड हॉस्पिटलची उभारणी केली आहे. तेथे एकूण शंभर बेड्स असून त्यापैकी ९० ऑक्सिजन बेड्ससह आयसीयुची व्यवस्था केली आहे. आता एकूण २२२ बेड्ससह १८० ऑक्सिजन बेड्सची संख्या झालेली आहे, असेही बर्गे यांनी सांगितले. गृहराज्यमंत्री ना. शंभूराज देसाई यांच्या हस्ते काडसिध्देश्‍वर कोविड हॉस्पिटलचा शुभारंभ होणार असून, जिल्हा शल्यचिकित्सक डॉ. सुरेश चव्हाण, प्रांताधिकारी ज्योती पाटील, तहसीलदार अमोल कदम, गटविकास अधिकारी क्रांती बोराटे, तालुका आरोग्य अधिकारी डॉ. राजेंद्र जाधव, नगरपंचायतीच्या मुख्याधिकारी विजया घाडगे, उपजिल्हा रुग्णालय कल्याण समितीचे सदस्य सुनील बर्गे यांच्यासह मान्यवर उपस्थित राहणार आहेत. ■ चौकट : आमदार असावा तर असा ■ आमदार महेश शिंदे यांनी औषधनिर्माणशास्त्र विषयातून पदवी घेतली असून, त्यांना वैद्यकीय क्षेत्राची चांगलीच जाण आहे. विधानसभा निवडणुकीत विजय मिळवल्यानंतर खर्‍या अर्थाने मतदारसंघाचा चेहरामोहरा बदलण्याचा निर्धार केला होता, मात्र जागतिक संकट असलेल्या कोरोनाने ग्रामीण भागात देखील धडक दिल्यानंतर त्यांनी कोरोनाशी दोन हात करायचे आणि कोणत्याही परिस्थितीत कोरोनाला हरवायचेच, असा पण केला आणि त्यादृष्टीने सहकारी कार्यकर्त्यांना बरोबर घेत त्यांनी थेट कामाला सुरुवातच केली आणि त्यात नेत्रदीपक यश मिळाले आहे. जनतेच्या आरोग्याची काळजी घेणारा आमदार कोरेगावला लाभला, हे नशीबच म्हणावे लागेल, असे गौरवोदगार राहूल प्र. बर्गे यांनी काढले आहेत.

अजिंक्यतारा कारखान्यावर उभा राहणार ऑक्सिजन निर्मिती प्लांट

सातारा : कोरोनाने सर्वत्र हाहाकार उडाला असून ऑक्सिजनच्या तुटवड्यामुळे रुग्णांचे हाल होत आहेत. रुग्णालयात ऑक्सिजन मिळत नसल्याने रुग्ण दगावत आहेत. या गंभीर परिस्थितीवर तोडगा म्हणून आणि कोरोना रुग्णांना ऑक्सिजनचा मुबलक पुरवठा व्हावा या उदात्त हेतूने अजिंक्यतारा सहकारी साखर कारखान्याने ऑक्सिजन निर्मिती प्लांट उभारण्याचा निर्णय घेतला आहे. येत्या महिना अखेपर्यंत प्लांट सुरु होईल आणि त्याद्वारे विविध रुग्णालयांना ऑक्सिजनचा पुरवठा होईल, अशी माहिती कारखान्याचे मार्गदर्शक संचालक आ. श्रीमंत छ. शिवेंद्रसिंहराजे भोसले यांनी दिली आहे. ऊस पुरवठादार सभासद, शेतकऱ्यांना नेहमीच उच्चतम दर देऊन राज्यातील एक आदर्श सहकारी संस्था असा नावलौकिक मिळवलेल्या अजिंक्यतारा कारखान्याने विविध उपक्रमांतून सातत्याने सामाजिक बांधिलकीही जोपासली आहे. महाराष्ट्रासह परराज्यातील पुरग्रस्थांना मदत, दुष्काळग्रस्त भागातील जनावरांसाठी चारा, आपत्तीग्रस्थांसाठी मदत अशा विविध उपक्रमांद्वारे सामाजिक बांधिलकीतही अग्रेसर राहणाऱ्या या कारखान्याने सध्याची गंभीर परिस्थिती ओळखून कोरोना महामारीमध्ये रुग्णालयांना ऑक्सिजनचा पुरवठा व्हावा आणि ऑक्सिजन अभावी रुग्णांची होणारी जीवघेणी हेळसांड थांबावी यासाठी ऑक्सिजन निर्मिती प्लँट उभारण्याचा निर्णय घेतला आहे. कोरोना महामारीच्या दुसऱ्या लाटेने महाराष्ट्रासह सातारा जिल्ह्यातही थैमान घातले आहे. दररोज दोन हजारच्या पटीने रुग्णसंख्या वाढत आहे. रुग्णांना बेड मिळत नाही आणि बेड मिळाला तर ऑक्सिजनच्या तुटवड्यामुळे रुग्णांना ऑक्सिजन मिळत नाही आणि त्यामुळे रुग्ण दगावत आहेत. या गंभीर परिस्थितीवर कायमस्वरूपी तोडगा काढण्यासाठी आ. शिवेंद्रसिंहराजे आणि संचालक मंडळाने कारखाना कार्यस्थळावर ऑक्सिजन निर्मिती प्लांट सुरु करण्याचा निर्णय घेतला आहे. अजिंक्यतारा कारखान्यावरील या प्लांटमध्ये हवेतील ऑक्सिजन गोळा करून तो सिलिंडरमध्ये भरला जाणार आहे. या प्लांटमध्ये २४ तासांत प्रत्येकी १२ किलो ऑक्सिजनचे ९० जम्बो सिलिंडर भरले जाणार आहेत. वैद्यकीय सेवेसाठी उत्पादित केला जाणाऱ्या या ऑक्सिजनची शुद्धता ९६ टक्के असणार आहे. येत्या महिना अखेरीस हा प्लांट सुरु होणार असून याचा फायदा जिल्ह्यातील रुग्णालयांना आणि पर्यायाने रुग्णांना

ग्रामपंचायत तासगाव चे कार्य कौतुकास्पद; सर्व सोयींनीयुक्त उभारले 30 बेडचे कोरोना विलगीकरण कक्ष

सातारा : कोरोना महामारीने आपली पाळेमुळे आता ग्रामीण भागात अधिक घट्ट करण्यास सुरुवात केली आहेत. ग्रामीण भागातच रुग्णांच्या संख्येत मोठ्या प्रमाणात वाढ झाल्यामुळे तेथील आरोग्य व्यवस्था अपुरी पडत आहे. अशातच ग्रामीण भागात एकत्र कुटुंब पद्धती अथवा घरांमध्ये वेगळ्या खोली नसल्याचे संसर्ग घरात सर्वांना होण्याची शक्यता नाकारता येत नाही. अशातच तासगाव हे पंचक्रोशीचे गाव यामध्ये ब्राह्मणवाडी, भोसलेवाडा, धोंडेवाडी, व मुळीकवाडी यांचाही समावेश असून येथील कोरोना बाधितांची संख्या 100 पेक्षा जास्त झाल्यामुळे वेळीच याला आळा बसावा याकरता ग्रामपंचायत तासगाव व तरुण युवकांच्या माध्यमातून सुसज्ज असे 30 बेड चे श्री सिद्धेश्वर कोरोना विलगीकरण कक्षा ची उभारणी करून नागरिकांना चांगली सोय देण्याचा प्रयत्न या ठिकाणी करण्यात आलेला आहे. अनेक ग्रामस्थही याचा फायदा घेत आहेत, तर काहीनी आपला विलिनीकरणाचा 14 ते 17 दिवसाचा वेळ पूर्ण करून बरे होऊन आनंदाने आपापल्या घरी गेले आहेत. अशा सुसज्ज विलिनीकरण कक्षामध्ये नागरिकांच्या सोयीसाठी अत्यावश्यक म्हणून ऑक्सीजन मशीन, सॅनिटायझर, प्रत्येक खोली मध्ये पंखे, आंघोळीसाठी गरम पाणी, पिण्यासाठी स्वच्छ पाणी, तसेच सकाळी चहा अथवा दूध नाष्टा व दुपारी चहा बिस्कीट याचीही सोय त्याठिकाणी करण्यात आलेली आहे. विलीनीकरण कक्ष व परिसराची दररोज हायपोक्लोराइडने फवारणी केली जाते. आरोग्य अधिकाऱ्यांच्या मदतीने या ठिकाणी दररोज रुग्णांची तपासणी करून योग्य ते मार्गदर्शन करण्यात येते. या उपक्रमामुळे तासगाव ग्रामपंचायतीचे तालुका व जिल्हा स्तरावर कौतुक होत असून इतर गावांनीही असा उपक्रम हाती घेणे गरजेचे आहे.

कोरोनाचा कहर सुरु असताना सातारा पालिका सुस्त का? : आ. शिवेंद्रसिंहराजे; सातारकरांसाठी किमान आयसोलेशन वॉर्ड तरी सुरु करा

सातारा : कोरोना महामारीने संपूर्ण जनजीवन ठप्प झाले आहे. दररोज दोन हजारांपेक्षा जास्त रुग्णवाढ होत आहे. जिल्हा रुग्णालय, जम्बो कोव्हीड सेंटर यासह सर्व शासकीय आणि खाजगी रुग्णालये फुल्ल झाली असून रुग्णालयांच्या बाहेर रुग्णांच्या रांगा पहायला मिळत आहेत. अशी भयानक परिस्थिती असताना सातारा पालिकेकडून नागरिकांसाठी कोणतीही सुविधा दिली जात नाही. कोरोनाचा कहर सुरु असताना सातारा पालिका सुस्त का बसून आहे, असा वास्तववादी सवाल आ. श्रीमंत छ. शिवेंद्रसिंहराजे भोसले यांनी केला असून सातारकरांसाठी किमान आयसोलेशन वॉर्ड तरी पालिकेने सुरु करावा असे त्यांनी म्हटले आहे. सातारा पालिकेकची हद्दवाढ झाली असून शाहूपुरी, शाहूनगर आदी उपनगरे पालिकेत समाविष्ट झाली आहेत. यापूर्वी शाहूपुरी सारख्या ग्रामपंचायती कण्हेर आरोग्य केंद्राशी जोडल्या होत्या मात्र आता शहराशी जोडल्या गेल्या आहेत. दिवसेंदिवस कोरोना बाधितांची संख्या वाढत असून उपलब्ध आरोग्य यंत्रणेवर मोठा ताण पडत आहे. रुग्णांना बेड मिळत नाही आणि उपचाराअभावी रुग्ण दगावत आहेत. होम आयसोलशनमध्ये मोठ्या प्रमाणत रुग्ण असून त्यांच्यामुळे कुटुंबातील इतर व्यक्तींना लागण होण्याचा धोका आहे. घर लहान असेल तर हा धोका वाढत असून बहुदा यामुळेच रुग्णसंख्या वाढत आहे. 14 व्या वित्त आयोगाच्या व्याजाचे पैसे कोरोना आपत्ती निवारणासाठी खर्च करावेत अशा सूचना शासनाने पालिकेला दिल्या आहेत. रहिमतपूर सारख्या छोट्या नगर पालिकेने तेथील नागरिकांसाठी कोरोना केअर सेंटर सुरु केले असून अगदी बेड, लाईट व्यवस्था, ऑक्सिजनसह सर्व सुविधा या सेंटरसाठी या पालिकेने दिल्या आहेत. रहिमतपूर सारखी छोटी नगरपालिका नागरिकांसाठी सुविधा उपलब्ध करून देत असेल तर शासनाने सूचना देऊनही सातारा सारखी मोठी अ वर्ग नगरपालिका थंड का पडली आहे, हा खरा प्रश्न आहे. सातारा शहर आणि लगतच्या उपनगरांमध्ये कोरोना बाधितांची संख्या वाढत आहे. अशा वेळी पालिकेने काहीतरी सुविधा देणे अपेक्षित होते. सातारा शहर आणि आसपासच्या परिसरात मोठमोठी मंगल कार्यालये आहेत. पालिकेचे स्वतःचे मंगल कार्यालय आहे. अशा ठिकाणी रुग्णांसाठी किमान आयसोलेशन वार्ड तरी पालिकेने सुरु केल्यास त्याचा सातारकरांना फायदा होईल, असे आ. शिवेंद्रसिंहराजे यांनी म्हटले आहे. आरोग्य उपसंचालक पदाचा फायदा करून घ्यासर्व प्रकरच्या उपलब्धी असताना पालिकेकडून काहीही सुविधा दिली जात नाही या मागचे गौडबंगाल काय असावे? हा खरा प्रश्न आहे. पालिकेच्या नगराध्यक्षा सौ. माधवी कदम यांचे पती डॉ. संजोग कदम हे आरोग्य उपसंचालक आहेत. पती आरोग्य विभागाच्या वरिष्ठ पदावर आहे याचा तरी फायदा माधवी कदम यांनी सातारकरांना करून द्यायला हवा होता. आता कोरोनाची तिसरी लाट येण्याची शक्यता वर्तवण्यात येत आहे त्यामुळे अजूनही वेळ गेलेली नाही. सातारा पालिकेने आपली जबाबदारी ओळखून सातारकरांच्यासाठी उपचारासाठी काहीतरी सुविधा उपलब्ध करून द्यावी आणि सातारकरांना दिलासा द्यावा, असे आ. शिवेंद्रसिंहराजे यांनी म्हटले आहे. खा. उदयनराजेंनी लक्ष घालण्याची केली विनंती परवाच खा. उदयनराजे भोसले यांनी जिल्हाधिकारी कार्यालयात जाऊन कोरोना संदर्भात बैठक घेतली. आता गोवा राज्यातही लॉकडाऊन लागू करण्यात आला आहे आणि खा. उदयनराजे सुद्धा साताऱ्यात आहेत, हे प्रसारमाध्यमातून आलेल्या बातम्यांमुळे समजले. आता खा. उदयनराजेंनीच या प्रश्नात लक्ष घालावे अशी विनंती आ. शिवेंद्रसिंहराजे यांनी केली असून तुमच्याशिवाय पालिका प्रशासन आणि नगरसेवक हलणार नाहीत. त्यामुळे तुम्हीच आता काहीतरी करा आणि सातारकरांसाठी पालिकेमार्फत एखादी तरी सुविधा उपलब्ध करून द्या, अशी विनंती आ. शिवेंद्रसिंहराजे यांनी खा. उदयनराजेंना केली आहे.

कोरोना लसीकरणानंतर वैयक्तिक आजारांची दररोजची नियमित औषधे सेवन बंद करू नये; मुख्य कार्यकारी अधिकारी विनय गौडा यांचे आवाहन

सातारा : कोरोना लसीकरण योग्य नियोजनाने चालू असून नागरिकांनी लसीकरणानंतरही स्वतःच्या वैयक्तिक आजारांची दररोज चालू असलेली औषधे बंद करू नये, असे आवाहन जिल्हा परिषदेचे मुख्य कार्यकारी अधिकारी विनय गौडा जी सी यांनी एका प्रसिद्धीपत्रकाद्वारे तातडीने केले आहे. सध्या कोरोना लसीकरणाचा पहिला डोस तसेच दुसरा डोस देण्याचे काम जिल्ह्यात चालू आहे. या दरम्यान काही ठिकाणी असे निदर्शनास येत आहे की नागरिक स्वतःहून लसीकरणानंतर त्यांना असलेल्या मूळ आजारांची सध्या चालू असलेली औषधे सेवन करणे बंद करीत आहेत. जर एखाद्या नागरिकास मधुमेह, कर्करोग, उच्च रक्तदाब असा आजार असेल आणि त्याची औषधे चालू असतील तर ती औषधे बंद करू नयेत. कोरोना लसीचा आणि औषधांचा संबंध नाही. फार आवश्यकता वाटल्यास वैद्यकीय तज्ञांशी, डॉक्टरांशी तातडीने बोलावे. परंतु स्वतःहून लसीकरणानंतर औषध सेवन कोणतेही बंद करू नये, असे कळकळीचे आवाहन या प्रसिद्धिपत्रकात करण्यात आले आहे. 45 वर्षे वयावरील नागरिकांचे 50 टक्के लसीकरण सातारा जिल्ह्यात पूर्ण झाले असून त्याला नागरिकांचा चांगला प्रतिसाद आहे यादरम्यान इतर आजार असणारे नागरिक लसीकरणानंतर स्वतःहून ही औषधे बंद करीत आहेत. तसे न करता नागरिकांनी ती औषधे चालू ठेवावीत आणि आवश्यकता वाटल्यास वैद्यकीय तज्ञ यांचा सल्ला घ्यावा असे आवाहन श्री गौडा यांनी केले आहे. नागरिक लसीकरणाला शिस्तबद्धरीत्या आणि सकारात्मक प्रतिसाद देत असल्याबद्दल तसेच; प्रशासनाचे नियम जबाबदारीने पाळत असल्याबद्दल मुख्य कार्यकारी अधिकाऱ्यांनी नागरिकांचे धन्यवाद देखील आवर्जून मानले आहेत.

आ. महेश शिंदे हेच सामान्य जनतेचे आरोग्यदूत काडसिध्देश्‍वर कोविड हॉस्पिटलच्या माध्यमातून कोरोनाविरुध्दच्या लढाईत यश मिळवू : ना. शंभूराज देसाई

कोरेगाव : कोरोनाची तिसरी काय किंवा चौथी लाट आली तरी, कोरेगाव विधानसभा मतदारसंघातील जनतेला घाबरण्याची भीती नाही. सर्वसामान्य जनतेने आमदार महेश शिंदे यांच्या माध्यमातून आरोग्य दूत निवडून दिला आहे, त्यामुळे काडसिध्देश्‍वर कोविड हॉस्पिटलद्वारे कोरोनावर आपण सर्वजण निश्‍चितपणे मात करु, असा विश्‍वास गृहराज्यमंत्री ना. शंभूराज देसाई यांनी व्यक्त केला. कोरेगाव मतदारसंघात कोरोनाचा वाढता प्रार्दुभाव लक्षात घेऊन सर्वसामान्य जनतेला दिलासा देण्यासाठी आमदार महेश शिंदे यांनी स्वखर्चातून कोरेगावच्या रेल्वे स्टेशननजिक जितराज मंगल कार्यालयात नव्याने सुरु केलेल्या काडसिध्देश्‍वर कोविड हॉस्पिटलचे उदघाटन ना. देसाई यांच्या हस्ते व राष्ट्रीय स्वयंसेवक संघाचे जिल्हा कार्यवाह मुकुंद आफळे यांच्या प्रमुख उपस्थितीत झाले. त्यावेळी संवाद साधताना ते बोलत होते. आमदार महेश शिंदे, डॉ. अरुणा बर्गे, किरण बर्गे, सुनील खत्री, राहूल प्र. बर्गे, प्रथम नगराध्यक्ष प्रशांत उर्फ राजाभाऊ बर्गे, संदीप शिंदे, नगराध्यक्षा रेश्मा कोकरे, खटावे उपसरपंच राहूल पाटील, प्रांताधिकारी ज्योती पाटील, तहसीलदार अमोल कदम, गटविकास अधिकारी क्रांती बोराटे, तालुका आरोग्य अधिकारी डॉ. राजेंद्र जाधव, डॉ. राजन काळुखे यांच्यासह मान्यवर उपस्थित होते. ना. देसाई पुढे म्हणाले की, संपूर्ण महाराष्ट्रात सर्वात प्रथम कोरोना हॉस्पिटल सुरु करण्याचा बहुमान आमदार महेश शिंदे यांच्याकडे जातो. त्यांनी क्षणाचाही विलंब न लावता, धाडसी निर्णय घेतला आणि मतदारसंघातील जनतेसाठी केवळ चार ते पाच दिवसात सर्वात मोठे मोफत कोविड हॉस्पिटल उभे केले आहे. अक्षरश: जनतेचे आरोग्य दूत म्हणून ते काम करत असून, जेव्हापासून कोरोनाने महाराष्ट्रात धडक दिली, तेव्हापासून ते कोरोना विरुध्दच्या लढाईत सक्रीय झाले आहेत. गेल्यावर्षी हजारो रुग्णांना या कोविड हॉस्पिटलचा लाभ झाला आहे. यावर्षी कोरोनाच्या दुसर्‍या लाटेने अवघ्या एका आठवड्यात होत्याचे नव्हते करुन टाकले, तेव्हासुध्दा क्षणाचाही विलंब न लावता, त्यांनी उपजिल्हा रुग्णालयात १२२ बेड्सचे काडसिध्द कोविड हॉस्पिटल उभे केले. शासकीय आरोग्य यंत्रणेच्या बरोबरीने काम करत त्यांनी अनेकांचे प्राण वाचविले आहेत. सध्याच्या बेड्सचा तुटवडा लक्षात येताच, त्यांनी पुन्हा एकदा रेल्वे स्टेशननजिक काडसिध्देश्‍वर कोविड हॉस्पिटल सुरु करण्याचा मनोदय व्यक्त केला. त्यासाठी आवश्यक असलेल्या सर्व प्रक्रिया स्वत: पूर्ण करुन घेत एका आठवड्याच्या आत त्यांनी पुन्हा शंभर बेड्सचे सुसज्ज कोविड हॉस्पिटल उभे केले आहे, हे शिवधनुष्य त्यांनी कुटुंबीय, मित्रपरिवाराच्या बळावर पेलले आहे, त्यांच्याशिवाय दुसर्‍या कोणाचे ते कामच नाही. सद्यस्थितीत कोरेगावात १८० ऑक्सिजन बेड्स झाले आहेत, त्यामुळे रुग्णांची आणि त्यांच्या नातेवाईकांची हेळसांड होणार नाही, त्यांना वेळेत उपचार मिळणार आहेत, कोरेगाव मतदारसंघाचे खरेच भाग्य आहे, त्यांना अत्यंत चांगला, हुशार, अभ्यासू आणि वेळेची किंमत जाणणारा लोकप्रतिनिधी लाभला आहे, असे गौरवोदगार ना. देसाई यांनी काढले. मुकुंद आफळे म्हणाले की, जनसेवा हीच ईश्‍वरसेवा हे ब्रीद घेऊन आमदार महेश शिंदे हे कोरोना विरुध्दच्या लढाईत पूर्ण ताकदीनिशी उतरले आहेत, त्यांच्या पाठीशी केवळ आम्हीच नव्हे तर मतदारसंघातील सर्वसामान्य जनता, वयोवृध्द नागरिक, महिला व युवक वर्ग आहे. पहाटेपासून ते रात्री उशिरापर्यंत त्यांची धावपळ पाहिली तर सर्वकाही कोरोना विषय असतो, प्रत्येक गाव आणि वाडीवस्तीवरील रुग्णांची माहिती घेऊन, त्यांच्या आरोग्याची काळजी ते घेत असतात. त्यांच्या माध्यमातून आज कोरेगाव मतदारसंघ आरोग्याच्या बाबतीत सर्वात अग्रेसर बनला आहे. सुनील खत्री म्हणाले की, आमदार महेश शिंदे यांच्या रुपाने मतदारसंघाला अत्यंत कुशल प्रशासक आणि अभ्यासक आमदार लाभला आहे, त्यांनी कोरोना विरुध्दच्या लढाईत स्वत:ला झोकून दिले आहे, त्यांनी सर्वसामान्य जनता हीच केंद्रस्थानी मानून काम केले आहे, मतदारसंघातील सर्व जनता त्यांच्याबरोबर आहे, त्यांना लागेल ते सहकार्य केले जाईल. कार्यक्रमाच्या यशस्वीतेसाठी राहूल प्र. बर्गे व प्रशांत उर्फ राजाभाऊ बर्गे यांनी परिश्रम घेतले. कार्यक्रमास संतोषआबा जाधव, नगरसेवक जयवंत पवार, महेश बर्गे, सुनील बर्गे, राहूल र. बर्गे, महेंद्र पवार, उज्ज्वला निकम, साधना बर्गे, सायली भंडारे, वसीम इनामदार यांच्यासह मतदारसंघातील मान्यवर उपस्थित होते. ◆ चौकट :◆ शुभारंभानंतर तात्काळ ३१ रुग्णांवर उपचार सुरु - अवघ्या तीन दिवसात कोविड हॉस्पिटलची उभारणी केली असून, शुभारंभानंतर काही मिनिटातच ३१ रुग्ण तेथे दाखल झाले असून, त्यांच्यावर उपचार करण्यास सुरुवात झाली आहे. एकाचवेळी शंभरपेक्षा जास्त रुग्ण आले तरी त्यांच्यावर तात्काळ उपचार केले जाणार असून, उपजिल्हा रुग्णालयातील काडसिध्द कोविड हॉस्पिटलमध्ये सद्यस्थितीत १३५ रुग्ण उपचार घेत आहेत. कोरोनाग्रस्त प्रत्येक रुग्णावर मोफतच उपचार केला जाणार असून,त्यामध्ये कोठेही कमी पडणार नाही, अशी ग्वाही आमदार महेश शिंदे यांनी दिली.

फलटण येथील सुविधा हॉस्पीटलमधील वॉर्ड बॉयला अटक; करत होता रेमिडिसवर इंजेक्शनचा काळाबाजार

सातारा : जिल्हा प्रशासन रोजच्या रोज रुग्णालयांच्या मागणीनुसार 35 टक्के रेमिडिसवर पुरवठा करीत आहेत. फलटण येथील सुविधा हॉस्पीटलमध्ये वॉर्ड बॉय रेमिडिसवर काळाबाजार करीत असल्याचे समजताच,अन्न व औषध प्रशासन विभागाचे औषध निरीक्षक अरुण गोडसे यांनी वॉर्ड बॉयला रंगेहात पकडले. हा वॉर्ड बॉय रेमिडिसवरचे एक इंजेक्शन 35 हजार रुपयांना विकत असल्याचे निर्दशनास आले आहे. या वॉर्ड बॉयला अटक करण्यात आली असून पोलीस विभाग पुढील तपास करीत आहे. यापुढे असा कोणी रेमिडिसवर औषधाचा काळाबाजार करीत असल्याचे आढळल्यास त्याच्यावर जिल्हा प्रशासनाकडून कडक कारवाई करण्यात येणार असल्याचे प्रशासनाकडून सांगण्यात आले.

जिल्ह्यात एक गाव एक वाण अभियान; कृषी विभागाचा उपक्रम, बियाणांचा तुटवडा दूर करुन शेतकऱ्यांना दिलासा

सातारा : जिल्ह्यात कोरोना संसर्ग असतानाही कृषी विभागाने आगामी खरीप हंगामाची तयारी सुरु केली आहे. पिकावरील कीड व रोग नियंत्रण, सेंद्रिय खतांचा वापर, बियाणाची उपलब्धता, शेतमालाची विक्री किफायतशीर व सुलभ पध्दतीने करण्यासाठी जिल्ह्यात एक गाव एक वाण हे अभियान राबवण्यात येत आहे. या अभियानामुळे शेतकऱ्यांचा दिलासा मिळणार आहे. ?एक गाव, एक वाण? या संकल्पनेनुसार पिकपध्दत अवलंबण्यात येत आहे. जिल्ह्यातील शेकडो गावांमध्ये ठराविक एकाच पिकाची लागवड केली जाणार आहे. या अभियानासाठी शेतकरी उत्पादक कंपन्या व सेवाभावी संस्थांची मदत घेण्यात येत आहे. प्रत्येक गावात धान्याच्या एका वाणाची पेरणी करुन त्यातून मिळणाऱ्या उत्पन्नातून वाण विकसित केले जाणार आहेत. एक पीक पध्दतीमुळे शेतकऱ्यांचे होणारे नुकसान टाळण्यासाठी ही मोहीम आहे. जिल्ह्यात खरीप हंगामात भात, सोयाबीत, कांदा, बाजरी, हायब्रीड ज्वारी, घेवडा, चवळी, मूग, उडीद, वाटाण इत्यादी पिकांची हजारो हेक्टर लागवड केली जाते. संकल्पनेनुसार एका गावात एकच वाण लावल्याने संबंधित पिकाची वाढ एकाचवेळी होणार आहे. त्यामुळे आवश्यकतेनुसार औषध फवारणी, रोग किंवा कीड नियंत्रण करणे शक्य होणार आहे. सुगीच्या हंगामात पिकाच्या कापणीसाठी यांत्रिकी पध्दतीचा एकाचवेळी अवलंब करता येणार आहे. एका गावातून एखाद्या पिकाचे उत्पादन झाल्यास त्याची विक्री करणे सोयीचे होणार आहे. शिवाय चांगल्या दर्जाच्या शेती उत्पादनातून बियाणे उपलब्ध होणार आहेत. बोगस बियाणे किंवा बियाण्याचा तुटवडा झाल्याने शेतकऱ्यांचे होणारे नुतकसान टाळता येणार आहे. शिवाय या उपक्रमांतर्गत घेतलेल्या पिक उत्पादनातून बियाणे निवडता येणार आहे. हे बियाणे पुढील किमान तीने वर्षासाठी शेतकरी वापरु शकतात. पेरणीवेळी होणारा बियाणावरचा मोठा खर्च वाचणार आहे. त्यामुळे शेतीवरील खच्र कमी करुन उत्पादकता वाढवल्यास शेतकऱ्यांना फायदा होणार आहे. ?एक गाव एक वाण? या उपक्रमात सहभागी होणाऱ्या गावांतील शेतकऱ्यांना समूहामध्ये पीक विमा भरणे सोयीचे होणार आहे. पिकांसाठी संतुलित प्रमाणात खताचा वापर करणे शक्य आहे. किंबहुना या अभियानात सेंद्रिय शेतीला प्रोत्साहन देण्यात येत आहे. एका वाणाची लागवड करुन त्यातून विविध वाण विकसित केले जाणार आहेत. युरियाच्या वापरावर नियंत्रण आणून हिरवळीच्या खतांवर भर दिला जाणार आहे. जिल्ह्यातील प्रत्येक गावात ?एक गाव एक वाण ? ही मोहीम राबवण्यात येणार आहे. खरिप हंगामात जिल्ह्यात सोयाबिनची मोठ्याप्रमाणावर पेरणी केली जाते. त्यामुळे सोयाबिन बियाण्याची टंचाई भासणार आहे. त्यामुळे शेतकऱ्यांनी घरचेच सोयाबिन बियाणे वापरावे, असे आवाहन कृषी विभागाने केले असून शेतकऱ्यांमध्ये जनजागृती केली जाणार आहे. कोरोना संसर्गाच्या पार्श्वभूमीवर शासनाने लॉकडाऊन केला असला तरी शेती ही कठीण काळात साथ देते. खरीप हंगामासाठी लागणारी खते, बियाणे, कीटकनाशके आदी शेतकऱ्यांना मुबलक मिळावीत, यासाठी कृषी विभागाने जय्यत तयारी केली आहे. ■■ शेतकऱ्यांनी पेरणीसाठी बीबीएफ तंत्रज्ञानाचा वापर करावा : त्यासाठी शेतकऱ्यांना मार्गदर्शन केले जाणार आहे. शेती उत्पन्न वाढवण्यावर कृषी विभागाचा भर आहे. कडधान्य उत्पादन वाढीचे प्रत्यत्न आहेत गावनिहाय आराखडा तयार करण्याचे काम सुरु आहे. ?एक गाव एक वाण? या उपक्रमाचा लाभ शेतकऱ्यांनी घ्यावा. - गुरुदत्त काळे, जिल्हा अधीक्षक कृषी अधिकारी

निसराळे-जावळवाडी दरम्यान वृक्षतोड; वनविभागाची कारवाई

सातारा : सातारा तालुक्यातील अतीत येथील वीज वितरण कंपनीच्या संबंधित यंत्रणेने वीज तारांच्या अडथळ्याचे कारण दाखवून सातारा तालुक्यातील जावळवाडी ते निसराळे रस्त्यादरम्यान जागोजागी वृक्षतोड करत हम करे सो कायदा अशी दंडेलशाही चालवून पर्यावरणाचे नुकसान केले आहे. दरम्यान, या घटनेबाबत स्वाभिमानी शेतकरी संघटनेचे जिल्हाध्यक्ष राजु शेळके यांनी नाराजी व्यक्त करत संबंधित यंत्रणेवर वनविभागाने कठोर कारवाई, अशी मागणी करून महावितरणकडून झालेली चूक जिल्हा प्रशासनाच्या निदर्शनास आणून दिली. या घटनेनंतर सातारा वनक्षेत्रपाल शितल राठोड यांच्या मार्गदर्शनाखली वन कर्मचाऱ्यांनी प्रत्यक्ष पाहणी करत वृक्षतोडीचा पंचनामा केला. संबंधित यंत्रणेवर दंडात्मक कारवाई करण्यात येणार असल्याचे वनविभागाकडून सांगण्यात आले. संबंधिताविरोधात कठोर कारवाई करावी, अशी मागणी राजू शेळके यांनी केली आहे.

पाटणकरांकडून कोरोना रुग्णांच्या औषधोपचारासाठी २५ हजारांची मदत

पाटण : माजी मंत्री विक्रमसिंह पाटणकर व सत्यजितसिंह पाटणकर यांच्या माध्यमातून पाटण एज्युकेशनल अँड डेव्हलपमेंट ट्रस्टच्या वतीने कोरोनाच्या पार्श्र्वभूमीवर पाटण येथील कोरोना केअर सेंटरमधील बाधित रुग्णांच्या औषधोपचारार्थ २५ हजार रुपयांची आर्थिक मदत पाटणचे तहसीलदार योगेश्र्वर टोंपे यांच्याकडे सुपूर्द करण्यात आली. पाटण विधानसभा मतदारसंघातील बाधित नागरिकांसाठी यापूर्वी माजी मंत्री विक्रमसिंह पाटणकर व सत्यजितसिंह पाटणकर यांच्या माध्यमातून पाटण येथील कोरोना केअर सेंटर ऑक्सिजन बेडची निर्मिैती करण्यात आली. त्यानंतरही ऑक्सिजन सिलिंडर अपुरे पडत असल्याने पुन्हा सिलिंडरसाठी सव्वा लाखाचा निधी दिला. नुकताच सत्यजितसिंह पाटणकर यांनी पाटण येथील कोरोना केअर सेंटरमधील बाधितांच्या औषधोपचारासाठी २५ हजार रुपयांची आर्थिक मदत केली आहे. ही मदत तहसीलदार योगेश्र्वर टोंपे यांच्याकडे सुपूर्द करण्यात आली आहे. सामाजिक बांधिकलकीतून ही मदत देण्यात आली.

मराठे समोरुन वार करतात, कोणी टार्गेट केल्यास जशास तसे उत्तर : आ. शशिकांत शिंदे

सातारा : सातारा येथील राष्ट्रवादी काँग्रेसच्या कार्यालयावर दगडफेक झालेल्या घटनेचा आ. शशिकांत शिंदे यांनी तीव्र शब्दात निषेध केला आहे. तसेच जाणीवपूर्वक एका पक्षाला टार्गेट करण्याचे काम कोणी करत असेल तर जशास तसे उत्तर देण्याची ताकद आमच्यात आहे. मराठे पाठीमागून वार करत नाहीत. मराठे समोरुन वार करतात. या सर्व घटनेमागचा सूत्रधार कोण आहे याचा पोलिसांनी शोध घेवून त्यांना अटक करावी, अशी मागणी त्यांनी केली. सातारा येथील राष्ट्रवादी काँग्रेसच्या कार्यालयावर दगडफेक झाल्यानंतर आ. शिंदे यांनी तात्काळ कार्यालयास भेट देवून झालेल्या घटनेचा निषेध व्यक्त केला. त्यानंतर पत्रकारांशी बोलताना ते म्हणाले, मराठा आरक्षणाबाबत सर्वोच्च न्यायालयाने दिलल्या निर्णयाशी राष्ट्रवादी काँग्रेस पक्षाचा काहीही संबंध नाही. याचिकाकर्ते सदावर्ते यांनी शरद पवार, सुप्रिया सुळे व अजित पवार यांच्यावर टिका केली आहे. याचिकाकर्ते आमचे असते तर त्यांनी खालच्या पातळीवर जावून नेत्यांवर टिका केली नसती. मराठा आरक्षण लढाईत आम्ही प्रत्यक्ष अप्रत्यक्ष सहभागी होतो. आरक्षणप्रश्नी भाजपा राजकारण करत आहे का? या प्रश्नावर बोलताना आ. शिंदे म्हणाले, १०० टक्के भाजप राजकारण करत आहे. हे आरक्षण होवू नवे किंवा यामध्ये राजकारण करण्याचा प्रयत्न करणे एवढेच काम त्यांच्याकडून होत आहे. त्याला भाजपाच जबाबदार आहे. मराठा आरक्षणाबाबत देवेंद्र फडणवीस व चंद्रकांत पाटील यांना वाटत असेल तर सर्वोच्च न्यायालयाने सांगितल्याप्रमाणे केंद्र सरकारने व राष्ट्रपतींनी निण्रय करावा आम्ही त्यांच्या सोबत आहे. त्यानी ३७० ची घटना बदलण्याचा निर्णय घेतला त्यापध्दतीने मराठा आरक्षणाबाबत केंद्र शासनाने पुढाकार घ्यावा संपूर्ण महाराष्ट्र त्यांच्या पाठीशी उभा राहिल. धनगर आरक्षणात ज्या पध्दतीने वेळकाढूपणा करत राजकारण केले त्यापध्दतीने मराठा आरक्षणाचे राजकारण करू नये. हा समाज पुरोगामी विचाराचा आहे असेही आ. शिंदे म्हणाले. यावेळी युवकाचे जिल्हाध्यक्ष तेजस शिंदे, जिल्हा सरचिटणीस राजकुमार पाटील व पदाधिकारी कार्यकर्ते उपस्थित होते.

विनापास सेवा दिल्यास कारवाई; कऱ्हाड पालिकेचा इशारा, आठ विक्रेत्यांना दणका

कऱ्हाड : घरपोच किराणा व भाजीपाला विक्री करण्यासाठी परवानगी असणे बंधनकारक आहे. मात्र, काही जण परवानगी न घेता मालाची घरपोच विक्री करीत आहेत. अशा विक्रेत्यांवर पालिकेने कारवाईचा बडगा उगारला असून आजअखेर आठ जणांवर अशी कारवाई करण्यात आली आहे. कोरोना संक्रमाणाचा वेग वाढल्यामुळे कडक लॉकडाऊन करण्यात आले आहे. अत्यावश्यक सेवा असणाऱ्या किराणा व भाजीपाल्याची दुकानवेही बंद ठेवण्यात आली आहेत. मात्र, विक्रेत्यांना सकाळी ११ वाजेपर्यंत घरपोच सेवा देण्यास मुभा देण्यात आली आहे. त्यासाठीही परवानगीची आवश्यकता आहे. मात्र, कऱ्हाडात पालिकेची परवानगी न घेता घरपोच भाजी विकताना आठ विक्रेते आढळून आले. पालिका कर्मचाऱ्यांनी संबंधित विक्रेत्यांकडील भाजीपाला जप्त केला. पालिकेने आजअखेर ८० भाजी विक्रेत्यांची कोरोना चाचणी केली आहे. त्यामध्ये चार जण बाधित आढळले आहेत. यापूर्वी किराण दुतकानदारांची चाचणी करण्यात आली होती. त्यामध्येही काही जण बाधित आढळले. त्यामुळे किराण व भाजीपाला घरपोच विक्री करण्यापूर्वी विक्रेत्यासह त्याच्याकडे असलेल्या कामगाराची चाचणी करणे बंधनकारक करण्यात आले आहे. चाचणी निगेटिव्ह प्राप्त झाली तरच संबंधिताला घरपोच विक्री सेवेसाठी आवश्यक असणारा पास मिळणार आहे. मात्र, काही जण चाचणी न करता आणि पास न घेता किराण तसेच भाजीपाला घरपोच विक्री करण्याचा प्रयत्न करीत आहेत. त्यामुळे पालिकेने याबाबत कठोर भूमिका घेतली असून चाचणी न करता आणि पास न घेता कोणी घरपोच विक्री करीत असेल तर संबंधितावर कारवाई करण्याचा इशारा देण्यात आला आहे. नागरिकांनीही विक्रेत्याकडे पालिकेचा पास असल्याशिवाय भाजी तसेच किराण घेऊ नये, असे आवाहनही पालिकेच्यावतीने करण्यात आले आहे.

विलगीकरण कक्षासाठी सर्वांनी पुढाकार घ्यावा : तहसीलदार समीर यादव

फलटण : कोरोना रुग्णांची होत असलेली वाढ पाहता तालुक्यातील सर्वच गावांमध्ये विलगीकरण कक्ष होणे गरजेचे आहे. विलगीकरण कक्षासाठी सर्वांनी पुढाकार घ्यावा, असे आवाहन फलटणचे तहसीलदार समीर यादव यांनी केले. विडणी, ता. फलटण येथे कोरोना विलगीकरण कक्ष स्थापन करण्यात आला असून या कक्षास तहसीलदार यादव यांनी भेट दिली. याप्रसंगी ते बोलत होते. यावेळी डॉ. बाळासाहेब शेंडे, सहदेव शेंडे, सचिन भोसले, उत्तमराव नाळे, ग्रामविकास अधिकारी डी. बी. चव्हाण उपस्थित होते, यादव म्हणाल, कोणत्याही घरातील व्यक्ती कोरोना पॉझिटिव्ह आल्यावर तो घरी अथवा घराजवळ राहिल्यास त्याच्या घरातील इतर सदस्यांना संसर्ग होत असल्याचे समोर येत आहे. अशा बाधितांसाठी तालुक्यातील प्रत्येक गावात ग्रामपंचायत व सामाजिक संस्थानी विलगीकरण कक्ष स्थापन करण्यात पुढाकार घ्यावा. प्रास्ताविक वैद्यकीय अधिकारी डॉ. नयन शेंडे यांनी केले. आभार पोलिस पाटील धनाजी नेरकर यांनी मानले.

सुट्टीचा तसेच लॉकडाऊनचा उपयोग विद्यार्थ्यांनी ज्ञानवृध्दीसाठी करावा : प्राथमिक शिक्षणाधिकारी प्रभावती कोळेकर

सातारा : शाळेला सुट्ट्या जाहीर झाल्या असून ऑनलाईन शिक्षणाच्या यशस्वी प्रयोगानंतर या संपूर्ण अनुभवाचा फायदा घेऊन विद्यार्थ्यांनी सुट्टीचा उपयोग ज्ञानवृध्दीसाठी करावा. पालकांनी आणि शिक्षकांनी त्यांना ऑनलाईन तसेच दूरध्वनीद्वारे मार्गदर्शन करत रहावे, असे आवाहन जिल्हा परिषदेच्या प्राथमिक शिक्षणाधिकारी प्रभावती कोळेकर यांनी केले आहे. ऑनलाईन शिक्षणामध्ये सातारा जिल्हा परिषदेने राज्यात प्रथम क्रमांक मिळविला आहे स्वाध्याय उपक्रमाला विद्यार्थी, पालक शिक्षकांनी चांगला प्रतिसाद दिला आहे. शिक्षण थांबता कामा नये. त्याचे स्वरुप औपचारिक अथवा अनौपचारिक असू शकते. विद्यार्थी घरी राहून आपल्या आवडीचे वाचन करु शकतात. जिल्हा परिषदेचा शिक्षण विभाग विद्यार्थी, पालकांच्या सेवेसाठी तत्पर असतो, असेही त्या म्हणाल्या.

सैदापूर ग्रामपंचायतीच्या वतीने गावात निर्जंतुकीकरण

सातारा : कोरोना व्हायरसला हद्दपार करण्यासाठी सैदापूर (ता. सातारा) येथे ग्रामपंचायतीच्या माध्यमातून गाव पातळीवर विविध उपाययोजना राबवल्या जात आहेत. दरम्यान ग्रामपंचायतीच्या वतीने आवश्यक तेथे निर्जंतुकीकरण फवारणी करण्यात येत आहे. बाधित कुटुंबीयांच्या संपर्कात आलेल्या लोकांना विलगीकरणाचे आदेश बजावले आहेत. तसेच या आदेशाचे उल्लंघन केल्यास कायदेशीर कारवाई केली जाणार आहे, अशी माहिती सरपंच सौ. शितल पवार यांनी दिली. कोरोनाची साखळी तोडण्यासाठी सैदापूर ग्रामपंचायतीने संपूर्ण गावात सोडियम हायपोक्लोराइडची फवारणी केली. प्रतिबंधक उपययोजना म्हणून ग्रामपंचायतीच्या सर्व सदस्य ?माझा वॉर्ड, माझी जबाबदारी? अंतर्गत आपापल्या वॉर्डची जबाबदारी पार पाडत आहेत. तसेच जास्तीत जास्त लोकांचे लसीकरण होण्यासाठी पदाधिकारी स्वत: पुढाकार घेत आहेत. माहामारीच्या काळात नागरिकांनी प्रतिबंधात्मक नियमांचे पालन करुन ग्रामपंचायतीला सहकार्य करावे, असे आवाहन ग्रामविकास अधिकारी राजेंद्र पोळ यांनी केले आहे. याप्रंसगी उपसरपंच अनिरुध्द काकडे, युवा नेते प्रवीण पवार, जीवन जंगम, ग्रामपंचायत सदस्य नामदेव राठोड, काशिनाथ शिंदे, वेभव पवार, सौ. संजीवनी धनवे, सौ. स्नेहल जंगम, सौ. वनिता पवार, सौ. आशा मदने आदी उपस्थित होते.

मसूरमध्ये कडक जनता कर्फ्यू

मसूर : मसूरमध्ये जनता कर्फ्यू करण्याचा निर्णय घेण्यात आला आहे. त्यानुसार दि. 2 ते 9 मे 2021 च्या रात्री 11 वा. पर्यंत मसूर पूर्णपणे बंद ठेवण्यात येणार आहे. ग्रामपंचायत पदाधिकारी पोलीस प्रशासन, किराणा व्यापारी, भाजीपाला विक्रेते, चिकन व मटण विक्रेते, विक्रेते, खत व बी बियाणे विक्रेते, दूध, बेकरी दुकानदार व ग्रामस्थ यांच्यात झालेल्या संयुक्त चर्चेनुसार मसूर गावांमध्ये दि. २ मे सकाळी ११.३० वाजल्यापासून ते ९ मे रात्री ११ वाजेपर्यंत जनता कर्फ्यू लागु करण्याचे सर्वसंमतीने ठरले आहे. या कालावधीत सर्व प्रकारची भाजीपाला व फळे विक्री करणारी दुकाने, फिरती दुकाने, हातगाडे, घरपोच सेवा, सर्व प्रकारचे किराणामाल व्यावसायिक यांची होलसेल व रिटेल विक्री, होम डिलिव्हरी तसेच सर्व प्रकारचे बेकरी, केके व मिठाई व्यवसाय, होम डिलिव्हरी, सर्व प्रकारचे चिकन, मटण व मासे व्यावसायिक, तसेच त्यांची होम डिलिव्हरी, खत त बी बियाणे यांची विक्री करणारी दुकाने व शेतीसंबंधी विक्री करणारी दुकाने व शेतीसंबंधी विक्री करणोर सर्व हार्डवेअर दुकानदार व इलेक्ट्रिकल दुकानदार, केस कर्तनालय, चहाची दुकाने, फिरून चहा विक्री आदींचे सर्व व्यवहार बंद ठेवण्यात आले आहेत. तर फक्त ग्रामपंचायतीची व पोलिस प्रशासनाची पूर्वपरवानगी घेऊन बाहेरून आलेला माल गोडाऊन मध्ये उतरून घेणे, दूध वितरण, बँका, पतसंस्था, वर्तमानपत्र वितरण, दवाखाने, मेडिकलची दुकाने यांनाच फक्त परवानगी देण्यात आली आहे. यावेळी मानसिंगराव जगदाळे यांनी मार्गदर्शन केले.

मसूरमध्ये कडक जनता कर्फ्यू

मसूर : मसूरमध्ये जनता कर्फ्यू करण्याचा निर्णय घेण्यात आला आहे. त्यानुसार दि. 2 ते 9 मे 2021 च्या रात्री 11 वा. पर्यंत मसूर पूर्णपणे बंद ठेवण्यात येणार आहे. ग्रामपंचायत पदाधिकारी पोलीस प्रशासन, किराणा व्यापारी, भाजीपाला विक्रेते, चिकन व मटण विक्रेते, विक्रेते, खत व बी बियाणे विक्रेते, दूध, बेकरी दुकानदार व ग्रामस्थ यांच्यात झालेल्या संयुक्त चर्चेनुसार मसूर गावांमध्ये दि. २ मे सकाळी ११.३० वाजल्यापासून ते ९ मे रात्री ११ वाजेपर्यंत जनता कर्फ्यू लागु करण्याचे सर्वसंमतीने ठरले आहे. या कालावधीत सर्व प्रकारची भाजीपाला व फळे विक्री करणारी दुकाने, फिरती दुकाने, हातगाडे, घरपोच सेवा, सर्व प्रकारचे किराणामाल व्यावसायिक यांची होलसेल व रिटेल विक्री, होम डिलिव्हरी तसेच सर्व प्रकारचे बेकरी, केके व मिठाई व्यवसाय, होम डिलिव्हरी, सर्व प्रकारचे चिकन, मटण व मासे व्यावसायिक, तसेच त्यांची होम डिलिव्हरी, खत त बी बियाणे यांची विक्री करणारी दुकाने व शेतीसंबंधी विक्री करणारी दुकाने व शेतीसंबंधी विक्री करणोर सर्व हार्डवेअर दुकानदार व इलेक्ट्रिकल दुकानदार, केस कर्तनालय, चहाची दुकाने, फिरून चहा विक्री आदींचे सर्व व्यवहार बंद ठेवण्यात आले आहेत. तर फक्त ग्रामपंचायतीची व पोलिस प्रशासनाची पूर्वपरवानगी घेऊन बाहेरून आलेला माल गोडाऊन मध्ये उतरून घेणे, दूध वितरण, बँका, पतसंस्था, वर्तमानपत्र वितरण, दवाखाने, मेडिकलची दुकाने यांनाच फक्त परवानगी देण्यात आली आहे. यावेळी मानसिंगराव जगदाळे यांनी मार्गदर्शन केले.

साप येथे रक्तदान शिबिरास प्रविसाद

कोरेगाव : कोरोना महामारीत रक्ताचा तुटवडा भासू नये. यासाठी साप ग्रामपंचायत व सिव्हील हॉस्पिटलच्या संयुक्त विदयमाने रक्तदान शिबिर आयोजित करण्यात आले. या शिबिरात ५० जणांनी रक्तदान करून सामाजिक बांधिलकी जोपासली. या रक्तदान शिबिराचे उद्घाटन पालकमंत्री ना. बाहासाहेब पाटील यांच्या हस्ते करण्यात आले. यावेळी नगराध्यक्ष आनंदा कोरे, राष्ट्रवादी जिल्हाध्यक्ष सुनील माने, सरपंच सुरेंद्र कांबळे, उपसरपंच किरण जाधव(आबा), प्रांताधिकारी सौ. ज्योती पाटील, तहसीलदार अमोल कदम, विदयाधर बाजारे यांच्यासह मान्यवर उपस्थित होते. यावेळी ना. पाटील म्हणाले, रक्ताची गरज भरून काढण्यासाठी उपसरपंच किरण आबा यांनी पुढाकार घेवून हे शिबिर आयोजित केले. हा उपक्रम कौतुकास्पद आहे.

सुसज्ज रुग्णवाहिकेतून लोकांना तातडीने आरोग्य सेवा मिळावी : सौ. अर्चना रांजणे

केळघर : जावली तालुक्यात कोरोनाचा कहर दिवसेंदिवस वाढत आहे. त्यावर नियंत्रण आणण्यासाठी आ. शिवेंद्रराजे भोसले हे सातत्याने प्रयत्न करत आहेत. त्यांच्या सूचनेनुसार आ. शिवेंद्रराजे भोसले विचारमंच व ज्ञानदेव रांजणे मित्र समूहाच्या वतीने केळघर प्राथमिक आरोग्य केंद्रासाठी सामाजिक बांधीलकीतून सुसज्ज रुग्णवाहिका उपलब्ध करून दिली असून या रुग्णवाहिकेच्या मदतीने तालुक्यातील जनतेवर वेळेत उपचार होण्यासाठी आरोग्य विभागाने काम करावे, असे आवाहन जिल्हा परिषदेच्या सदस्या सौ. अर्चनाताई रांजणे यांनी केले. महाराष्ट्र दिनाचे औचित्य साधून आ. शिवेंद्रराजे भोसले विचारमंच व ज्ञानदेव रांजणे मित्र समूहाच्या वतीने येथील प्राथमिक आरोग्य केंद्राला सुसज्ज रुग्णवाहिका भेट देण्यात आली. या रुग्णवाहिकेच्या लोकार्पण प्रसंगी आयोजित कार्यक्रमात त्या बोलत होत्या. यावेळी समाजसेवक ज्ञानदेव रांजणेृ, ज्येष्ठ नेते मोहनराव कासुर्डे, रामभाऊ शेलार, बबन बेलोशे वैदयकीय अधिकारी डॉ. नितीन गुंड, डॉ ओंकार घाडगे, प्रवीण महाराज शेलार सचिन पार्टे, सागर धनावडे, बाळासाहेब ओंबळे, महादेव ओंबळे, विकास ओंबळे, संपत शेलार, सूर्यकांत रांजणे बापू शेलार, संतोष कासुर्डे, सतीश मर्ढेकर, विशाल रेळेकर, शिवाजी गोरे, आनंदा शेलार आदींची उपस्थिती होती. यावेळी ज्ञानदेव रांजणे म्हणाले सध्या आरोग्य विभागावर ताण आलेला आहे. जावली तालुक्यातील सर्वसामान्य जनतेला वेळेत उपचार मिळावेत म्हणून आ. शिवेंद्रराजे भोसले यांच्या मार्गदर्शनाखाली रुग्णवाहिका उपलब्ध करून दिली आहे. उपस्थित मान्यवरांच्या हस्ते रुग्णवाहिकेचे लोकार्पण करण्यात आले. सागर धनावडे यांनी स्वागत केले. डॉ. गुंड यांनी आभार मानले.

सैदापूरमध्ये १० बेडचा विलगीलकरण कक्ष सुरू

कण्हेर : सैदापूर ग्रामपंचायतीच्या माध्यमातून व ग्रामस्थांच्या सहकार्यातून सैदापूर (ता. सातारा) येथील जिल्हा परिषद शाळेमध्ये १० बेडचा विलगीकरण कक्ष सुरू करण्यात आला आहे. त्याचे उद्घाटन सभापती सौ. सरिता इंदलकर यांच्या हस्ते करण्यात आले. सभापती सौ. इंदलकर म्हणाल्या, या विलगीकरण कक्षामुळे ग्रामस्थांना कोरोनापासून वाचवण्यासाठी मदत तर होईलच पण, सामूहिक प्रयत्नांनी कोरोनाला हद्दपार केले जाईल. वेळेत वैदयकीय सेवा पुरवण्याला आणि गंभीर रुग्णांचे प्राण वाचवायला ग्रामपंचायतीने दिलेले प्राधान्य स्तुत्य आहे. गावातील अनेक रुग्णांच्या घरात विलगीकरण्याची सोय नसल्याने गैरसोयींचा सामना करावा लागत आहे. कोरोना रुग्णांना वेळेत उपचार मिळून परिस्थिती आटोक्यात यावी यासाठी येथे विलगीकरणाची सोय करण्यात आली आहे. येथील रुग्णांना ग्रामपंचायतीच्या वतीने मोफत उपचार व सेवा दिली जाणार आहे, असे सरपंच सौ. शीतल पवार यांनी सांगितले. यावेळी ग्रामविकास अधिकारी राजेंद्र पोळ, उपसरपंच अनिरुध्द काकडे, नामदेव राठोड, काशिनाथ शिंदे, सौ. स्नेहल जंगम, सौ. आशा मदने, वैभव पवार, पोलिस पाटील दत्तात्रय पाटील, प्रवीण पवार, विक्रम पवार, आशासेविका जंगम व महामुने मॅडम उपस्थित होते.

खटावमधील युवक, युवतींनी लसीकरणाला प्राधान्य द्यावे : प्रदीप विधाते

खटाव : येथे महाराष्ट्र दिनाच्या मुहूर्तावर शनिवारी १८ ते ४४ वयोगटातील नागरिकांच्या कोरोना प्रतिबंधक लसीकरणाला सुरुवात झाली. येथील प्राथमिक आरोग्य केंद्रात या मोहिमेचा शुभारंभ जिल्हा परिषदेचे उपाध्यक्ष प्रदीप विधाते यांच्या हस्ते करण्यात आला. यावेळी गटविकास अधिकारी रमेश काळे, तालुका वैदयकीय अधिकारी डॉ. युनूस शेख, संदीप मांडवे, सपोनि चेतन मच्छले, पोलिस उपनिरीक्षक बाळासाहेब लोंढे, नगराध्यक्ष सुनील गोडसे, सरपंच नंदकुमार वायदंडे, उपसरपंच अमर देशमुख, राहुल पाटील, अशोकराव कुदळे, डॉ. रणदिवे व आरोग्य कर्मचारी उपस्थित होते. विधाते म्हणाले, खटाव तालुक्याचा कोरोना आलेख दिवसेंदिवस उसळी घेत आहे. सदयस्थितीत मोठया संख्येने रुग्ण ॲक्टिव्ह असून संसर्ग देखील झपाटयाने वाढू लागला आहे. या संकटाच्या काळात सर्वांनी काळजी घेणे, नियम पाळणे गरजेचे आहे.

खासगी लॅबचालक जपणार सामाजिक बांधिलकी; वाईच्या तहसीलदारांना संघटनेकडून ग्वाही

वाई : काही खासगी लॅबचालक कोरोना संसर्गाच्या तपासणीसाठी शासनाने ठरवून दिलेल्या दरापेक्षा जास्त आकारणी करत असल्याच्या तक्रारी सामाजिक संघटनांनी केल्या होत्या. त्यानंतर तहसीलदार रणजीत भोसले यांनी शहरातील लॅब चालकांना नोटिसा पाठवून शासकीय दरपत्रकाप्रमाणे तपासणी करण्याचे आदेश दिले होते. या पार्श्र्वभूमीवर ना नफा, ना तोटा, तत्वावर सेवा बजावण्याचे खासगी लॅबधारकांनी जाहीर केले. संशयित रुग्णांची संख्या वाढत असल्यामुळे तपासणीसाठी शासकीय प्रयोगशाळेला मर्यादा पडतात. खासगी लॅबधारकांची सेवा महत्वाची आहे. परंतु लॅबधारकाकडून जास्त शुल्काची आकारणी केली जात असल्याची सामाजिक संघटनांनी तक्रार केली होती. वाई लॅबरोटरी असोसिएशनच्या पदाधिकाऱ्यांनी तहसीलदार रणजित भोसले यांची भेट घेऊन लॅबधारकासमोरील अडचणी सांगितल्या. तसेच तपासणीसाठी येणारा प्रत्यक्ष खर्च सामाजिक बांधिलकी म्हणून करत असलेल्या कामाविषयी माहिती दिली. यानंतर आमदार मकरंद पाटील. उपनगराध्यक्ष अनिल सावंत यांना वस्तुस्थिती सांगितली. कोरोना काळात ?ना नफा, ना तोटा? तत्वातर कोरोना चाचणी करण्याची ग्वाही दिली. यावेही असोसिएशनचे पदाधिकारी, सदस्य उपस्थित होते.

ग्रामपंचायत, दक्षता कमिटी रस्त्यावर; खटावमध्ये कोरोनाचा कहर, सदस्यांकडून ठिकठिकाणी खडा पहारा

खटाव : कोरोनाचे वाढते प्रमाण तसेच कोरोनाबाधितांची वाढती संख्या पाहता, यावर नियंत्रण ठेवण्यासाठी खटावमध्ये जनता नियंत्रण ठेवण्यासाठी खटावमध्ये जनता कर्फ्यूचे आवाहन केले होते. परंतु विनाकारण फिरणाऱ्या नागरिकांवर चाप बसवण्यासाठी आता खटाव ग्रामपंचायत दक्षता कमिटी मात्र रस्त्यावर उतरलेली दिसून येत आहे. खटावमध्ये गावातील मुख्य रस्ते कळक बांधून येत्या ६ तारखेपर्यंत वाहतुकीसाठी बंद करण्यात आले आहेत. या ठिकाणी दक्षता कमिटी सदस्य खडा पहारा देताना दिसून येत आहेत. त्यामुळे विनाकारण फिरून कोरोनाला निमंत्रण देणाऱ्यांवर लगाम बसवत असताना, कोरोनाच्या नियमांचे उल्लंघन करतील अशा लोकांवर दंडात्मक कारवाईही करत आहेत. दक्षता कमिटी सदस्य व ग्रामपंचायत सदस्य मोक्याच्या ठिकाणी करडी नजर ठेवून आहेत. होम क्वारंटाईन केलेले लोक पाच ते सात दिवसांत बाहेर पडून सुपर स्प्रेडर ठरत आहेत. होम क्वारंटाईन केलेले कोविड रुग्णंही १४ ते १७ दिवस सामान्यांच्या संपर्कात येता कामा नयेत. कोविड पॉझिटिव्ह रुग्ण हा १२ ते १४ दिवस सामान्य निरोगी व्यक्तीस संसर्ग पसरवू शकतो. असे लोक ?मला काही लक्षणं नाहीत, मी आता बरा आहे, मला काहीच त्रास होत नाही. मला दम पण नाही लागत, माझं सॅच्युरेशनही नॉर्मल आहे,? अशी कारणे सांगत पाच ते सात दिवसांत घराच्या बाहेर पडून सुपर स्प्रेडरची भूमिका निभावत आहेत. याला लगाम बसवणे अत्यंत गरजेचे आहे. कोरोनाचा वाढता संसर्ग रोखण्यासाठी हे कडक पाऊल ग्रामपंचायतीच्यावतीने उचलले आहे. चौकामध्ये असलेल्या पाहाऱ्यामुळे रस्ते सुनसान दिसत आहेत.

झेडपी, पंचायत समित्यांमध्ये आता १५ टक्के उपस्थिती

सातारा : सातारा जिल्हा परिषद व पंचायत समित्यांमध्ये कर्मचारी उपस्थितीवर निर्बंध लादण्यात आले आहेत. त्यानुसार आता कार्यालयात कर्मचाऱ्यांची उपस्थिती १५ टक्के असून त्यांची अमंलबजावणी सुरू झाली आहे. शासकीय अधिकारी व कर्मचाऱ्यांना कोरोना विषाणूचा प्रादुर्भाव होवू नये म्हणून प्रतिबंधात्मक उपाययोजना राबवल्या जात आहेता. कोविड साथीच्या व्यवस्थापनाशी जोडलेल्या आपत्कालीन सेवा वगळता इतर शासकीय कार्यालयामधील उपस्थितीच्या केवळ १५ टक्के किंवा ५ कर्मचारी यापैकी जे जास्त असतील त्यां अनुषंगाने रोटेशन पध्दतीने कार्यालयातील उपस्थिती निश्चित करण्यासाठी कार्यालय प्रमुखांनी आवश्यक ती उपाययोजना करण्याबाबतच्या सुधारीत सूचना केल्या आहेत. जिल्हा परिषदेअंतर्गत अत्यावश्यक सेवा देणारे विभाग पूर्णपणे चालू राहतील. आरोग्य विभाग, ग्रामीण पाणी पुरवठा विभाग व मान्सूनपुर्व काम करणारे विभाग, कोरोना प्रतिसादासाठी आवश्यक असणारी कार्यालये व नेमलेले अधिकारी, कर्मचारी वगळून इतर कर्मचाऱ्यांची उपस्थिती १५ टक्के ठेवण्यात यावी. या आदेशाची अंमलबजावणी सर्व पंचायत समित्या व जिल्हा परिषदेच्या खातेप्रमुखांनी करण्याच्या सूचना मुख्य कार्यकारी अधिकारी विनय गौडा व सामान्य प्रशासन विभागाचे उपमुख्य कार्यकारी अधिकारी मनोज जाधव यांनी दिल्या आहेत.

पालिका कर्मचाऱ्यांना वेतन आयोगाचा फरक

सातारा : जिल्ह्यासह सातारा शहरात कोरोनाने थैमान घातले असून, कोरोनाला रोखण्यासाठी प्रत्येक कर्मचारी लढा देत आहे. अशा संकटाच्या काळात सातारा पालिकेने कर्मचाऱ्यांना सुखद धक्का दिला. पालिकेच्या आस्थापनेवरील कर्मचाऱ्यांना येत्या मे महिन्यात लागू झालेल्या सातव्या वेतन आयोगाचा हप्ता दिला जाणार आहे. पुढील महिन्यात सर्व कर्मचाऱ्यांना वेतन आयोगाच्या फरकापोटी १ कोटी ६० लाख रुपयांचा पहिला हप्ता दिला जाणार आहे. खासदार उदयनराजे भोसले यांच्या सूचनेप्रमाणे सातारा पालिकेने नगरविकास विभागाकडे अनुदानासाठी पाठपुरावा केला होता. नगराध्यक्ष माधवी कदम, उपनगराध्यक्ष मनोज शेंडे व मुख्याधिकारी अभिजीत बापट यांनी सहाय्यक अनुदानाच्या समन्वयक चर्चेनंतर प्रस्ताव दाखल केला. या प्रस्तावाला वित्त विभागाने हिरवा कंदील दिला. त्यामुळे सहाय्यक अनुदानापोटी सातारा पालिकेला १ कोटी ६८ लाख ३ हजार ९१८ रुपये प्राप्त झाले.

पालिका कर्मचाऱ्यांसाठी बेडची सुविधा; मुख्याधिकारी निवासस्थानात ऑक्सिजनयुक्त बेड

कराड: काम करत असताना नगरपालिका कर्मचारी कोरोना बाधित झाले तर त्यांच्यासाठी बेडची स्वतंत्र सुविधा असणे गरजेचे असल्याने मुख्याधिकारी रमाकांत डाके यांनी त्यांच्या मुख्याधिकारी निवासस्थानी खास कर्मचाऱ्यांसाठी बेडची व्यवस्था केली आहे. एकूण ६ ऑक्सिजन बेड याठिकाणी करण्याचे काम सध्या सुरू आहे. गत आठवडयात पालिकेचे काही कर्मचारी बाधित झाले होते. या पार्श्वभूमीवर तातडीने हा निर्णय घेण्यात आला आहे. कोरानाच्या पार्श्वभूमीवर सध्या जिल्ह्यात सर्वत्र कडक निर्बंध लागू करण्यात आले आहेत. मात्र असे असले तरी नगरपालिकेचे कर्मचारी नागरिकांच्या सेवेसाठी २४ तास ऑन डयुटी काम करत आहेत. पालिकेचे सर्वच कर्मचारी अत्यावश्यक सेवेत असल्याने काम करत असताना कर्मचाऱ्यांना कोरोनाची लागण झाल्यास अशा कर्मचाऱ्यांना बेडसाठी धावाधाव करावी लागू नये यासाठी रमाकांत डाके यांनी मुख्याधिकारी निवासस्थानी या कर्मचाऱ्यांसाठी बेडची सुविधा करण्याचे ठरविले. त्यानुसार हे सहा बेड ऑक्सिजन युक्त आहेत. दररोज डयुटी निभावत असताना कर्मचाऱ्यांना बाधा होण्याची सतत भिती रहात आहे तसेच ही कोरोनाची लागण झाल्यास बेड मिळणेही सध्या मुश्किल झाले आहे. त्यामुळे कर्मचारी मनात अनेक शंका घेवून काम करत आहेत. कर्मचाऱ्यांनी निर्भयपणे काम करावे व त्यांच्या मनामध्ये आत्माविश्वास निर्माण व्हावा यासाठी या बेडची व्यवस्था करण्यात आली असल्याचे रमाकांत डाके यांनी सांगितले. बेडची व्यवस्था केल्यामुळे कर्मचाऱ्यांमध्ये समाधानाचे वातावरण आहे.

महाबळेश्वर पालिका कर्मचाऱ्यांना हिलदरी तर्फे सेफ्टी किटचे वाटप

महाबळेश्वर : महाराष्ट्र दिन व कामगार दिनाचे औचित्य साधत हिलदारी मार्फत महाबळेश्वर नगरपालिकेच्या स्वच्छता कर्मचाऱ्यांना मुख्याधिकारी पल्लवी पाटील यांच्या हस्ते सेफ्टी किटचे वितरण करण्यात आले. स्वच्छता कर्मचाऱ्यांप्रती आदर, सन्मान व त्यांचे आभार व्यक्त करण्यासाठी हिलदारी मार्फत सर्व स्वच्छता कर्मचाऱ्यांना टप्प्याटप्प्यात किट देण्यात येणार आहेत. या उपक्रमासाठी पालिका मुख्य लिपिक आबाजी ढोबळे, स्वच्छता मुकादम मनोज चव्हाण व आरेाग्य विभागातील अधिकारी व कर्मचाऱ्यांचे सहकार्य लाभले. या वेळी ?हिलदारी? चे डॉ. मुकेश कुलकर्णी, लोकेश नाईकाडे, स्नेहल जाधव उपस्थित होते.

माण तालुक्यातील २७ गावे प्रतिबंधित

दहिवडी : माण तालुक्यातील कोरोना रुग्णांच्या संख्येत झपटयाने वाढ होत असून कोरोना संक्रमण रोखण्यासाठी प्रशासनाने तालुक्यातील २७ गावे प्रतिबंधित क्षेत्र म्हणून घोषित केली आहेत. कोरोना रुग्णसंख्या नियंत्रणात आणण्यासाठी संबंधित गावांमध्ये कडक उपाययोजना राबवण्याचे आदेश प्रांताधिकारी शैलेश सूर्यवंशी यांनी प्रतिबंधित गावातील कोरोना दक्षता समित्यांना दिले आहेत. प्रांताधिकारी शैलेश सूर्यवंशी यांनी २० पेक्षा जास्त कोरोना रुग्णसंख्या असणारी तालुक्यातील दहिवडी, म्हसवड, शिंगणापूर, मार्डी, मलवडी, कुकुडवाड, गोंदवले बुद्रुक, बिदाल, आंधळी, शिरवली, पांगरी, भालवडी, राणंद, वावरहिरे, सोकासन, मोही, खुटबाव, दिवड, वरकुटे-म्हसवड, हिंगणी, लोधवडे, गोंदवले खुर्द, नरवणे, पळशी, वरकुटे-मलवडी, बनगरवाडी, वळई या २७ गावांमध्ये दवाखाने व मेडिकल दुकाने वगळता सर्व आस्थापना बंद ठेवण्याचे आदेश दिले आहेत. संबंधित गावातील सर्व बँका तसेच पतसंस्थेचे आर्थिक व्यवहारही बंद ठेवण्यात येणार असून तहसीलदार व पोलिस प्रशासनाची परवानगी घेऊन नागरिकांना किराणा साहित्य, भाजीपाला, दूध यासारख्या जीवनावश्यक वस्तू घरपोच देण्याची कार्यवाही करण्यात येणार आहे.

वाई येथे हॉस्टेलचे कोरोना केअर सेंटरमध्ये रूपांतर

वाई : कोरोनाचा कहर वाढला असून, अनेक रुग्णांना बेड, व्हेंटिलेटर, रेमडसिविर इंजेक्शनची कमी जाणवत आहे. रुग्णांच्या नातेवाइकांची धावपळ होताना दिसत आहे. एप्रिल महिन्यात राज्यासह देशात कोरोनाबाधितांच्या संस्थेत झपाटयाने वाढ होत आहे. त्यामुळे वसतिगृहाचे कोरोना केअर सेंटरमध्ये रुपांतर केले आहे. शहर व तालुक्यात कोरोनाबाधितांची संख्याही लक्षणीय वाढत आहे. विषाणूचा नवीन आलेला ट्रेंड, यामुळे चिंतेचे वातावरण आहे. रुग्णांची हेळसांड होऊ नये, म्हणून सोईसुविधा वाढविल्या जात आहेत. वाई येथील किसन वीर महाविदयालयातील मुलांचे व मुलींच्या वसातिगृहात प्रशासनाच्या माध्यमातून वाई तालुक्यातील कोरोनाबाधित रुग्ण यांच्यासाठी कोरोना केअर सेंटर सुरू करण्यात आले आहे. या कोरोना केअर सेंटरची क्षमता दीडशे रुग्णांची असून, सदयस्थितीत पन्नास रुग्णांची व्यवस्था या ठिकाणी करण्यात आलेली आहे. आवश्यकतेनुसार ही क्षमता वाढविण्यात येणार आहे. कोरोना केअर सेंटरमध्ये वाई तालुक्यातील होम आयसोलेशनची सुविधा नसलेले, तसेच ज्या रुग्णांमध्ये कोरोनाची सौम्य लक्षणे आहेत, अशा रुग्णांची निवास, भोजन, उपचाराची व्यवस्था होणार आहे. या सेंटरचे प्रमुख म्हणून डॉ. देवेंद्र यादव हे काम पाहणार आहेत. अशी माहिती प्रांताधिकारी संगीता राजापूरकर व तहसीलदार रणजीत भोसले यांनी दिली.

विलगीकरणासाठी हॉटेल नगरपालिकेच्या स्वाधीन; महाबळेश्र्वरमध्ये नगरसेवकांचा पुढाकार

महाबळेश्र्वर : येथील ज्येष्ठ नगरसेविका विमल पारठे यांनी त्यांचे हॉटेल कोरोनाबाधित रुग्णांच्या विलगीकरणासाठी मोफत देण्यासाठी पालिकेच्या स्वाधीन केले. पाच विलगीकरण कक्षात दाखल रुग्णांच्या नाश्ता, चहा व दोन वेळच्या जेवणाची सोय नगरसेवक रवींद्र कुंभारदरे मोफत करणार आहेत. कोरोनाचे रुग्ण भरमसाट वाढू लागले आहेत. येथील लहान घरे असलेल्या कुटुंबातील नागरिकांला लागण झाली तर त्यांची घरात स्वतंत्र सोय करणे शक्य होत नाही. लक्षणे नसलेल्या व विलगीकरणाची घरी गैरसोय असलेल्या कोरोनाबाधित रुग्णांच्या सोयीसाठी नगराध्यक्षांनी विलगीकरणाची सोय केली होती. परंतु या कक्षात दाखल होण्यासाठी पाच हजार रुपये भरावे लागणार होते. लॉकडाऊनमुळे अनेकांचे रोजगार बंद आहेत, अशा स्थितीत विलगीकरण कक्षासाठी पाच हजार रुपये भरणे कठीण होणार असल्याने अशा कोरोना रुग्णांच्या मदतीसाठी येथील नगरसेविका यांनी विलगीकरणासाठी हॉटेल पालिकेच्या स्वाधीन केले. विलगीकरण कक्ष सुरू करण्यापूर्वी तेथे कोणकोणत्या सुविधा उपलब्ध आहेत याची मुख्याधिकारी पल्लवी पाटील यांनी पाहणी केली. यावेळी उपनगराध्यक्ष अफजल सुतार, माजी नगराध्यक्ष डी. एम. बावळेकर, नगरसेविका विमलताई पारठे, शारदा ढाणक, स्नेहल जंगम, नगरसेवक संदीप साळुंखे, प्रकाश पाटील, संजय पिसाळ, संजय जंगम, रोहित ढेबे, संदीप मोरे, अनिकेत रिंगे उपस्थित होते. दरम्यान, हॉटेलमध्ये दोन दिवसात विलगीकरण कक्षाचा प्रारंभ करणार असल्याची माहिती मुख्याधिकाऱ्यांनी दिली.

विलगीकरणासाठी हॉटेल नगरपालिकेच्या स्वाधीन; महाबळेश्र्वरमध्ये नगरसेवकांचा पुढाकार

महाबळेश्र्वर : येथील ज्येष्ठ नगरसेविका विमल पारठे यांनी त्यांचे हॉटेल कोरोनाबाधित रुग्णांच्या विलगीकरणासाठी मोफत देण्यासाठी पालिकेच्या स्वाधीन केले. पाच विलगीकरण कक्षात दाखल रुग्णांच्या नाश्ता, चहा व दोन वेळच्या जेवणाची सोय नगरसेवक रवींद्र कुंभारदरे मोफत करणार आहेत. कोरोनाचे रुग्ण भरमसाट वाढू लागले आहेत. येथील लहान घरे असलेल्या कुटुंबातील नागरिकांला लागण झाली तर त्यांची घरात स्वतंत्र सोय करणे शक्य होत नाही. लक्षणे नसलेल्या व विलगीकरणाची घरी गैरसोय असलेल्या कोरोनाबाधित रुग्णांच्या सोयीसाठी नगराध्यक्षांनी विलगीकरणाची सोय केली होती. परंतु या कक्षात दाखल होण्यासाठी पाच हजार रुपये भरावे लागणार होते. लॉकडाऊनमुळे अनेकांचे रोजगार बंद आहेत, अशा स्थितीत विलगीकरण कक्षासाठी पाच हजार रुपये भरणे कठीण होणार असल्याने अशा कोरोना रुग्णांच्या मदतीसाठी येथील नगरसेविका यांनी विलगीकरणासाठी हॉटेल पालिकेच्या स्वाधीन केले. विलगीकरण कक्ष सुरू करण्यापूर्वी तेथे कोणकोणत्या सुविधा उपलब्ध आहेत याची मुख्याधिकारी पल्लवी पाटील यांनी पाहणी केली. यावेळी उपनगराध्यक्ष अफजल सुतार, माजी नगराध्यक्ष डी. एम. बावळेकर, नगरसेविका विमलताई पारठे, शारदा ढाणक, स्नेहल जंगम, नगरसेवक संदीप साळुंखे, प्रकाश पाटील, संजय पिसाळ, संजय जंगम, रोहित ढेबे, संदीप मोरे, अनिकेत रिंगे उपस्थित होते. दरम्यान, हॉटेलमध्ये दोन दिवसात विलगीकरण कक्षाचा प्रारंभ करणार असल्याची माहिती मुख्याधिकाऱ्यांनी दिली.

कोरोना काळात जनजागृतीसह काळजी घेणे आता अधिक आवश्यक : मनोज जाधव

सातारा : जिल्ह्यामध्ये मोठ्या स्तरावर पूर्णतः लॉक डाऊन सुरू आहे रुग्ण वाढत असले तरी शेकडो रुग्ण रोज बरे होत आहेत .यंत्रणा संपूर्ण सतर्क आहे . महिला बालकल्याण ग्रामपंचायत महसूल तसेच आरोग्य विभागाची जबाबदारी दिवसेंदिवस वाढत आहे.या पार्श्वभूमीवर जनतेची साथ आता अत्यंत महत्त्वाची आहे, असे प्रतिपादन जिल्हा परिषदेचे सामान्य प्रशासन विभागाचे उपमुख्य कार्यकारी अधिकारी मनोज जाधव यांनी पत्रकाद्वारे केले आहे. सुशिक्षित नागरिकांनी तसेच इतर घटकांनी सर्व्हे साठी येणाऱ्या कर्मचाऱ्यांना सहकार्य करावे त्यासोबतच प्रबोधनाला हात द्यावा प्रबोधनासाठी जिल्हा परिषदेतर्फे अनेक प्रकारची पुस्तके माहितीपत्रके प्रसारित करण्यात आली आहेत त्याचे गावपातळीवर वाचन होणे गरजेचे आहे प्रादुर्भाव वाढत असला तरी नियम पाळल्यास चिंता करण्याचे कारण नाही.कोरोना मुक्तीची संख्याही लक्षणीय आहे .सर्वच आरोग्य कर्मचारी, अधिकारी तसेच इतर विभागातील अधिकारी, कर्मचारी रात्रंदिवस काटेकोर नियोजन करून प्रतिबंधासाठी झटत आहेत.काटेकोरपणे नियम पाळले जाणे गरजेचे आहे.विषाणूच्या प्रभावाची साखळी तुटण्यासाठी कठोरपणे प्रशासनाने घालून दिलेले नियम सांभाळले पाहिजेत .सातत्याने मास्क वापरणे, सामाजिक अंतर ठेवणे, वारंवार हात धुणे या बाबींवर कटाक्षाने लक्ष दिले पाहिजे.सर्व कर्मचाऱ्यांना गाव पातळीवर सहकार्य करावे ,असे नमूद करून पुढे म्हटले आहे की, ग्रामसुरक्षा समिती आणि शहरातील प्रभाग समिती यांना सर्व नागरिकांनी पूर्ण सहकार्य करावे.आयुष मंत्रालय यांनी दिलेल्या आरोग्यविषयक मार्गदर्शक सूचना पाळाव्यात आणि कुटुंबात अवलंबावे. रोज अर्धा तास ध्यानधारणा योगासने करणे, मार्गदर्शनानुसार आयुर्वेदिक काढा तसेच आहार घेणे, वेळोवेळी प्रशासनाने घालून दिलेले नियम तंतोतंत पाळणे आदी बाबी कौटुंबिक पातळीवर अवश्य कराव्यात घरच्या घरीसुद्धा पूर्णतः काळजी घेऊन ऐंशी ते 85 टक्के रुग्ण बरे होत आहेत त्यासंदर्भात जिल्हा परिषदेने पुस्तिका प्रसिद्ध केली आहे त्याचा देखील प्रादुर्भावाच्या प्रतिबंधासाठी खूप फायदा आहे.वाढत्या रुग्णसंख्येमुळे सतत चिंता करण्यापेक्षा सर्व नियम काटेकोरपणे पाळून आपले सामाजिक कर्तव्य बजावणे गरजेचे आहे. विनाकारण गर्दी करू नये. घरातून बाहेर पडू नये.आरोग्य असो कि महसूल पोलिस कर्मचारी; सर्वांनाच सहकार्य करावे. जिल्हाधिकारी शेखर सिंह आणि मुख्य कार्यकारी अधिकारी विनय गौडा जीसी यांच्या मार्गदर्शनाखाली नियंत्रण कक्ष अविरतपणे नियोजनबद्ध उपाय योजना करीत आहे.समाजातील सर्वच घटकांनी या प्रयत्नांना मनापासून सहकार्य करावे; असे देखील पुढे नमूद करण्यात आले आहे.

जिल्ह्यात 45 वर्षे वयावरील 50 टक्के लसीकरण पूर्ण; सामूहिक प्रयत्नांचे यश : विनय गौडा जी सी

सातारा : जिल्ह्यामध्ये 45 वयावरील व्यक्तींचे लसीकरण पूर्ण क्षमतेने चालू असून एकूण 45 वर्षे वयावरील नागरिकांच्या 50 टक्के नागरिकांनी लस घेतली आहे, अशी माहिती जिल्हा परिषदेचे मुख्य कार्यकारी अधिकारी विनय गौडा जी सी यांनी एका प्रसिद्धिपत्रकाद्वारे दिली. कोरोना विरुद्धच्या अनेक प्रयत्नांचा एक महत्त्वाचा भाग म्हणून लसीकरण पूर्ण क्षमतेने चालू आहे. 45 वर्षे वयावरील नागरिकांच्या लसीकरणाबाबत काटेकोर नियोजन करण्यात आले असून त्यानुसार पूर्ण क्षमतेने लसीकरण चालू आहे .9 लाख 63 हजार 47 पैकी 4 लाख 73 हजार 985 एवढ्या नागरिकांनी लस घेतली आहे. असे प्रसिद्धीपत्रकात नमूद करण्यात आले आहे. लसीकरणाचे जिल्हा, तालुका, तसेच प्राथमिक आरोग्य केंद्र, उपकेंद्र अशा सर्वच पातळ्यांवर अत्यंत सूक्ष्म नियोजन करण्यात आले आहे. अशी माहिती श्री विनय गौडा जीसी यांनी या पत्रकात देऊन पुढे म्हटले आहे की लसीकरणाचे हे काम विविध जिल्ह्यांचा विचार करता सातारा जिल्ह्यात प्रगतिपथावर आहे. हे लसीकरण केवळ एखादा शासकीय उपक्रम म्हणून न राहता मोहीम पातळीवर राबवले जात आहे. जिल्हा पातळीपासून ते गावपातळीपर्यंत च्या सर्व अधिकारी कर्मचारी यांची एकजूट आणि पूर्ण कसोशीने प्रयत्न यामुळे हे यश मिळत आहे .स्वतः मुख्य कार्यकारी अधिकारी जिल्हा पातळीवर तसेच तालुका पातळीवर सातत्याने विविध माध्यमांद्वारा आढावा घेत आहेत .जिल्हा स्तरावरील अधिकारी तसेच गटविकास अधिकारी, तालुका आरोग्य अधिकारी, वैद्यकीय अधिकारी तसेच उपकेंद्रातील वैद्यकीय अधिकारी आणि आरोग्य सेवक आरोग्य सेविका अशा सर्वच पातळ्यांवर विशिष्ट अभ्यास करून प्रत्येक दिवसाचे नियोजन करण्यात आले आहे. गटविकास अधिकारी, तहसीलदार ,गटशिक्षणाधिकारी , बाल विकास प्रकल्प अधिकारी, तालुका आरोग्य अधिकारी या अधिकाऱ्यांच्या मार्गदर्शनाखाली विस्तार अधिकारी केंद्रप्रमुख अशा विविध पदांवर च्या अधिकाऱ्यांना नोडल ऑफिसर म्हणून नेमण्यात आले असून त्यांचे कार्य प्रभावीपणे चालू आहे .अंगणवाडी सेविका, अंगणवाडी पर्यवेक्षिका, मंडल अधिकारी, तलाठी, कोतवाल, प्राथमिक शिक्षक, केंद्रप्रमुख, शिक्षण विस्ताराधिकारी, आरोग्य सेवक असे सर्व घटक नियोजनाप्रमाणे लसीकरणाचे काम चोख बजावत आहेत. केवळ तांत्रिकदृष्ट्या कर्तव्य न बजावता लोकांमध्ये प्रबोधन करणे लसीकरणासाठी उद्युक्त करणे असे विशेष प्रयत्न केले जात आहेत. अशी माहिती देखील मुख्य कार्यकारी अधिकारी श्री गौडा यांनी दिली आहे. सातत्याने विविध अधिकारी कर्मचारी यांचा आढावा घेणे, नियोजनामध्ये योग्य तेव्हा योग्य ते बदल करणे, नागरिकांमध्ये प्रबोधन करणे असे विविध प्रयत्न केले जात आहेत असेदेखील पत्रकात नमूद करण्यात आले आहे.* ◆ चौकट : सूक्ष्म नियोजन, सामूहिक प्रयत्न यांच्यामुळे यश: विनय गौडा जीसी ◆ *लसीकरण म्हणजे केवळ उपक्रम असे न समजता मोहीम पातळीवर आणि अत्यंत तळमळीने सर्वच घटक ही मोहीम राबवित आहेत. केवळ उपक्रम न समजता नागरिकांच्या प्रबोधनावर विशेष महत्त्व भर दिला जात आहे. वारंवार आढावा घेणे, सूक्ष्म नियोजन करणे, सर्व घटकांची साथ घेणे, गावपातळीवरचे घटक विश्वासात घेणे अशा प्रयत्नांमुळे आपण अल्पावधीत 50% लसीकरण पूर्ण करू शकलो. या यशामध्ये सातत्य टिकविण्याचा पूर्ण प्रयत्न केला जाईल .आपण लवकरच शंभर टक्के यशस्वी होऊ असा विश्वास मुख्य कार्यकारी अधिकारी यांनी व्यक्त केला .आरोग्य, ग्रामपंचायत महिला बालकल्याण, शिक्षण अशा सर्वच विभागांनी मनापासून कार्य चालविल्यामुळे हे यश मिळत आहे

18 ते 44 वर्षे वयोगटातील नागरिकांसाठी कोविड लसीकरण सत्राचे आयोजन

सातारा : 10 मे 2021 पासून सातारा जिल्ह्यातील खालील ठिकाणी 18 ते 44 वर्षे वयोगटातील नागरिकांसाठी कोविड लसीकरण सत्रे आयोजित करण्यात आली आहेत. सदर सत्रे ही फक्त 18 ते 44 वयोगटातील नागरिकांसाठीच असून ऑनलाईन पध्दतीने नोंदणी करुन अपॉइनमेन्ट घेणे बंधनकारक आहे. नोंदणीसाठी उद्या दि. 10 मे 2021 पासून रोजी सकाळी 11 www.cowin.gov.in किंवा https://selfregistration.cowin.gov.in या संकेत स्थळावर आपली अपॉइनमेन्ट निश्चित करता येईल. याची सर्व नागरिकांनी नोंद घ्यावी. सातारा जिल्ह्यातील खालील प्रमाणे कोविड लसीकरण सत्राची ठिकाणे : कराड येथील उपजिल्हा रुग्णालय, कोरेगांव येथील ग्रामीण रुग्णालय,खटाव येथील प्राथमिक आरोग्य केंद्र,पाटण येथील ग्रामीण रुग्णालय,फलटण येथील उपजिल्हा रुग्णालय,महाबळेश्वर ग्रामीण रुग्णालय, माण येथील ग्रामीण रुग्णालय,दहिवडी. मेढा येथील ग्रामीण रुग्णालय,वाई येथील ग्रामीण रुग्णालय,खंडाळा येथील प्राथमिक आरोग्य केंद्र,शिरवळ. व सातारा येथील जिल्हा रुग्णालय,सातारा.असे जिल्हा आरोग्य अधिकारी, जिल्हा परिषद सातारा यांनी कळविले आहे.

मनसेचे जिल्हाध्यक्ष धैर्यशील पाटील यांनी गोंदवले गावात केले निर्जंतुकीकरणं; गावासह वाड्या वस्तीवर स्वतः केली फवारणी

गोंदवले : महाराष्ट्र नवनिर्माण सेनेचे सातारा जिल्हाध्यक्ष धैर्यशील पाटील यांनी आज स्व-खर्चातून गोंदवले तसेच परिसरातील वाड्या वस्तीवर जाऊन निर्जंतुकीकरणं केले. सध्या गोंदवले गावात कोरोना बाधित रुग्णाच्या संख्येत वाढ होत आहे. गावात कोरोना संसर्ग रोखण्यासाठी त्यांनी स्वतः आज गावातील प्रत्येक घरात जाऊन त्यांनी निर्जंतुकीकरणं केले. त्यांच्या या कार्याबद्दल गावातील नागरिकांनी कौतुक केले . यावेळी आज गावातील प्रत्येक घरात जाऊन श्री पाटील व त्यांच्या कार्यकर्त्यांनी कोरोना नियमांचे पालन करीत सोडियम हायपो क्लोराईडची फवारणी केली. या फवारणी साठी काही ट्रॅक्टर मागवण्यात आले होते. तर काही ठिकाणी श्री पाटील यांनी स्वतः फवारणी पंप पाठीला अडकवून फवारणी केली. यावेळी बोलताना श्री पाटील म्हणाले कोरोनाचा संसर्ग वाढत आहे. स्वतःला पुढारी म्हणणाऱ्या लोकांनी आता जनतेसाठी रस्त्यावर येण्याची गरज आहे. लवकरच पुन्हा एकदा लोकांना जीवनावश्यक वस्तूंचे वाटप करणार असल्याचे ही ते म्हणाले. यावेळी ग्रामपंचायत सदस्य दत्ता कुलकर्णी, संदीप फडतरे, सुभाष गुजवंटे, चंद्रकांत सावंत, विश्वनाथ कोरे, युवराज पाटील, राजेंद्र कट्टे, दिलीप शेडगे, सागर कट्टे, प्रथमेश नवले, धनाजी पडमळकर, संतोष पडमळकर, कोंडीबा आलेकर, गणेश देसाई, विकास पाटोळे, कैलास कट्टे आदी पदाधिकारी कार्यकर्ते यावेळी उपस्थित होते. ■ चौकट : लकरच जिल्ह्यात फवारणी....■ सध्या कोरोनाचा वाढता प्रभाव लक्षात घेता जिल्ह्यात सोडियम हायपो क्लोराईडची फवारणी करण्याची गरज आहे. लोक कोरोनाने मृत्यमुखी पडू लागले आहेत. यासाठी मी स्वतः जिल्ह्यातील प्रत्येक तालुकाध्यक्ष यांच्याशी चर्चा करणार असून लवकरच आपापल्या तालुक्यात सोडियम हायपो क्लोराईड ची फवारणी करण्याबाबत सूचना करणार आहे - धैर्यशील पाटील, सातारा जिल्हाध्यक्ष ( मनसे)