कोरेगाव : कोरेगाव मत विधानसभा मतदार संघामध्ये विविध पातळ्यांवर जनजागृतीसाठी प्रयत्न केले जात आहे त्यामधून मतदार जनजागृती केली जात आहे मतदानाचे महत्त्व सर्व पातळ्यांवर सांगितले जात आहे त्या अंतर्गत कोरेगाव येथील सरस्वती विद्यालयाच्या विद्यार्थ्यांनी चुनाव पाठशाळा पथनाट्य कोरेगाव मध्ये जुना स्टँड येथे देवीच्या मंडपात साजरे केले. यावेळी सहाय्यक निवडणूक निर्णय अधिकारी तथा गटविकास अधिकारी क्रांती बोराटे तसेच गटशिक्षणाधिकारी आणि जनजागृती विभागाचे प्रमुख श्री रविंद्र खंदारे उपस्थित होते. सरस्वती विद्यालयाचे मुख्याध्यापक शिक्षक सुद्धा उपस्थित होते यावेळी विद्यार्थ्यांनी प्रभावीपणे पथनाट्य सादर करून मतदार जनजागृती केली शेकडो नागरिकांनी या प्रथना त्याचा आनंद घेतला आणि त्यांच्यापर्यंत संदेश पोहोचला शंभर टक्के मतदान होण्यासाठी मतदार जनजागृती अत्यंत आवश्यक असून सर्व नागरिकांनी मतदान केलेच पाहिजे ते आपले राष्ट्रीय कर्तव्य आहे अशा भावना यावेळी गटविकास अधिकारी श्रीमती बोराटे यांनी व्यक्त केल्या जनजागृतीसाठी व्यापक प्रयत्न शाळा महाविद्यालयातून केले जात आहे असे प्रतिपादन गटशिक्षणाधिकारी रवींद्र खंदारे यांनी केले या संपूर्ण उपक्रमाला निवडणूक निर्णय अधिकारी तथा उपविभागीय अधिकारी श्रीमती कीर्ती नलावडे यांचे मार्गदर्शन लाभत आहे

फलटण : आमचं राजकारण त्यागाच आहे. विकृत मनोवृत्तीची माणसं एकत्र येतात. तेव्हा कधीही चांगलं घडत नाही. त्यामुळे आपल्याला एकत्र रहावे लागणार आहे. त्यामुळे आपल्याला एकत्र रहावे लागणार आहे. येत्या दोन दिवसांमध्ये निर्णय घेणार असून, मी जो निर्णय घेईल. त्यास पाठिंबा द्या, असे आवाहन विधान परिषदेचे सभापती रामराजे नाईक निंबाळकर यांनी केले. येथे राजे गटाच्या वतीने आयोजित केलेल्या युवा संवाद मेळाव्यात युवकांना मार्गदर्शन करताना ते बोलत होते. यावेळी आ. दीपक चव्हाण, कृषी उत्पन्न बाजार समितीचे अध्यक्ष रघुनाथराजे नाईक निंबाळकर, जिल्हा परिषद अध्यक्ष संजीवराजे नाईक निंबाळकर, युवा नेते विश्वजितराजे नाईक निंबाळकर, पंचायत समितीच्या सभापती प्रतिभा धुमाळ, उपसभापती शिवरूपराजे खर्डेकर, महानंदचे उपाध्यक्ष डी.के.पवार, नगरसेविका सुभद्राराजे नाईक निंबाळकर आदी उपस्थित होते. राजकीय कारकीर्दीमध्ये दूरदृष्टीने विकासाचे राजकारण केले. त्यास जनतेनेही साथ दिली. राजकारण हे जनहितासाठी करायचे असते. तेच मी केले आहे. त्यामुळे आमच्या समोर कोण आहे? कोण कोणत्या पक्षातून उभे राहतेय याची आम्हाला मुळीच फिकीर नाही. असे असे स्पष्ट करून रामराजे म्हणाले, पुढील काळात विकासात्मक राजकारण व युवा पिढीच्या भवितव्यासाठी गटबाजीविरोधात राजकारण करावे लागेल. माझ्या कारकीर्दीत मला कितीही विरोध झाला किंवा कुणीही समोर आले, तरी मी 42 हजारावर मताधिक्य घेत निवडून गेलोय. तेव्हा याचीच पुन्हा पुनरावृत्ती करावी लागणार आहे. आपण कुठे रहायचं कुठे जायचं याची ही निवडणूक राहिली नसून आपला जिल्हा व तालुका सुखरुप व समृध्द ठेवायचा असेल तर माझी ताकद सुखरूप ठेवावी लागेल. संजीवराजे नाईक निंबाळकर माहणाले, रामराजे हे फक्त फलटण तालुक्याचे नव्हे, तर पश्चिम महाराष्ट्राचे भगिरथ आहेत. रामराजेंवर टीका करतात. त्यांचा पाण्याचा संबंध फक्त कशासाठी येतो, हे जनतेस माहीत आहे. फलटण तालुक्यास मालोजीराजेंच्या विचारांचा वारसा लाभला आहे, हे कोणी विसरून चालणार नाही. निवडणूक आली की पावसाळ्यात जशा कुत्र्यांच्या छत्र्या उगवतात तसे नेतेही उगवतात. विकासासाठी रामराजेंच्या पाठीशी ठामपणे उभे राहण्याची गरज असून, दबावाचे राजकारण कोण करीत असेल, तर तो दबाव झुगारून द्या. आम्ही कार्यकर्त्यांच्या मागे ठामपणे राहू.

कास पुष्प पठार म्हणजे निसर्ग सौंदर्याची खाण आहे. जैवविविधतेने नटलेल्या कास पठाराने आपल्या निसर्ग संपदेने राज्यासह देश विदेशातील पर्यटकांना भुरळ घातली आहे. जून महिना संपताच निसर्गाचा चमत्कार कास पठारावर दिसू लागतो. ऑगस्ट महिन्याच्या मध्यापासून इथे निसर्गाचा अनोखा पुष्प सोहळा रंगतो. विविध प्रकारची विविध रंगी रानफुले पठारावर उमललेली दिसतात. ही निसर्गसंपदा पाहून प्रत्येकजण देहभान विसरून जातो. इथे रानफुलांच्या असंख्य प्रजाती पहावयास मिळतात त्यामुळे गेल्या काही वर्षामध्ये कास पठार हे सातारा जिल्ह्याचे वैभव बनले आहे. पठारावरील फुले उमलण्याचा कालावधी वेगवेगळा असल्याने एकाच वेळी सर्व प्रकारची फुले पहावयास मिळणे अशक्य आहे. 15 ते 20 दिवसांचे आयुष्य असणार्‍या असंख्य वनस्पती तेथे फुलत असतात. एका फुलाचे आयुष्य संपले की दुसरे फुल उमलायला सुरुवात होते ही केवळ निसर्गाची किमयाच. कास पठारामुळे सातार्‍याचा नावलौेकिक साता सुमद्रापार गेला आहे. युनेस्कोने 2012 साली कास पठाराला जागतिक वारसास्थळाचा दर्जा दिला आणि असंख्य पर्यटन प्रेमीची पालवे कास पठार व परिसरात पडू लागली. 5-6 वर्षापासून पर्यटकांनी कास पठाराला भेट द्यायला सुरूवात केली. वॉकीटॉकीद्वारे संवाद साधून संपूर्ण पर्यटनावर नियंत्रण ठेवले जाते. छोट्या पर्यटनस्थळाकडे जाण्यासाठी समितीमार्फत पर्यटनबस सुरू करण्यात आली आहे. यामध्ये घाटाई देवी मंदिर, कास तलाव, भांबवली वजराई धबधबा, अंधारी फाटा येथून शिवसागर जलाशय दर्शन, वासोटा किल्ला दर्शन, कांदाटी, कोयना, सोळशी खोरे दर्शन, तापोळा व महाबळेश्वर दर्शन, सह्याद्रीनगर पवनउर्जा प्रकल्प व वेण्णा नदी दर्शन, एकिवचा पाबळ धबधबा, कान्हेर धरण दर्शन, आटाळीचा नवरा-नवरी डोंगर यांचा समावेश आहे. याकामी सातारचे सहाय्यक उपवनसंरक्षक भारतसिंह हाडा, सहाय्यक वनसंरक्षक सातारा भाडळे, मेढा व वनक्षेत्रपाल रंजनसिंह परदेशी, सातारा वन क्षेत्रपाल शितल राठोड यांनी मार्गदर्शन केले. ■ सोमनाथ जाधव, सदस्य, कास कार्यकारी समिती

सातारा : निवडणुकीचे धुमशान सुरु झाले असून इच्छुक उमेदवारांनी कंबर कसली आहे. सातारा जावळी विधानसभा मतदारसंघाचे भारतीय जनता पार्टीचे उमेदवार श्रीमंत छ. शिवेंद्रसिंहराजे भोसले यांनी सातारा शहर आणि परिसरातील महाविद्यालयांना भेटी देऊन युवकांशी संवाद साधला आणि त्यांच्या अपेक्षा जाणून घेतल्या. दरम्यान, प्रत्येक ठिकाणी शिवेंद्रसिंहराजे यांच्या भोवती युवकांचा गराडा पडला आणि असंख्य युवक आणि युवतींनी सेल्फी काढून शिवेंद्रराजेंना आपल्या मोबाईलमध्ये कैद केले. देशात नरेंद्र मोदी यांच्या मार्गदर्शनाखाली भाजपाला अभूतपूर्व प्रतिसाद मिळाला आहे. मोदींमुळे भारत देशाची प्रतिमा उंचावली असून,त्यांची जगातही चांगली प्रतिमा आहे.या सरकारच्या माध्यमातून सातारचा सर्वांगीण विकास करून युवकांच्या स्वप्नातील सातारा निर्माण करणार आहे, अशी ग्वाही शिवेंद्रराजे भोसले यांनी याप्रसंगी दिली. सातारा परिसरातील विविध कॉलेज व विद्यालयांच्या विद्यार्थी संवाद व भेटीप्रसंगी ते बोलत होते. जम्मू काश्मीरमधील 370 कलम हटवून चांगल्या प्रतीचे काम मोदींनी केले आहे.पुढील पाच वर्षात भाजप सरकारच्या माध्यमातून मेडिकल कॉलेज व एमआयडीसीमध्ये कारखाने उभारून तरुणांना शिक्षण व हाताला काम देणार आहे. तसेच अजिंक्यताऱ्यावर शिव सृष्टी निर्माण करून ऐतिहासिक स्थळाचा वारसा जपणार आहे.सज्जनगड ते परळी हा रोपवे तयार करून तेथील धार्मिक स्थळाचा दर्जाही उंचावणार आहे. विविध विकास कामांना व सुविधांनी माझ्या मतदारसंघाचा कायापालट करणार आहे. सुसज्ज रस्ते,टुरिझम वाढवणे आदी कामे करून सातारची नवीन ओळख निर्माण करणार आहे, असे ते म्हणाले. यावेळी माजी उपनगराध्यक्ष जयेंद्र चव्हाण,नगरसेवक अमोल मोहिते,धनंजय जांभळे, बाळासाहेब महामुलकर,रवींद्र माने,राजू गोरे,अतुल चव्हाण,नासिर शेख, ओंकार परदेशी यांच्यासह कार्यकर्ते मोठ्या संख्येने उपस्थित होते.

फलटण : फलटण नगरपालिकेतील प्रशासकीय विभागात मार्ग 4 च्या पदावर अनुकंपा तत्वावर नोकरी मिळावी, यासाठी पालिका कार्यालयासमोर प्राणांतिक उपोषणास बसलेल्या तिघा जणांना जि. प. माजी अध्यक्ष संजीवराजे यांनी ठोस आश्वासन दिल्यानंतर संबंधितांनी आपले उपोषण मागे घेतले आहे. संदीप शशिकांत अहिवळे, रोहित भीमराव अहिवळे, (दोघे रा. मंगळवार पेठ, फलटण) आणि अंजना राजेश मोहिते (रा.सोमवार पेठ, फलटण) या तिघा जणांनी अनुकंपा तत्वावर नगरपालिकेत वर्ग चार साठीच्या पदावर नियुक्ती व्हावी या मागणीसाठी पालिका कार्यालयासमोर दि. 27 पासून प्राणांतिक उपोषण धरले होते. दरम्यान, संजीवराजे नाईक-निंबाळकर यांनी याबाबत प्रत्यक्ष जिल्हा धिकारी सातारा कार्यालयातील जिल्हा प्रशासन अधिकारी यांच्याशी प्रत्यक्ष दूरध्वनीवरुन संपर्क साधला असता, संबंधित अधिकार्‍यांनी संजीवराजेंना दहा दिवसात कार्यवाहीचे आश्वासन दिले असल्याचे संजीवराजेंनी उपोषणकर्त्यांना दिल्यानंतर उपोषणकर्त्यांनी उपोषण मागे घेतले आहे.

कोरेगाव : भारतीय जनता पक्षाचे युवा नेते महेश शिंदे यांनी सोमवारी दुपारी मातोश्रीवर जाऊन पक्षाध्यक्ष उध्दव ठाकरे यांच्या हस्ते शिवबंधन बांधले. त्यामुळे आता कोरेगाव मतदारसंघातून महेश शिंदेच शिवसेनेकडून लढणार असल्याचे स्पष्ट झाले आहे. कोरेगाव मतदार संघ युतीमध्ये शिवसेनेच्या वाट्याला आला आहे. मात्र या मतदार संघात भाजपच्या महेश शिंदे यांनी गेल्या पाच वर्षात जोरदार बांधणी केली आहे. त्यामुळे ही जागा यावेळी भाजपाकडे जाणार असल्याचे बोलले जात होते. प्रत्यक्षात युतीच्या जागा वाटपात ही जागा सेनेकडे जाणार असल्याचे निश्चित झाल्यामुळेच महेश शिंदे यांनी सेनेत प्रवेश केल्याचे स्पष्ट झाले आहे. त्यानुसार सोमवारी त्यांनी उध्दव ठाकरे यांच्याहस्ते शिवबंधन बांधून शिवसेनेचा भगवा हातात घेतला. यावेळी शिवसेनेचे माजी आमदार दगडूदादा सपकाळ, कृष्णाखोरे महामंडळाचे उपाध्यक्ष नितीन बानुगडे, जिल्हाध्यक्ष यशवंत घाडगे उपस्थित होते. दरम्यान महेश शिंदेच्या शिवसेना प्रवेशामुळे आता कोरेगाव मतदारसंघातून राष्ट्रवादीचे शशिकांत शिंदे विरुध्द महेश शिंदे यांच्यातच सामना होणार असल्याचे स्पष्ट झाले आहे.

कराड : कुष्ठरोग व अन्य साथीच्या रोगाबाबत गावामध्ये सर्व्हे करणार्‍या लोकांना घटनेचे गांभीर्य नसल्याचे दिसून येते. संबंधितांना योग्य पध्दतीने काम करत नसल्याचे सांगून सभापती फरिदा इनमिदार यांनी वैद्यकीय अधिकार्‍यांना झालेल्या पंचायत समितीच्या मासिक सभेत धारेवर धरले. तालुका कृषी अधिकारपदाचा नुकताच कार्यभार स्वीकारलेल्या मुल्ला यांनी कृषी विभागाचा आढावा सादर केला. यावेळी उपसभापती सुहास बोराटे यांनी कृषी सहाय्यकांचा विषय चर्चेला घेतला. ते म्हणाले, तालुक्यात अतिवृष्टीमुळे शेतकर्‍यांचे मोठे नुकसान झाले आहे. शेतकर्‍यांसाठी विविध बाबतीतील अडचणी दूर करण्यासाठी कृषी सहाय्यकाची नियुक्ती केली. मात्र शेतकर्‍यांना तालुक्यातील गावागाव्मध्ये कृषी सहाय्यकाची गरज असताना ते शेतकर्‍यापर्यंत आवश्यक गावामध्ये पोचत नसल्याबाबत अनेक गावातील शेतकर्‍यांच्या तक्रारी आहेत. त्यामुमे कृषी सहाय्यक शेतकर्‍यांच्या काहीही उपयोगी पडत नसतील, तर अशा कृषी सहाय्यकांना गावातून हद्दपार केले पाहिजे. वेळप्रसंगी त्यांना गावात बांधून ठेवणार असल्याचा इशारा दिला. कृषी सहाय्यकांची बैठक घेऊन त्यांना याबाबत कल्पना द्यावी, अथवा त्यांना तालुक्यातून हद्दपार करा. अन्य सदस्यांनीही कृषी सहाय्यकांच्या तक्रारी केल्या. वीज कंपनीच्या आढाव्यावेळी कराड ग्रामीणमध्ये एक हजार 20 मीटरमध्ये बिघाडी असून ती बदल्याचे सांगण्यात आले. उर्वरीत एक हजार 200 मीटर बदलण्याचे काम सुरु आहे. मुंडे येथे विजेचा शॉक लागून मृत्युमुखी पडलेल्या चार म्हशी व काले येथे शॉक लागून मृत्यूमुखी पडलेल्या महिलेचा पंचनामा करून प्रस्ताव वरिष्ठांकडे पाठवल्याचे महावितरणचेे एस.एस.जाधव यांनी सांगितले. उपजिल्हा रुग्णालयाच्या आढाव्यात वैद्यकीय अधिकार्‍यांनी सध्याच्या खराब हवामानामुळे तालुक्यात साथीचे आजार फैलावू नयेत, यासाठी घरोघरी लोकांनी विविध आजारांची माहिती देणे, त्यांच्यात जनजागृती करण्यासाठी काही लोकांची नेमणूक केल्याची माहिती दिली. त्यावर सभापती इनामदार यांनी वैद्यकीय अधिकार्‍यांना धारेवर धरले. यावेळी अन्य विभागाचा आढावा घेतला.

नवी मुंबई : नवी मुंबईतील भाजप आमदार मंदा म्हात्रे यांनी चक्क मतदारांना दोन वेळा मतदान करण्याचं आवाहन केलं आहे. साताऱ्यात शिवसेना उमेदवार नरेंद्र पाटलांना आधी मतदान करा, मग पुढच्या आठवड्यात ठाण्यात राजन विचारेंना मत द्या, असं मंदा म्हात्रे म्हणाल्या. कोपरखैरणेमध्ये युतीच्या माध्यमातून कार्यकर्ता मेळाव्याचं आयोजन करण्यात आलं होतं. ठाणे लोकसभेचे उमेदवार राजन विचारे आणि सातारा लोकसभेचे उमेदवार नरेंद्र पाटील यांच्या प्रचारार्थ ही सभा आयोजित करण्यात आली होती. दोन्ही उमेदवार शिवसेनेचे असून पश्चिम महाराष्ट्रातील मोठी मतदार संख्या नवी मुंबईत वास्तव्यास आहे. नवी मुंबईत माथाडी वर्ग मोठ्या प्रमाणात असल्याने भाजप आमदार मंदा म्हात्रे यांनी 23 एप्रिल रोजी मतदारांना साताऱ्यात जाऊन नरेंद्र पाटील यांना मतदान करण्यास सांगितलं. तर पुन्हा 29 एप्रिलला ठाणे लोकसभेचं मतदान असल्याने परत येऊन शिवसेना उमेदवार राजन विचारे यांना मतदान करण्याचं आवाहन केलं. शरद पवार दोन वेळा मतदान करण्याचं आवाहन करु शकतात, तर आपण का नाही करायचं? असंही मंदा म्हात्रे म्हणाल्या. या प्रकरणी आता विरोधीपक्षांनी निवडणूक आयोगाकडे मंदा म्हात्रे यांच्या वक्तव्याची तक्रार केली आहे.

नवी दिल्ली : मतदार नोंदणीत महाराष्ट्रातील तरुणांचा पुढाकार उल्लेखनीय असून राज्यातील 1 कोटी 19 लाख95 हजार 27 तरूण मतदार प्रथमच मतदानाचा हक्क बजावणार आहेत. केंद्रीय निवडणूक आयोगाने जाहीर केलेल्या आकडेवरीत ही माहिती पुढे आली आहे. महाराष्ट्रासह देशात होऊ घातलेला लोकशाहीचा सर्वोच्च उत्सव 17 व्या लोकसभेच्या निवडणुकीत सहभागी होण्यासाठी महाराष्ट्रातील मतदार सज्ज झाले आहेत. महाराष्ट्रात मतदारांची एकूण संख्या 8 कोटी 73 लाख 29 हजार 910 आहे. राज्यात 18 ते 19 वर्ष वयोगटात अर्थात प्रथमच मतदार म्हणून नोंदणी करणा-या तरूणांची संख्या 1 कोटी 19 लाख95 हजार 27 आहे. हे तरुण प्रथमच लोकसभा निवडणुकीसाठी मतदानाचा हक्क बजावणार आहेत. देशात 18 ते 19 वर्ष वयोगटातील मतदारांची एकूण संख्या 15कोटी 6लाख 4हजार 824 आहे. मतदार नोंदणीत महिलांचीही आघाडी 4 कोटी 16 लाख महिला मतदार मतदार नोंदणीमध्ये राज्यात महिला मतदारही आघाडीवर आहेत. राज्यातील पुरुष व महिला मतदारांचे प्रमाण एक हजार पुरुष नोंदणीकृत मतदारामागे नोंदणीकृत 911 महिला मतदार असे आहे. राज्यात एकूण 8 कोटी 73 लाख 29 हजार 910 नोंदणीकृत मतदार आहेत. यापैकी 4 कोटी 57लाख 1 हजार 877 पुरुष तर 4 कोटी 16 लाख 25 हजार 950 महिला मतदार आहेत. राज्यात 2 हजार 83 नोंदणीकृत तृतीय पंथी मतदार आहेत. एक हजार लोकसंख्येमागे मतदार नोंदणीचे प्रमाणही राज्यात उल्लेखनीय आहे. राज्यात एक हजार लोकसंख्ये मागे 710 नोंदणीकृत मतदार आहेत. तर राज्यात एकूण 48 लोकसभा जागांसाठी चार टप्प्यात एकूण 95 हजार 475 मतदान केंद्रावर मतदान घेण्यात येणार आहे. देशात 89 कोटी 87लाख मतदार देशातील 29 राज्य आणि 7 केंद्रशासीत प्रदेशांमध्ये आजमितीस एकूण 89 कोटी 87लाख 68 हजार 978 मतदार आहेत. यामध्ये 46 कोटी 70 लाख 4 हजार 861 पुरुष मतदार आहेत तर 43 कोटी 16 लाख 89 हजार 725 महिला मतदार आहेत. देशभरात 31 हजार 292 तृतीय पंथी मतदार आहेत. 0000

फलटण : फलटण कृषी उत्पन्न बाजार समितीने नाविन्यपूर्ण उपक्रमांद्वारे जे बदल केेले आहेत, ते योग्य आहेत. येथील योजनांचे अनुकरण अन्य बाजार समित्याही करू लागल्या आहेत. त्यामुळे फलटण कृषी उत्पन्न बाजार समितीचा कारभार आदर्शवत ठरतोय. अशा बाजार समितीस आपले पाठबळ राहिली, असे प्रतिपादन विधान परिषदेचे सभापती रामराजे नाईक निंबाळकर यांनी केले. कृषी उत्पन्न बाजार समितीच्या वार्षिक सर्वसाधारण सभेस शेतकर्‍यांना मार्गदर्शन करताना ते बोलत होते. यावेळी आ. दीपक चव्हाण, बाजार समितीचे अध्यक्ष रघुनाथराजे नाईक निंबाळकर, जिल्हा परिषद अध्यक्ष संजीवराजे नाईक-निंबाळकर, पंचायत समिती सदस्य विश्वजितराजे नाईक निंबाळकर, नगरसेविका सुभद्रराजे नाईक निंबाळकर, पंचायत समिती उपसभापती शिवरूपराजे खर्डेकर, श्रीरकाम कारखान्यचे अध्यक्ष डॉ. बाळासाहेब शिंदे, दूध संघाचे अध्यक्ष धनंजय पवार, बाजार समितीचे सचिव शंकरराव सोनवलकर, बाजार समितीचे संचालक, जिल्हा परिषद, पंचायत समिती सदस्य, नगरसेवक, नगरसेविका आदीची उपस्थिती होती. रामराजे म्हणाले, शेती दिवसेंदिवस कठीण होत आहे. बदललेले निसर्गचक्र बदलते वातावरण अशा अनंत अडचणी समोर आहेत. त्यातूनही पीक घेतलं तर त्याचा चांगला भाव न मिळाल्यास सर्व कष्ट वाया जातात. त्यामुळे शेतकरी व व्यापार्‍यांना एकत्रित आणून शेतकर्‍यांना योग्य भाव व त्वरीत पैसे मिळावेत व त्यातून मिळणार्‍या उत्पन्नातून बाजार समित्यांनी कार्यरत रहायला हवे. बाजार समितीने शेतकर्‍यांच्या सेवेचे व्रत असेच जोपासले. त्यासाठी जी काही ताकद लागेल ती मी देईन,अशी ग्वाहीही रामराजे यांनी यावेळी दिली. दिवाळीपूर्वी ते अंमलात अणून शेतकरी बांधवांना दिवाळीची गोड भेट देणार असल्याचे रघुनाथराजे नाईक निंबाळकर यांनी सांगितले. शंकरराव सोनवलकर यांनी विषयांचे वाचन केले.

नागपूर: दक्षिण आणि मध्य नागपूर विधानसभा क्षेत्रातील ईव्हीएम व व्हीव्हीपॅट मशीन धंतोली परिसरातील बचत भवनात ठेवण्यात आल्या आहेत. पण, बचत भवनातील सीसीटीव्ही कॅमेरे व एलईडी स्क्रीन बंद होते. त्यामुळे ईव्हीएम व व्हीव्हीपॅटच्या सुरक्षेवर उपस्थित करून काँग्रेसचे उमेदवार नाना पटोले व शहर काँग्रेस यांनी उच्च न्यायालयाच्या नागपूर खंडपीठात धाव घेतली. गुढीपाडव्याची सुटी असतानाही विशेष खंडपीठ बोलवण्यात आले व सुनावणी घेऊन केंद्रीय निवडणूक आयोग, राज्य निवडणूक आयोग आणि जिल्हाधिकारी व निवडणूक निर्णय अधिकाऱ्यांना उद्या रविवापर्यंत उत्तर दाखल करण्याचे आदेश देण्यात आले. याचिकाकर्त्यांनी २८ मार्चला निवडणूक निर्णय अधिकाऱ्यांना पत्र लिहिले. या पत्रानुसार २७ मार्चला संध्याकाळी ५.५५ वाजता एलईडी टीव्हीवर बचत भवनच्या स्ट्रॉंग रूम परिसरातील सीसीटीव्ही कॅमेऱ्याचे चलचित्र दिसत नव्हते. त्या ठिकाणी एक जीआयओ राऊटरही असून तेही टीव्हीवर दाखवण्यात येत नव्हते. स्ट्रॉंग रूमचे संरक्षण व पारदर्शितेसाठी निवडणूक आयोगाने दिशानिर्देश ठरवून दिले आहेत. पण, नागपूरच्या निवडणूक निर्णय अधिकाऱ्यांकडून त्याचे उल्लंघन होत आहे असा आक्षेप आहे. ?मॉक ड्रिल? एक हजार मतदानाची मागणी ११ एप्रिलला होणाऱ्या मतदानापूर्वी निवडणूक आयोगाकडून उमेदवार किंवा त्यांच्या प्रतिनिधींच्या उपस्थितीत मतदान मॉक ड्रिल घेतले जाते. याची तारीख उपनिवडणूक निर्णय अधिकाऱ्यांनी १ ते ४ एप्रिलदरम्यान ठरवली होती. पण, शहरातील दोन हजार ७४ मतदान केंद्रांवर चार हजार १४८ ईव्हीएम लागणार आहेत. या मशीन तपासण्याकरिता एका उमेदवाराच्या केवळ एका प्रतिनिधीला परवानगी देण्यात आली. इतक्या मशीन तपासण्याकरिता किमान २० प्रतिनिधींना परवानगी देण्यात यावी. निवडणूक पारदर्शक व्हावी याप्रकरणी न्यायालयाने प्रतिवादींना रविवारी सकाळपर्यंत उत्तर सादर करण्याचे आदेश दिले असून सकाळी १०.३० वाजता पुन्हा सुनावणी ठेवली आहे. पारदर्शी निवडणुकांसाठी ईव्हीएम व व्हीव्हीपॅटच्या सुरक्षेचा मुद्दा महत्त्वाचा असून निवडणूक आयोग उमेदवाराच्या आक्षेपांवर गांभीर्याने विचार करून उपाययोजना करेल, असे अपेक्षित असल्याचे मत न्यायालयाने नोंदविले आहे.

राज्यात विशेषत: ग्रामीण भागात दुष्काळाची तीव्रता आत्तापासूनच अधिक जाणवू लागली आहे. अनेक गावांचे जलस्रोत आटल्याने पाण्याचा आणि चाऱ्याचा गंभीर प्रश्न निर्माण झाला असून आजमितीस नऊ हजार ६६० गावपाडय़ांमध्ये तीन हजार ७०० टँकर्सद्वारे पाणीपुरवठा केला जात आहे. अनेक जिल्ह्य़ांत जनावरांच्या चारापाण्याची समस्याही गंभीर असून ८७२ छावण्यांमध्ये तब्बल पाच लाख २४ हजार जनावरांनी आसरा घेतला आहे. एकीकडे दुष्काळाच्या झळांनी ग्रामीण भागातील लोकांची पाण्यासाठी पायपीट सुरू असताना सरकार आणि विरोधक मात्र प्रचाराच्या रणधुमाळीत तर प्रशासन निवडणूक कामात मग्न असल्याचे चित्र राज्यभरात दिसत आहे. गेल्या वर्षी झालेल्या अपुऱ्या पावसामुळे राज्यात निर्माण होणारी संभाव्य दुष्काळाची परिस्थिती लक्षात घेऊन सरकारने ऑक्टोबर महिन्यातच १५१ तालुके आणि २६८ मंडळात दुष्काळ जाहीर केला होता. तर लोकांच्या मागणीनंतर दुसऱ्या टप्प्यात ९३१ गावांमध्ये आणि तिसऱ्या टप्प्यात आणखी ४५१८ गावांमध्ये दुष्काळ जाहीर करण्यात आला होता. केवळ या गावांत दुष्काळ जाहीर करून न थांबता या गावांमध्ये जमीन महसूल करात सूट, पीक कर्जाचे पुनर्गठन, शेती पंपाच्या वीज बिलात ३३.५ टक्के सूट, विद्यार्थ्यांना परीक्षा शुल्क माफ अशा अनेक सुविधा आणि शेतीच्या नुकसानीपोटी थेट मदत देत निवडणुकीच्या तोंडावर राज्यातील बळीराजाला बळ देण्याचा प्रयत्न सरकारने केला होता. मात्र उन्हाच्या झळांमध्ये सरकारच्या या उपाययोजना कमी पडू लागल्या असून अनेक जिल्ह्यांतून आपलीही गावे दुष्काळी जाहीर करण्याची मागणी नव्याने येऊ लागली आहे. त्याचप्रमाणे पाण्यासाठी लोकांची वणवण सुरू असून जनावरांनाही चारापाण्यासाठी सरकारी छावण्यांमध्ये आसरा घ्यावा लागत आहे. परिस्थिती काय? आजच्या घडीस २८७९ गावे आणि सहा हजार ७८१ अशा नऊ हजार ६६० गावांमध्ये पाण्याची गंभीर समस्या निर्माण झाली असून या गावांना टँकरने पाणी पुरवठा केला जात आहे. भूजल पातळी खाली घेल्याने तसेच जलस्रोत कोरडे पडू लागल्याने विहिरी आणि बोअरवेलमधूनही पाणी मिळणे मुश्कील होत असल्याने टँकरच्या मागणीत सातत्याने वाढ होत असल्याची माहिती मदत आणि पुनर्वसन विभागातील उच्चपदस्थ अधिकाऱ्याने दिली. छावण्यांमध्ये वाढ.. सध्या अहमदनगर, सातारा, सांगली, सोलापूर, औरंगाबाद, परभणी, बीड, उस्मानाबाद, जालना या जिल्हय़ांत ७८२ छावण्या सुरू झाल्या असून तेथे पाच लाख २४ हजार ३६८ जनावरे ठेवण्यात आली आहेत. बीड जिल्हय़ात सर्वाधिक दुष्काळ असून तेथे ५१५ छावण्या सुरू असून मराठवाडय़ातून छावण्यांची मोठय़ा प्रमाणात मागणी होत असल्याची माहिती अधिकाऱ्याने दिली.

जालना- भाजपाचे प्रदेशाध्यक्ष रावसाहेब दानवे यांची वादग्रस्त विधानांची मालिका काही थांबत नाहीये. जालना लोकसभा मतदारसंघातील रामनगर येथे रावसाहेब दानवे प्रचार कार्यालयाच्या उद्धाटनासाठी आले होते. उद्धाटनानंतर उपस्थितांना संबोधित करताना त्यांनी पुन्हा एकदा मागच्याच वादग्रस्त विधानाची री-ओढली आहे. आपल्या देशाचे 42 अतिरेकी मारले गेल्याचा पुनरुच्चार त्यांनी केला आहे. रावसाहेब दानवेंनी पुन्हा एकदा जवानांना दहशतवादी संबोधले आहे. त्यामुळे रावसाहेब दानवेंना दहशतवादी आणि जवान यातील फरकच समजत नाही काय, असाही प्रश्न आता उपस्थित केला जातोय. गेल्या काही दिवसांपूर्वीही पुलवामा हल्ल्यावर बोलताना ते म्हणाले होते की, पाकिस्तानने देशातील 40 अतिरेकी मारले. विशेष म्हणजे त्यांचा या वादग्रस्त विधानाचा व्हिडीओ सोशल मीडियावर व्हायरल झाला असून, दानवेंनी शहीद जवानांचा अपमान केल्याची तीव्र भावना नेटकरी व्यक्त केली होती. या विधानावरून विरोधी पक्षांनीही दानवे लक्ष्य केलं. राष्ट्रवादी काँग्रेसने दानवेंचा याबाबतच व्हिडीओ शेअर करून त्यांना हेच का भाजपाचे बेगडी देशप्रेम? असा प्रश्न विचारला होता. सोलापुरातील हेरिटेज येथे महायुतीचा विजयी संकल्प मेळावा आयोजित करण्यात आला होता. या मेळाव्याला मार्गदर्शन करताना प्रदेशाध्यक्ष दानवे बोलले होते की, आज देशामध्ये भयानक युद्धजन्य परिस्थिती आहे. केव्हा काय होईल हे सांगता येत नाही. पंतप्रधान नरेंद्र मोदी यांच्याच हातात आता देश सुरक्षित राहू शकतो, अशी तमाम देशवासीयांची भावना आहे. त्यामुळे लोकसभा निवडणुकीत महायुतीच्या उमेदवारांना भरघोस मतांनी निवडून द्या आणि मोदींचे हात बळकट करा, असे आवाहन भाजपचे प्रदेशाध्यक्ष रावसाहेब दानवे यांनी केले. तर त्यानंतरही दानवेंनी वादग्रस्त विधानांची मालिका सुरूच ठेवली.जालन्यात केलेल्या एका विधानामुळे दानवे पुन्हा एकदा वादाच्या भोवऱ्यात सापडले होते. दानवे यांनी बोलता बोलता विंग कमांडर अभिनंदन याला हेलिकॉप्टरचा पायलट असं म्हटलं होतं. खरं तर अभिनंदन हे भारताच्या लढाऊ विमानांचे धडाकेबाज वैमानिक आहेत. या नव्या विधानानंतर दानवेंवर पुन्हा एकदा चहू बाजूंनी टीका होऊ लागली आहे. राष्ट्रवादी काँग्रेसचे विधान परिषदेतील विरोधी पक्षनेते धनंजय मुंडेंनी दानवेंर निशाणा साधला होता. धनंजय मुंडेंनी ट्विट करत म्हटलं आहे की, बे एके बे, बे दुने चार, बे त्रिक बेअक्कल. त्यानंतर त्यांनी 'येडं पेरलं आणि खुळं उगवलं' अशी भाजपाची सगळी गत झाल्याचीही टीका केली आहे. यांना विंग कमांडर आणि पायलट यातला फरक कळत नाही. मिग-२१ आणि हेलिकॉप्टर यातला फरक कळत नाही आणि झालेत प्रदेशाध्यक्ष, असंही ते म्हणाले होते.

मुंबई : पूरग्रस्त भागात ज्या लोकांची घरं उध्वस्त झाली आहेत, त्यांच्या घरांची पूनर्बाधणी केली जाणार आहे. तसेच एक हेक्टरपर्यंत शेतकऱ्यांनी जे पीक घेतले असेल, त्या पिकासाठी घेतलेलं कर्ज माफ करण्याचा निर्णय राज्य सरकारने घेतला आहे. कोल्हापूर, सांगली, सातारा आणि राज्यातील अन्य ठिकाणी ओढवलेल्या पूर परिस्थितीचा आढावा घेण्यासाठी, तसेच यासंदर्भात राज्य पातळीवर काही निर्णय घेण्यासाठी मुख्यमंत्री देवेंद्र फडणवीस यांनी आज मुंबईत बैठक घेतली होती. या बैठकीनंतर मुख्यमंत्र्यांनी राज्य सरकारने घेतलेल्या निर्णयांची माहिती दिली. मुख्यमंत्री फडणवीस म्हणाले की, "पुरामुळे पिकांचं मोठ्या प्रमाणात नुकसान झाले आहे. त्यामुळे एक हेक्टरपर्यंत शेतकऱ्यांनी जे पीक घेतले असेल त्या पिकासाठी घेतलेलं कर्ज माफ करण्याचा निर्णय राज्य सरकारने घेतला आहे. ज्या शेतकऱ्यांनी कर्ज घेतले नाही, परंतु त्यांच्या पिकाचं नुकसान झालं आहे, अशा शेतकऱ्यांना सरकारी नुकसान भरपाईच्या तीनपट नुकसान भरपाई देण्याचा निर्णय घेतला आहे" मुख्यमंत्र्यांनी सांगितले की, "प्रधानमंत्री आवास योजनेमार्फत जी घरं क्षातीग्रस्त आहेत, त्यांना नवीन घर आणि अतिरिक्त एक लाख रुपये देण्याचा निर्णय झाला आहे. भाड्याने राहण्यासाठी ग्रामीण भागातील लोकांना 24 हजार रुपये आणि शहरी भागातील लोकांना 36 हजार रुपये देण्याचा निर्णय घेण्यात आला आहे. घरं बांधण्यासाठी 5 ब्रास वाळू आणि 5 ब्रास मुरुम मोफत दिला जाणार आहे" पूरग्रस्तांना पुढील तीन महिने मोफत धान्य दिले जाणार आहे. जनावरे आणि गोठ्यांसाठी मदत करण्याचा सरकारने निर्णय घेतला आहे. राज्य सरकार केंद्र सरकारकडे आयकर आणि जीएसटी भरण्याची मुदत वाढवून देण्याची मागणी करणार असल्याचे मुख्यमंत्र्यांनी सांगितले. मुख्यमंत्री फडणवीस म्हणाले की, "पूरस्थितीबाबत अभ्यास करण्यासाठी नंदकुमार वडनेरे यांच्या अध्यक्षतेखाली तज्ज्ञांची समिती गठीत करण्यात आली आहे. छोट्या व्यापाऱ्यांना मदतीसाठी नुकसानीच्या 75 टक्के किंवा जास्तीत जास्त 50 हजार रुपये नुकसान भरपाई देण्याचा निर्णय घेण्यात आला आहे. कृषीपंपाच्या वीजबिलाची वसुली पुढील तीन महिन्यांसाठी स्थगित करण्यात आली आहे"

सातारा : सातारा लोकसभा मतदारसंघाच्या पोटनिवडणुकीचे रणशिंग भाजपचे उमेदवार उदयनराजे भोसले यांनी फुंकले. आपण एकत्र जबाबदारीने काम करून ही लढाई नक्की जिंकू. विधानसभेच्या लढाईसाठी सर्व कार्यकर्त्यांनी सज्ज रहावे, असे आवाहन उदयनराजे यांनी केले. येथील दैवज्ञ मंगल कार्यालयात भाजपचे तालुकाप्रमुख, शक्ती केंद्रप्रमुख व पदाधिकार्‍यांचा मेळावा झाला. मेळाव्यास भाजपचे कराड दक्षिणचे नेते आणि विठ्ठल रूक्मिणी देवस्थान समितीचे अध्यक्ष अतुल भोसले , राज्य सहकार परिषदेचे अध्यक्ष शेखर चरेगावकर, भाजप जिल्हाधायक्ष विक्रम पावसकर, माजी आमदार डॉ. दिलीप येळगावकर, सातारच्या नगराध्यक्षा सौ. माधवी कदम, उपनगराध्यक्ष किशोर शिंदे, दत्ताजी थोरात, महिला आघाडीच्या जिल्हाध्यक्षा कविता कचरे, सुवर्णा पाटील, सातारा पालिकेतील भाजपच्या गटनेत्या सिध्दी पवार, नगरसेवक धनंजय जांभळे, विजय काटवटे, आशा पंडित, प्राची शहाणे, मिलींद काकडे, विठ्ठल बलशेटवार, सुनील काटकर, अ‍ॅड. दत्तात्रय बनकर आदी मान्यवर उपस्थित होते. उदयनराजे म्हणाले, लोकसभा पोटनिवडणूकीत मला तुमचे सहकार्य हवे आहे. मी नकळतपणे कुणाला दुखावले असेल तर दिलगिरी व्यक्त कहरतो. मी छत्रपती घराण्यात जन्मलो, हीच माझ्यासाठी मोठी गोष्ट आहे. शिवाजी महाराज आणि संभाजी महाराज, हे दोनच खरे छत्रपती आहेत. समाजकारणाची ही लढाई खर्‍या अर्थाने तुमचीच आहे. लोकसभा व विधानसभा या दोन्ही निवडणुका जबाबदारीने व एकदिलाने लढू या. उदयनराजे यांच्या पक्षप्रवेशाने जिल्ह्यात भाजपची ताकद वाढली आहे. त्यांच्यासाठी आपण राजकीय ताकद पणाला लावून त्यांना पुन्हा चांगल्या मताधिक्याने निवडून आणू या, असे आवाहन अतुल भोसले यांनी केले. भाजपचे पदाधिकारी व कार्यकर्ते कोणत्याही क्षणी निवडणुकीला तयार असतात आणि पक्षवाढीसाठी काम करतात. लोकसभेसह जिल्ह्यातील विधानसभेच्या सर्व जागा निवडून आणण्यासाठी प्रयत्न करण्याचे आवाहन विक्रम पावसकर यांनी केले.

सातारा : सातार्‍याचे नाक म्हणून ओळख असलेल्या पोवई नाक्यावर सुरू असलेल्या ग्रेड सेपरेटरच्या कामाने गती घेतली आहे. छत्रपती शिवाजी महाराजांच्या पुतळ्याच्या चारही बाजूने तसेच राजपथाकडील वाहतूक सध्या सुरू होत आहेत पाऊस उघडल्यावर या रस्त्यावरून खडीकरण, डांबरीकरण केले जाणार आहे. कास व कोरेगावचा रस्ता डिसेबंरपर्यंत खुला होणार असून मे अखेरपर्यंत कराडकडील रस्ता कार्यान्वित केला जाणार आहे. यामुळे बहुतांश वाहतूक कोंडी सुटण्यासाठी मदत होणार आहे. मात्र मोनार्क ते महाराजा हॉटेल रस्त्यावरील ताण वाढणार आहे. पोवई नाका येथील ग्रेड सेपरेटरचे काम सुरू होऊन दीड वर्ष पूर्ण झाले आहे. नाक्यावर येणारे आठ रस्ते असून ते खोदाई करण्यात आल्याने वाहतुकीचा मोठा खेळखंडोबा झाला होता. सध्या बस स्थानक आणि राजपथ, कास रस्त्याच्या बाजूकडील भुयारी मार्गाचे काम पूर्ण झाले असल्याने छत्रपती शिवाजी महाराज पुतळ्याभोवती तसेच महाराजा सयाजीराव विद्यालयाच्या समोरचा भाग मुरुमाने भरून घेण्यात आला आहे. त्यामुळे तेथून वाहतूक सुरळीत सुरू झाली आहे. मात्र पावसामुळे हा भराव थोड्याबहुत प्रमाणात खचला आहे. वाहन चालकांना कसरत करावी लागत आहे. त्यात कराड, कोरेगाव मार्गावरील काम अद्याप सुरू आहे. पाऊस थांबल्यावरच भुयारी रस्त्याचे काम पूर्ण झालेल्या बस स्थानक आणि कास रस्त्यावर डांबरीकरण करण्याचे नियोजन सार्वजनिक बांधकाम विभाग व कंत्राटदार कंपनीने केले आहे. डांबरीकरण झाल्यानंतर सातारकरांना दिलासा मिळणार आहे. दरम्यान, वायसी, डिजी, शिवाजी कॉलेजमधील विद्यार्थी तसेच नागरिकांना पायी जाण्यासाठी बसस्थानकाकडे जावे लागते. सधाया रजतसागर बाजून कराडच्या दिशेने खोदकाम सुरू असल्याने त्याबाजूने पायवाट पूर्णतः बंद आहे. अशा स्थितीत पोस्ट व बीएसएनल कार्यालयाकडून विद्यार्थी नागरिक ये जा करत आहेत. मात्र त्याठिकाणी अनेक टपर्‍या उभ्या असून वाहतूकीस अडथळा ठरत आहेत. त्यामुळे या टपर्‍या हटणवण्याची मागणी जोर धरू लागली आहे.

नवी दिल्ली : तुम्हाला आता तुमच्या दिनचर्येचा हिशेब केंद्र सरकारला द्यावा लागणार आहे. केंद्र सरकारच्या सांख्यिकी विभागाकडून याबाबत सर्व्हे केला जात आहे. तुम्ही दिवसभर घरी काय करता?, तुमचा वेळ कसा घालवता? हे सगळं तुम्हाला आता सरकारला सांगावं लागणार आहे. देशातील लोक 24 तासांतील किती वेळेचा वापर करतात आणि किती दुरुपयोग करतात हे समजण्यासाठी हा सर्व्हे केला जाणार आहे. 1998-99 मध्ये पहिल्यांदा हरियाणा, मध्यप्रदेश, गुजरात, ओडिशा, केरळ आणि मेघालयात अशी मोहीम राबवली गेली होती. आता संपूर्ण देशात ही मोहीम राबविली जात असल्याचं सांख्यिकी सचिव प्रविण श्रीवास्तव यांनी सांगितलं. केंद्र सरकारच्या सांख्यिकी विभागाने जानेवारीपासून ?हाऊस होल्ड टाइम यूज? सर्व्हे सुरु केला आहे. त्याद्वारे तुम्ही दिवसभर घरी घालवित असलेल्या वेळेची माहिती जाणून घेण्यात येणार आहे. डिसेंबरपर्यंत हा डाटा येणार आहे. त्यातून देशातील लोक 24 तासांतील किती वेळेचा वापर करतात आणि किती दुरुपयोग करतात हे माहीत पडेल. लखनऊ विद्यापीठात सांख्यिकी विभागाने आयोजीत केलेल्या परिसंवादात सांख्यिकी सचिव प्रविण श्रीवास्तव बोलत होते. तसेच लखनऊ विद्यापीठाचे कुलगुरू प्रा. एसपी सिंह यांनी सांख्यिकीमध्ये लक्ष्य गाठण्यासाठी कठोर मेहनत करावी लागेल. अनेकदा अनेक प्रकल्प हाती घेतले जातात, पण ते पूर्ण होत नाही. या नव्या मोहीमेच्या बाबतीत असं होऊ नये, असं मतं त्यांनी व्यक्त केलं.

सातारा : सातारा जिल्हा मध्यवर्ती सहकारी बँकेचे मुख्य कार्यकारी अधिकारी डॉ. राजेंद्र सरकाळे यांना कृषि सन्मान पुरस्काराने सन्मानित करण्यात आले. दरवर्षी राज्यातील प्रतिथयश शेतकरी, संशोधक व सहकारामध्ये उल्लेखनीय काम केलेल्या व्यक्तीस कृषी सन्मान पुरस्काराने सन्मानित केले जाते. पुरस्कार सोहळ्यास ना. बाळासाहेब थोरात, ना. दादा भुसे, ना. दत्तात्रय भरणे, पोपटराव पवार, राहीबाई पवार यांची उपस्थिती होती. यावेळी बोलताना ना. बाळासाहेब थोरात म्हणाले, महाआघाडी सरकार शेतकर्‍यांना जी जी मदत करता येईल ती मदत करणार असून त्यातील पहिले पाऊल म्हणजे शासनाने जाहीर केलेली ?महात्मा फुले कर्जमुक्ती योजना?. या योजनेचा राज्यातील सुमारे 35 लाख शेतकर्‍यांना लाभ होणार आहे. ना. दादा भुसे यांनीही मार्गदर्शन केले. मनोगत व्यक्त करताना डॉ. राजेंद्र सरकाळे म्हणाले, विद्यापीठाचे तज्ञ शेतकर्‍यांच्या बांधावर पोहोचले पाहिजेत. उत्पादित मालाची नासाडी होवू नये म्हणून पीक उत्पादन ते मार्कटिंगपर्यंत कोल्ड चेनची उभारणी करणे आवश्यक आहे. शेतकर्‍याला कायमचा दिलासा द्यायचा असेल तर पाणी, विज, रस्ते, दर्जेदार बियाणे इ. पायाभूत सुविधा तसेच काही प्रमाणात मार्केटिंगची सुविधा आणि हमखास हमीभाव दिल्यास शेतीमध्ये उत्पादन वाढीबरोबर सर्व प्रकारातील पिकांमध्ये हरितक्रांती होईल. नियमीत कर्ज परतफेड करणार्‍या शेतकरी सभासदांना एक लाख रुपये प्रोत्साहन म्हणून द्यावेत, असेही त्यांनी सांगितले. यावेळी पोपटराव पवार व राही पवार यांनी मनोगत व्यक्त केले. याप्रसंगी जिल्हा बँकेचे सरव्यवस्थापक राजीव गाढवे, राजेंद्र भिलारे, अजिंक्य फळे फुले संघाचे संचालक उपस्थित होते.

मुंबई: महाराष्ट्रातील ४८ लोकसभा मतदारसंघातील मतदानाची प्रक्रिया आता पूर्ण झालेली असल्याने राज्यात दुष्काळी उपाययोजनांसाठी आचारसंहिता शिथिल करण्यात यावी, अशी मागणी मुख्यमंत्री देवेंद्र फडणवीस यांनी भारताच्या मुख्य निवडणूक आयुक्तांकडे केली आहे. राज्यात उन्हाच्या झळा असून, दुष्काळाच्या मुकाबला करण्यासाठी अनेक प्रकारची कामे तातडीने पूर्ण करणे आवश्यक आहे. विहिरी खणणे, पाणी पुरवठा योजनांची दुरूस्ती, कॅनालची देखभाल इत्यादी कामे ही तीव्र उन्हाळ्यातच करावी लागतात. राज्य सरकारने १५१ तालुक्यात दुष्काळ जाहीर केला आहे. या दुष्काळाच्या निवारणासाठी केंद्र सरकारने ४, ७१४ कोटी रूपये मदत जाहीर केली आहे. याचा आढावा घेण्यासाठी राज्य मंत्रिमंडळाची एक बैठक सुद्धा घेण्याची नितांत गरज आहे, असे मुख्यमंत्री देवेंद्र फडणवीस यांनी मुख्य निवडणूक आयुक्तांना पाठविलेल्या पत्रात म्हटले आहे. वार्षिक आराखड्यात यापूर्वीच मंजूर असलेल्या विविध प्रकारच्या कामांच्या निविदा बोलावणे, निविदांचे मूल्यांकन, निविदा अंतिम करणे, कामांचे कंत्राट देणे याला सुद्धा परवानगी देण्यात यावी. रूग्णालयीन सुविधा, रस्त्यांची कामे, महापालिका आणि गाव पातळीवरची कामे इत्यादींचा यात समावेश आहे. जी कामे पूर्वीपासून सुरू आहेत, त्याचा निवडणूक कामातील अधिकार्‍यांना वगळून वेळोवेळी आढावा घेण्याचीही अनुमती या पत्रातून मागण्यात आली आहे. यासाठी मंत्र्यांच्या दौर्‍यांनाही अनुमती प्रदान करावी, अशी मागणी या पत्रातून करण्यात आली आहे. २००९ मध्ये अशाच प्रकारची अनुमती प्रदान करण्यात आली होती, याकडे मुख्यमंत्र्यांनी या पत्रातून लक्ष वेधले आहे. ही अनुमती दिल्यास दुष्काळी उपाययोजनांची अधिक प्रभावी अंमलबजावणी करणे सोपे होईल, असेही या पत्रात नमूद करण्यात आले आहे.

पुणे : मनसे अध्यक्ष राज ठाकरे यांची आज पुण्यात सभा सुरु आहे. लोकसभा निवडणुकीच्या निमित्ताने राज ठाकरे सध्या राज्यात विविध ठिकाणी सभा घेत आहेत. नांदेड, सोलापूर, इचलकरंजी येथील सभांनंतर आज राज ठाकरे पुण्यातील खडकवासला परिसरात सभा घेत आहे. काय म्हणाले राज ठाकरे ? पुण्यात आल्यानंतर माझ्या रमेश वांजळे यांची आठवण आल्याशिवाय राहत नाही, माझा वाघ गेला. माझ्या महाराष्ट्रातील भाषणातील क्लिप्स देशभर फिरत आहेत. मला उत्तर भारतात सभा घ्यायलाही विचारत आहेत. विकास झाल्यावर शहरं टुमदार होतात, पण आमची शहरं बकाल होत आहेत. शहरं छान राहावीत म्हणून धोरण आखायचं असतं आणि हे धोरण ठरवणारे लोकप्रतिनिधी असतात त्यांना निवडून देण्यासाठी ही निवडणूक आहे. पंतप्रधान नरेंद्र मोदी आता जातीवर बोलू लागले आहेत. माझा मोदींना प्रश्न आहे की, गेल्या 5 वर्षात दलित बांधवांवर जो अत्याचार झाला, त्यावर का बोलला नाहीत? जर बीफ निर्यात करणारे तुमचे मित्र असू शकतात तर मग गो-हत्येच्या नावावर ५०, ६० लोकं मारले गेले तेंव्हा तुम्ही का गप्प बसलात? मोदी सरकारच्या काळात अमित शहाचा मुलगा सोडून ईतर कोणत्या बाबतीत बदल झाला? मोदी सत्तेत नसताना बलात्कारावरून राजकारण करायचे. आता मात्र त्यांच्या कारकिर्दीत झालेल्या बलात्कारांची जबाबदारी झटकतायत. २०१७ -२०१८ मधे किती बलात्कार झाले याची माहिती सरकारने दाबून टाकलीय. देश पाण्यासाठी तडफडतोय आणि मोदी पुतळ्यांवर तीन तीन - चार चार हजार कोटी रुपये खर्च करतायंत. या देशाला पुतळ्यांची गरज आहे का? चीनी वस्तूंवर बंदी घाला असं वातावरण निर्माण केलं, पण सरदार वल्लभभाई पटेल यांचा पुतळा कुठून बनवून आणला? मोदी सरकारच्या काळात अनेक कंपन्या बंद पडल्या. कालच जेट एअरवेजमधे काम करणाऱ्या हजारो कर्मचाऱ्यांची नोकरी गेली. रिझर्व्ह बँक ऑफ इंडियाचे गव्हर्नर ह्या सरकारच्या दबावाला कंटाळून राजीनामे देऊन निघून गेले. असं भारताच्या इतिहासात आजपर्यंत कधी घडलं नाही. मुंबई-अहमदाबाद बुलेट ट्रेनचा अट्टहास का? 'बिझनेससाठी अहमदाबादलाच जावं लागतं. पुण्यात जायचं असेल तर फक्त शिक्षणासाठी', असं मोदींचं मत असेल तर गुजराती बांधव गुजरात सोडून महाराष्ट्रात का येतात? हे त्यांनी सांगावं एवढ्या देशांचे राष्ट्रप्रमुख भारतात आले पण मोदी सगळ्यांना फक्त गुजरातला घेऊन गेले. महाराष्ट्र, उत्तर प्रदेश, तामिळनाडू कुठेच त्यांना नेलं नाही.

मुंबई : राज्यात पावसासाठी पोषक वातावरण तयार झाल्याचा दावा हवामान खात्यानं केलाय. येत्या २४ तासात विदर्भ आणि मराठवाड्यात मध्यम आणि जोरदार पाऊस होणार असा अंदाज हवामान विभागाने वर्तवला आहे. तर उत्तर कोकणात जोरदार पाऊस होणार असल्याचे हवामान विभागाने म्हटले आहे. बंगालच्या उपसागरात कमी दाबाचा पट्टा तयार झाल्याने महाराष्ट्रात पावसासाठी अनुकूल वातावरण असल्याचे हवामान विभागाने सांगितले आहे. दरम्यान, काही ठिकाणी पाऊस झाला असला तरी राज्याच्या बहुतांश भागात पावसाने दडी मारली आहे. त्यामुळे विदर्भ, मराठवाडा आणि पश्चिम महाराष्ट्राच्या काही भागात पुन्हा एकदा कृत्रिम पावसाचा प्रयोग केला जाणार आहे. जुलैच्या शेवटच्या आठवड्यात किंवा ऑगस्टच्या पहिल्या आठवड्यात हा प्रयोग होण्याची शक्यता कृषीमंत्री डॉ. अनिल बोंडे यांनी वर्तवली आहे. गेल्या चोवीस तासात सिंधुदुर्ग जिल्ह्यात चांगला पाऊस झाला आहे. वेंगुर्ल्यात सर्वाधिक 1१५४.२ मि.मी पावसाची नोंद झाली. संततधार पावसामुळे सखल भागांमध्ये पाणी साचले आहे. वेंगुर्ले-शिरोडा बाजारपेठेत पाणी घुसरल्याने दुकानदारांचे नुकसान झाले आहे. केळुस, आरवली, शिरोडा या भागात बाजारपेठा आणि रस्ते पाण्याखाली गेले होते. वेंगुर्ला-केळुस नदीला पूर आल्याने वाहतूक बंद झाली होती. दडी मारलेल्या पावसाने बुलढाणा जिल्ह्यामध्ये सर्वदूर हजेरी लावत खरीप पिकाला जीवदान दिले आहे. यामुळे पावसाच्या प्रतीक्षेत असलेल्या बळीराजाची चिंता थोडी दूर झालीये. जिल्ह्यातील नांदुरा, शेगाव, मेहकर, चिखली या ठिकाणी चांगला पाऊस झाला. यामुळे पिकं तग धरू शकतील, अशी स्थिती निर्माण झालीये. अधुनमधून असा पाऊस झाल्यास जमिनीतील पाणीपातळी वाढण्यास मदत होणार असून दुबार पेरणीचं संकटही टळण्याची आशा उत्पन्न झाली आहे. जालना जिल्ह्यातही शेतकऱ्यांची प्रतीक्षा संपली आहे. जालना शहरासह बदनापूर, भोकरदन, जाफराबाद या तालुक्यांत चांगला पाऊस झाला. पावसामुळे शेतकऱ्यांना मोठा आधार मिळाला असून खरीप पिकांनाही याचा फायदा होणार आहे. आतापर्यंत जिल्ह्यात वार्षिक सरसरीच्या २० टक्के पावसाची नोंद झाली आहे. त्यामुळे शेतकऱ्यांना आणखी मुसळधार पावसाची प्रतीक्षा कायम आहे. तब्बल दीड महिन्यानंतर सोलापूरमध्ये पाऊस झाला. सुरुवातीला एक दोन वेळा तुरळक पाऊस पडल्यानंतर सोलापुरातून पाऊस गायब झाला होता. जुलै संपत आला तरी पाऊस न झाल्याने शेतकऱ्यांमध्ये चिंतेचं वातावरण होते. शिवाय पिण्याच्या पाण्याचाही प्रश्न अधिक गंभीर होण्याची शक्यता आहे. मात्र पावसाने हजेरी लावल्यामुळे सोलापुरात अल्हाददायक गारवा निर्माण झाला. महिन्याभराच्या विश्रांतीनंतर मालेगाव तालुक्यात पावसाने दमदार पुनरागमन केलंय. निमगाव, येसगाव, चंदनपुरी, मुंगसे, सौंदाणे, सायने बुद्रुक, चाळीसगाव फाटा या परिसरात शुक्रवारी संध्याकाळच्या सुमारास पावसाने जोरदार हजेरी लावली. मात्र पावसाच्या पुनरागमनामुळे खरिपांच्या पिकांना जीवदान मिळाले आहे.

पुणे : सुजय विखे आणि पार्थ पवार यांचं कर्तृत्व काय आहे. फक्त नेत्यांची मुलं म्हणून पक्षात घेणार का ? असा सवाल जलसंपदा राज्यमंत्री विजय शिवतारे यांनी विचारला आहे. पुण्यातील वैशाली हॉटेल येथील कट्ट्यावर विजय शिवतारे यांनी पत्रकारांशी संवाद साधला. यावेळी बोलताना त्यांनी हे वक्तव्य केलं. शरद पवार यांना वार्‍याची दिशा समजल्याने माढा लोकसभा मतदार संघातून माघार घेतली असा टोलाही त्यांनी यावेळी लगावला. सध्या मावळमधून पार्थ पवार आणि नगर येथून सुजय विखे यांच्या उमेदवारीबाबत चर्चा सुरू आहे. या दोघांचे काय कर्तुत्व आहे. ते केवळ नेत्यांची मुले आहेत म्हणून त्यांना उमेदवारी देणार का? असा सवाल विचारताना या दोघांनी किमान दहा वर्ष समाजासाठी काम करण्याची आवश्यकता होती. त्यानंतर त्यांच्या उमेदवारीचा विचार पक्षांनी करायला हवा होता असं मत त्यांनी व्यक्त केलं. यावेळी विजय शिवतारे यांनी सुप्रिया सुळे यांच्यावरही टीका केली. सायकल, श्रवण यंत्र, चप्पल वाटणे हे खासदार म्हणून सुप्रिया सुळे यांचे कामे नाही. अशा स्वरूपाची कामे समाजातील अनेक मंडळाचे पदाधिकारी देखील करतात. त्यामुळे बारामती लोकसभा मतदारसंघाच्या खासदार म्हणून सुप्रिया सुळे अपयशी ठरल्या आहेत अशी टीका त्यांनी केली. 2014 साली झालेल्या निवडणुकीत सुप्रिया सुळे यांना केवळ बारामती तालुक्यांमधून लीड मिळाल्याने विजयी झाल्या असंही त्यांनी यावेळी सांगितलं. शरद पवार यांना वार्‍याची दिशा समजल्याने माढा लोकसभा मतदार संघातून माघार घेतली. शरद पवार यांचे कार्य खूप मोठे आहे. पण मागील निवडणुकीतील माढामधील कामाबाबत जनतेमध्ये शरद पवार यांच्याविषयी प्रचंड नाराजी आहे असं विजय शिवतारे यांनी म्हटलं आहे. बारामती लोकसभा निवडणूक लढवणार का या प्रश्नावर ते म्हणाले की, बारामती लोकसभा मतदारसंघ भाजपाकडे असल्याने यावर पक्षप्रमुख उद्धव ठाकरे आणि मुख्यमंत्री देवेंद्र फडणवीस हे या जागेबाबत निर्णय घेतील. पक्षाने निवडणूक लढविण्याचा आदेश दिल्यास पुढील निर्णय घेतली जाईल अशी भूमिका त्यांनी मांडली. पुढे ते म्हणाले की, आघाडी सरकारच्या काळात पुणे जिल्ह्याचे पालकमंत्री अजित पवार होते. अजित पवार प्रश्न सोडविण्यात अपयशी ठरले. या जिल्ह्यातील पुरंदर तालुक्यातील गुंजवणी धरणाचा प्रश्न का मार्गी लावला नाही ? असा प्रश्न त्यांनी विचारला. युतीचे सरकार आल्यावर मी पुरंदरचे प्रश्न मार्गी लावले असं त्यांनी सांगितलं.

सातारा : सातारा जिल्हा बँक असोसिएशन व जनता सहकारी बँकेचे संचालक, माजी उपनगराध्यक्ष, पुण्यशील सुमित्राराजे नागरी सहकारी पतसंस्था आणि ट्रस्टचे संस्थापक-चेअरमन, मराठा विद्या प्रसारक संस्थेचे संघटक सातारा जिल्हा वेटलिफ्टींग असोसिएशनचे उपाध्यक्ष जयेंद्र चव्हाण यांचा वाढदिवस विविध उपक्रमांनी साजरा करण्यात आला. सकाळी देवतांचे दर्शन व आई-वडिलांचा आशीर्वाद घेतल्यानंतर आई सिंधू शरदराव चव्हाण, पत्नी सौ. निलम चव्हाण आणि कुटुंबातील इतरांनी त्यांचे औक्षण केले. त्यानंतर क्रांतीसिंह नाना पाटील जिल्हा शासकीय सर्वसाधारण रुग्णालयातील रुग्णांना गणेश गडकरी यांच्यातर्फे भोजन देण्यात आले. वाढदिवसानिमित्त जयेंद्र चव्हाण यांना श्रीमंत शिवेंद्रसिंहराजे भोसले, श्रीमंत सौ.वेदांतिकाराजे भोसले, देनिक ऐक्यचे संपादक शैलेंद्र पळणिटकर, सल्लागार संपादक देवेंद्र पळणिटकर, सातारा हॉस्पिटलचे डॉ. सुरेश शिंदे, सुहास जोशी, डॉ. श्रीकांत बोकील, डॉ. सुरेश महाजन, डॉ.अनिल घोलप, अमर जाधव, केदार शालगर, जिल्हा पत्रकार संघातर्फे हरिष पाटणे, विनोद कुलकर्णी, अविनाश कदम, उमेश मोरे, सचिन देशमुख, सुशांत मोरे, नाना खैर, आबा बेंद्रे, पुण्यशील सुमित्राराजे नागरी सहकारी पतसंस्था व्यवस्थापक चौगुले, पुण्यशील सुमित्राराजे ज्येष्ठ नागरीक संघाचे अध्यक्ष शिवाजीराव ढाणे, शंकर धनवडे, भूषण पाटील, धनंजय जाधव, विजय बेंद्रे, महेश शिंदे, प्रदीप येवले, जनता बँकेचे मॅनेजर व कर्मचारी, कला वाणिज्य महाविद्यालयाचे प्राचार्य डॉ. यशवंत पाटणे, सौ. मालती साळुंखे व महिल मंडळ, भूषण पाटील, संजय देशपांडे, धनंजय जाधव, राजेंद्र माने, संतोष भोईटे, राहुल पाटील, अनिल पोळ, विश्वासराव माने, दिलीप म्हेत्रे, बाळासाहेब देशमुख, सुजित खुटाळे, संतोष गायकवाड, मिलींद घाडगे, योगेश भंडारे, विवेक शिंदे, युवराज जाधव, राजेंद्र जाधव, अमित लावंगरे, विशाल शेलार, दीपक शिंदे, रमेश शर्मा, छोटू पिसाळ, संदीप कर्पे, अक्षय मतकर, परशुराम सपकाळ, दत्ता शिंदे, कर्तव्य ग्रुप नरहर उभे, सुनील भंडारी आदींनी शुभेच्छा दिल्या.

मुंबई : महाराष्ट्रासह देशातल्या 8 राज्यांमध्ये दहशतवादी हल्ल्याची भीती व्यक्त करण्यात आली आहे.. कर्नाटकच्या पोलीस महासंचालकांनी या संभाव्य हल्ल्याचं पत्र लिहून याबाबत यंत्रणेला सतर्क राहण्याच्या सूचना दिल्या आहेत. ज्या शहरांना समुद्रकिनारा लाभला आहे. त्या शहरांमध्ये हल्ल्याची शक्यता अधिक आहे. त्यामुळे मुंबईसह सर्व महत्वाच्या शहरांमध्ये कडक बंदोबस्त करण्यात आला आहे. महाराष्ट्र, गोवा, तमिलनाडु, केरळ, आंध्र प्रदेश, तेलंगानासह 8 राज्यांना अलर्टच्या सूचना दिल्या आहेत. एका व्यक्तीनं बंगळूरच्या पोलीस कंट्रोल विभागात फोन करुन या हल्ल्याची माहिती दिल्याची बोललं जातंय. श्रीलंकेत ईस्टर संडेच्या दिवशी झालेल्या दहशतवादी हल्ल्यानंतर भारतात आधीपासूनच किनारा लाभलेल्या राज्यांमधील कोस्ट गार्ड, कोस्टल मरीन पोलीस आणि स्थानिक पोलिसांना अलर्ट देण्यात आलेले आहेत. श्रीलंका बॉमस्फोटामध्ये सहभागी असणारे काही दहशतवादी समुद्री मार्गाने भारतात घुसण्याची शक्यता व्यक्त केली जात आहे. स्वामी सुंदर मूर्ती नावाच्या एका व्यक्तीने शुक्रवारी बंगळुरू सिटीच्या कंट्रोल रूमला फोन करून याबाबत माहिती दिली. तामिलनाडु, कर्नाटक, केरळ, आंध्रप्रदेश, तेलंगाणा, पुद्दुचेरी, गोवा आणि महाराष्ट्र राज्यातील मोठी शहरं दहशतवाद्यांच्या निशाण्यावर आहेत. दहशतवादी या राज्यांमध्ये ट्रेनवर हल्ला करण्याची शक्यता आहे. तामिलनाडुच्या रामनाथपुरममध्ये 19 दहशतवादी असल्याचा दावा देखील मूर्तीने केला आहे.

फलटण : संत रोहिदास महाराज यांच्या विश्व शांतीच्या संदेशाची देशाला गरज असल्याचे नमूद करीत प्रतिकूल परिस्थितीत अंधश्रध्दा, जाती पातीच्या विचारांना त्यांनी थारा दिला नाही, देशाला आज खरोखर या आदर्शांची, त्यांच्या शांतीच्या संदेशाची गरज असल्याचे प्रतिपादन श्रीमंत संजीवराजे नाईक-निंबाळकर यांनी केले. श्री संत रोहिदास चॅरिटेबल सोसायटी फलटणच्या माध्यमातून प्रतिवर्षाप्रमाणे संत रोहिदास जयंती आणि संत रोहिदास महाराज गौरव पुरस्कार वितरण सोहळा झाला. त्यावेळी विशेष अतिथी म्हणून ते बोलत होते. यावेळी निवृत्त नायब तहसीलदार नंदकुमार भोईटे, पंचायत समिती सदस्य रणवरे, राजनकाका देशमुख, सद्गुरु महाराज तेली, नगरसेविका सौ.ज्येाती खरात, नगरसेवक अजय माळवे, निवृत्त वैद्यकीय अधिकारी डॉ. प्रकाश कांबळे, नसीर शिकलगार, प्रा. गंगाधर आगवणे, सौ.सुनंदा शिखरे, समर्थ प्रतिष्ठानचे अध्यक्ष कैलास सोडमिसे, डॉ. रोहिदास साळे यांच्यासह सोसायटीचे पदाधिकारी, सदस्य आणि समाजबांधव उपस्थित होते. संत रोहिदास सोसायटीचे काम कौतुकास्पद असून समाजातील आदर्श व्यक्तीमत्वांना येथे पाचारण करुन त्यांना पुरस्काराने सन्मानित करताना त्यांचे आदर्श, एखाद्या क्षेत्रात त्यांनी दिलेले योगदान नव्या पिढीसमोर ठेवल्याचे त्यांना प्रेरणा मिळत असल्याचे श्रीमंत संजीवराजे यांनी स्पष्ट केले. संत रोहिदास गौरव पुरस्काराने वामनराव शिखरे, सातारा यांना सन्मानित करण्यात आले. सन्मानचिन्ह, सन्मानपत्र, शाल, श्रीफळ, पुष्पहार असे या पुरस्काराचे स्वरुप आहे. पुरस्काराबद्दल कृतज्ञता व्यक्त करुन संताचे विचार महान असतात आपण ते स्वीकारुन त्याप्रमाणे आपले जीवन व्यतीत केले तर आपले जीवन निश्चित सुखमय होईल, असा विश्वास वामनराव शिखरे यांनी व्यक्त केला. प्राचार्यहंकारे यांना आदर्श प्राचार्य या राज्यस्तरीय पुरस्काराने नुकतेच सन्मानित करण्यात आल्याबद्दल या समारंभात त्यांना श्रीमंत संजीवराजे यांच्या हस्ते समाजाच्यावतीने सन्मानित करण्यात आले. प्रारंभी सर्व उपस्थिताांचे स्वागत केल्यानंतर सोसायटीचे सचिव सागर भोईटे यांनी सोसायटीच्या कामकाजाचा आढावा सादर करताना पुरस्कार वितरणासंबंधी विवेचन केले. सोसायटीचे अध्यक्ष भोलेनाथ भोईटे यांचे समयोचित भाषण झाले. प्राचार्य विठ्ठल हंकारे यांनी सुत्रसंचालन केले. अरुण खरात यांनी आभार मानले.

पुणे : 'पंतप्रधान नरेंद्र मोदींनी पवार कुटुंबाची काळजी करु नये, काळजी करायची असेल तर शेतकरी, बेरोजगारांची करा', असा टोला माजी उपमुख्यमंत्री अजित पवार यांनी मोदींना लगावला आहे. वर्धा येथे झालेल्या सभेत पंतप्रधान मोदींनी पवार कुटुंबामध्ये गृहकलह सुरु असल्याचं वक्तव्य केलं होतं. त्याला अजित पवारांनी आज प्रत्युत्तर दिलं आहे. . वर्ध्यातील प्रचार सभेत भाषण करताना पंतप्रधान मोदींनी पवार कुटुंबावर सडकून टीका केली होती. "राष्ट्रवादी काँग्रेसमध्ये गृहयुद्ध सुरु आहे. शरद पवारांची पक्षावरील पकड सैल होत असून पुतणे अजित पवार पक्षाचा ताबा घेत आहेत," असं मोदी म्हणाले होते. त्याला उत्तर देताना 'मोदींनी पवार कुटुंबाची काळजी करु नये, काळजी करायची असेल तर शेतकरी, बेरोजगारांची करा. राष्ट्रवादीचे कार्यकर्ते ठरवतील पक्षात काय चालु आहे ते तुम्ही काळजी करायची गरज नाही', असं अजित पवारांनी म्हटलं आहे. मोदींनी त्यांच्या भाषणात अजित पवारांच्या एका वादग्रस्त वक्तव्याचा उल्लेख केला होता. त्याबाबत बोलताना अजित पवार म्हणाले, "माझ्याकडून एकदा चुक झाली तेव्हा मी माफी मागितली, आत्मक्लेष केला. पुन्हा तशी चुक होऊ दिली नाही. पण् आताचे राज्यकर्ते शेतकर्यांना लावारीस म्हणतायत. हनुमानाची जात काढतायत. शेतकऱ्यांना साले म्हणतायत. यांना जनाची नाही तर मनाची तरी लाज वाटली पाहिजे".

सातारा : महिला आर्थिक विकास महामंडळ व महाराष्ट्र प्रदुषण नियंत्रण मंडळ यांच्या संयुक्त विद्यमाने प्लॉस्टिक पिशवीला पर्याय म्हणून कापडी पिशव्या तयार करण्यात आल्या असून त्याचे अनावरण जिल्हा परिषदेचे सीईओ संजय भागवत यांच्या हस्ते झाले. पर्यावरणाचा समतोल राखायचा असेल तर प्लॅस्टिक पिशव्याऐवजी कापडी पिशव्यांचा वापर करणे गरजेचे आहे, असे प्रतिपादन संजय भागवत यांनी यावेळी केले. संजय भागवत म्हणाले, केंद्र शासनामार्फत स्वच्छता ही सेवा या मोहिमेचे आयोजन करण्यात आले आहे. प्लॅस्टिकचा अनिर्बंध वापर व व्यवस्थापनाच्या अभावामुळे पर्यावरण, जमीन तसेच पाणी यांचे प्रदूषण होत असून भविष्यात तसेच वर्तमानातही यामुळे अनेक समस्या निर्माण होत आहेत आणि भविष्यातही होणार आहेत. पर्यावरणाचा समतोल राखायचा असेल तर प्लॅस्टिक पिशवीऐवजी कापडी पिशवीचा वापर करा. प्लॅस्टिक वापर नियंत्रण व व्यवस्थापनावर परिणामकारक कृती कार्यक्रमाच्या दृष्टीने स्वच्छता ही सेवा या उपक्रमांतर्गत दि. 2 ऑक्टोबर रोजी जिल्हा प्लास्टिक संकलनाचे आयोजन करण्यात आले आहे. पाणी व स्वच्छता विभागाचे उपमुख्य कार्यकारी अधिकारी किरण सायमोते म्हणाले, नागरिकांना शुध्दा हवा, पाणी व पर्यावरण हवे असेल तर कापडी पिशव्यांचा वापर करावा. यावेळी महिता आर्थिक विकास महामंडळाच्या मृणाल हुदली, स्वच्छ भारत मिशन (ग्रामीण) चे राजेश भोसले, संजय पवार, ऋषिकेश शिलवंत, निलिमा सन्मुख उपस्थित होते. दरम्यान, कापडी पिशव्या नागरिकांना सहज मिळाव्यात यासाठी शालेय विद्यार्थ्यामार्फत 30 हजार कापडी पिशव्यांचे वितरण करण्यात येत आहे. या कापडी पिशवीसाठी महाराष्ट्र प्रदूषण नियंत्रण मंडळाकडून सर्व साहित्य उपलब्ध करून देण्यात आले आहे. महिला आर्थिक विकास महामंडळाच्या बचतगटांनी पिशव्या शिलाईचे काम केले आहे.

कराड : येथील पंचायत समितीच्या शिक्षण महोत्सवास रविवार, दि.8 मार्चपासून प्रारंभ होणार आहे. यंदा शिक्षण महोत्सव चार दिवस चालणार आहे.शिक्षण महोत्सवात जिल्हा परिषद प्राथमिक शाळांमधील विविध शैक्षणिक उपक्रम स्टॉलच्या माध्यमातून सादर केले जाणार आहे. त्याचबरोबर भरगच्च कार्यक्रम होणार असल्याची माहिती आयोजकांना दिली आहे. कराड शिक्षण महोत्सव हा पंचायत समितीचा नाविन्यपूर्ण उपक्रम असून पाच वर्षापासून या शिक्षण महोत्सवात विविधता व नाविन्यता आणण्याचाप्रयतान केला गेला आहे. यंदाच्या शिक्षण महोत्सवाला रविवार दि. 8 मार्च पासून सुरुलात होत आहे. तसेच मंगळवार दि. 11 मार्च रोजी समारोप होणार आहे. पहिल्या दिवशी ग्रंथदिंडी व शैक्षणिक चित्ररथ, सकाळी 8 वाजता सुरु होणार आहे. स्व. यशवंतरावजी चव्हाण यांच्या समाधी स्थळापासून प्रीतीसंगम बाग अशी ग्रंथदिंडी काढण्यात येणार आहे. तसेच शिक्षण महोत्सवाचे उद्घाटन व प्रकट मुलाखत होणार आहे. सोमवार दि. 9 मार्च रोजी विद्यार्थी शिक्षक साहित्य संमेलन व लहान गट सांस्कृतिक कार्यक्रम होणार आहेत. दि. 10 मार्च रोजी शैक्षणिक परिसंवाद व उच्च प्राथमिक विभागाचा सास्कृतिक कार्यक्रम दि. 11 मार्च रोजी शिक्षक सांस्कृतिक कार्यक्रम व समारोप होणार आहे. तालुक्यात विविध 24 केंद्रातील 40 शैक्षणिक स्टॉलची मांडणी यशवंतनगरी, स्व. यशवंतराव चव्हाण सभागृह या ठिकाणी करण्यात येणार आहे. सभापती प्रणव ताटे, उपसभापती रमेश देशमुख, गटविकास अधिकारी डॉ. आबासाहेब पवार, गटशिक्षणाधिकारी शबनम मुजावर, शिक्षणविस्तार अधिकारी जमीला मुलाणी, चंद्रकांत निकम शिक्षण महोत्सवाच्या यशस्वीतेसाठी गेल्या काही दिवसापासून परिश्रम घेत आहेत.

सातारा : सातारकरांसाठी वरदाता असलेल्या कास धरणाची उंची वाढवण्याचे काम निधी नसल्याने रखडलेले आहे. हा महत्वकांक्षी प्रकल्प पुर्ण होण्यासाठी बजेटमध्ये जादा निधीची तरतूद करावी. तसेच तात्पुरत्या स्वरुपात सुरु करण्यात आलेल्या मेडीकल कॉलेजमध्ये प्रवेश प्रकि?या सुरु करावी आणि कॉलेजच्या जागेचा प्रश्‍न निकाली काढून इमारत उभारणीस प्रारंभ करावा. उरमोडी प्रकल्पाच्या रखडलेल्या कॅनॉलची कामे मार्गी लावावीत. महू हातेघर प्रकल्पासाठी निधी, बोंडारवाडी धरणाचे काम सुरु करावे, सातारा शहराच्या हद्दवाढीचा प्रस्ताव मंजूर करावा यासह नवीन एमआयडीसी आणि सातारा शहरासह सातारा- जावलीतील रस्त्यांसाठी भरिव निधी मिळावा, अशी आग?ही मागणी आ. श्रीमंत छ. शिवेंद्रसिंहराजे भोसले यांनी मु?यमंत्री ना. उध्दव ठाकरे यांच्याकडे केली. आ. शिवेंद्रसिंहराजे यांच्या मागणीनुसार सातारा आणि जावली मतदार संघातील सर्व प्रलंबीत प्रश्‍न तातडीने सोडवा, अशा सुचना ना. ठाकरे यांनी उपस्थित अधिकार्‍यांना केल्या. मु?यमं़त्री ना. ठाकरे यांच्या अध्यक्षतेखाली सातारा जिल्हा आढावा बैठक झाली. या बैठकीस आ. शिवेंद्रसिंहराजे यांच्यासह जिल्ह्याचे पालकमंत्री बाळासाहेब पाटील, गृह राज्यमंत्री शंभुराज देसाई यांच्यासह जिल्ह्यातील सर्व आमदार उपस्थित होते. बैठकीत आ. शिवेंद्रसिंहराजे यांनी सातारा शहराच्या हद्दवाढीचा प्रस्ताव तातडीने मंजूर करुन शहरासह विकासापासून वंचीत असलेल्या उपनगरांना विकासाचे द्वार खुले करावे. तसेच निधी अभावी रखडलेल्या कास धरण प्रकल्पासाठी बजेमध्ये जादा निधीची तरतूद करुन हा प्रकल्प पुर्णत्वास नेण्यासाठी सहकार्य करावे. उरमोडी धरण प्रकल्पापासून बांधण्यात येणार्‍या कॅनॉलसाठी निधी उपलब्ध करुन सातारा तालुक्यातील सिंचनाचा प्रश्‍न निकाली काढावा. जावली तालुक्यातील ५४ गावांचा पाणीप्रश्‍न सोडवण्यासाठी बोंडारवाडी धरण प्रकल्पाच्या प्रत्यक्ष कामाला सुरुवात करावी. त्यासाठी निधी कमी पडू देवू नये. सातारा शहरालगत होवू घातलेल्या नवीन एमआयडीसी साठी भूसंपादन करताना पिकाऊ शेतजमीन वगळून पडीक, पाणी नसलेली जमीन संपादीत करुन त्यासाठीचा मोबदला शेतकर्‍यांना द्यावा आणि हाही प्रकल्प मार्गी लावावा. तसेच बहुचर्चीत शासकीय महाविद्यालयाची प्रथम वर्ष प्रवेश प्रकि?या सुरु करावी आणि मेडीकल कॉलेजसाठीचा जागेचा प्रश्‍न निकाली काढून प्रत्यक्षात कॉलेजच्या इमारतीच्या उभारणीस प्रारंभ करुन जिल्ह्यातील विद्यार्थ्यांसाठी वैद्यकीय शिक्षणाचा मार्ग मोकळा करुन द्यावा. याशिवाय सातारा शहर आणि सातारा- जावली मतदारसंघातील रस्त्यांसाठी भरिव निधी उपलब्ध करुन द्यावा. तसेच महू हातेघर धरण प्रकल्पासाठी निधी उपलब्ध करुन देवून हाही प्रलंबीत प्रकल्प मार्गी लावावा, यासाठी मु?यमंत्र्यांनी स्वत: लक्ष घालावे आणि सातारा- जावली मतदारसंघातील सर्व अत्यावश्यक असलेले प्रकल्प पुर्णत्वास नेण्यासाठी सहकार्य करावे, अशी मागणी आ. शिवेंद्रसिंहराजे यांनी बैठकीत केली. यावेळी ना. ठाकरे यांनी आ. शिवेंद्रसिंहराजे यांनी उल्लेख केलेल्या प्रत्येक कामाची सद्यस्थिती उपस्थिती अधिकार्‍यांकडून जाणून घेतली. यानंतर त्यांनी संबंधीत विभागाच्या अधिकार्‍यांना तातडीने कार्यवाही करुन सातारा- जावली मतदारसंघातील प्रश्‍न सोडवण्यासाठी उपाययोजना करण्याचे आदेश दिले. मतदारसंघाच्या विकासासाठी आजारपणाला दुय्यम स्थान दरम्यान, गेल्या काही दिवसांपासून आ. शिवेंद्रसिंहराजे आजारी असून त्यांच्यावर मुंबई येथे उपचार केल्यानंतर डॉक्टरांनी त्यांना महिनाभर सक्तीची विश्रांती घेण्याचा स?ा दिला होता. मात्र दोनच दिवसांत आ. शिवेंद्रसिंहराजे विधानभवनात हजर झाले आणि त्यांनी कामकाजास प्रारंभ केला होता. आजारपणाला ङ्गारसे महत्व न देता अधिवेशनाला हजर राहून मतदारसंघातील प्रश्‍न सोडवण्यासाठी आ. शिवेंद्रसिंहराजे यांनी पाठपुरावा चालूच ठेवला. मु?यमंत्री ना. ठाकरे यांच्या समवेत सर्व आमदारांची बैठक झाली. त्या बैठकीला उपस्थित राहून आ. शिवेंद्रसिंहराजे यांनी मतदारसंघातील आणि जिल्ह्याच्या दृष्टीने महत्वाच्या असणार्‍या विविध प्रकल्पांसाठी पाठपुराव केला आणि हे प्रकल्प मार्गी लावण्याचा शब्द मु?यमंत्र्यांकडून घेतला. मतदारसंघाच्या विकासापेक्षा काहीही महत्वाचे नाही, अगदी आजारपणही, हेच आ. शिवेंद्रसिंहराजे यांच्या कार्यपध्दतीवरुन सिध्द झाले आहे.

मुंबई - शनिवारी होणाऱ्या मनसेच्या गुढीपाडवा मेळाव्याकडे संपूर्ण राजकीय वर्तुळाचे लक्ष लागले असतानाच मोदी सरकारच्या महत्त्वाकांक्षी योजनांची पोलखोल करत त्यांच्या पाच वर्षांच्या कारभाराचा पंचनामा करण्याची जय्यत तयारी पक्षाध्यक्ष राज ठाकरेंनी केली आहे. याशिवाय राफेल घोटाळा आणि नोटबंदीसारख्या फसलेल्या योजनांबाबतची विस्तृत माहिती देणाऱ्या प्रेझेंटेशनसोबतच सरकारच्या कारभारासंबंधीची काही ?धक्कादायक सत्ये?ही उजेडात आणली जाणार असल्याची माहिती मनसेतील सूत्रांनी दिली. विशेष म्हणजे एकही उमेदवार उभा नसताना राज ठाकरे यंदाच्या लोकसभा निवडणुकीच्या प्रचारात एकूण नऊ ते दहा सभा घेणार आहेत. शनिवारी दादरच्या शिवाजी पार्क येथे होणाऱ्या आपल्या भाषणातही राज ठाकरे हे सुमारे २० ते २५ मिनिटांचे प्रेझेंटेशन करणार आहेत. यामध्ये राफेल विमान खरेदी घोटाळा, नोटबंदीचा निर्णय, सरकारने विविध योजनांमधील यशाबाबत केलेले दावे या सर्व बाबींचा समाचार घेण्यात येणार आहे. मनसेतील सूत्रांनी दिलेल्या माहितीनुसार, राज ठाकरेंच्या भाषणात काही ?धक्कादायक बाबीं?चाही समावेश आहे. त्या बाबी उघड झाल्यास मोदी सरकारच्या विश्वासार्हतेवरच प्रश्नचिन्ह उपस्थित होईल, असा दावाही मनसेच्या वतीने करण्यात येत आहे. विशेष म्हणजे या भाषणाच्या तयारीसाठी मनसेच्या नेत्यांचा एक गट कार्यरत होता. गेले दोन महिने मोदी सरकारच्या कारभाराबाबत आणि सरकारच्या विविध योजनांबाबत वेगवेगळ्या स्रोतांद्वारे या गटाने माहिती मिळवली आहे. त्यामुळे राज ठाकरेंचे हे भाषण म्हणजे निवडणूक प्रचाराच्या इतिहासातील एक आगळावेगळा प्रयत्न ठरेल, असा दावाही मनसेद्वारे करण्यात येत आहे. उमेदवार नसताना घेणार १० प्रचार सभा लोकसभा निवडणुकीत मनसेचा एकही उमेदवार नसताना राज ठाकरे पहिल्या टप्प्यात ६ सभा घेणार अाहेत. गुढीपाडवा मेळाव्यानंतर १५ एप्रिलला नांदेड, सोलापूर, १६ एप्रिलला इचलकरंजी, १७ ला कराड येथे, तर १८ एप्रिलला खडकवासला आणि १९ एप्रिल रोजी रायगड मतदारसंघात राज ठाकरेंच्या सभा होणार आहेत. त्यानंतर प्रचाराच्या दुसऱ्या टप्प्यात मावळ येथे एक आणि मुंबईत दोन ते तीन सभांचेही नियोजन करण्यात येत असल्याची माहिती मनसेच्या एका वरिष्ठ नेत्याने दिली. या सभांमध्ये फक्त मनसेचे नेते सहभागी होणार असून काँग्रेस राष्ट्रवादी महाआघाडीचे संबंधित मतदारसंघातील उमेदवारही व्यासपीठावर उपस्थित नसतील, असेही मनसेच्या वतीने स्पष्ट करण्यात आले.

कराड : शिक्षण महोत्सव 2020 या कार्यक्रमाच्या सभामंडपाचे भूमिपूजन व कार्यक्रम पत्रिकेचा प्रकाशन सोहळा असा संयुक्त कार्यक्रम पंचायत समितीच्या बचत भवनामध्ये उत्साहात पार पडला. सभा मंडपाचे भूमिपूजन कराड सभापती प्रणव तोटे, उपसभापती रमेश देशमुख यांच्या हस्ते झाले. यावेळी पंचायत समिती सदस्य रमेश चव्हाण, सदस्या वैशाली वाघमारे, अर्चना गायकवाड, गटविकास अधिकारी डॉ.आबासाहेब पवार, गटशिक्षणाधिकारी शबनम मुजावर, शिक्षणविस्तार अधिकारी जमीला मुलाणी, महाबळेश्वरचे गटशिक्षणाधिकारी आनंद पळसे तसेच शालेय पोषण आहार अधिक्षक विजय परीट, मधुसुदन सोनवणे उपस्थित होते. येत्या रविवार दि. 8 मार्चपासून कराड पंचायत समितीच्या शिक्षण महोत्सवास प्रारंभ होत आहे. या शिक्षण महोत्सवाची तयारी युध्दपातळीवर सुरु आहे. महोत्सवामध्ये सहभागी होणार्‍या शैक्षणिक स्टॉलच्या मंडप उभारणीचा शुभारंभ मंगळवारी झाला. तसेच विविध नियोजन समित्यांमार्फत महोत्सवामधील विविध कार्यक्रमाची तयारी व नियोजन करण्यात येत आहे. हा शिक्षण महोत्सव नियोजन बध्द व आकर्षक, उपयुक्त असा व्हावा यादृष्टीने आखणी करण्यात येत आहे. आयेाजकामार्फत शिक्षण महोत्सव कार्यक्रमाच्या नियोजनाबाबत आढावा घेण्याचे काम सुरु आहे. एकंदरीत यंदाचा हा शिक्षण महोत्सव आदर्शवत होण्यासाठी पंचायत समितीच्यावतीने युध्दपातळीवर काम सुरु आहे. या शिक्षण महोत्सवातून विद्यार्थी विकासाच्या दृष्टीने उपयुक्त माहिती नक्कीच मिळेल. शैक्षणिक गुणवत्ता वाढीसाठी या शिक्षण महोत्सवाचा चांगला उपयोग होईल, असे मत त्यांनी व्यक्त केले.

मुंबई : आगामी लोकसभा निवडणुकीसाठी राष्ट्रवादी काँग्रेसकडून पाच उमेदवारांची दुसरी यादी जाहीर करण्यात आली आहे. यामध्ये राष्ट्रवादी काँग्रेसचे अध्यक्ष शरद पवार यांचे नातू आणि राज्याचे माजी उपमुख्यमंत्री अजित पवार यांचा मुलगा पार्थ पवार यांना मावळ मतदारसंघातून उमेदवारी देण्यात आली आहे. पार्थ पवार निवडणुकीच्या रिंगणात उतरणार असल्याची चर्चा गेल्या काही दिवसांपासून सुरु होती. अखेर पार्थ पवार यांनी उमेदवारी देण्यात आली आहे. शरद पवार यांनी नातू पार्थ पवार यांना उमेदवारी देण्यासाठी यंदाच्या निवडणुकीतून माघार घेतल्याचे सांगण्यात येत आहे. याशिवाय, गेल्या काही दिवसांपूर्वी शिवसेनेला रामराम ठोकून राष्ट्रवादीत दाखल झालेल्या अमोल कोल्हे यांनाही निवडणुकीच्या रणांगणात उतरवण्यात आले आहे. अमोल कोल्हे यांना शिरुरमधून मतदार संघातून उमेदवारी देण्यात आली आहे. याचबरोबर, नाशिकमधून समीर भुजबळ निवडणुकीच्या रिंगणात उतरणार आहेत. तर बीडमधून बजरंग सोनवणे यांना उमेदवारी देण्यात आली आहे. तसेच, दिंडोरीमधून धनराज महाले निवडणूक लढणार आहेत. राष्ट्रवादी काँग्रेसने लोकसभा निवडणुकीसाठी आपल्या उमेदवारांची पहिली यादी काल प्रसिद्ध केली. या पहिल्या यादीत राष्ट्रवादीकडून एकूण 10 उमेदवारांच्या नावांची घोषणा करण्यात आली आहे. यामध्ये सुप्रिया सुळे, उदयनराजे भोसले, धनंजय महाडिक या विद्यमान खासदारांसह अन्य सहा जणांना उमेदवारी देण्यात आली आहे. राष्ट्रावादी काँग्रेसचे पहिल्या यादीतील उमेदवार रायगड - सुनील तटकरे बारामती - सुप्रिया सुळे सातारा - उदयनराजे भोसले कोल्हापूर - धनंजय महाडिक बुलडाणा - राजेंद्र शिंगणे जळगाव - गुलाबराव देवकर परभणी - राजेश विटेकर ईसान्य मुंबई - संजय दीना पाटील ठाणे - आनंद परांजपे कल्याण - बाबाजी बाळाराम पाटील हातकणंगले - स्वाभिमानी शेतकरी संघटनेला पाठिंबा राष्ट्रावादी काँग्रेसचे दुसऱ्या यादीतील उमेदवार मावळ- पार्थ पवार शिरुर- अमोल कोल्हे नाशिक- समीर भुजबळ बीड- बजरंग सोनवणे दिंडोरी- धनराज महाले

सातारा : छत्रपती शिवरायाचे चौदावे वंशज म्हणजे उदयनराजेंचे पुत्र विरप्रताप यांनी नुकत्याच झालेल्या एशियातील स्कुबा डायव्हिंगच्या स्पर्धेत भाग घेऊन अवघ्या चौदाव्या वर्षी प्रमाण पत्र मिळवले आहे. ही स्पर्धा नुकतीच थायलंड येथील फुकेट या ठिकाणी झाली. वीरप्रताप आणि त्यांची आई दमयंतीराजे यांना स्कुबा ड्रायवचा चांगलाच छंद आहे. विरप्रताप याला स्कुबा डाईव्हचा छंद वाढत गेला आणि त्याला अल्माज हिरानी यांनी शिकवायला सुरवात केली. नुकत्याच या निमित्ताने थायलंड येथील फुकेट या ठिकाणी झालेल्या स्पर्धेत उत्कृष्ट स्कुबा डायव्हिंगचे प्रमाणपत्र मिळवले. या स्पर्धेवेळी दमयंतीराजेही उपस्थित होत्या. वीरप्रतापच्या या यशाबद्दल उदयनराजेंनी त्याचे तोंडभरून कौतुक केलं आहे. या संदर्भात बोलताना उदयनराजे भोसले म्हणाले की, मी माझ्या मुलाला असं ट्रेंड केलं आहे की, तो माझ्यापेक्षा जास्त चांगल्या पद्धतीनं लोकांची काळजी घेईल. स्कुबा डायविंग त्याचा छंद आहे, त्याने आज ही कामगिरी केली याचा सार्थ अभिमान आहे, असे ते म्हणाले. उदयनराजे भोसले यांना दोन मुलं असून मोठा मुलगा वीरप्रताप तर दुसरी मुलगी नयनतारा. वीरप्रताप हा सध्या चन्नई येथे शिक्षण घेत असून मुलगी नयनतारा ही पुण्यात शिक्षण घेते.

मुंबई, दि. 7 : राज्यातील अहमदनगर, बीड, उस्मानाबाद, लातूर, औरंगाबाद, सातारा, सोलापूर, सांगली, जालना, परभणी, हिंगोली आणि पुणे या जिल्ह्यांमध्ये 1284 राहत शिबिरे आणि छावण्या उघडण्यात आल्या आहेत. यामध्ये लहान मोठे मिळून 8 लाख 55 हजार 513 पशुधन दाखल झाले आहे. पुणे, सातारा, सांगली आणि औरंगाबाद या चार जिल्ह्यांमध्ये स्वयंसेवी संस्थांनी स्वच्छेने व स्वखर्चाने सहा छावण्या सुरु केल्या आहेत. या चारा छावण्यांमध्ये पशुधनाच्या दैनंदिन उपस्थितीची नोंद करण्यासाठी अँड्रॉईड प्रणालीवरील ॲप विकसित करण्यात आले असून त्याचा वापर करण्याचे निर्देश छावण्यांना देण्यात आले आहेत. राज्यातील छावण्यांमधील पशुधनाच्या आहारामध्येही वाढ करण्याचा निर्णय शासनाने घेतला आहे. चारा छावण्यांमध्ये दाखल मोठ्या जनावरांना यापूर्वी 15 किलोग्रॅम हिरवा चारा, उसाचे वाडे, ऊस दिला जात होता. आता मोठ्या जनावरांना दैनंदिन 18 किलो हिरवा चारा, उसाचे वाडे किंवा ऊस दिला जाईल. त्याचबरोबर लहान जनावरांना यापूर्वी 7.5 किलो हिरवा चारा, उसाचे वाडे किंवा ऊस दिला जात होता. आता त्यात वाढ करुन 9 किलो दैनंदिन चारा दिला जाईल. सध्या राज्यातील या छावण्यांमध्ये 8 लाख 55 हजार 513 जनावरे दाखल आहेत. या सर्व छावण्यांमधील दाखल जनावरांपैकी मोठ्या जनावरांसाठी प्रतिदिन 90 रुपये, तर लहान जनावरांसाठी प्रतिदिन 45 रुपये या प्रमाणे अनुदान मंजूर करण्यात आले आहे. राष्ट्रीय कृषी विकास योजनेंतर्गत 35 कोटी निधी उपलब्ध झाला असून चाऱ्यासाठी 25 हजार 99 क्विंटल बियाण्याचे वितरण झाले आहे. गाळपेर क्षेत्रात 17 हजार 465.64 हेक्टर तर शेतकऱ्यांच्या शेतात 41 हजार 355.68 हेक्टर अशी एकूण 58 हजार 821.32 हेक्टर क्षेत्रावर चाऱ्याची पेरणी झाली आहे. यामधून 29.4 लक्ष मेट्रिक टन हिरवी वैरण उत्पादन अपेक्षित आहे. मदत व पुनर्वसन निधीमधून महसूल व वन विभागाकडून 10 कोटी निधी राहत व चारा शिबिरांकरिता प्राप्त झाला आहे. यामधून उस्मानाबादमधील भगवंत बहुउद्देशीय संस्था, हाडोंग्री, ता. भूम या संस्थेला 238.91 लक्ष, श्री. येडेश्वर गोकुलम गोशाळा दुधाळवाडी, येरमाळा, ता. कळंब या संस्थेला 61.09 लक्ष तर बीड जिल्ह्यातील यशवंत बहुउद्देशीय सेवाभावी संस्था, पालवण, ता. बीड या संस्थेला 185.78 लक्ष निधी वितरित केला आहे. छावण्यातील जनावरांना बारकोड दुष्काळी भागात शासनाच्या वतीने सुरु करण्यात आलेल्या चारा छावण्यांमधील पशुधनाच्या दैनंदिन उपस्थितीची नोंद करण्यासाठी संगणकीय प्रणालीचा वापर करण्याचे निर्देश राज्य सरकारने दिले आहेत. यासाठी छावणीमधील जनावरांना बारकोड असलेले टॅग लावण्यात येणार आहेत. चारा छावण्यांमधील पशुधनाच्या दैनंदिन उपस्थितीच्या नोंदीसाठी कॅटल कॅम्प मॅनेजमेंट सिस्टिम (Cattle Camp Management System) ही प्रणाली विकसित करण्यात आली असून ती छावणी चालकांना व्यवस्थापनासाठी विनाशुल्क उपलब्ध करून देण्यात आली आहे. या ॲपमध्ये छावणी चालकाला प्रथम छावणीतील पशुधनाची माहिती भरावी लागणार आहे. त्यानंतर बारकोड असलेले टॅग जनावरांच्या कानात लावावे लागणार आहे. छावणीतील जनावरांची दिवसातून एकदा संख्या मोजावी लागणार असून त्यासाठी बारकोड स्कॅन करावे लागणार आहे. या नोंदीनुसारच चारा छावणी चालकांना अनुदान शासनाच्या वतीने दिले जाईल. बारकोड लावणे, ॲपमध्ये जनावरांची व छावणीची माहिती अपलोड करणे यासंबंधीचे प्रशिक्षण छावणी चालकांना देण्यात येणार आहे. या प्रणालीच्या वापरामुळे राज्यातील विविध जिल्ह्यात सुरु असलेल्या चारा छावण्यांमधील पशुधनाची दैनंदिन संख्या जिल्हाधिकारी, तहसिलदार यांना http://www.charachavani.com/ या संकेतस्थळावर उपलब्ध होणार आहे. महसूल विभागाच्या मान्यतेने उघडण्यात आलेल्या पशुधन छावण्या अ.क्र. जिल्हा छावण्यांची संख्या जनावरांची संख्या लहान मोठे एकूण 1. अहमदनगर 472 40464 255407 295871 2. बीड 598 31089 375481 406570 3. उस्मानाबाद 79 5928 50038 55966 4. लातूर 1 79 773 852 5. औरंगाबाद 4 1831 1577 3408 6. सातारा 19 1553 9804 11357 7. सोलापूर 92 26239 20522 46761 8. सांगली 2 140 627 767 9. जालना 3 366 1610 1976 एकूण 1270 107689 615839 823528 राहत व चारा शिबिरात दाखल पशुधन अ.क्र. जिल्हा राहत शिबिरांची संख्या पशुधन संख्या लहान मोठे एकूण 1. औरंगाबाद 1 5 429 434 2. जालना 1 50 119 169 3. परभणी 1 1254 153 1407 4. बीड 1 465 4086 4551 5. उस्मानाबाद 2 1127 13264 14391 6. अहमदनगर 1 118 449 567 7. हिंगोली 1 11 25 36 एकूण 8 3030 18525 21555 स्वयंसेवी संस्थांनी स्वखर्चाने उघडलेल्या छावण्या अ.क्र. जिल्हा छावण्यांची संख्या पशूधन संख्या लहान मोठे एकूण 1. पुणे 3 113 806 919 2. सातारा 1 1061 7336 8997 3. सांगली 1 36 44 80 4. औरंगाबाद 1 5 429 434 एकूण 6 1215 8615 10430

सातारा : सातारा शहर कचरा आणि प्लास्टीक मुक्त व्हावे, यासाठी कर्तव्य सोशल ग्रुपच्या माध्यमातून अनेक नाविण्यपुर्ण उपक?म राबवले जात आहेत. शालेय मुलांना प्लास्टीक कचर्‍याचे दुष्परिणाम कळावेत आणि लहान वयातच त्यांना प्लास्टीक कचरा निर्मुलनाचा छंद जडावा यासाठी कर्तव्य सोशल ग्रुप आणि सागर मित्र अभियान या सेवाभावी संस्थेच्या संयुक्त विद्यमाने सुरु करण्यात आलेल्या अभिनव आणि कौतुकास्पद उपक?माला विद्यार्थ्यांचा जोरदार प्रतिसाद मिळत असून पालकांचेही प्रबोधन होत आहे. शाळेतील विद्यार्थ्यांनी गोळा केलेला प्लास्टीक कचरा दर महिन्याच्या २ तारखेला उचलून त्याचे विघटन करण्यात येत आहे. त्यानुसार सोमवार दि. २ मार्च रोजी तब्बल एक टेंम्पो भरुन प्लास्टीक कचरा गोळा करण्यात आला. दरम्यान, शहर व परिसरातील आठ शाळांनी उपक?मात सहभाग घेतला. सर्व विद्यार्थ्यांनी प्लास्टीक कचरा निर्मूलनाची शपथ घेत मोहिमेला उत्स्ङ्गुर्त प्रतिसाद दिला. कर्तव्य सोशल ग?ुप आणि सागर मित्र अभियान या सेवाभावी संस्थेमार्ङ्गत शहर परिसरातील शाळांना प्लास्टीक मुक्तीसाठी आवाहन करण्यात आले होते. या उपक?माच्या नियोजनासाठी कर्तव्य सोशल ग?ुपच्या संस्थापिका श्रीमंत छ. सौ. वेदांतिकाराजे भोसले यांच्या अध्यक्षतेखाली दोन महिन्यांपुर्वी बैठक झाली होती. या बैठकीला शहर आणि परिसरातील अनेक शाळांचे प्रतिनिधी उपस्थित होते. शाळेतील विद्यार्थी स्वयंस्ङ्गुर्तीने शाळा व विद्यालयाच्या परिसरातील प्लास्टीक कचरा गोळा करुन ठेवतील आणि हा कचरा दर महिन्याच्या २ तारखेला कर्तव्य सोशल ग?ुपमार्ङ्गत वाहनातून उचलून नेवून त्याचे विघटन केले जाईल, असा निर्णय घेण्यात आला होता. जानेवारी २०२० पासून हा उपक?म सुरु झाला असून २ मार्च रोजी आठ शाळेतील विद्यार्थ्यांनी या उपक?मात सहभाग घेत दूध पिशवी, तेल पिशवी, पाण्याची बाटली, प्लास्टीक पाऊच, किराणा मालासाठी वापरण्यात येणारे प्लास्टीक, चॉकलेट रॅपर, तुटक्या वॉटर बॅग, प्लास्टीक चप्पल, प्लास्टीक डबे, कंपास, ङ्गोल्डर, ङ्गूटपट्टी यासह प्लास्टीक पासून बनवलेल्या तुटक्या, निरुपयोगी वस्तू असा सर्व प्रकारचा कचरा गोळा केला होता. जे. डब्ल्यू. आयरन अकॅडमी, सौ. सुशिलादेवी साळुंखे हायस्कूल, अजिंक्यतारा माध्यमिक विद्यालय शेंद्रे, हत्तिखाना शाळा, ब्लॉसम स्कूल, छ.शाहू अकॅडमी, नवीन मराठी शाळा, लोकमंगल हायस्कूल कुशी या शाळांमधील विधार्थ्यांनी या उपक?मात सहभाग घेत तब्बल एक टेंम्पो प्लास्टीक कचरा गोळा केला. शाळांमध्ये गोळा झालेला कचरा कर्तव्य सोशल ग?ुपमार्ङ्गत वाहनात भरुन विघटनासाठी नेण्यात आला. यावेळी प्रत्येक शाळेतील विद्यार्थ्यांनी कचरा निर्मूलन आणि प्लास्टीक मुक्तीची शपथ घेवून माझे घर, माझी शाळा आणि माझा सातारा कचरामुक्त करण्याचा निर्धार केला. विद्यार्थ्यी दशेतच मुलांना स्वच्छता आणि कचरा निर्मुलनाची आवड निर्माण व्हावी. त्यांच्या कृतीतून पालकांना बोध व्हावा आणि आपला सातारा स्वच्छ, सुंदर आणि निरोगी व्हावा, यासाठी हा अनोखा उपक?म राबवण्यात येत आहे. विद्यार्थ्यांनी गोळा करुन ठेवलेला प्लास्टीक कचरा दर महिन्याच्या २ तारखेला कर्तव्य सोशल ग?ुपचे कार्यकर्ते वाहनातून स्वखर्चाने उचलून घेवून जात आहेत. तसेच उचलेल्या या कचर्‍याचे विघटनही सागर मित्र सेवाभावी संस्थेमार्ङ्गत केले जात आहे. त्यामुळे खर्‍या अर्थाने प्लास्टीक कचर्‍याचे निर्मुलन होत आहे. या अभिनव उपक?मात शहरातील सर्व शाळांनी सहभागी व्हावे आणि आपल्या शाळेचा परिसर आणि पर्यायाने आपले सातारा शहर स्वच्छ आणि सुंदर बनवण्याठी योगदान द्यावे. तसेच सुशिक्षित नागरिकांनीही प्लास्टीक कचरा इतरत्र न टाकता विद्यार्थ्यांकडे द्यावा अथवा कर्तव्य सोशल ग?ुपशी संपर्क साधून प्लास्टीक कचर्‍याची योग्यप्रकारे विल्हेवाट लावावी, असे आवाहन कर्तव्य सोशल ग?ुपच्या संस्थापिका श्रीमंत छ. सौ. वेदांतिकाराजे भोसले यांनी केले आहे. या नाविण्यपुर्ण उपक?मात सहभागी होण्यासाठी सोहम कुलकर्णी (८४१२९७९०५८), सुहास वहाळकर (९४२०७७२७७३) यांच्याशी संपर्क साधण्याचे आवाहन करण्यात आले आहे.

सातारा : सातारा-जावली मतदारसंघातील नवीन १६ रस्त्यांचा दर्जा सुधारण्यात आला असून आ. श्रीमंत छ. शिवेंद्रसिंहराजे भोसले यांच्या विशेष प्रयत्नातून सातारा तालुक्यातील ९ आणि जावली तालुक्यातील ७ इतर जिल्हा मार्ग व ग?ामीण मार्गांना प्रमुख जिल्हा मार्ग म्हणून दर्जोन्नती मिळाली आहे. त्यामुळे आता हे १६ नवीन दर्जोन्नत रस्ते सार्वजनिक बांधकाम विभागाच्या अखत्यारित आले असून दरवर्षी या रस्त्यांची देखभाल आणि दुरुस्ती बांधकाम विभागाकडून होणार आहे. गावांची सं?या, लोकसं?या आणि रस्त्यांचा होणारा वापर यामुळे काही इतर जिल्हा मार्ग व ग?ामीण मार्ग या रस्त्यांना एकत्रीत करुन प्रमुख जिल्हा मार्ग अशी दर्जोन्नती मिळाल्यास या रस्त्यांच्या दुरुस्तीसाठी निधीची कमतरता भासणार नाही. हाच उद्देश डोळ्यासमोर ठेवून आ. शिवेंद्रसिंहराजे यांच्या सुचनेनुसार सातारा तालुक्यातील रा.मा. १४० ते कण्हेर, वेळे, कसुंबी, मोहोट, म्हाते खु., वागदरे ते इजिमा ३१ मानेवाडी या रस्त्यांचा मिळून नवीन प्रमुख जिल्हा मार्ग (१० किमी) १३१ अशी दर्जोन्नती देण्यात आली आहे. प्रजिमा २९ ते पोगरवाडी, आरे, दरे, रेवंडे, वावदरे, राजापुरी ते प्रजिमा २९ या १८.६०० किमी लांबीच्या रस्त्याची प्रमुख जिल्हा मार्ग १३२ म्हणून दर्जोन्नती करण्यात आली आहे. प्रजिमा १३५ ते अंबवडे बु., करंजे, शिंदेवाडी, मस्करवाडी, लावंघर, अनावळे ते प्रजिमा ३७ या १२ किमी लांबीच्या रस्त्याची प्रमुख जिल्हा मार्ग १३३ म्हणून दर्जोन्नती करण्यात आली आहे. रा.म.मा. ४ ते शेंद्रे, वेचले, डोळेगांव, भाटमरळे, कुसवडे, नरेवाडी या १३.४०० किमी लांब रस्त्याची प्रमुख जिल्हामार्ग १३४ अशी दर्जोन्नती करण्यात आली आहे. भोंदवडे, अंबवडे बु., सायळी, वडगांव, सावली, कुरुलबाजी, कुडेघर, रोहोट, पाटेघर, आलवडी, धावली या ३२ किमी अंतराच्या रस्त्याला प्रमुख जिल्हा मार्ग १३५ असा दर्जा देण्यात आला आहे. प्रजिमा २९ परळी, बनघर, कुस खु., कुस बु., खडगांव, ताकवली, निगुडमाळ, नित्रळ, कातवडी, केळवली, धनगरवाडी, धावली ते प्रजिमा २६ या ३० किमी रस्त्याला प्रमुख जिल्हा मार्ग १३६ असा दर्जा देण्यात आला आहे. मर्ढे ते रा.म.मा.४ लिंब, बसाप्पाचीवाडी, आरळे, पाठखळ, वाढे, म्हसवे, वर्ये, नेले, धावडशी, आकले ते रा.मा. १४० या ३१.५०० किमी रस्त्याला प्रमुख जिल्हा मार्ग १३७ दर्जा देण्यात आला आहे. आसनगाव, कुसवडे, निनाम, सोनापूर, गणेशखिंड ते कोंजावडे या १७.६०० किमी रस्त्याला प्रमुख जिल्हा मार्ग १३८ आ दर्जा मिळाला आहे. प्रजिमा २९ ते ठोसेघर, चिखली, जांभे, बोपोशी, करंजोशी, आवार्डे ते प्रजिमा ८३ या १४.६०० किमी रस्त्याला प्रमुख जिल्हा मार्ग असे दर्जोन्नत करण्यात आले आहे. परिणामी रस्ते विकास योजना २००१ ते २०२१ मधील सातारा जिल्ह्यातील प्रमथळ जिल्हा मार्ग दर्जाच्या रस्त्यांच्या एकूण लांबीत १७९.७०० किमीने वाढ होणार आहे. जावली तालुक्यातील महू, पिंपळी खु., वालुथ, हुमगांव, इंदवली, दरे, करंदोशी या १९ किमी लांब रस्त्याला प्रमुख जिल्हा मार्ग १३९ असा दर्जा मिळाला आहे. प्रजिमा २६ कास, एकीव, गाळदेव, माचुतर या ३३.५०० किमी रस्त्याला प्रमुख जिल्हा मार्ग १४० असा दर्जा देण्यात आला आहे. प्रजिमा २६ गोगवे, वरसोळी, गाळदेव, वाघदरे, म्हाते, मोहाट, गांजे, तांबी, खरोशी, निझरे, कामथी, वेळे, कण्हेर या २१.५०० किमी रस्त्याला प्रमुख जिल्हा मार्ग १४१ म्हणून दर्जोन्नती मिळाली आहे. दिवदेव, मार्ली, भालेघर, आखाडे जोड रस्ता या १० किमी लांबीच्या रस्त्याला प्रमुख जिल्हा मार्ग १४२ असा दर्जा मिळाला आहे. राष्ट्रीय महामार्ग ४ ते आनेवाडी, सायगांव, मोरघर, वाघेश्‍वर, रा.म. १४० पर्यंत अशा १४ किमी लांबीच्या रस्त्याला प्रमुख जिल्हा मार्ग १४३, मेढा (वेण्णा चौक), कुसुंबी, सह्याद्री नगर, कोळघर ङ्गाटा, अंधारी, मुनावळे, वाघळी, शेंबडी, बामणोली या २७.३०० किमी लांबीच्या रस्त्याला प्रमुख जिल्हा मार्ग १४४ तर, रा.मा. १४० ते आंबेघर ङ्गाटा, पुनवडी, केडांबे, बोंडारवाडी अशा १३.५०० किमी लांबीच्या रस्त्याला प्रमुख जिल्हा मार्ग १४५ असा दर्जा मिळाला आहे. यामुळे जिल्ह्यातील प्रमुख जिल्हा मार्ग दर्जाच्या रस्त्यांच्या लांबीत १३८.८०० किमी वाढ झाली आहे. सातारा आणि जावली तालुक्यात इतर जिल्हा मार्ग आणि ग?ामिण मार्ग अशा रस्त्यांना एकत्रीत करुन नवीन १६ रस्त्यांची प्रमुख जिल्हा मार्ग म्हणून दर्जोन्नती झाली आहे. त्यामुळे पावसाळ्यात खराब होणार्‍या रस्त्यांना प्रमुख जिल्हा मार्ग म्हणून दर्जा नसल्याने दुरुस्तीसाठी निधीची वाट पहावी लागत असे. अशाच प्रमुख आणि महत्वाच्या रस्त्यांना आ. शिवेंद्रसिंहराजे प्रमुख जिल्हा मार्ग म्हणून दर्जोन्नती मिळवून दिली असून आता हे १६ रस्ते शासनाच्या सार्वजनिक बांधकाम विभागाकडे आले आहेत. त्यामुळे दरवर्षी या रस्त्यांची देखभाल दुरुस्ती बांधकाम विभागाकडून होणार असून या रस्त्यांवरील दळणवळण सुखकर होणार आहे.

मायणी : विरोधकांनी कितीही आरोप केले, तरी त्या बिनबुडाच्या आरोपातून काहीही निष्पन्न झालेले नाही. बँकेचा कारभार स्वच्छ व पारदर्शक आहे. त्यामुळे सहकारी आयुक्तांनी क्लीन चिट दिली असून, गेल्या आर्थिक वर्षात बँकेला 28 लाख रूपयांचा नफा झाल्याचे प्रतिपादन मायणी अर्बन बँकेचे अध्यक्ष सुरेंद्र गुदगे यांनी केले. बँकेच्या 34 व्या वार्षिक सर्वसाधारण सभेत ते बोलत होते. त्या वेळी बँकेचे उपाध्यक्ष दीपक देशमुख, माजी सभापती संदीप मांडवे, प्रा. सदाशिवराव खाडे, सुधाकर कुबेर, संचालक, मुख्य कार्यकारी अधिकारी चंद्रकांत निकम आदी मान्यवर उपस्थित होते. बँकेचा कारभार पारदर्शक असून, बँकेचा कोणताही कर्मचारी, अधिकारी वा पदाधिकारी कर्जदाराच्या चहातही मिंदा नसल्याचे स्पष्ट करून गुदगे म्हणाले, नियमित व वेळेेवर कर्जाची परतफेड करणार्‍या कर्जदाराला व्याजदरात दोन टक्के सूट दिलेली आहे. तो लाभ घेण्यासाठी वेळेवर परतफेड करणार्‍या कर्जदाराला व्याजदरात दोन टक्के सूट दिली आहे. तो लाभ घेण्यासाठी वेळेवर परतफेड करणार्‍या कर्जदाराची संख्या वाढू लागली आहे. वसुलीचा त्रास कमी होत आहे. खातेदारांना बँकेमार्फत सर्व अत्याधुनिक सोयीसुविधा देण्यात येत आहेत. नावाजलेल्या अनेक सहकारी बँका अवसायानात निघत असताना आपल्या बँकेला 28 लाख रुपये नफा झाला आहे. उपाध्यक्ष देशमुख म्हणाले, बँकेत कुठेही घोटाळा नसून विरोधकांच्या आरोपांवर अजिबात विश्वास ठेवू नका. मांडवे म्हणाले, बँकेचे प्रशासन व व्यवस्थापन कर्जदाराकडे संवेदनशीलतेने पहात असल्याचा माझा अनुभव आहे. बँकेने विश्वास ठेवून कर्जपुरवठा केल्याने अनेकांची पत आज वाढली आहे. सदाशिव खाडे म्हणाले, गट तट जवळचा परका असा कोणताही भेदभाव न करता प्रसंगी कठोर भूमिका घेऊन कर्जवसुली करण्यामुमे बँकेची स्थिती चांगली आहे. दरम्यान रिबेट पाच कर्जदारांना गुदगे यांच्या हस्ते भेटवस्तू देऊन सन्मान करण्यात आला. देशमुख यांनी प्रास्ताविक केले. निकम यांनी आभार मानले.

मुंबई : अरबी समुद्रातील शिवस्मारकाच्या कामात अनियमितता असल्याने या कामाचे राज्याच्या महालेखापाल यांच्यामार्फत विशेष ऑडिट करण्याची आवश्यकता आहे, अशी विनंती सार्वजनिक बांधकाम विभागामार्फत करण्यात आल्याची माहिती समोर आली आहे. ?इंडियन एक्स्प्रेस?ने माहिती अधिकाराअंतर्गत मागवलेल्या माहितीवरुन ही बाब उघड झाली आहे. सार्वजनिक बांधकाम विभागाच्या स्मारक विभागात कार्यरत असलेल्या विभागीय लेखाधिकाऱ्यांनी राज्याच्या महालेखापाल यांना पत्र पाठवले होते. या पत्रात त्यांनी शिवस्मारकाच्या कामाचे विशेष ऑडिट करण्याची विनंती केली होती. ?या स्मारकाच्या कामात काही गंभीर अनियमितता आहेत. त्याकडे दुर्लक्ष करता येणार नाही, यापूर्वीच्या वरिष्ठ विभागीय लेखाधिकाऱ्यांनीही ही बाब समोर आणले होती, असे या पत्रात म्हटले आहे. २६ फेब्रुवारी रोजी विभागीय लेखाधिकारी विकास कुमार यांनी पाठवले होते. विकास कुमार यांच्याकडे सध्या स्मारक विभागाचा अतिरिक्त कार्यभार आहे. ?सुप्रीम कोर्टाने स्मारकाच्या कामास स्थगितीचे आदेश दिल्यानंतर या प्रकल्पाकडे सर्वांचे लक्ष आहे. न्यायालयातील याचिका आणि अन्य तांत्रिक अडचणींमुळे या प्रकल्पात नियमांचे पालन करताना अडथळे येतात. त्यामुळे या प्रकल्पाचे महालेखापाल यांच्या मार्गदर्शनाखाली विशेष ऑडिट करावे?, अशी मागणी त्यांनी केली आहे. जुलै २०१८ मध्ये वरिष्ठ विभागीय लेखाधिकारी, स्मारक विभाग यांनी देखील या प्रकल्पात अनियमितता असल्याचे म्हटले होते. प्रकल्पाची किंमत २, ५०० कोटींवरुन ३, ८०० कोटी रुपयांवर नेण्यावर त्यांनी आक्षेप घेतला होता. निविदा प्रक्रियेत नियमांचे उल्लघन झाल्याचे त्यांनी म्हटले होते. दरम्यान, शिवस्मारकाच्या कामावरुन यापूर्वीही वाद निर्माण झाला होता. गेल्या वर्षी सप्टेंबरमध्ये शिवस्मारक समितीचे अध्यक्ष विनायक मेटे यांनी शिवस्मारकाच्या कामात अनियमितता असून त्याची चौकशी करा अशी मागणी केली होती. मुख्यमंत्री देवेंद्र फडणवीस यांना पत्र पाठवून त्यांनी ही मागणी केली होती.

मुंबई : मुंबईमधील लोकमान्य टिळक टर्मिनस येथे शालिमार एक्स्प्रेसमध्ये काही स्फोटक आढळली. यामुळे एकच खळबळ उडाली असून या ठिकाणी बॉम्ब शोधक पथकाला पाचारण करण्यात आले आहे. डब्यांमधील साफसफाईचे काम सुरु असताना कर्मचाऱ्यांना एका बॅगेत जिलेटिनच्या पाच कांड्या सापडल्या. कर्मचाऱ्यांनी या घटनेची माहिती पोलिसांना दिली. पोलिसांनी तत्काळ घटनास्थळी घेत जिलेटिनच्या कांड्या जप्त केल्या. दरम्यान, शालिमार एक्स्प्रेसमध्ये स्फोटके असण्याला पुष्टी मिळाली असून ही स्फोटके निकामी करण्यात आली आहेत. आरपीएफ, जीआरपी तसेच मुंबई पोलिसांचे वरिष्ठ अधिकारी घटनास्थळी दाखल झाले आहेत. सीसीटीव्ही फुटेजच्या माध्यमातून आरोपींचा शोध सुरू करण्यात आला आहे.

नवी दिल्ली: भारतीय हवामान खात्याने (आयएमडी) सोमवारी नैऋत्य मोसमी वारे अर्थात मान्सूनचा पहिलावहिला अंदाज जाहीर केला. त्यानुसार यंदा भारतात समाधानकारक पाऊस पडेल. पृथ्वी विज्ञान मंत्रालयाचे सचिव एम. राजीवन नायर यांनी नवी दिल्ली येथील पत्रकार परिषदेत ही माहिती दिली. त्यांनी म्हटले की, सरासरी पडण्याची शक्यता ९६ टक्के इतकी आहे. तसेच यंदा भारतात मान्सूनचा पाऊस सर्वदूर पडेल, असाही हवामान खात्याचा कयास आहे. जून ते ऑगस्ट या काळात समप्रमाणात पाऊस पडेल, असेही हवामान खात्याने सांगितले. हवामान खात्याच्या या घोषणेमुळे शेतकऱ्यांना दिलासा मिळण्याची शक्यता आहे. मात्र, मे महिन्याच्या शेवटच्या आठवड्यात हवामान खात्याकडून मान्सूनविषयीचा दुसरा अंदाज व्यक्त करण्यात येईल. त्यावेळी देशात किती पाऊस पडेल, याचा आणखी नेमका अंदाज येईल. भारतातील बहुतांश शेती ही मान्सूनच्या पावसावर अवलंबून आहे. साधारण साडेचार महिने पडणारा पाऊस शेतीसाठी लागणाऱ्या ७० टक्के पाण्याची गरज पूर्ण करतो. तर मान्सूनवर परिणाम करणारा अल-निनो यंदा तितकासा सक्रिय नसेल. परंतु, उन्हाळ्यानंतर ही परिस्थिती बदलू शकते. या काळात अल-निनो अधिक सक्रिय झाला तर त्याचा परिणाम जून व जुलै महिन्यातील पावसावर होईल. तसे झाल्यास सरासरीपेक्षा कमी पाऊस पडण्याची ३२ टक्के शक्यता आहे. त्यामुळे खरीप पिकांना मोठा फटका बसू शकतो. यापूर्वी २०१४ आणि २०१५ मध्ये अल-निनोमुळे कमी पाऊस पडला होता. तर २०१६ मध्ये देशात समाधानकारक पाऊस झाला होता.

पनवेल : अभिनेता अक्षय कुमारने घेतलेल्या पंतप्रधान नरेंद्र मोदींच्या मुलाखतीत तुम्ही आंबा खाता का असा प्रश्न विचारला होता. त्यावरुन मनसे अध्यक्ष राज ठाकरे यांनी मोदींना जोरदार टोला हाणला. अक्षय कुमारने पंतप्रधानांना काय प्रश्न विचारावा? आंबे खाता का? मजा लावली आहे का? असा सवालही उपस्थित केला. आज पनवेलमध्ये राज ठाकरेंची सभा पार पडली. या सभेत राज यांनी चौफेर टीका केली. नोटबंदी हा देश स्वातंत्र्य झाल्यानंतरचा सर्वात मोठा घोटाळा असल्याचा पुनर्रुच्चारही राज यांनी केलाय. देशातील निष्णात वकील कपिल सिब्बल यांनी नोटाबंदीच्या अगोदर उर्जित पटेल यांच्या सहीने दोन हजाराच्या नोटा परदेशात छापल्या गेल्याचं एका पत्रकार परिषदेत सांगितलं, त्या नोटा भारतात आणून जुन्या नोटांच्या बदल्यात जवळपास तीन लाख कोटी रुपये बदलून दिले गेल्याचा आरोपही केला. नोटबंदीच्या स्कॅमवरुन कपिल सिब्बल यांनी केलेल्या आरोपांना भाजप उत्तरं का देत नाही असा सवालही उपस्थित राज यांनी उपस्थित केला. तसेच नोटाबंदी काळात भाजपने लाभ करुन घेतला, तो पैसा आता निवडणूक काळात वापरला जात असल्याचा आरोप राज ठाकरे यांनी केला आहे. बालाकोट एअरस्ट्राईक मध्ये कोणीही गेलं नाही असं वक्तव्य सुषमा स्वराज यांनी केलं आहे. मला सांगा जर आम्ही पुरावे मागितले तर आम्ही देशद्रोही तर मग आता सुषमा स्वराज जे म्हणाल्या त्यावर त्या आता देशद्रोही की देशप्रेमी? असा सवालही राज ठाकरे यांनी केला. एअर स्ट्राईकमध्ये किती लोक मेले, हे दुसऱ्या दिवशी सकाळी अमित शाहांना कसं समजलं? असा प्रश्न राज ठाकरेंनी उपस्थित केला. आपण विचारलेल्या एकाही प्रश्नाला उत्तर न देता, भाजपवाले वेगळ्याच वावड्या उठवत आहेत. भाजपनं देशातील सर्वच महत्वाच्या संस्थांची मुस्कटदाबी केली. डिजिटल इंडिया, कॅशलेश इंडिया, रोजगार निर्मितीचं आश्वासन आदी मुद्द्यांवरुन राज ठाकरेंनी मोदी सरकारवर जोरदार घणाघात केला.

कराड : डॉ. अतुल भोसले यांच्यावर मुख्यमंत्री देवेंद्र फडणवीस यांची विशेष मर्जी आहे. अतुलबाबांनी पाच वर्षात कराड दक्षिणेत एवढा भरघोस निधी आणला आहे. माथाडी कामगार त्यांना साथ देतील, अशी ग्वाही अण्णासाहेब पाटील आर्थिक विकास महामंडळाचे अध्यक्ष ना.नरेंद्र पाटील यांनी दिली. मुंबईत कामानिमित्त स्थलांतरीत झालेल्या कराड दक्षिणमधील नागरिकांची संख्या मोठी आहे. या मतदारांशी संवाद साधण्याच्या उद्देशाने ना.डॉ.अतुल भोसले यांच्या प्रमुख उपस्थितीत नवी मुंबईतील माथाडी भवनमध्ये स्नेहमेळाव्याचे आयोजन करण्यात आले होते. यावेळी ठाण्याचे माजी खासदार संजीव नाईक, महाराष्ट्र माथाडी कामगार युनियनचे सरचिटणीस बळवंतराव पवार, माथाडी कामगार नेते पोपटशेठ पाटील, दीपक रामिष्टे, सातारा सहकारी बँकेचे उपाध्यक्ष संजय बाबुराव शेटे, नवी मुंबई भाजपचे उपाध्यक्ष संपतराव शेवाळे, नगरसेविका दमयंती आचरे, भारती पाटील, ओंकार सहकारी सोसायटीचे अध्क्षक्ष प्रकाश ताटे, उद्योजक प्रदीप साळुंखे, चंद्रकांत शेवाळे, राजाराम पाटील, किसन जाधव, अशोक भावके, चंद्रकांत पाटील, पांडुरंग शेटे, एकनाथ तांबवेकर, शंभू गावडे, विलासराव पाटील, अमित शेटे आदीसह मान्यवर मोठ्या संख्येने उपस्थित होते. ना. नरेंद्र पाटील म्हणाले, जी मंडळी गेल्या निवडणुकीवेळी पलीकडच्या बाजूला होती ती आज अतुलबाबांच्या बाजूला आहे. अतुलबाबांवर मुख्यमंत्री देवेंद्र फडणवीस यांची विशेष मर्जी आहे. अतुलबाबांनी गेल्या 5 वर्षात कराड दक्षिणेत एवढा भरघोस निधी आणला आहे, की विद्यमान आमदारांना काही कामच उरलेले नाही. संजीव नाईक म्हणाले, पंतप्रधान नरेंद्र मोदींनी जगात भारताची प्रतिमा उंचावली आहे.त्यांचा वसा मुख्यमंत्री देवेंद्र फडणवीस महाराष्ट्रात सांभाळत आहेत. ना.डॉ.अतुल भोसले म्हणाले, माथाडी कामगारांना न्याय मिळवून देण्याचे काम अण्णासाहेबांनी केले आहे. मुख्यमंत्री फडणवीस यांनी मराठा समाजाला आरक्षण देऊ खर्‍या अर्थाने अण्णासाहेबांचे स्वप्न पूर्ण केले आहे. सर्व प्रमुख माथाडी कामगार नेत्यांचे मला भक्कम पाठबळ लाभल्याने माझा आत्मविश्वास दुणावला आहे. यावेळी मत्स्य व्यावसायिक विलासराव पाटील, अमित शेटे यांनीही मनोगत व्यक्त केले. संजय शेवाळे यांनी स्वागत केले. संजय शेटे यांनी प्रास्ताविक केले. पंकज पाटील यांनी आभार मानले.

कराड : राज्याचे माजी मुख्यमंत्री पृथ्वीराज चव्हाण यांच्या कार्यकाळात सुमारे 25 कोटी रुपयांचा खर्च करुन बांधण्यात आलेल्या नवीन प्रशासकीय इमारतीमधून कराड उत्तर आणि कराड दक्षिण विधानसभा मतदारसंघाच्या निवडणुकीचे कामकाजास प्रारंभ करण्यात आला आहे. प्रशासकीय इमारतीच्या पहिल्या मजल्यावर कराड उत्तर आणि दुसर्‍या कराड दक्षिण विधानसभा मतदारसंघाचे कार्यालय सुरू करण्यात आले आहे. राज्याचे माजी मुख्यमंत्री पृथ्वीराज चव्हाण यांच्या कार्यकाळात भविष्यात कराड हे जिल्ह्याचे ठिकाण गृहीत धरून विविध विकासकामे मार्गी लावण्यात आली आहेत. त्यापैकी महत्त्वपूर्ण समजल्या जाणार्‍या 25 कोटी रुपयांचा खर्च करुन मध्यवर्ती प्रशासकीय इमारत बांधण्यात आली आहे. या इमारतीचे बांधकाम व रंगकाम पूर्णत्वास गेले असून अंतर्गत फर्निचरच्या कामाला सुरुवात झाली आहे. विधानसभा निवडणुकीपूर्वी इमारतीचे उद्घाटन होण्याची शक्यता वर्तवली जात होती. मात्र ते झालेले नाही. कराड तालुक्यात दोन विधानसभा मतदार संघातील कामकाज यापूर्वी वेगवेगळ्या ठिकाणाहून चालत होते. त्या ऐवजी या नूतन मध्यवर्ती प्रशासकीय इमारतीतून ते चालवण्यात यावे, यासाठी रितसर परवानगी मागण्यात आली होती. त्यास वरिष्ठ पातळीवरुन हिरवा कंदील देण्यात आल्याने इमारतीच्या पहिल्या मजल्यावर कराड उत्तर आणि दुसर्‍या मजल्यावर कराड दक्षिण मतदारसंघाच्या निवडणूक कामाला प्रारंभ करण्यात आला आहे. उमेदवारांचे नाम निर्देशन अर्ज दाखल करण्याची प्रक्रियाही या ठिकाणी होणार असल्याने त्यादृष्टीने इमारतीत कर्मचार्‍यांची वेगवेगळ्या व्यवस्था करण्यात आली आहे. कराड उत्तरच्या निवडणूक निर्णय अधिकारी विद्युत वरखेडकर, सहाय्यक निवडणूक निर्णय अधिकारी तथा तहसीलदार अमरदीप वाकडे यांच्यासह कर्मचार्‍यांची व्यवस्था करण्यात आली आहे. तर दुसर्‍या मजल्यावर कराड दक्षिणाचे निवडणूक निर्णय अधिकारी उत्तम दिघे तसेच सहाय्यक निवडणूक निर्णय अधिकारी समीर यादव यांच्यासह कर्मचार्‍यांची व्यवस्था केली आहे. अन्य खोल्यांमध्ये विविध पथकांची व्यवस्था करण्यात आली आहे.

मुंबई : महाराष्ट्रात चार टप्प्यात होणाऱ्या निवडणुकीतील उमेदवारांचे भवितव्य ठरविण्यात यंदा महिला मतदारांचा महत्त्वाचा वाटा असेल. 2004, 2009 आणि 2014 च्या तुलनेमध्ये महिला मतदारांचा टक्का वाढला आहे. 2004 मध्ये पुरुष आणि महिला मतदार अशी स्वतंत्र नोंदणी करण्यात आलेली नव्हती. त्यामुळे त्यावर्षी एकूण 3 कोटी 42 लाख 63 हजार 317 मतदारांची नोंदणी झाली. 2009 आणि 2014 या दोन्ही लोकसभा निवडणुकीसाठी करण्यात आलेल्या मतदार नोंदणीमध्ये महिला मतदारांची संख्या पुरुष मतदारांपेक्षा कमी होती. मात्र 2019 च्या लोकसभा निवडणुकीसाठी करण्यात आलेल्या मतदार नोंदणीत महिला मतदारांची संख्या वाढली आहे. सन 2011 च्या जनगणनेनुसार 1 हजार पुरुषांमागे 925 महिला असे प्रमाण होते. सन 2014 मध्ये मतदार यादीतील महिलांचे प्रमाण 1 हजार पुरुषांमागे 889 महिला इतके होते आता मात्र सन 2019 मध्ये या प्रमाणात 1 हजार पुरुषांमागे 911 महिला अशी लक्षणीय सुधारणा झाली आहे. महिला मतदार जागृतीसाठी भारत निवडणूक आयोग, 'स्‍वीप' (SVEEP - Systematic Voters Education and Elector Participation) कार्यक्रमाच्या माध्यमातून विविध उपक्रम राबवित आहे. महिला मतदारांची संख्या वाढविणे हा या अभियानाचा महत्त्वाचा घटक आहे. त्यासाठी अंगणवाडी सेविका, आशा कर्मचारी, परिचारिका, महिला बचत गट, अशासकीय संस्‍था आदींचे सहकार्य महिला मतदारांची नोंदणी वाढविण्यासाठी घेण्यात येत आहे. शिवाय उद्योग, शिक्षण, सामाजिक, साहित्य, कला-संस्कृती यासह विविध क्षेत्रातील अग्रणी महिलांच्‍या माध्‍यमातून महिलांना मतदार नोंदणीसाठी प्रोत्‍साहित करण्यात आले आहे. महाराष्ट्रात 2004 च्या लोकसभा निवडणुकीसाठी 3 कोटी 42 लाख 63 हजार 317 एकूण मतदार होते. 2009 लोकसभा निवडणुकीत एकूण 7 कोटी 29 लाख 54 हजार 58 मतदार होते. यामध्ये 3 कोटी 81 लाख 60 हजार 162 पुरुष मतदार आणि 3 कोटी 47 लाख 93 हजार 896 महिला मतदारांचा समावेश होता. 2009 च्या लोकसभा निवडणुकीत 2 कोटी 4 लाख 78 हजार 932 पुरुष मतदारांनी तर 1 कोटी 64 लाख 87 हजार 190 महिला मतदारांनी नाव नोंदवले. 2014 मध्ये लोकसभा निवडणुकीसाठी एकूण 8 कोटी 7 लाख 98 हजार 823 मतदारांनी नोंदणी केली. यामध्ये 2 कोटी 66 लाख 22 हजार 180 पुरुष मतदार होते तर 2 कोटी 20 लाख 46 हजार 720 महिला मतदार होते. आता 2019 मध्ये 8 कोटी 73 लाख 30 हजार 484 एकूण मतदार असल्याची नोंद करण्यात आली आहे. यामध्ये 4 कोटी 57 लाख 2 हजार 579 पुरुष मतदार आहेत. तर 4 कोटी 16 लाख 25 हजार 819 महिला मतदार आहेत. 0000

पुणे : पुणे शहर आणि जिल्ह्यत गुरुवारी (८ ऑगस्ट) मुसळधार पाऊस होणार असल्याचा पुणे वेधशाळेचा अंदाज आहे. मध्य महाराष्ट्रात काही ठिकाणी अतिवृष्टीचा इशारा गुरुवारीही कायम आहे. कोकण विभागातील मुंबई, ठाणे, पालघर आदी जिल्ह्यंमध्येही काही ठिकाणी अतिवृष्टी होणार असल्याचा अंदाज हवामान विभागाकडून देण्यात आला आहे. बंगालच्या उपसागरामध्ये कमी दाबाचे तीव्र क्षेत्र निर्माण झाले आहे. मोसमी पावसाची आस असलेल्या कमी दाबाचा पट्टा सर्वसामान्य स्थितीत आहे. सध्या कमी दाबाचे क्षेत्र ओडिसाकडे सरकते आहे. परिणामी राज्यात गेल्या काही दिवसांपासून पावसाचा जोर वाढला आहे. पुणे शहर आणि परिसरामध्ये आठवडय़ात जोरदार पाऊस झाला आहे. शहराला पाणीपुरवठा करणारी धरणे शंभर टक्के भरली आहे. त्यामुळे पाण्याचा विसर्ग करण्यात येत आहे. मुठा आणि पवना नद्यांना पूर आल्याने गेल्या दोन दिवसांपासून शहरात पूरस्थिती होती. ती सध्या निवळली असली, तरी धरण क्षेत्रात पाऊस सुरू आहे. बुधवारी शहरात पावसाचे प्रमाण कमी होते. दिवसभरात ५ मि. मी. पावसाची नोंद झाली. मात्र, गुरुवारी (८ ऑगस्ट) शहर आणि परिसर तसेच जिल्ह्यत काही ठिकाणी मुसळधार पाऊस होणार असल्याचा अंदाज आहे. शुक्रवारीही (९ ऑगस्ट) शहराच चांगला पाऊस होण्याची शक्यता आहे. पुणे वेधशाळेने दिलेल्या अंदाजानुसार शुक्रवारी मध्यम स्वरूपाचा पाऊस होण्याची शक्यता आहे. त्यानंतर चार दिवस हलक्या स्वरूपाचा पाऊस होण्याचा अंदाज व्यक्त करण्यात आला आहे. १ जूनपासून शहरात ७३० मि. मी. पाऊस झाला असून, तो गेल्या काही वर्षांच्या तुलनेत सर्वाधिक आहे. सरासरीपेक्षा हा पाऊस तब्बल ३.८० मि.मी.ने अधिक आहे. पावसाच्या स्थितीमुळे तापमानातही घट असून, सुमारे पाच दिवस तापमान कायम राहणार आहे.

सातारा : जिल्हा रुग्णालयाच्या नर्सिंग कॉलेजमध्ये नर्सिंगचा पदवीचा नवीन अभ्यासक्रम सुरू करण्यासाठी मंजुरी मिळाली आहे. त्यामुळे रुग्णांना दिल्या जाणार्‍या परिचारिकांच्या सेवांचा दर्जा उंचावण्यास मदत होणार आहे. येत्या शैक्षणिक वर्षापासून या अभ्यासक्रमाला सुरूवात होऊ शकते. वैद्यकीय अधिकार्‍यांबरोबरच रुग्णांच्या तब्बेतीत सुधारणा होण्यासाठी एका चांगल्या परिचारिकेचाही मोठा वाटा असतो. रुग्ण सेवेबरोबरच जिक्षल्हा रुग्णालयामध्ये नर्सिंग कॉलेजच्या माध्यमातून रुग्णांची सेवा करणार्‍या, तसेच वैद्यकीय अधिकार्‍यांनीच मदतनीस म्हणून काम करण्याची जबाबदारी असणार्‍या परिचारिका घडविण्याचे काम केले जाते. या कॉलेजमधून बाहेर पडणार्‍या परिचारिकांनाच शासकीय रुग्णालयांमध्ये सेवा करण्याची संधी असते, तसेच खासगी रुग्णालयामध्ये या विद्यार्थ्यांनाचांगली मागणी असते. सध्या जिल्हा रुग्णालयामध्ये परिचारिका प्रशिक्षणचे दोन कोर्स सुरू आहेत. त्यात जनरल नर्सिगंचा तीन वर्षाच्या डिप्लोमाचा अभ्यासक्रम आहे, तसेच दोन वर्षाच्या आक्झिलरी नर्सिंगचा अभ्यासक्रम आहे. डिप्लोमाचा अभ्यासक्रम पूर्ण केल्यानंतर प्रशिक्षणार्थीची परिचारिका म्हणून जिल्हा रुग्णालय, तसेच ग्रामीण रुग्णालयामध्ये त्यांना शासकीय रुग्णालयामध्ये इंटरशिपही करावी लागते. सध्या या व्यवस्थेमध्ये बदल करण्याचे शासनाच्या विचाराधीन आहे. त्यामध्ये डिप्लोमा अभ्यासक्रमाऐवजी पदवीचा अभ्यासक्रम पूर्ण केलेल्यांना रुग्णांच्या प्रत्यक्ष सेवेसाठी परिचारिका म्हणून नेमणूक करण्यात येणार आहे. रुग्णाला अधिक चांगल्या परिचारिका सेवा उपलब्ध व्हाव्यात, हा त्या मागचा उद्देश आहे. यापूर्वी पदवीचा अभ्यासक्रम पूर्ण केलेल्यांना नर्सिंग कॉलेजमध्ये शिक्षक म्हणून नियुक्तीही मिळत होती. परंतु आता त्यासाठी पदव्युत्तर शिक्षण ग्राह्य धरण्याचे विचाराधीन आहे. त्यामुळे डिप्लोमाचा कोर्स असलेल्या ठिकाणी पदवीचा अभ्यासक्रम सुरू करण्याचे नियोजन आहे.

मुंबई : आधीच महाराष्ट्रातील 151 तालुके दुष्काळात होरपळत आहेत. यातच आणखी चिंता वाढवणारा अंदाज स्कायमेटने दिला आहे. यंदा जून ते सप्टेंबर या कालावधीमध्ये देशात सरासरीपेक्षा कमी पाऊस पडणार असल्याची शक्यता स्कायमेट या खाजगी वेधशाळेने वर्तवली आहे. यंदा दीर्घ कालावधीत सरासरीच्या केवळ 93 टक्केच पाऊस पडणार आहे. जून ते सप्टेंबर या कालावधीत देशामध्ये सरासरी पेक्षा कमी पावसाची शक्यता आहे. स्कायमेट या खासगी वेधशाळेनं यावर्षीच्या पावसाबद्दल वर्तवलेलं भाकीत सर्वांनाच चिंतेच्या गर्तेत लोटणारं आहे. आधीच महाराष्ट्रातले 151 तालुके दुष्काळात होरपळत असताना, यावर्षी सरासरीपेक्षा कमी पाऊस होणार असल्याचा अंदाज स्कायमेटनं मान्सूनपूर्व अहवालात वर्तवला आहे. यावर्षी मान्सूनवर अल निनोचा प्रभाव असणार आहे. यंदा सरासरी पावसाच्या 93 टक्के पाऊस तर जुलैमध्ये सरासरीच्या 91 टक्के पावसाची शक्यता स्कायमेटच्या अहवालात वर्तवण्यात आली आहे. भारतात सरासरी 289 मिमी पाऊस होतो, तर यंदा फक्त 263 मिमी पाऊस होईल अशी भीती स्कायमेटनं वर्तवली आहे. मात्र खासगी वेधशाळेचा मान्सूनसंदर्भातला हा अंदाज सरकारची देखील धाकधूक वाढवणारा आहे. यावर्षी नोटबंदीमुळं शेतकऱ्यांच्या मालाला उठाव मिळाला नव्हता. सरकारनं कर्जमाफी जाहीर झाली खरी, मात्र त्याची अंमलबजावणी योग्य होत नसल्याचा शेतकऱ्यांचा आरोप आहे. तर पीकविमा योजना देखील वादाच्या भोवऱ्यात सापडली आहे.

कास : जागतिक वारसा स्थळ असणार्‍या कास पुष्प पठाराला दोन दिवसात 11 हजारावर पर्यटकांनी भेट दिल्याचे सांगण्यात आले. चौथा शनिवार व रविवार सलग दोन दिवस सुट्ट्या असल्याने महाराष्ट्रासह देशाच्या कानाकोपर्‍यातून येणार्‍या पर्यटकांच्या संख्येत दिवसेंदविस लक्षणीय वाढ होत आहे. पंधरा दिवसांपूर्वी पठारावर फक्त गुलाबी रंगाचा तेरडा खूप मोठ्या प्रमाणावर फुलला होता. त्यामुळे संपूर्ण पठार गुलाबी झाले होते. मात्र, आठ दिवसांपासून अधूनमधून ऊन पडत असल्याने पठारावर पिवळ्या, निळ्या, पांढर्‍या रंगाची फुले खूप मोठ्या प्रमाणावर फुलल्याने फुलांचे गालिचे तयार झाले आहेत. शनिवार व रविवार या दोन दिवसात पठाराला सहा हजार तीन पर्यटकांनी ऑनलाईन बुकिंग करून भेट दिली. शनिवारी 1972 पर्यटकांनी तर रविवारी दिवसभर अंदाजे 4 हजार पर्यटकांनी भेट दिली. पठार पूर्ण क्षमतेने फुलले असल्याने देश विदेशातील पर्यटकांबरोबर सातारा शहरासह महाराष्ट्राच्या कानाकोपर्‍यातून येणारे पर्यटक खूप मोठ्या प्रमाणावर गर्दी करीत आहेत. कास कार्यकारी समितीचे अध्यक्ष बजरंग कदम व सर्व समिती सदस्य, त्यांचे कर्मचारी तसेच जावली व सातारा वनविभागाचे वनक्षेत्रपाल रंजनसिंह परदेशी, शीतल राठोड व त्यांचे सर्व सहकारी, समिती सचिव श्रीरंग कदम, वनपाल बामणोली , मेढा वनपाल श्रीरंग शिंदे हे पठारावरील फुलांची माहिती पर्यटकांना देत आहेत.

पुणे: भारतीय जनता पक्षाकडून लोकसभा निवडणुकीत दहशतीचे आणि अमिषाचे राजकारण केले जात आहे. साम, दाम, दंड,भेद यावर भाजपचे सुरू असलेले राजकारण दुदैवी आहे,असा आरोप माजी मुख्यमंत्री पृथ्वीराज चव्हाण यांनी केला. तसेच ज्यांनी प्रसंगी तुरूंगवास सोसून भाजप पक्षाला सत्ता मिळवून दिली. त्यापैकी भाजपचा एकाही कार्यकर्ता किंवा संघाची विचार धारा असणा-या व्यक्ती भाजपने निवडणूकीसाठी उमेदवारी म्हणून दिला नाही.अनेक उमेदवार काँग्रेस,राष्ट्रवादी काँग्रेस व इतर पक्षातून आयात केले आहेत.भाजपला याबाबत निर्णय घेण्याचा अधिकार आहे.मात्र, महाराष्ट्रातील जनता त्यांच्याकडे काळजीपूर्वक पाहत आहेत,असेही चव्हाण यांनी नमूद केले. कॉँग्रेस पक्षाचे पुण्याचे लोकसभेचे उमेदवार मोहन जोशी यांनी बुधवारी जिल्हाधिकारी कार्यालयात उमेदवारी अर्ज दाखल केला. त्यानंतर पृथ्वीराज चव्हाण यांनी पत्रकारांशी संवाद साधला.याप्रसंगी खासदार वंदना चव्हाण,आमदार विश्वजीत कदम,शहराध्यक्ष रमेश बागवे,प्रवीण गायकवाड,संगीता तिवारी आदी उपस्थित होते. चव्हाण म्हणाले, भाजपकडून व्यक्ती केंद्रीत राजकारण केले जात आहे. पंतप्रधान नरेंद्र मोदी यांच्या महाराष्ट्रातील पहिल्याच प्रचारसभेत मिळालेला प्रतिसाद पाहता मोदी लाट पूर्णपणे ओसरली आहे. मागील निवडणूकीत मोदींनी दिलेली आश्वासने किती पूर्ण झाली त्याचे आकलन लोकांनी केलेले आहे. त्यामुळे मागील निवडणूकीत दिलेल्या अश्वासनांचे काय झाले, असे लोक भाजपला विचारत आहेत. काँग्रेसने प्रकाशित केलेला जाहीरनामा ऐतिहासिक आणि क्रांतिकारी आहे.या जाहिरनाम्यातील मुद्यांसह शेतक-यांचे प्रश्न, बेरोजगारी, नोटबंदी आणि जीएसटीमूळे सर्व सामान्य नागरिक आणि व्यापा-यांचे नुकसान झाले आहे. तसेच राफेलमधील घोटाळा या मुद्द्यांवर काँग्रेसतर्फे प्रचार केला जाणार आहे. मावळ येथील शेतकरी गोळीबारावर ते म्हणाले, या प्रकारच्या घटनांबाबतचे आदेश कधीही राजकीय स्तरावर दिले जात नाहीत. स्थानिक परिस्थीती पाहून तेथील प्रमुख पोलीस अधिकारी यावर निर्णय घेत असतात. परतु, या घटनेची सर्व चौकशी व इतर प्रक्रिया पूर्ण झालेली आहे.त्यामुळे हा मुद्दा केवळ राजकीय आरोप करण्यापुरता उरला आहे.

सातारा : जिल्हास्तरीय ग्रंथोत्सव 12 व 13 मार्च 2020 रोजी आयोजित करण्यात यावा तसेच यासाठी अभिनव संकल्पनांचा वापर करून पुस्तकांची आवड जास्तीत जास्त विद्यार्थी आणि नागरिकांपर्यंत रुजविण्यासाठी याचा उपयोग व्हावा, असे निर्देश जिल्हाधिकारी शेखर सिंह यांनी आज दिले. जिल्हाधिकारी कार्यालयात जिल्हाधिकारी शेखर सिंह यांच्या अध्यक्षतेखाली बैठक संपन्न झाली. यावेळी ग्रंथोत्सवाच्या नियोजनाचा आढावा घेताना ते बोलत होते. आढावा बैठकीस या समितीचे सदस्य जिल्हा शिक्षण अधिकारी राजेश क्षीरसागर, जिल्हा ग्रंथपाल संघाचे उपाध्यक्ष डॉ. चंद्रकांत नलावडे, जिल्हा माहिती अधिकारी युवराज पाटील, ग्रंथालय संघाच्या नंदा जाधव, सदस्य सचिव जिल्हा ग्रंथालय अधिकारी अमित सोनावणे उपस्थित होते.