कोरेगाव : आ.शशिकांत शिंदे कुटील राजकारण नव्हे तर विकासकामांच्या माध्यमातून सर्वसामान्य जनतेला न्याय देण्याचे राजकारण करतात. या पार्श्वभूमीवर अनेक नागरिकांसह नगरसेवकांच्या विशेषतः शांतीनगरमधील रहिवाशांच्या मागणीवरून मुख्याधिकार्‍यांची चौकशी लावल्यामुळे आपणांस झोंबण्याचे कारण काय? असा प्रश्न कोरेगाव नगरपंचायतीच्या उपनगराध्यक्षा व नगरसेवक यांनी माजी नगराध्यक्षांना विचारला आहे. यासंदर्भातील पत्रकात उपाध्यक्षा बर्गे यांनी म्हटले आहे की मुख्याधिकारी आणि आपल्या संगनमताने कसा कारभार झाला, हे ठेकेदारासह शांतीनगरमधील आणि कोरेगावातील जनता चांगलीच ओळखते. प्रत्येक ठेकेदाराकडून कमिशन कोणी घेतले? मुख्याधिकारी सक्तीवर रजेवर जात होत्या, की कमिशनचे पैसे खर्चायला जात होत्या, का रीतसर जिल्हाधिकारी कार्यालयाकडून रजेची परवानगी घेऊन जात होत्या? नगरपंचायतीच्या निवडणूकीत आपण राष्ट्रवादी काँग्रेसच्या तिकिटावर निवडून आलात. शहरातील ज्येष्ठ नागरिक शहाजीराव बर्गे, राजाभाऊ बर्गे, शिवाजीराव साळुंखे यांच्यासह समस्त बर्गे परिवाराचा मान ठेवून पहिला नगराध्यक्ष बर्गे यांचा हवा, ही सर्वांची भावना लक्षात घेता आमदार शिंदे यांनी आपणांस आपला क्लेम नसतानाही प्रथम नगराध्यक्षाचा बहुमान दिला. त्यावेळी ठरल्याप्रमाणे आपण सात महिन्यांमध्ये पद सोडणार होता. परंतु आपण किती शब्द पाळला. यावरून कोरेगावकरांना आपला प्रामाणिकपणा दिसून आला. सत्तेच्या हव्यासापोटी आपण चारच महिन्यात विरोधकांच्या मांडीला मांडीला लावून आमदारांशी फरकत घेतली व आपणच खरे आहोत, हे दाखवण्यासाठी आमदारांवर खोटे आरोप करत आला. मुख्याधिकारी चांगल्या होत्या. तर आपल्या अध्यक्षतेखाली आपण मुख्याधिकार्‍यांविरूध्द 17-0 अशा एकमताने त्यांच्या बदलींचा व चौकशी होण्याबाबतचा ठराव का केला? आमच्या मनात पाप असते, तर त्याच वेळी जिल्हाधिकार्‍यांना सांगून त्यांची बदली करून घेतली असती, परंतु एका महिला अधिकार्‍याला चांगले काम करण्याची पुन्हा संधी देण्याच्या हेतूने तो विचार संपुष्टात आणला. स्वच्छ सर्वेक्षण मध्ये शहरास बहुमान मिळाल्याचा आम्हास आनंद आहे. त्यामुळेच आम्ही तुमचा व मुख्याधिकार्‍यांचा जाहीर सन्मानही केला. मात्र, त्यानंतर काही गोष्टी समोर आल्या. हे सर्वेक्षण सर्व 17 प्रभागाऐवजी केवळ सहा प्रभागांमध्येच का झाले? त्यासाठी शासनाने मंजूर केलेला 30 लाखांचा निधी कोठे खर्च झाला? स्वच्छतागृहांची कामे खरेच झाली, की फक्त बाहेरून रंगरंगोटी झाली? शांतीनगर गटार योजनेच्या कामाचे 25 ते 30 लाखांचे अंदाजपत्रक 72 लाखांचे अंदाजपत्रक कसे झाले? वरच्या 40 ते 42 लाखांचे काय होणार आहे? हे ओळखूनच शांतीनगरच्या लोकांनी ठेकेदाराविरुध्द तक्रार केली. ज्या इंजिनिअर व मुख्याधिकार्‍यांच्या संगमताने अंदाजपत्रक तयार करणार्‍या इंजिनिअरला नगरपंचायतीच्या मिटींगमध्ये ठराव करून कामावरून का काढले? त्याचे राहिलेले पाच लाखांचे देयक नगरपंचायत का देत नाही? गटाराच्या कामाच्या अंदाजपत्रकाची नागरिकांनी 14 पाने गायब का झाली होती? रहिवाशांचा मोर्चा नगरपंचायतीमध्ये आल्यापासून मुख्याधिकारी रजेवर का गेल्या? इस्टिमेट कॉपीवर इंजिनिअरची सही का नाही? इंजिनिअरच्या सहीशिवाय मुख्याधिकार्‍यांच्या सहीने अंदाजपत्रकास मंजुरी मिळाली कशी? आपण म्हणता काही नगरसेवकांनी मुख्याधिकार्‍यांना सक्तीच्या रजेवर जाण्यास भाग पाडले. दमदाटी केली. असभ्य भाषा वापरली. फोनवर धमक्या दिल्या. परंतु नगरपंचायतीमध्ये सर्वत्र सीसीटीव्ही कॅमेरे असून सर्व मिटींगचे व्हिडिओ चित्रण केले जाते. फोनही रेकॉर्ड करता येतो. मग मुख्याधिकार्‍यांना किंवा आपण जिल्हाधिकारी कार्यालयामध्ये, पोलिस ठाण्यात तक्रार दाखल का केली नाही? सर्व नगरपंचायतींना विविध हेड खाली विकासकामे मिळतात, ती सोडून आपण एक लाखाचे तरी काम स्वतः शासन दरबारी प्रयत्न करून आणले आहे काय? वर्तमानपत्रामध्ये बातम्या देऊन जवळपास 100 कोटींच्या विकासकामांची यादी आपण दाखवली, ती विकासकामे कधी येणार आहेत? आम्ही संपूर्ण शहरामध्ये आणि आपल्या मागणीवरून आपल्या प्रभागामध्येही केलेली विकासकामे किती कोटीची आहेत, याची माहिती शासनाकडून मागवावी आणि जनतेलाही दाखवावी. आम्ही शहरामध्ये रस्ता रूंदीकरण, फुटपाथ व अंडरग्र्राऊंड गटरांसाठी तीन कोटींचा निधी मंजूर करून आणला. मात्र त्याचे बोर्ड आपण लावले. तुम्ही किंवा तुमच्या नेत्यांनी हा निधी मंजूर करून आणल्याचा आपल्याकडे कोणता पुरावा आहे? उदयनमहाराज यांना वारंवार विकास निधी मागावयास जात होता. त्यांच्याच विरोधात आपण खुले आम प्रचार केला. त्याचबरोबर आपण काय केले, हे सर्व जनतेने पाहिले आहे, तरीही आपल्या उमेदवाराला त्या प्रभागातून फक्त 60 मते जास्त मिळाली. मग आपले लोकमत आता कुठे गेले? आगामी निवडणुकीमध्ये सत्तेवर बसवलेले आमचे नगरसेवक, तसेच सर्व माता भगिनी, आबालवृध्द हे निश्चित आम्हाला यश देतील. याची आम्हास खात्री आहे. एखाद्या भ्रष्ट मुख्याधिकार्‍यासाठी आपण त्रास करून न घेता आपण खरेच प्रामाणिक असाल, तर चौकशीला सामोरे जा. काय असेल ते सत्य बाहेर येईल, असेही पत्रकात नमूद केले आहे.

महाबळेश्वर : राज्य शासनाच्या 50 कोटी वृक्षलागवड कार्यक्रमाच्या तिसर्‍या व अंतिम टप्प्याचा शुभारंभ तहसीलदार मिनल कळसकर, पंचायत समितीच्या सभापती रूपाली राजपुरे व मान्यवरांच्या उपस्थितीत करण्यात आला. यावेळी वनक्षेत्रपाल रणजित गायकवाड व गटविकास अधिकारी नारायण घोलप आदी मान्यवर उपस्थित होते. महाराष्ट्र शासनाच्या महत्वाकांक्षी व पर्यावरणपूरक 50 कोटी वृक्षलागवड कार्यक्रमांतर्गत येथील भुतेघर मु्रहा येथे उत्साहपूर्ण वातावरणात शुभारंभ करण्यात आला. 1 जुलै ते 30 सप्टेंबर या तीन महिन्यामध्ये वृक्ष लागवडीचे तालुका पातळीवर उद्दिष्ट पूर्ण करण्यात येणार आहे. हे उद्दिष्ट पूर्ण करण्यासाठी वनमहोत्सव आयोजित केला जाणार असून या महोत्सवामध्ये शासकीय संस्था पर्यावरण प्रेमींनी मोठ्या संख्येने सहभाग नोंदवावा. याकरिता वनविभागाच्या गुरेघर येथील रोप वाटिकेमध्ये वृक्षलागवडीकरिता सवलतीच्या दरामध्ये रोपे उपलब्ध करण्यातआली आहेत. यावेळी जिलप्ररिश सदस्य नीता अखाडे, माजी जि.प.उपाध्यक्ष बाळासाहेब भिलारे, सुनील पार्टे, वनपाल सुनिल लांडगे, संभाजी नाईक, वनरक्षक तानाजी केळगणे, संजय ऐवळे, लहू राऊत, रमेश गडदे, दीपक सोरट व ग्रामस्थ मोठ्या संख्येने उपस्थित होते.

पाटण : 33 कोटी वृक्ष लागवड योजनेअंतर्गत ढेबेवाडी परिसरात 1 लाख 25 हजार वृक्ष लागवड करण्यात येणार असून लागवड केलेल्या व नैसर्गिकरित्या उगवलेल्या जास्तीत जास्त वृक्षांचे संवर्धन करणार असल्याचे प्रतिपादन वनक्षेत्रपाल विलास काळे यांनी केले. मौजे रूवले, ता. पाटण येथे आयोजित वृक्षारोपण कार्यक्रमात ते बोलत होते. सभापती उज्ज्वला जाधव यांच्या हस्ते वृक्षारोपण करण्यात आले. यावेळी पाटण पंचायत समिती सदस्य प्रतापराव देसाई, हेळवाक वनक्षेत्रपाल अमित भोसले, वनपाल कुंभार, वनपाल अमृत पन्हाळे, ग्रामस्थ उपस्थित होते. काळे म्हणाले, रूवले व मौजे पळशी येथे प्रत्येकी 27 हजार 775 वृक्षांची लागवड करण्यात आली असून जुन्या मृत झाडांच्या जागी नवीन वृक्षांची लागवड करणे, तसेच नैसर्गिकरित्या उगवलेल्या झाडांचे संगोपन करण्याचे नियोजन करण्यात आले आहे. 30 जुलैअखेर पाटण तालुक्यातील वनजमिनीवर 5 लाख 50 हजार करंज, हेळा, वड, पिंपळ, बांबू, सिसम, आवळा यासारख्या वृक्षांची लागवड करण्यात येणार असल्याचे काळे यांनी सांगितले.

पाटण : शालेय पोषण आहार कर्मचारी स्वयंपाकी महिलांना मानधनाऐवजी शासनाकडून पगार मिळावा, यासह इतर मागण्यांसाठी आयटी, महाराष्ट्र राज्य, संलग्न शालेय पोषण आहार कर्मचारी संघटना सातारा जिल्हा यांच्यावतीने पाटण पंचायत समिती कार्यालयासमोर बोंबाबोंब आंदोलन करण्यात आले. यावेळी संघटनेच्या वतीने पाटण पंचायत समितीचे गटविकास अधिकारी व गटशिक्षणाधिकारी यांना विविध मागण्यांचे निवेदन देण्यात आले. यावेळी संघटनेच्या जिल्हाध्यक्षा कविता उमाप, उपाध्यक्षा तबस्सुम मुल्ला, कायदेशीर सल्लागार अ‍ॅड. शौकतभाई पठाण, सचिव सुजाता पवार ,कोषाध्यक्षा अर्चना अहिरेकर, पाटण तालुकाध्या अनिता पाटील, अजल नलावडे, दिगंबर इनामके, संदीप माने, जालिंदर काटकर, वनिता चव्हाण, सुनंदा पाटील, अर्चना शेलार, वैशाली डिगे, माया देसाई यांचेसह पाटण तालुक्यातील शालेय पोषण आहार कर्मचारी (स्वयंपाकी) महिला उपस्थित होत्या. निवेदनात म्हटले आहे की, शासन नियम डावलून कमी केलेल्या कर्मचार्‍यांना कमी केलेल्या तारखेपासून मानधन देऊन पूर्ववत कामावर घेण्यात यावे, यात कुचराई केलेल्या मुख्याध्यापक व शालेय पोषण समितीवर दंडात्मक कारवाई करावी. थकित मानधन वाढीच्या फटकासह तातडीने अदा करावे. इतर खात्यातील मानधन कृपया विचारात घेण्यात यावे. किमान वेतन कायद्याप्रमाणे 18 हजार रूपये पगार मिळावा त्याचा निर्णय होईपर्यंत 7500 मासिक मानधन मिळावे, कुक कम शिपाई पदाचा दर्जा मिळावा, या मागण्यांचा समावेश आहे. या निवेदनावर संघटनेच्या पदाधिकार्‍यांच्या सह्या आहेत.

मायणी : पर्यावरण संतुलनासाठी केवळ वृक्षारोपण करून चालणार नाही. तर लावलेल्या वृक्षांचे योग्य पध्दतीने संवर्धन होणे आवश्यक आहे. ती आपली सामुहिक जबाबदारी असून शक्य तेथे वृक्षारोपण करा, असे आवाहन जिल्हा परिषद सदस्य सुरेंद्र गुदगे यांनी केले. येथील भारतमाता विद्यालयाच्या वर्धापनदिनानिमित्त शिक्षण संकुल परिसरात वृक्षारोपण केल्यानंतर आयोजित कार्यक्रमात गुदगे बोलत होते. त्यावेळी शोभना गुदगे, प्राचार्य डॉ. सयाजीराव मोकाशी, प्राचार्य सचिन पाटील आदी उपस्थित होते. गुदगे म्हणाले, शालेय परिसर, परसबाग, शेतांच्या बांधावर जिथे शक्य आहे, तिथे वृक्षारोपण करणे आवश्यक आहे. झाडे लावली नाहीत तर आपले दैनंदिन जीवन धोक्यात येण्यास वेळ लागणार नाही. त्यासाठी वेळीच उपाययोजना करणे गरजेचे आहे. कुबेर म्हणाले, मोठ्या प्रमाणात वृक्षारोपण करणे, हा जागतिक तापमान वाढीवरील रामबाण उपाय आहे.दरम्यान शिक्षण संकुलाच्या मुख्य प्रवेशद्वारापासून मार्गिकेच्या दुतर्फा नानाविध प्रकारची झाडे मान्यवरांच्या हस्ते लावण्यात आली.

सातारा : राज्यस्तरावर स्वच्छ सुंदर शौचालय या स्पर्धेअंतर्गत उत्कृष्ट कामगिरी केल्याबद्दल सातारा जिल्हा परिषदेला द्वितीय क्रमांक मिळाला. ना. बबनराव लोणीकर यांच्या हस्ते सातारा जिल्हा परिषदेचे मुख्य कार्यकारी अधिकारी डॉ कैलास शिंदे यांनी हा पुरस्कार स्वीकारला. पाणीपुरवठा व स्वच्छता व ग्रामविकास विभाग आयोजित श्री संत ज्ञानेश्वर महाराज व संत तुकाराम महालाज पालखी सोहळ्यातील स्वच्छता दिंडी व ग्रामसभा दिंडीचा समारोप पंढरपूर येथे झाला. यावेळी पुरस्कार वितरण समारंभ झाला. डॉ. शिंदे यांच्यासह कोल्हापूर व सोलापूर जिल्हा परिषदेचे अध्यक्ष, पदाधिकारी व सदस्य उपस्थित होते. पुरस्कार वितरण प्रसगी ना.बबनराव लोणीकर म्हणाले,ग्रामीण भागातील नागरिकांची जीवनशैली बदलण्यासाठी साधुसंतानी मोलाचे योगदान दिले आहे. त्यामुळेच राज्य शौचालय बांधकामाची भरीव कामगिरी करता आली. ग्रामीण भागातील नागरिकांना पाणी व स्वच्छतेविषयी अध्यात्माच्या मदतीने प्रबोधन करून महाराष्ट्राला स्वच्छ व निर्मल करण्यसाठी वारकर्‍यांचे आणि लोककलाकार यांचे योगदान मोलाचे आहे. यापुढील काळात शाश्वत स्वच्छतेमध्येही त्यांचे योगदान महत्त्वाचे असेल. यावेळी स्वच्छता दिंडी पुस्तिकेचे प्रकाशन, स्वच्छ महोत्सव अंतर्गत लोगोचे अनावरण, स्वच्छ सुंदर शौचालय स्पर्धेच्या राज्यस्तरीय पारितोषिक प्राप्त सोलापूरसह कोल्हापूर, सातारा, जळगाव या जिल्हायांचा सन्मान करण्यात आला. पाणी पुरवठा विभागाच्या वतीने तयार करण्यात आलेल्या विविध जाहिरातींचे प्रकाशन आणि प्रदर्शन करण्यात आले.अभय महाजन यांनी प्रास्ताविक केले.यावेळी गजानन महाराज शास्त्री यांनी मनोगत व्यक्त केले. उध्दव फड यांनी सुत्रसंचालन केले.

सातारा : कोयना अभयारण्य प्रकल्पग्रस्तांच्या अनेक मागण्या प्रलंबित आहेत. पुनर्वसनासह पुनर्वसनाच्या ठिकाणी घर प्लॉट मिळाले पाहिजे, यासह इतर काही प्रमुख आणि रास्त मागण्या प्रकल्पग्रस्तांच्या असून, या सर्व मागण्या तातडीने पूर्ण करा. प्रकल्पग्रस्तांना भेडसावणार्‍या समस्या त्वरीत सोडवा, अशा सूचना आ. शिवेंद्रसिंहराजे भोसले यांनी वनविभागाच्या अधिकार्‍यांना केल्या. जावली तालुक्यातील खिरंखडी, आडोशी, माडोशी, रवंदी, कुसापूर आदी गावे कोयना अभयारण्य क्षेत्रात येतात. या गावातील 54 प्रकल्पग्रस्तांच्या समस्या सोडण्यासंदर्भात शिवेंद्रसिंराजे भोसले यांच्या अध्यक्षतेखाली शासकीय विश्रामगृह येथे वन विभागाच्या अधिकार्‍यांसमवेत बैठक झाली. बैठकीत कोयना अभयारण्य प्रकल्पग्रस्त संघटनेचे जिल्हाध्यक्ष राम पवार, सह्याद्री व्याघ्र प्रकल्पाच्या उपसंचालक (कोल्हापूर) डॉ.विनिता व्यास, सहाय्यक वनसंरक्षक (वन्यजीव)सुरेश साळुंखे, वनक्षेत्रपाल (फिरते पथक), ज्योती घोरपडे, इंदोली वनपाल (वन्यजीव), योगेश गावित यांच्यासह तानाजी जाधव, अशोक जाधव, आनंद कदम, सीतारामा जाधव, एकनाथ जाधव,नारायण जाधव आणि प्रकल्पग्रस्त उपस्थित होते. सदर 54 खातदारांना पुनर्वसनाच्या ठिकाणी घर आणि पर्यायी जमीन मिळावेत. 18 वर्षे पूर्ण झालेल्या खातेदारांना शासकीय नोकरी मिळावी, तसेच त्यांना प्रकल्पग्रस्त दाखला द्यावा, याशिवाय या खातेदारांना प्राधान्याने वन विभागामध्ये नोकरी मिळावी, तसेच ज्या खातेदारांचे अद्याप पुनर्वसन झालेले नाही त्यांना लौच प्रवासाची सवलत देण्यात यावी आदी मागण्यांबाबत बैठकीत चर्चा झाली. आमच्या अखत्यारीत बाबींची तातडीने पूर्तता केली जाईल आणि वरिष्ठ पातळीवरील मागण्याबाबत वरिसाठांना लेखी स्वरूपात पाठविण्याची ग्वाही डॉ. व्यास यांनी दिली.

सातारा, दि. 16 : महाराष्ट्र शासनाच्यावतीने क्रीडा व युवक सेवा संचालनालय, पुणे व जिल्हा क्रीडा अधिकारी कार्यालयामार्फत गुणवंत क्रीडा मार्गदर्शक पुरस्कार, गुणवंत क्रीडा कार्यकर्ता/संघटक पुरस्कार, गुणवंत खेळाडू पुरस्कार (महिला, पुरुष व दिव्यांग खेळाडू) यांना पुरस्कार देऊन गौरविण्यात येणार आहे. या पुरस्कारासाठी 31 जुलैपर्यंत अर्ज करण्याचे आवाहन जिल्हा क्रीडा अधिकारी युवराज नाईक यांनी केले आहे. अधिक माहितीसाठी जिल्हा क्रीडा अधिकारी कार्यालय, श्रीमंत छत्रपती शाहु जिल्हा क्रीडा संकुल, रविवार पेठ, सातारा येथे संपर्क साधावा. 0000

सातारा, दि. 16 : मतदार म्हणून नोंदणी झालेली नाही अशा वंचित नागरिकांना मतदार नोंदणीसाठी आणखी संधी मिळावी म्हणून दिनांक २०,२१ जुलै २०१९ व २७,२८ जुलै २०१९ या दिवशी विशेष मतदार नोंदणी मोहिम आयोजित करण्यात आली आहे, अशी माहिती मतदार नोंदणी अधिकारी तथा तहसीलदार आशा होळकर यांनी दिली आहे. २६२ विधानसभा मतदार संघातंर्गत असणा-या मतदान केंद्रावर नगरपालिका भागातील मतदान केंद्रावर १८ वर्षे पूर्ण असलेल्या मतदारांनी आपली नावे समाविष्ट करावीत. सातारा तालुक्यातील सर्व गावे तसेच नगरपालिका भागात ही विशेष मोहिम राबविण्यात येणार आहे. मतदार नोंदणीपासुन वंचित नागरिकांनी नमुना क्रमांक ६ भरुन मतदार नोंदणी करावी. तसेच जे मतदार मयत,स्थलांतर व दुबार आहेत त्यांनी फॉर्म नं.७ पुराव्यासह बी.एल.ओ कडे दयावेत व नावात अगर इतर दुरूस्ती असलेस फॉर्म नं.८ भरण्यात यावेत. नवीन मतदार नोंदणीसाठी नवीन मतदारांनी पुराव्याचे कागदपत्रासह मतदान केंद्रस्तरीय अधिकारी (B.L.O) यांच्याकडे संपर्क करावा. तसेच मतदार यादीत नाव नोंदणीसाठी www.nvsp.in या संकेतस्थळाचा वापरही करु शकता. नवीन मतदार नोंदणीसाठी जन्मपुरावा शाळा सोडल्याचा दाखला किंवा बोनाफाईड सर्टिफिकेट, रहिवाशी दाखला ग्रामसेवक किंवा तलाठी यांचे सहीचा असावा, आधारकार्ड झेरॉक्स व पासपोर्ट फोटो तसेच घरातील एकाचे ज्यांचे नाव आगोदर मतदार यादीत समाविष्ट असेल तर त्यांच्या मतदान ओळखपत्राची झेरॉक्स देणे गरजेचे आहे, असेही मतदार नोंदणी अधिकारी तथा तहसिलदार आशा होळकर, यांनी कळविले आहे. 0000

सातारा, दि. 16 : जिल्ह्यातील उद्योग क्षेत्रात उत्कृष्ट कामगिरी करणाऱ्या लघु उद्योजकांना महाराष्ट्र शासनामार्फत जिल्हा पुरस्कार देण्यात येतो.या पुरस्कारासाठी 30 नोव्हेंबर 2019 पर्यंत अर्ज करण्याचे आवाहन जिल्हा उद्योग केंद्राचे महाव्यवस्थापक संदीप रोकडे यांनी केले आहे. प्रथम क्रमांकास 15 हजार, द्वितीय क्रमांकास 10 हजार व मानचिन्ह, शाल व श्रीफळ देण्यात येते. अधिक माहितीसाठी जिल्हा उद्योग केंद्र, सातारा प्लॉट नं. अे-13 एमआयडीसी एरिया, सातारा येथे संपर्क साधावा, असे आवाहन श्री. रोकडे यांनी केले आहे. 0000

मुंबई, दि. 16 : आपल्या साहित्यातून सामान्य माणसांच्या दु:खाला वाचा फोडणारे लोकशाहीर अण्णा भाऊ साठे यांची जन्मशताब्दी शासन साजरी करत आहे. या निमित्ताने १ ऑगस्ट २०१९ रोजी त्यांचे टपाल तिकिट प्रकाशित करणार असल्याचे अर्थमंत्री सुधीर मुनगंटीवार यांनी सांगितले. आज श्री. मुनगंटीवार यांनी विशेष सहाय्य योजनांचा आढावा घेतला त्यावेळी ते बोलत होते. बैठकीस सामाजिक न्याय व विशेष सहाय्य विभागाचे प्रधान सचिव दिनेश वाघमारे आणि इतर वरिष्ठ अधिकारी उपस्थित होते. लोकशाहीर अण्णा भाऊ साठे यांच्या जन्मशताब्दी वर्षाप्रित्यर्थ राज्यात विविध कार्यक्रम आयोजित करण्यासाठी अर्थसंकल्पात १०० कोटी रुपयांचा निधी राखून ठेवला असल्याची माहिती देऊन श्री. मुनगंटीवार म्हणाले की, विशेष सहाय्य अंतर्गत येणाऱ्या केंद्र आणि राज्य शासनाच्या योजनांमधील लाभार्थींना दर दोन महिन्यांनी नियमित अनुदान मिळेल अशी व्यवस्था विभागाने तात्काळ करावी, अनुदानापासून गरीब जनतेस, निराधार जनतेस वंचित ठेवू नये. विशेष सहाय्य योजनांचे लाभार्थी, त्यांची नावे आणि याद्या या सगळ्या बाबी संगणकीकृत कराव्यात अशा सूचनाही मंत्रीमहोदयांनी यावेळी दिल्या. लाभार्थीचे बँक खाते आधारलिंक केल्यास डुप्लिकेशन टाळता येईल, त्यामुळे सर्व जिल्हाधिकाऱ्यांनी विशेष सहाय्य योजनेतील लाभार्थींची खाती आधारलिंक करण्यास गती द्यावी असेही ते म्हणाले. विशेष सहाय्य योजनांच्या काही लाभार्थींचे खाते हे इंडियन पोस्टल पेमेंट बँकेत आहे. त्यांचीही एकदा बैठक आयोजित करण्यात यावी अशा सूचनाही श्री. मुनगंटीवार यांनी दिल्या. योजनांचे लाभ देताना जिल्हाधिकारी आणि मंत्रालय यामधली यंत्रणा म्हणून प्रोजेक्ट मॅनेजमेंट युनिट निर्माण केल्यास विशेष सहाय्य योजनांचे लाभ लाभार्थींना सुरळितपणे देणे शक्य होईल. यासंबंधीचा प्रस्ताव लवकरच राज्य मंत्रिमंडळाच्या बैठकीत मान्यतेसाठी सादर करणार असल्याचे श्री. वाघमारे यांनी यावेळी सांगितले. महाडीबीटी पोर्टलवरून विशेष सहाय्य योजनांच्या लाभार्थींना अनुदान वितरित करण्याबाबत विभाग काम करत असल्याचेही बैठकीत सांगण्यात आले. विभागाच्या वतीने आज श्री. मुनगंटीवार यांच्यासमोर संजय गांधी निराधार अनुदान योजना, श्रावणबाळ सेवा राज्य निवृत्तीवेतन योजना, इंदिरा गांधी राष्ट्रीय वृद्धापकाळ निवृत्ती वेतन योजना, इंदिरा गांधी राष्ट्रीय विधवा निवृत्तीवेतन योजना, इंदिरा गांधी राष्ट्रीय अपंग निवृत्तीवेतन योजना या योजनांचे सादरीकरण करण्यात आले. योजनांची माहिती, लाभार्थींची संख्या आणि अनुदानाचे स्वरूप यावर त्यात माहिती होती. ००००

सातारा : ग्रामीण जनतेच्या आरोग्याची जपणूक करणार्‍या आरोग्य केंद्रामध्ये रक्तचाचणी घोटाळा झाल्याचा आरोप जिल्हा परिषदेचे सदस्य सुरेंद्र गुदगे यांनी केला. रक्तचाचणी न करता बिले काढणार्‍या महालॅब कंपनीचे कंत्राट रद्द करण्याची मागणी गुदगे यांनी केली. जिल्हा परिषदेच्या सर्वसाधारण सभेत गुदगे यांनी हा गंभीर आरोप केला. जिल्ह्यात 72 प्राथमिक आरोग्य केंद्रे असून त्याठिकाणी रुग्णांच्या रक्ततपासणी करण्याचे कंत्राट महालॅब कंपनीला देण्यात आले आहे. मात्र, मायणी प्राथमिक आरोग्य केंद्रातील विकास सोनावणे या रुग्णाने रक्ततपासणी केलेली नसताना त्याचे बिल कंपनीला अदा करण्यात आले आहे. मायणी प्राथमिक आरोग्य केंद्रात रोज सरासरी 25 रूग्ण उपचारासाठी येत असतात. प्रत्यक रुग्णाच्या नावे सरासरी दोनशे ते तीनशे रुपये प्रमाणे हजारो रूपयांचा घोटाळा केला जात आहे. मायणी एक प्रतिनिधीक उदाहरण असून रक्ततपासणी घोटाळ्याची व्याप्ती संपूर्ण जिल्ह्यात असण्याची शक्यता आहे. त्यामुळे जिल्हा परिषदेने रुग्णांच्या नावे काढण्यात आलेल्या रक्ततपासणी बिलांची सखोल चौकशी करून कंपनीचे टेंडर तात्काळ रद्द करावे, अशी मागणी गुदगे यांनी केली. त्यावर जिल्हा परिषदेचे अध्यक्ष संजीवराजे नाईक निंबाळकर व मुख्य कार्यकारी अधिकारी कैलास शिंदे यांनी गुदगे यांनी केलेल्या आरोपाची सखोल चौकशी करण्याचे आदेश जिल्हा आरोग्य अधिकारी अनिरूध्द आठल्ये यांना दिले. त्याचबरोबर यावेळी गुदगे यांनी मायणी आरोग्य केंद्रात सापाने दंश केलेल्या युवकाचा मृत्यू झालायाचा विषय मांडला. आरोग्य विभागाने वेळीच आवश्यक औषधे उपलब्ध करून ठेवली असती तर युवकांचा मृत्यू झाला नसता. गुदगे यांनी प्राथमिक शिक्षकांच्या समानीकरणाप्रमाणे प्रत्येक तालुक्यातील प्राथमिक आरोग्य केंद्र आणि उपकेंद्रामध्ये वैद्यकीय अधिकार्‍यांची समान नियुक्ती करावी, अशी मागणीही केली

सातारा : जिल्हा परिषदेचे मुख्य कार्यकारी अधिकारी डॉ. कैलास शिंदे यांची पालघरच्या जिल्हाधिकारी पदी बदली झाली. त्यांच्या जागेवर एस.एन.भागवत हे नवे मुख्य कार्यकारी अधिकारी रुजू होणार आहेत . भागवत हे एमएमआरडीए मुंबई येथे अतिरिक्त जिल्हाधिकारी म्हणून काम पाहत होते. तीन वर्षापूर्वी डॉ. कैलास शिंदे यांनी सातारा जिल्हा परिषदेच्या मुख्य कार्यकारी पदाची सुत्रे स्वीकारली होती. अधिकारी कर्मचार्‍यांमध्ये शिस्त, पारदर्शक कारभार आणि लोकप्रतिनिधींना विश्वासात घेऊन पुढे जात त्यांनी सातारा जिल्हा परिषदेला उंचीवर नेऊन ठेवलेे. तीन वर्षामध्ये जिल्ह्यात 11 हजार घरकुले त्यांच्या कार्यकालात बांधली गेली. त्यांनी जिल्हा परिषदेला देशपातळीवर दोन पुरस्कार मिळवून देण्यात मोलाचे योगदान दिले. नव्याने रुजू झालेल्या संजय भागवत यांचे पहिले पोस्टिंग चंद्रपूर आदिवासी भागात झाले. त्यानंतर लातूर, नांदेड, रत्नागिरी येथे काम केले आहे. मुंबई मंत्रालय सीडको, म्हाडा बरोबरच सिध्दी विनायक ट्रस्टचे सीईओ म्हणून त्यांनी काम पाहिले असून सध्या एमएमआरडीए मुंबई अतिरिक्त जिल्हाधिकारी म्हणून कार्यरत होते. आता भागवत सातारा जिल्हा परिषदेचे नवे मुख्य कार्यकारी अधिकारी म्हणून रुजू होणार आहेत.

कोरेगाव : सातारारोड येथील वालचंदनगर इंडस्ट्रीजमध्ये गेल्या सहा दिवसांपासून सुरू असलेल्या कामगारांच्या संपाच्या पार्श्वभूमीवर व्यवस्थापनाला जागा दाखविण्यासाठी आता वालचंद नगर (जि.पुणे) येथील युनिटमध्ये आंदोलन छेडण्यात येणार आहे, असा इशारा आमदार शशिकांत शिंदे यांनी दिला. सातारा येथील शासकीय विश्रामगृहावर मंगळवारी दुपारी कामगार आणि संघटनांच्या पदाधिकार्‍यांची बैठक आ. शिंदे यांच्या अध्यक्षतेखाली आणि राष्ट्रवादी महाराष्ट्र जनरल कामगार युनियनचे सरचिटणीस विठ्ठलराव गोळे यांच्या प्रमुख उपस्थितीत झाली. त्यावेळी आ. शिंदे यांनी हा इशारा दिला. कंपनीचे व्यवस्थापन प्रामाणिकपणे काम करणार्‍या कामगारांना अन्यायकारकरितीने वागवत असून वेतनवाढीसह अनेक न्याय मागण्या प्रलंबित आहेत. कोरेगाव तालुक्यातील कारखानदारी टिकली पाहिजे. या हेतूने आम्ही व्यवस्थापनाला सहकार्य करत होतो. मात्र, आता आम्ही कामगारांच्या मागण्या मान्य झाल्याशिवाय माघार येणार नाही. व्यवस्थापनाला धडा शिकविण्यासाठी आता पुणे जिल्ह्यातील वालचंदनगर येथे असलेल्या कंपनीच्या युनिटमध्ये आंदोलन छेडले जाणार आहे, असा इशारा आ. शिंदे यांनी दिला. @ संपाचा सहावा दिवस :- आ.शशिकांत शिंदे यांच्या नेतृत्वाखालील राष्ट्रवादी महाराष्ट्र जनरल कामगार युनियन व अ‍ॅड. वसंतराव फाळके यांच्या नेतृत्वाखालील राष्ट्रीय कामगार संघाच्या कामगारांनी संयुक्तपणे गुरूवार दि. 11 जुलैपासून बेमुदत संप सुरू केला आहे. आज संपाचा सहावा दिवस असून कामगारांनी आता आक्रमक भूमिका घेतली आहे.

कोरेगाव : अनाथ मुला- मुलींना मदत करण्यात एक वेगळाच आत्मिक आनंद आहे. खर्‍याखुर्‍या समाधानाची अनुभुती आली असे प्रतिपादन कोरेगाव पंचायत समितीचे गटविकास अधिकारी शरद मगर यांनी केले. कोरेगाव पंचायत समितीतर्फे सोळशी येथील शनी मंदिर आश्रमात राहणार्‍या 15 अनाथ विद्यार्थ्यांना शैक्षणिक साहित्याचे वाटप करण्यात आले. यावेळी ते बोलत होते. यावेळी परमपूज्य नंदगिरी महाराज तसेच पंचायत समितीच्या विस्तार अधिकारी बोईनवाड, अमर निंबाळकर, सपना जाधव, सुनिल जगताप, यशेंद्र क्षीरसागर, बाबर तसेच बाल विकास प्रकल्प अधिकारी श्रीमती ज्योत्सना कापडे उपस्थित होत्या. मगर म्हणाले, कोरेगाव पंचायत समितीच्या अंतर्गत कर्मचार्‍यांना अनाथांना मदत करण्यासाठी आवाहन करण्यात आले होते. त्या अंतर्गत स्वयंस्फर्तीने उत्स्फूर्तपणे कर्मचार्‍यांना रक्कम एकत्रित केली आणि त्यातून दप्तर, पुस्तके असे शैक्षणिक साहित्य तसेच गणवेश विकत आणून मुलांना देण्यात एक वेगळाच आनंद वाटत आहे. यावेळी येथील जिल्हा परिषद शाळेतील विद्यार्थी तसेच शिक्षक वृंद उपस्थित होते. गुरूपौर्णिमेनिमित्त झालेल्या या कार्यक्रमाला ग्रामस्थ, ज्येष्ठ नागरिक आणि भक्तांनी गर्दी केली होती.

सातारा : जिल्हा परिषदेच्या 2019-20 आर्थिक वर्षासाठी 100 कोटी रूपयांच्या अर्थसंकल्पाला मंजुरी देण्यात आली. जिल्हा परिषदेच्या इतिहासात प्रथमच अर्थसंकल्पात मोठी वाढ झाली आहे. अर्थसंकल्पाच्या वाढीसाठी आवश्यक उत्पन्नामध्ये अनुदानावरील व्याज ही बाब केंद्रस्थानी राहिली आहे. दरम्यान, अर्थसंकल्पामध्ये बांधकाम विभागासाठी सर्वाधिक 25 कोटी रूपयांची तरतूद करण्यात आली आहे. जिल्हा परिषदेच्या सर्वसाधारण सभेचे आयोजन छ. शिवाजी महाराज सभागृहात करण्यात आले होते. यावेळी शिक्षण व अर्थ सभापती राजेश पवार यांनी सादर केलेल्या अर्थसंकल्पाला मंजुरी देण्यात आली. यावेळी जिल्हा परिषदेचे अध्यक्ष संजीवराजे नाईक निंबाळकर, उपाध्यक्ष वसंतराव मानकुमरे, मुख्य कार्यकारी अधिकारी कैलास शिंदे, अतिरिक्त मुख्य कार्यकारी अधिकारी संतोष धोत्रे, कृषी सभापती मनोज पवार, समाजकल्याण सभापती शिवाजी सर्वगौड यांच्यासह खातेप्रमुख उपस्थित होते. 2019-20 च्या अर्थसंकल्पामध्ये अनुदान, कर, इमारती भाडे आणि ठेवीवरील व्याजाच्या माध्यमातून 101 कोटी 25 लाख रूपयांचे उत्पन्न अपेक्षित ठेवण्यात आले आहे. त्यापैकी 99 कोटी 88 लाख 90 हजार रूपये खर्चाच्या अर्थसंकल्पाला मंजुरी देण्यात आली. त्यामध्ये सर्वाधिक तरतूद बांधकामासाठी 25 कोटी 65 लाख, सदस्यांच्या मानधनासाठी 87 लाख 40 हजार, सामान्य प्रशासनासाठी 23 लाख, शिक्षणासाठी नऊ कोटी 25 लाख, लघुपाटबंधारेसाठी सहा कोटी 25 लाख, आरोग्यासाठी दहा कोटी, कृषीसाठी पाच कोटी 80 लाख, समाजकल्याणसाठी पाच कोटी 94 लाख, महिला व बालविकासासाठी दोन कोटी 53 लाख, अपंग कल्याणसाठी दोन कोटी 55 लाख रूपयांची तरतूद करण्यात आली आहे. विविध विभागासाठी करण्यात आलेल्या निधीच्या माध्यमातून योजनाचीं अमंलबजावणी ल सदस्यांना सेस फंडाचा निधी वितरित करण्यात येणार आहे. दरम्यान, अंदा अर्थसंकल्पात करण्यात आलेल्या वाढीचे सदस्यांनी स्वागत केले. तर प्रदीप विधाते यांनी कटगुण (ता. खटाव) येथे साजर्‍या होणार्‍या महात्मा फुले जयंती महोत्सवासाठी निधीची तरतूद वाढविण्याची मागणी केली. महिला व बालकल्याण विभागातून देण्यात येणार्‍या प्रशिक्षणाचा कितपत लाभ मिळतो, याची पाहणी करणे आवश्यक असल्याची मागणी सुरेंद्र गुदगे यांनी केली.

सातारा : जिल्ह्यातील प्राथमिक शिक्षकांच्या प्रलंबित प्रश्नाकडे लक्ष वेधून ते सोडवण्यासाठी प्राथमिक शिक्षक संघाच्यावतीने शनिवार, दि.3 ऑगस्ट रोजी सातारा जिल्हा परिषदेच्या कार्यालयासमोर धरणे आंदोलन करण्याचा निर्णय घेण्यात आला आहे. प्राथमिक शिक्षक महासंघाचे राष्ट्रीय कोषाध्यक्ष सिध्देश्वर पुस्तके यांच्या अध्यक्षतेखाली शिक्षक भवन सातारा येथे झालेल्या महामंडळ सभेत आंदोलनाची हाक देण्यात आली. प्राथमिक शिक्षक बँकेचे चेअरमन राजेंद्र घोरपडे, व्हा. चेअरमन महेंद्र अवघडे, बँकेचे संचालक, कराड पाटण, शिक्षक सोसायटीचे चेअरमन नामदेव घोलप, जिल्हा संघाचे पदाधिकारी रामचंद्र लावंड,मोहनराव जाधव, सुरेश गायकवाड, महेंद्र जानुगडे, राजेंद्र बोराटे, समीर बागवान, सुनिल सावंत, तानाजी ढमाळ, अनिल जायकर, दादासाहेब सरकाळे, गोरख साळुंखे, मच्छिंद ढमाळ, तुकाराम कदम, संतोष जगताप, प्रविण घाडगे आदींच्या उपस्थितीत बैठक पार पडली. सिध्देश्वर पुस्तके म्हणाले, प्राथमिक शिक्षणाचा दर्जा वाढवण्यासाठी जिल्ह्यातील शिक्षण विस्ताराधिकारी, केंद्रप्रमुख, मुख्याध्यामक पदवीधर उपशिक्षकांची रिक्तपदे पदोन्नतीने त्वरित भरावीत या व अन्य मागण्यांकडे जिल्हा प्रशासनाकडे अनेकवेळा निवेदने देऊन, चर्चा करुनही दुर्लक्ष होत आहे. शिक्षकांच्या बदल्यामध्ये गैरसोई झालेल्या शिक्षकांना विशेषतः महिला शिक्षिकांना सोईच्या शाळा देण्यात याव्यात तसेच मागील वर्र्षाचे रॅण्डम राऊंड या शैक्षणिक वर्षातील विस्थापित शिक्षक बंधू भगिनी यांन सम उपदेशाने बदलीची संधी मिळावी, या व अन्य प्रलंबित मागण्यांसाठी जिल्हा प्रशासनाकडे संघटनेकडून अनेक वेळा निवेदन देऊन चर्चा करूनही त्याकडे दुर्लक्ष होत आहे. त्यामुळे आपले प्रश्न सोडवून घेण्यासाठी जिल्ह्यातील शिक्षकांनी हजारोंच्या संख्येने धरणे आंदोलनास उपस्थित रहावे, असे आवाहन पुस्तके यांनी केले यावेळी शिक्षक बँकेचे संचालक भगवान धायगुडे, अनिल शिंदे, मोहन निकम, ज्ञानेश्वर कांबळे, गणेश तोडकर, दत्तात्रय कोरडे, राजकुमार जाधव, शंकर जांभळे, चंद्रकांत आखाडे, बंडोबा शिंदे, राजाराम खाडे, वैशाली जगताप, सौ. निर्मला बसागरे, कराड पाटण सोसायटीचे माजी चेअरमन संजय शेजवळ, बाजीराव शेटे सर्व तालुका संघाचे अध्यक्ष महेंद्र इथापे, शाम पवार, संतोष कदम, लालासो भंडलकर, सूर्यकांत कदम, तात्यासो सावंत, मोहन पाटील, सुरेश जेधे, हिम्मत जगताप, गणेश शिंदे, राजू घोरपडे, सतीश जाधव, सुरज तुपे, तानाजी साळुंखे, रवींद्र भोसले, मधुकर गावडे, पोपट चांगण, लालासो भोसले, सचिन जाधव, किरण खरात, सुरेश दुधाणे, विजय शिर्के, दादा थोरात प्रवीण गायकवाड, धनाजी चव्हाण, संभाजी जाधव, नवनाथ कणसे, नवनाथ खरमाटे, गणपत घाडगे, रामचंद्र चव्हाण, रियाज पटेल, शांताराम मासाळ राजेंद्र दगडे, सुनील धनावडे, नारायण धायगुडे मिलिंद जगताप, सुभाष जाधव, गणेश धुमाळ यांच्यासह जिल्ह्यातील बहुसंख्य शिक्षक उपस्थित होते.

सातारा : सातारा जिल्हा रुग्णालयाच्या सीटी स्कॅन विभागाला अणुऊर्जा नियामक महामंडळाची परवानगी मिळाली आहे. त्यामुळे जिल्ह्याच्या कानाकोपर्‍यातून येणार्‍या रुग्णांसाठी सीटी स्कॅनची मोठी सुविधा उपलब्ध झाली आहे. तोशिबा मेडिकल सिस्टिम कार्पोरेशन जपान कंम्प्युटेड टोमोग्राफी ही यंत्रणा जिल्हा रुग्णालयात तीन महिन्यांपूर्वी बसवण्यात आली होती. मात्र, किरणोत्सरितेच्या प्रमाणित उत्सर्जनासाठी अणुऊर्जा नियामक मंडळाची परवानगी आवश्यक होती. जिल्हा गल्य चिकित्सक डॉ. अमोद गडीकर यांचा महामंडळाकडे पाठपुरावा सुरू होता. त्यांच्या पाठपुराव्याला यश आले असून अणुऊर्जा विभागाने परवानगी देणारे लेखी पत्र डॉ. गडीकर यांना 9 जुलै रोजी पाठवले आहे. ही परवानगी केवळ मर्यादित किरणोत्सारित उत्सर्जनासाठी देण्यात आली आहे. परवानगी पाच वर्षासाठी असून त्याचा कालावधी 9 जुलै 2024 पर्यंत असणार आहे. अणुऊर्जा नियामक महामंडळाने जिल्हा रुग्णालयाच्या सिटी स्कॅन विभागाची तांत्रिक मान्यता अंतिम टप्प्यात असल्याची खूशखबर दिली होती. मात्र, परवानगी मिळाल्याने सीटी स्कॅनची सुविधा सुरू होण्याचा मार्ग मोकळा झाला आहे. सीटी स्कॅन विभागासाठी रेडिओलॉजिस्ट डॉ. माने यांची नेमणूक झाली असून हा विभाग सुरू झाल्याची माहिती डॉ. गडीकर यांनी दिली. अणुऊर्जा मंडळाच्या अधिकृत मान्यतेशिवाय ही सेवा सुरू करता येत नसल्याचे त्यांनी स्पष्ट केले. डॉ. गडीकर यांनी गेल्या दहा महिन्यांत पाठपुरावा करून सुसज्ज ऑपरेशन थिएटर, केमोथेरपी विभाग, मनोचिकित्सा विभाग, दंतचिकित्सा या यंत्रणा उभारल्या. तसेच सीटी स्कॅन मशीनच्या पायाभूत सुविधासह ती सुरू करण्यासाठी यंत्रणा उभारल्या. अवघ्या सहा महिन्यात वैद्यकीय संचालनालयाकडे पाठपुरावा करून कोट्यावधी रुपयांचे सिटी स्कॅन मशीन जिल्हा रुग्णालयाच्या कक्षात स्थापित करताना किरणोत्सारिता व त्याचे धोके लक्षात घेऊन तीन वेळा आराखडा बदलण्यात आला. सीटी स्कॅन ही यंत्रणा हा किरणाच्या साह्याने मानवी शरीराचे विभिन्न कोनातून छेद चित्र घेते. यामध्ये शरीराच्या रक्तवाहिन्या व शरीराच्या कोणत्याही भागातील बिघाड स्पष्टपणे दिसून येतो. विविध रोगांच्या अचूक निदान व उपचारासाठी ही यंत्रणा प्रभावीपणे वापरली जाते. त्यामुळे सातारा जिल्हा रुग्णालयात ही यंत्रणा सक्रिय होऊनही ती स्वतंत्र कक्षात कुलूपबंद ठेवण्याची हाकाटी सुरू करत काही यंत्रणांनी रुग्णालय प्रशासनाच्या विरोधात आगपाखड सुरू केली. मात्र, तांत्रिक आणि अत्यंत महत्त्वाची बाब म्हणजे अणुऊर्जा नियामक मंडळाकडून सीटी स्कॅन यंत्रणा प्रमाणित झालेली नव्हती.

खटाव : गुरुवर्य लक्ष्मणराव इनामदार या नावात प्रचंड मोठी ताकद आहे. याची पोचपावती म्हणजेच जिहे-कठापूरच्या योजनेला राज्य शासन व केंद्र शासनाकडून मिळालेली मंजुरी होय. त्यांच्या पुण्याईने येत्या दीड महिन्यात या योजनेचे पाणी तालुक्यात येणार आहे. असा विश्वास गुरुवर्य लक्ष्मणराव इनामदार ट्रस्टचे कार्याध्यक्ष व भाजप युवा नेते महेश शिंदे यांनी केला. खटाव येथे सहकार भारतीचे संस्थापक व प्रणेते लक्ष्मणराव इनामदार यांच्या स्मृतिदिनानिमित्त ग्रामपंचायत कार्यालयात इनामदार यांच्या तैलचित्राच्या अनावरणप्रसंगी ते बोलत होते. या वेळी सरपंच नंदकुमार वायदंडे, उपसरपंच अमर देशमुख, ट्रस्ट अध्यक्ष विनोद इनामदार, रणधीर जाधव, राहुल पाटील, श्रीनीवास मुळे, भरत मुळे, धनंजय इनामदार, संजय टकले, प्रमोद इनामदार, उमेश भिसे, शेखर देशमुख, अभिजित देशमुख, संतोष वायदंडे, क्षितीज गुंजवटे, शरद बोबडे यांची प्रमुख उपस्थिती होती. शिंदे म्हणाले, मुख्यमंत्री देवेंद्र फडणवीस यांच्या प्रामाणिक प्रयत्नामुळे जिहे-कठापूरचे पाणी खटाव तालुक्यात दीडच महिन्यात खळाळणार आहे. लक्ष्मणराव इनामदार ट्रस्ट हे गुरुवर्यांच्या विचाराने प्रेरित होऊन ते राष्ट्रप्रेमाची ज्योत हाती घेऊन अखिल समाजाचा विकासाच्या ध्यासाने काम करत आहे. ट्रस्टच्या पदाधिकार्‍यांनी वेळोवेळी राज्य व केंद्र शासनाकडे योजनेच्या मंजुरीसाठी अनेकदा पाठपुरावा केला. मात्र, अलीकडे विविध पक्षांतील नेतेमंडळी या योजनेबद्दल अनेक वल्गना करून श्रेय लाटण्याचा दुर्दैवी प्रयत्न करत आहेत. इनामदार ट्रस्टच्या माध्यमातून व लोकसहभागातून खटाव येथे किमान 20 बेडचे हॉस्पिटल उभारण्यात यावे, असे त्यांनी आवाहन केले. सुहास जोशी यांनी सूत्रसंचालन व प्रास्ताविक केले. सरपंच वायदंडे, विनोद इनादार व विजय भिसे यांनी मनोगत व्यक्त केले.

फलटण : माणचे आमदार जयकुमार गोरे प्रसिध्दीसाठी हापापलेले असून श्रीमंत रामराजेंवर टीका केली की त्यांना प्रसिध्दी मिळती. रामराजे यांच्यावर टीका करण्याची त्यांची पात्रता नसून जयकुमार गोरे माण तालुक्यातील गावगुंड आहेत, असा टोलाही पंचायत समितीचे सदस्य श्रीमंत विश्वजितराजे रघुनाथराजे नाईक निंबाळकर यांनी आमदार गोरे यांना लगावला. विश्वजितराजे म्हणाले, आ. गोरे यांनी माण तालुक्यामध्ये किती व कोणते तीर मारले आहेत हे जनतेला ज्ञात आहे. त्यांच्या मतदारसंघात कसलाही विकास झाला नाही. उलट ना. रामराजे यांच्या नेतृत्वाखाली फलटण मतदारसंघात भरघोस विकास झाला असून पूर्र्वा शिरवळ वरून फलटणला येताना ओसाड राने पडून होती, आता त्या ठिकाणी वेगवेगळ्या मोठ्या कंपन्या दिमाखात सुरू आहे. या कंपन्यांमध्ये हजारो मुलांना रोजगार उपलब्ध झाला आहे. फलटण तालुक्याबद्दल कोणीही कितीही टीका केली तरी हे सर्वांना ज्ञात आहे की फलटण व खंडाळा हे तालुके श्रीमंत रामराजे यांच्यामुळेच ओलिताखाली आले आहेत. अशी अनेक विकासकामे श्रीमंत रामराजे यांच्या नेतृत्वाखाली झाली आहेत. आमदार जयकुमार गोरे यांच्यात हिम्मत असेल तर फलटण व माण तालुक्याचा विकासाची तुलना करावी. ह्या मतदारसंघाची तुलना होवू शकत नाही हे उभ्या महाराष्ट्राला ठाऊक आहे. श्रीमंत रामराजे यांनी केलेली विकासकामे सांगायची झाली तर पुढील काही दिवसाचे अंक पुरवणार नाहीत. घाट उतरून दुसर्‍याच्या घरात लक्ष देण्यापेक्षा आपल्या मतदारसंघात लक्ष दिले तर त्यांनाच बरे होईल. माण तालुक्यातील शिक्षित उद्योगपती जयकुमार गोरे यांना घाबरत असून सुशिक्षित नागरिकांनी पुण्यामुंबईची वाट धरली आहे. जयकुमार गोरे यांच्या सुंदर चारित्र्यामुळे महिलावर्ग दुुपार नंतर घराबाहेर पडत नाहीत. त्यांना जनतेशी काही देणेघेणे नसून प्रसिध्दीसाठी ना. रामराजे यांच्यावर टीका करत असल्याचे श्रीमंत विश्वजितराजे यांनी स्पष्ट केले. निवडणूक जवळ आल्याने पाण्याचा मुद्दा उपस्थित करुन मते मिळवण्याचा केविलवाणा प्रयत्न जयकुमार गोरे करत असून ह्या वेळी माण तालुक्यातील जनता ह्या वेळी जयकुमार गोरे ह्यांच्या भूलथापांना बळी पडणार नाही, आगामी काळामध्ये माणमतदारसंघातून एक सुसंस्कृत नेता निवडून येईल याची सर्वांना खात्री आहे. असेही श्रीमंत विश्वजितराजे यांनी स्पष्ट केले.

सातारा : लोकसभा निवडणुकीपासून अनेक तर्कवितर्क तालुक्यात येत असून या निवडणुकीमध्ये पक्षाचे प्रामाणिकपणे काम माझ्यासह कार्यकर्त्यांनी केले आहे. तरी देखील माझी प्रतिमा मलीन करण्याचा प्रयत्न होत असेल तर भविष्यकाळात जर माझ्या राजकीय अस्तित्वाला धोका होणार असेल तर वेगळा निर्णय घ्यावा लागेल. त्यासाठी सर्वच कार्यकर्त्यांना विचारात घेवून पुढील निर्णय घेईन, असे प्रतिपादन कार्यकर्त्यांच्या मेळाव्यात आमदार शिवेंद्रसिंहराजे भोसले यांनी केले. सायगाव(ता. जावली) येथे सायगाव गणातील पदाधिकारी व कार्यकर्ता मेळावा नुकताच पार पडला, यावेळी आमदार शिवेंद्रसिंहराजे भोसले बोलत होते. आमदार शिवेंद्रसिंहराजे भोसले पुढे म्हणाले, गेल्या अनेक दिवसांपासून माझ्या भाजप प्रवेशाच्या बातम्या सोशल मीडियाच्या माध्यमातून सुरु झाल्या आहेत. परंतु अजुनही या बाबत मी कोणताही निर्णय घेतला नसून योग्य वेळ येईल तेव्हा याचा विचार करावा लागेल. ठाणे जिल्ह्यातील शहरापुरच्या राष्ट्रवादीच्या आमदारांनी शिवसेनेचे मंत्री एकनाथ शिंदे यांच्या उपस्थितीत पक्ष प्रवेश केला असून अश्या गोष्ठी तर मी केल्या नाहीत. आपले विरोधक कोण आहेत आणि कोण कोण विरोधात उभे राहणार आहेत हे तुम्हाला माहित आहेतच. जावलीचा स्वाभिमान त्यांना आता दिसू लागला आहे. छत्रपतींच्या घराला तुम्ही स्वाभिमान शिकवू नका, जावली आणि छत्रपती घराणे यांचे काय आहे हे सर्वांना माहिती आहे. त्यामुळे राजकीय नेत्यांनी आम्हाला ते सांगू नये, यावेळी आमदारांनी दीपक पवार यांचे नाव न घेता टिका केली. ज्यांना स्वतःच्या गटातील प्रवेशद्वार असलेल्या आनेवाडीचा रस्ता होत नाही त्यांनी कोट्यावधीचा निधी आणला, रस्ता झाला, वेळे-कामथीच्या रस्त्यासाठी निधा आणला, आमदारांनी काहीच काम केले नसल्याच्या फुशारक्या मारू नयेत. सायगाव येथील मेळाव्यांकरिता पंचायत समिती सदस्य सौरभ शिंदे, प्रतापगड कारखाना उपाध्यक्ष राजेंद्र फरांदे, बाजार समिती संचालक शिवाजी गोरे, प्रतापगड संचालक संजय निकम, आनेवाडीचे माजी उपसरपंच पोपट फरांदे, शरद निकम, शिक्षक नेते मछिंद्र मुळीक, अजिंक्यतारा कारखाना संचालक नितीन पाटील, राष्ट्रवादीचे युवा नेते प्रविण देशमाने संजय जेधे, अभिजीत दुदुस्कर, यांच्यासह गणातील शेकडो कार्यकर्ते उपस्थित होते.

सातारा : आगामी विधानसभेच्या निवडणुकीत वंचित समाजघटकांनी इतरांवर अवलंबून राहू नये. वंचित समाजघटकांनी इतरावर अवलंबून राहू नये. वंचित समाजाच्या रक्षणासाठीच सर्व वंचित घटकांनी बरोबर घेवून वंचित बहूजन आघाडीचे नेते अँड.बाळासाहेब आंबेडकर यांनी स्वबळावर 288 जागा लढवण्याच्या निर्णय घेतला आहे.त्याचे स्वागत करुन जिल्ह्यातील 8 विधानसभा कतदार संघात स्वतंत्रपणे वंचित बहुजन आघाडी सर्व जागा एका विचाराने सर्वाना बरोबर घेऊन लढवणार आहे.असे मत वंचित बहुजन आघडीचे जिल्हा प्रमुख समन्वयक चंद्रकांत खंडाईत यांनी व्यक्त केले भारिप बहुजन महासंघ व वंचित बहुचन आघाडीचे सर्व जिल्हा व तालूका समन्वयक यांची संयुक्त बैठक रविवार पेठ सातारा येथील डाँ. बाबासाहेब आंबेडकर सांस्कृतिक भवनाच्या सभागृहात जिल्हा प्रमुख समन्वक चंद्रकांत खंडाईत यांच्या अध्येतेखाली पार पडली.यावेळी ओबीसीचे जिल्हाध्यक्ष जिल्हा समन्वयक हरिदास जाधव,मचिंद्रनाथ जाधव,लोहार सुतार संघटनेचे नेते जिल्हा समन्वयक बाळकृष्ण देसाई,संजय करपे लाल निशान पक्षाचे नेते जिल्हा समन्वयक विजयराव निकम,धनगर समाजाचे नेते महेश कचरे,म्हेतर समाजाचे नेते निलेश लाड,भारिप महिला आघाडी जिल्हाध्यक्ष संगीताताई डावरे,युवक आघाडीचे जिल्हाध्यक्ष विशाल भोलसे आदि उपस्थित होते.

सातारा, दि. 17 : धरण परिसरात पावसाचे प्रमाण जास्त असल्याने धरणाच्या पाणी साठ्यात वाढ होत आहे. त्यामुळे पाटण तालुक्यातील उत्तरमांड मध्यम प्रकल्प, वांग मध्यम प्रकल्प,मोरणा मध्यम प्रकल्प व वाई तालुक्यातील नागेवाडी मध्यम प्रकल्प परिसरातील ग्रामस्थांनी स्वत: तसेच जनावरांना पिण्याच्या पाण्यासाठी तसेच धुण्यासाठी धरणाच्या पाण्यात उतरु नये व धरणावरून कोणत्याही प्रकारची वाहतुक करु नये असे कार्यकारी अभियंता, लघु पाटबंधारे विभाग, सातारा यांनी कळविले आहे. 0000

मुंबई, दि.१९ :माहिती व जनसंपर्क महासंचालनालयनिर्मित दिलखुलास कार्यक्रमात स्वच्छ व सुंदर सातारा या विषयावर सातारा जिल्हा परिषदेचे तत्कालीन मुख्य कार्यकारी अधिकारी डॅा. कैलाश शिंदे यांची विशेष मुलाखत घेण्यात आली.श्री. शिंदे यांची नुकतीच पालघरच्या जिल्हाधिकारीपदी बदली झाली आहे. ही मुलाखत राज्यातील आकाशवाणीच्या सर्व केंद्रांवरून शनिवार दि. २० आणि सोमवार दि. २२ जुलै २०१९ रोजी सकाळी ७.२५ ते ७.४० या वेळेत प्रसारित होणार आहे. जिल्हा माहिती अधिकारी सातारा युवराज पाटील यांनी ही मुलाखत घेतली आहे. केंद्रीय पेयजल व स्वच्छता विभागाने आयोजित केलेली 'स्वच्छ सुंदर शौचालय स्पर्धा, यामध्ये सातारा जिल्ह्याने देशातील सात जिल्ह्यांमध्ये मिळवलेले स्थान, स्पर्धेचा कालावधी, या स्पर्धेसाठी केलेले उत्कृष्ट कार्य, त्याकरिता केलेले काम, स्वच्छ सर्वेक्षणात सलग तीन वर्षे सातारा जिल्ह्याची उंचावलेली कामगिरी, शौचालयांचे जिओ टॅगींग,सातारा जिल्हा परिषदेचे नाविन्यपूर्ण उपक्रम,स्वच्छतेसाठी जिल्हा परिषदेसाठी उपलब्ध करून देण्यात आलेला निधी आदी विषयांची सविस्तर माहिती डॅा. शिंदे यांनी ?दिलखुलास? या कार्यक्रमातून दिली आहे.

सातारा : सातारचे मंजूर असलेले शासकीय वैद्यकीय महाविद्यालय सुरु करण्यासाठी सार्वजनिक आरोग्य विभागाकडील सिव्हिल हॉस्पिटल व सिव्हिल हॉस्पिटलची जागा राज्याच्या वैद्यकीय शिक्षण विभागाकडे हस्तांतरित करणे अनेक दिवस प्रलंबित होते. आमच्या पाठपुराव्यामुळे वैद्यकीय महाविद्यालयासाठी सातारचे जिल्हा सर्वसाधारण रुग्णालय, राज्याच्या सार्वजनिक आरोग्य, विभागाकडून वैद्यकीय शिक्षण विभागाकडे हस्तांतरित करण्यास राज्य शासनाने मंजुरी दिली आहे. त्यामुळे पुढील वर्षापासून या शासकीय वैद्यकीय महाविद्यालयामधून वैद्यकीय अभ्यासक्रम सुरू करण्यातील एक महत्त्वाचा टप्पा पार पडला आहे. ही प्रक्रिया सातारा जिल्हावासियांच्या इच्छेनुसार घडली आहे याचे समाधान आहे, अशी प्रतिक्रीया खा.श्री.छ.उदयनराजे भोसले यांनी प्रसिध्दीपत्रकाद्वारे व्यक्त केली आहे. सातारचे वैद्यकीय महाविद्यालय मंजूर करण्यासाठी भारतीय आयुर्विज्ञान परिषदेच्या निकषाप्रमाणे 500 खाटांचे रुग्णालय असणे आवश्यक आहे. सातारच्या स्व. क्रांतीसिंह नाना पाटील सर्वसाधारण रुग्णालयातील रुग्णांच्या खाटांची संख्या कमी असल्याने वैद्यकीय महाविद्यालय सुरू करण्यासाठी जिल्हा रुग्णालयांना स्वंतत्र भ आहे.भ आहे. खाटांचे स्त्री रुग्णालय मंजूर करून घेण्यात आले. त्यानंतर पुढे सरकलेला वैद्यकीय महाविद्यालयाचा प्रस्ताव जागेकरिता प्रलंबित होता. प्रथम खावली येथील जागा निवडण्यात आली. सदर जागा गैरसोयीची ठरणार असल्याचे लक्षात आल्यावर कृष्णा खोरे विकास महामंडळाची, कृष्णानगर येथील जागा निश्चित करण्यात आली. त्यानंतर बर्‍याच प्रयत्नानंतर सदर जागा वैद्यकीय शिक्षण विभागाकडे हस्तांतरीत करण्याचा निर्णय घेतला गेला. त्यामुळे जागेचा प्रश्न सुटला. मंजूर वैद्यकीय महाविद्यालय, साताराच्या जिल्हा रुग्णालयाशी संलग्न केले असल्याने राज्याच्या सार्वजनिक आरोग्य विभागाकडे असलेल्या जिल्हा रुग्णालयात वैद्यकीय महाविद्यालय सुरू करण्यासाठी वैद्यकीय शिक्षण विभागाकडे हस्तांतरीत करण्याचा महत्त्वाचा टप्पा राहिला होता. राज्याचे वैद्यकीय शिक्षण मंत्री गिरीश महाजन, सार्वजनिक आरोग्य मंत्री एकनाथ शिंदे यांच्याकडे आम्ही तगादा लावला होता. सातारच्याच नव्हे तर महाराष्ट्रातील वैद्यकीय शिक्षण घेण्याची इच्छा व पात्रता असणार्‍या विद्यार्थ्यांना येथे लवकर संधी व सुविधा निर्माण करण्याच्या दृष्टीकोनामधून आमचे सातत्यपूर्ण प्रयत्न सुरू होते. त्याच प्रयत्नांचा भाग म्हणून आजच राज्य शासनाने सार्वजनिक आरोग्य विभागाकडे असणारे स्व. क्रांतिसिंह नाना पाटील सर्वसाधारण रुग्णालय राज्याच्या वैद्यकीय शिक्षण विभागाकडे हस्तांतरीत करण्यास नियमानुसार अटी-शर्तीसह परवानगी दिली आहे. यापूर्वीच शासकीय वैद्यकीय महाविद्यालयासाठी आवश्यक असणारे अपिष्ठाता अर्थात डीन या पदावर डॉ. मुरलीधर तांबे तसेच वैद्यकीय महाविद्यालयाचे नोडल ऑफिसर म्हणून डॉ. प्रकाश गुरव यांची नियुक्ती करण्यात आली आहे. वैद्यकीय महाविद्यालयाकरिता आवश्यक असणारा स्टाफ नव्याने किंवा प्रतिनियुक्तीने घेण्यास मान्यता घेण्यात आली आहे. येत्या काही दिवसांत आवश्यक ती प्रशासकीय कार्यवाही जलद करण्यात येईल. सन 2020 सालच्या नीट परीक्षेद्वारे सुनिश्चित होणार्‍या वैद्यकीय प्रवेशाकरिता सातारच्या शासकीय वैद्यकीय महाविद्यालयाच्या रूपाने नवीन व जादा संधी निर्माण होण्यासाठी आमच्याकडून सर्व प्रयत्न करण्यात येणार आहेत. या संपूर्ण प्रक्रियेत मुख्यमंत्री देवेंद्र फडणवीस, जलसंपदा तथा वैद्यकीय शिक्षण मंत्री ना. गिरीश महाजन यांच्यासह जलसंपदा विभागाचे अधीक्षक अभियंता विजय घोगरे, सिव्हिल सर्जन डॉ. आमोद गडीकर, महाविद्यालयाचे डीन डॉ. मुरलीधर तांबे, नोडल ऑफिसर, डॉ. गुरव, डॉ. संजय गायकवाड, वर्ग-1 चे वैद्यकीय अधिकारी डॉ. संजोग कदम, डॉ. चंद्रशेखर घोरपडे, सुनील काटकर, मिशन हॉस्पिटल वाईचे विश्वस्त रॉबर्ट मोझेस आदींचे महत्त्वपूर्ण योगदान आहे, असेही खा. उदयनराजे यांनी प्रसिध्दीपत्रकात नमूद केले आहे.

सातारा : सातारा लोकसभा मतदार संघाचे खासदार उदयनराजे भोसले यांनी मुंबई नर्सिंग कायद्यांतर्गत आयएमएच्या सदस्यांनी विविध हॉस्पिटलच्या संदर्भात जिल्हा शल्य चिकीत्सक यांच्याकडे पाठविलेल्या प्रस्तावावर योग्य ते निर्णय जिल्हा शल्य चिकीत्सक डॉ. अमोद गडीकर यांनी दोन दिवसात घ्यावेत, अशा स्पष्ट सूचना त्यांनी दिल्या. पुण्याच्या सह्याद्री सुपर स्पेहालिटी हॉस्पिटलने मिशन प्रेरणा आखले आहे. त्याद्वारे लहान मुलांचाया दुर्धर आजारावर मोफत उपचार करण्याचे ठरवलेले उद्दिष्ट सध्याच्या काळात सर्वसामान्यासाटी अत्यंत गरजेचे व उपयुक्त आहे. या सामाजिक उपक्रमात आम्ही सर्वार्थाने, सर्व सहकार्य करीत आहोत. इंडीयन मेडिकल असोसिएशन, जिल्हा शल्य चिकीत्सक, जिल्हा आरोग्य अधिकारी यांनी स्वयंस्फूर्तीने या उपक्रमात समाजाचे आपण काही तरी देणे लागतो या भावनेतून आपापले उत्तरदायित्व पार पाडावे, असे आवाहन उपस्थितांना केले. सातारच्या शासकीय विश्रामगृहावर सह्याद्री हॉस्पिटलचे जनरल मॅनेजर कुलकर्णी व अन्य समन्वयक पदाधिकारी तसेच इंडियन मेडीकल असोसिएशनचे सर्व पदाधिकारी सदस्य, जिल्हा शल्य चिकीत्सक आमोद गड्डीकर यांच्यासोबत आयोजित करण्यात आलेल्या संयुक्त बैठकीत खासदार उदयनराजे भोसले बोलत होते. दरम्यान, इंडियन मेडिकल असोसिएशनच्या सातारा शाखेच्या सदस्यांनी जिल्हा शल्य चिकीत्सक यांच्याकडे हॉस्पिटलच्या संदर्भौत फेबु्रवारी 19 पासून दिलेल्या प्रस्तावावर कोणताही निर्णय घेतला नाही. ही बाब खासदार उदयनराजे भोसले यांच्या निदर्शनास आणून देतात योग्य ती कार्यवाही करून, प्रकरणे दोन दिवसात निकाली काढावी अशा स्पष्ट शब्दात शल्य चिकीत्सक यांना सूचित केले. या बैठीत सह्याद्री हॉस्पिटलचे कुलकणी, विनय पंचवाध, डॉ. चंद्रशेखर घोरपडे, हेमंत बापट, सागर शिंदे यांच्यासह इंडियन मेडीकल असोसिएशनचे अध्यक्ष डॉ. जीवन लाहोटी , सचिव सूर्यकुमार खंदारे, डॉ. संदीप आठवले, सचिव गिरीश पेंढारकर, डॉ. अच्युत गोडबोले, डॉ. संदीप श्रोत्री, डॉ. चौधरी आदी डॉक्टर व मान्यवर उपस्थित होते.

वाई : राज्यशासनाने 13 कोटी वृक्ष लागवडीचे उद्दिष्ट ठेवले असून यामध्ये शासनाचे सर्व विभाग काम करत असून समाजाच्या सर्व घटकांचा सहभाग ही महत्त्वाचा आहे. विद्यार्थ्यांनी वृक्षारोपण व संवर्धनामध्ये सक्रीय सहभाग घ्यावा, असे आवाहन वाईचे वनक्षेत्रपाल महेश झांजुर्णे यांनी केले. महर्षि शिंदे ज्युनिअर कॉलेज येथे आयोजित वृक्षारोपण कार्यक्रमात ते बोलत होते. यावेळी प्राचार्य राजेंद्र बिरामणे, सामाजिक कार्यकर्ते अशोकराव सरकाळे, प्रा. किरण भोसले, पतंजली योग समितीचे योगशिक्षक, भैरवनाथ गव्हाणे, सुनंदा कुट्टे, प्रा. कोमल भोसले, दिलीप शिंदे यांची प्रमुख उपस्थिती होती. महेश झांजुर्णे म्हणाले, संपूर्ण जगासाठी पर्यावरण हा अति संवेदनशील बनला असून मानवाने आपली आसुरी प्रगती साधत असताना पर्यावरणाचे अपरिमित असे नुकसान केले आहे. त्यामुळे दुष्काळ, अतिवृष्टी, भूकंप, अतिहिमवर्षाव यासारख्या नैसर्गिक आपत्तींना मानवाला सामोरे जावे लागत आहे. यामुळे मानव जातीचे अस्तित्व अबाधित राखायचे असेल तर पर्यावरणपूरक जीवन पध्दतीचा अवलंब केला पाहिजे. सामाजिक कार्यकर्ते अशोक सरकाळे, प्राचार्य राजेंद्र बिरामणे यांनी यावेळी मनोगत व्यक्त केले. कार्यक्रम यशस्वी होण्यासाठी प्रा. बाळासाहेब चावरे, उज्ज्वला नराळे, चंद्रकांत घोंगडे, सुनील कांबळे सेवक, विद्यार्थी मोठ्या संख्येने उपस्थित होते.

कोरेगाव : पालकमंत्रीपदाच्या कार्यकाळात सातारा येथील मेडिकल कॉलेजच्या मंजुरीबाबतचा प्रस्ताव तत्कालीन मुख्यमंत्री, उपमुख्यमंत्रीसोबत झालेल्या मंत्रीमंडळाच्या बैठकीत मांडला होता. याचा सार्थ अभिमान आहे. या पार्श्वभूमीवर आता आरोग्य विभागाकडून जिल्हा सर्वसाधारण रुग्णालयाचे हस्तांतर वैद्यकीय शिक्षण विभागाकडे करण्याचा निर्णय शासनाने घेतल्याने मेडिकल कॉलेजची प्रक्रिया सुरू झाली आहे. त्यामुळे जिल्ह्यातील अत्यंत महत्त्वाच्या या प्रकल्पासंदर्भात पालकमंत्री असताना घेतलेल्या प्रथम ठरावास मान्यता मिळाल्याचे समाधान वाटते, अशी माहिती आमदार शशिकांत शिंदे यांनी दिली आहे. पत्रकात शिंदे यांनी म्हटले आहे की, तत्कालीन जिल्हाधिकारी रामास्वामी यांच्या कार्यकाळात माझ्याकडे पालकमंत्रीपद होते. त्यावेळी जिल्हा पर्यटन क्षेत्रात पुढे जावा, या उद्देशाने महाबळेश्वरपासून पाटणपर्यंतच्या पर्यटन विकास आराखड्यास मंजुरी मिळावी, असा ठराव मंत्रीमंडळाच्या बैठकीत मांडला होता. त्याचबरोबर सातार्‍यातील मेडिकल कॉलेजला मंजुरी मिळावी, असाही प्रस्ताव कॅबिनेटमध्ये मांडला होता. त्याचबरोबर सातार्‍यातील मेडिकल कॉलेजला मंजुरी मिळावी, असाही प्रस्ताव कॅबिनेमध्ये मांडला. त्यानंतर पाटबंधारे विभागाचा मंत्री असताना सातारा शहरालगतीची कृष्णा खोरे विकास महामंडळाची जागा मेडिकल कॉलेजसाठी देण्याचा पहिला ठराव करून घेतला. परंतु जमिनीचा शासकीय दर व बाजारभावातील तफावतीमुळे या प्रस्तावाला सहा महिने प्रयत्न करूनही यश आले नाही. नंदूरबार, बारामती या ठिकाणी मेडिकल कॉलेज होत असताना ते सातारा येथेही व्हावे, यासाठी हक्काने मागणी केली होती. त्यानुसार त्याचवेळी मंजुरी मिळाली असती तर कृष्णा खोरेच्या जोगवर शहरलागत मेडीकल कॉलेजची इमारत उभी राहिली असती आणि ती सातारकरांना एक अनोखी भेट ठरली असती परतु त्यावेळी ते होऊ शकले नाही, याचे वाईट वाटते. त्याचबरोबर महिलाचे रुग्णालय ट्रामा सेंटर मंजूर करून घेतले. मुख्यमंत्री, पालकमंत्री, सर्व खासदार, आमदारांनी त्यासाठी पाठराखण केली. उशिरा का होईना मंत्रीमंडळाने जिलाहायातील मेडिकल कॉलेजसाठी जिल्हा रुग्णालय आरोगाय विभागाकडून वैद्यकीय शिक्षण विभागाकडे हस्तांतर केले आहे. त्यासाठी मुख्यमंत्री, पालकमंत्री, जिल्ह्यातील सर्व खासदार, आमदारांनी, सहकार्य केल्याबद्दल अभिनंदन करतो.

सातारा : सातारा जिल्ह्याचा नावलौकिक कायम ठेवण्यासाठी सर्वांनी कार्यक्षमपणे ग्रामपंचायत विकास आराखडा तयार करण्यामध्ये सहभाग घ्यावा, असे आवाहन जिल्हा परिषदेचे नवे मुख्य कार्यकारी अधिकारी संजय भागवत यांनी केले. सातारा जिल्हा परिषद ग्रामपंचायत विभागाच्या वतीने पोवईनाका सातारा येथील आयडीबीआय बँक ग्रामीण स्वयंरोजगार प्रशिक्षण संस्थेत राष्ट्रीय ग्रामस्वराज अभियानांतर्गत ग्रामपंचायत विकास आराखड्यासंबंधी आयोजित केलेल्या एकात्मिक बाल विकास सेवा योजनेच्या पर्यवेक्षिकांच्या प्रशिक्षण शिबिरात ते बोलत होते. यावेळी अतिरिक्त मुख्य कार्यकारी अधिकारी संतोष धोत्रे, ग्रामपंचायत विभागाचे उपमुख्य कार्यकारी अधिकारी अविनाश फडतरे व अन्य अधिकारी उपस्थित होते. संजय भागवत म्हणाले, ग्रामपंचायत विकास आराखडा तयार करण्याच्या प्रक्रियेमध्ये गालातील महिला, युवक, युवती आर्थिक व सामाजिक कमकुवत घटकांना सहभागी करून घेण्यात यावे. तसेच गावचे आराखडे चांगल्या पध्दतीने कसे तयार होतील यादृष्टीने सर्वांचे योगदान महत्त्वाचे आहे. अविनाश फडतरे माहणाले, राष्ट्रीय ग्राम स्वराज्य अभियानाअंतर्गत ग्रामपंचायत विकास आराखडा सन 2020 ते 2024 ते 25 या कालावधीचा पंचवार्षिक आराखडा आणि सन 2020 ते 21 या वर्षाचा वार्षिक ग्रामपंचायत विकास आराखडा प्रभावीरित्या तयार करण्यासाठी सर्व अंगणवाडी पर्यवेक्षिकांना तीन दिवसाचे प्रशिक्षण देण्यात येत आहे. दरम्यान शुक्रवारी सकाळी स्थायी समितीच्या हॉलमध्ये सरपंच परिषदेच्या पदाधिकार्‍यांनी सीईओ संजय भागवत यांची भेट घेतली. यावेळी सरपंचावर गावपातळीवर येणार्‍या अडीअडचणीवर भागवत यांनी चर्चा केली. यावेळी परिषदेच्यावतीने भागवत यांचे पुष्पगुच्छ देवून स्वागत केले. यावेळी अतिरिक्ति मुख्य कार्यकारी अधिकारी संतोष धोत्रे, ग्रामपंचायत विभागाचे उपमुख्य कार्यकारी अधिकारी अविनाश फडतरे उपस्थित होते.

कास : कास पठार कार्यकारी समितीने सामाजिक कार्याची परंपरा जपत पश्चिम महाराष्ट्रात मुसळधार पावसामुळे पूरपरिस्थिती बाधित झालेल्या पूरग्रस्तांच्या मदतीसाठी मुख्यमंत्री साह्यात निधीत एक लाख रुपयाचा धनादेश आज जिल्हाधिकारी श्वेता सिंघल यांच्याकडे जमा केला. कास पठाराच्या संवर्धन व नियमनासाठी कास पठार कार्यकारी समितीची स्थापना झाली. पर्यटकांचे व्यवस्थापन पाहतानाच पर्यटकांकडून काही शुल्क घेतले जाते. त्या शुल्कातून विविध समाजोपयोगी कामे केली जातात. पुराची भीषणात व पूरग्रस्तांच्या मदतीसाठी समितीने मुख्यमंत्री साहाय्यता निधीसाठी एक लाखाची रक्कम देण्याचा निर्णय घेऊन ती प्रत्यक्षात अमलात आणला. उपवनसंरक्षक भारतसिंह हाडा यांच्या मार्गदर्शनाखाली सहायक वनसंरक्षक भडाळे, वनक्षेत्रपाल रंजनसिंह परदेशी, अध्यक्ष सोमनाथ जाधव, सदस्य मारुती चिकणे, विठ्ठल कदम, बजरंग कदम, ज्ञानेश्वर आखाडे आदींच्या उपस्थितीत जिल्हाधिकार्‍यांकडे धनादेश प्रदान केला.

मेढा : नुकसान झालेेल्या सर्व घरांचे योग्य पध्दतीने पंचनामे करून त्यांना लवकरात लवकर भरपाई देऊन संपूर्ण डोंगर माथ्यावरील घरांचे पुनर्वसन करणार आहे, असे प्रतिपादन जिल्हा परिषद अध्यक्ष संजीवराजे नाईक निंबाळकर यांनी केले. जावळी तालुक्यातील तीर्थक्षेत्र मेरुलिंग, नफरदेव व धनगरपेढा येथील जमीन खचल्याने अनेक घरांचे नुकसान झाले आहे. ग्रामस्थांना घर सोडून नातेवाईक, प्राथमिक शाळा आदी ठिकाणी आसरा घ्यावा लागला आहे. त्या परिस्थितीचा आढावा घेण्यासाठी ते येथे आले होते. त्या वेळी ते बोलत होते. या वेळी जिल्हा परिषद उपाध्यक्ष वसंतराव मानकुमरे, जावळी पंचायत समितीच्या सभापती जयश्री गिरी, माजी सभापती सुहास गिरी, गटविकास अधिकारी संताजी पाटील, रमेश चव्हाण, विष्णू करंजकर, सरपंच शीतला साखरे, उपसरपंच वसंत साबळे यांच्यासह मेरुलिंग, धनगरपेढा येथील ग्रामस्थ उपस्थित होते. संजीवराजे म्हणाले, ?पावसाने जनतेचे हाल झाले आहेत. त्यासाठी जिल्हा परिषद जावळीकरांच्या पाठीशी असून, सर्वांनीच आपल्या नुकसानग्रस्त घरांचे, जमिनीचे पंचनामे करण्यास येणार्‍या ग्रामसेवक, तलाठ्यांना सर्वोतपरी माहिती द्यावी. त्याप्रमाणे आपणास नुकसान भरपाई देता येईल. सोबतच जिल्हा परिषदेच्या माध्यमातून प्रामुख्याने नळ पाणीपुरवठा, सरंक्षक भिंती, प्राथमिक शाळा, रस्ते व पुलांची दुरुस्ती या प्राथमिक गरजांची दुरुस्ती नव्याने बांधी करणार आहे. मेरुलिंगकरिता जादा विकास निधी देऊन घरांची दुरुस्ती केली जाईल, तसेच डोंगर माथ्यावरील घरांचे पुनर्वसन करण्यासाठी जिल्हा परिषदेच्या माध्यमातून पाठपुरावा केला जाईल, असेही त्यांनी सांगितले. उपाध्यक्ष मानकुमरे यांनी ग्रामस्थांशी चर्चा करून बाधित झालेल्या घरांची, जिल्हा परिषद शाळा, तसेच दोन किलोमीटरपर्यंत जमिनीला पडलेल्या भेगांची अंतर्गत रस्त्यांची देखील पाहणी केली. या वेळी सुहास गिरी यांनी सर्व परिस्थितीची माहिती दिली.

कोेरेगाव : नगरपंचायतीच्या स्वीकृत नगरसेवकपदी राष्ट्रवादीचे सचिन बाळासाहेब बर्गे यांची आज बिनविरोध निवड झाली. राष्ट्रवादीचे स्वीकृत नगरसेवक राजेंद्र यशवंत बर्गे यांंनी पदाचा राजीनामा दिल्याने रिक्त जागेच्या निवडीसाठी जिल्हाधिकार्‍यांनी निवडणूक कार्यक्रम जाहीर केला होता. त्यानुसार, आज पीठासीन अधिकारी तथा प्रांताधिकारी कीर्ती नलावडे यांच्याकडे विहित वेळेत राष्ट्रवादीतर्फे सचिन बर्गे यांचा अर्ज दाखल झाला. या जागेसाठी मुदतीत एकमेव अर्ज दाखल झाल्याने त्यांची स्वीकृत नगरसेवकापदी बिनविरोध निवड झाल्याची घोषणा प्रांताधिकारी नलावडे यांनी केली. यावेळी नगराध्यक्षा रेश्मा कोकरे,उपाध्यक्षा संगीत बर्गे, नगरसेवक संजय पिसाळ, जयवंत पवार, नागेश कांबळे, मंदा बर्गे, सुलोचना फडतरे, रेश्मा जाधव, शोभा येवले, महेश बर्गे, नितीन ओसवाल, साक्षी बर्गे, मुख्याधिकारी अशोक कुंभार उपस्थित होते. बर्गे हे माजी मंत्री, आमदार शशिकांत शिंदे यांचे समर्थक आहेत. विविध संघटना, संस्थाशीही ते निगडीत आहेत. सध्या ते सोनेरी गु्रपचे उपाध्यक्ष म्हणून कार्यरत आहेत. त्यांच्या निवडीनंतर राष्ट्रवादीच्या कार्यकर्त्यांनी जल्लोष केला.

कराड : महापुरामुळे कराड तालुक्यात नदीकाठच्या गावांचे मोठे नुकसान झाले आहे. घरांची पडझड झालीच पण महापुराच्या विळख्यातूनही शाळाही सुटल्या नाहीत. तालुक्यातील जिल्हा परिषदेच्या 60 शाळांची पडझड झाली आहे. खासगी अनुदानित माध्यमिक शामा 17, नगरपालिकेच्या 3 अशा 80 शाळांचे पुरामुळे प्रचंड नुकसान झाल्याचे समोर आले आहे. कराड परिसरात पूर परिस्थिती गंभीर झाली होती. या काळात शहर व तालुक्यातील 1052 कुटुंबातील 4633 लोकांना सुरक्षितस्थळी हलविण्यात आले होते. सध्या पडझडीचे सत्र सुरूच आहे. जिल्हा परिषद शाळा, नगरपालिका व खासगी अनुदानित माध्यमिक अशा 80 शाळांना पुराचा तडाखा बसला आहे. अनेक शाळांच्या भिंती ढासळल्या आहेत. काही शाळा धोकादायक स्थितीत गेल्या आहेत. कराड शहरातील नगरपालिका शाळा नं. 2,4 व 5 या शाळांच्या भिंती कोसळल्या आहेत. तर जिल्हा परिषदेच्या कापील पाचवड मळा, शामगाव, चिखली, महारुगडेवाडी, उंडाळे, चिखली, उंडाळे, ओंडोशी, टाळगाव अकाईवाडी यासह 60 शाळांचे नुकसान झाल्याचे समोर आले आहे. कराड पंचायत समितीचे गटविकास अधिकारी डॉ. आबासाहेब पवार, गटशिक्षण अधिकारी शबनम मुजावर, विस्तार अधिकारी चंद्रकांत निकम, केंद्रप्रमुख विलासराव पाटील यांनी नुकसान झालेल्या शाळांची पाहणी केली. धोकादायक स्थितीत असणार्‍या शाळांतील मुलांची पर्यायी बैठक व्यवस्था करण्यात आली आहे. ज्या ज्या शाळांचे नुकसान झाले आहे त्याचे पंचनामे तातडीने करण्याच्या सूचना देण्यात आल्या आहेत. याबाबतचा अहवाल पुढील कार्यवाहीसाठी वरिष्ठ स्तरावर पाठविण्यात येणार असून नवीन वर्ग खोल्यांची मागणी करण्यात येणार असल्याचे शिक्षण विभागातून सांगण्यात आले.

चाफळ : पाटण तालुक्यातील डोंगरी चाफळ विभागाला तसेच नदीकाठच्या गावांना पुराच्या पाण्याचा प्रथमच मोठ्या प्रमाणात तडाखा बसला आहे.अशा भयावह परिस्थितीत नुकसानग्रस्त कुटुंबियांनी स्वतःला एकटे समजू नये, घाबरू नका. नुकसान झालेल्या पुलांचे तातडीने पंचनामे करण्याचे काम सुरू आहे. पंचनामे पूर्ण होताच जिल्हा परिषदेच्या माध्यमातून शासनस्तरावर मदत मिळवून देण्यासाठी प्रामाणिक प्रयत्न करू, अशी ग्वाही जिल्हा परिषदेचे अध्यक्ष संजीवराजे नाईक-निंबाळकर यांनी दिली. पाटण तालुक्याच्या चाफळ विभागात अतिवृष्टीमुळे नुकसान झालेल्या विरेवाडी, भेरेवाडी, वाटेवाडी, मसुगडेवाडी येथील फरशीपूल तसेच इतर गावातील पडझड झालेल्या घरांची नुकतीच जिल्हा परिषदेचे अध्यक्ष संजीवराजे नाईक निंबाळकर यांनी पाहणी केली. याप्रसंगी ते बोलत होते. यावेळी शिक्षण सभापती राजेश पवार, उपसभापती राजाभाऊ शेलार, माजी गटविकास अधिकारी शिवाजीराव पाटील, माजी उपसभापती दादासाहेब यादव, विनोद साळुंखे, प्रकाश पवार यांच्यासह ग्रामस्थ उपस्थित होते. चाफळ विभागातील विरेवाडी, भैरेवाडी, बाटेवाडी येथील तर हजारो एकर जमिनी खचल्या आहेत. येथील कुटुंबियांच्या राहत्या घरामध्ये पाण्याचे उफाळे सुटून नुकसान झाले आहे. तर मसुगडेवाडीतील फरशीपूलासह इतर गावातील घरांची पडझड झाली आहे. याची नुकसान भरपाई द्यावी, अशी मागणी ग्रामस्थांतून करण्यात आली.

कोरेगाव : येथील प्रथितयश हॉटेल दरबारमध्ये श्रावण महिन्याचे औचित्य साधून दि. 25 ऑगस्टपर्यंत आयोजित करण्यात आलेल्या श्रावण धम्माल उत्सवास खवय्यांचा उत्स्फूर्त प्रतिसाद मिळत आहे. कोरेगावचे प्रथम नगराध्यक्ष तथा दरबार समुहाचे प्रमुख राजाभाऊ बर्गे यांच्या नियोजनाखाली दरबार हॉटेलने सातारा जिल्ह्यात नावलौकिक मिळवला आहे. दरवर्षी येथे विविध फेस्टिव्हलचे आयोजन करून खवय्यांना अपेक्षित अशा डिशेस उपलब्ध करून दिल्या आहेत. श्रावण धम्माल उत्सवामध्ये शुध्द सात्विक अन्नपदार्थासह भरपूर धमाल व मनोरंजन उपलब्ध करून देण्यात आले आहे. या उत्सवामध्ये व्हेज सिझलर, व्हेज बुलेट मसाला, व्हेज दिवाणी हंडी, व्हेज अंगारा, भेंडी नजाकत, मशरूम धमाल, व्हेज सब्जी लाजवाब, पनीर हिमालया, व्हेज हिमालया, पनीर दिलखुश, लसूण मेथी, बेंगन भरता, मलई कोफ्ता, दाल मोगलाई, यासह खासियत म्हणून भरलेले वांगे, पिठलं, ठेचा, दही, मटकी उसळ, दाल मेथी व खमंग म्हाद्या अशा तब्बल 20 ते 22 स्पेशल व्हेज डिशेसची रेलचेल आहे. त्याचबरोबर स्पेशल तुपातील पराठा, पनीर पराठा, ज्वारी, तांदूळ, बाजरीची भाकरी, तंदुर रोटी व नानही उपलब्ध असून, घरपोहोच पार्सलची सुविधा देखील सुरू आहे. कोरेगाव तालुक्यातील एकमेव सुसज्ज असलेल्या हॉटेल दरबारमध्ये फॅमिलीसाठी स्वतंत्र व्यवस्था, स्पेशल पार्टी लॉन व हॉल, भरपूर पार्किंग व्यवस्था व शुध्द पिण्याचे पाणी उपलब्ध करून देण्यात आले आहे. खवय्यांनी या उत्सवात सहभागी व्हावे, असे आवाहन बर्गे यांनी केले आहे.

दहिवडी : ७३ वा स्वतंत्र्यदिन शिक्षक बँक शाखा दहिवडी येथे मोठ्या उत्साहात साजरा करण्यात आला. यावेळी शिक्षक बँकेचे व्हा. चेअरमन महेंद्र अवघडे,शिक्षक संघाचे जेष्ट नेते नारायण गंबरे (बापू) , माजी केंद्रप्रमुख सुरेश गुंडगे साहेब,सोपान बोराटे,लव काळे, महादेव कमा अवघडे, शामराव शिंदे गुरुजी,यादवराव शिलवंत गुरुजी,पोलीस गुप्तवार्ता विभागाचे श्री. संदीप खाडे साहेब तसेच अनेक मान्यवर उपस्थित होते. ध्वजारोहण माजी सैनिक व आजी सैनिक यांच्या हस्ते करण्यात आले.

सातारा : जिल्ह्यात झालेल्या अतिवृष्टीचा फटका तब्बल 122 नळ पाणीपुरवठा योजनांना बसला आहे. अनेक विहिरींचे बांधकाम पडले आहेत, तर नलिका नादुरुस्त झाल्या आहेत. विहिरीत गाळ असल्याने या पाणीपुरवठा योजनांची अडचण होऊन बसली आहे. त्यांच्या दुरुस्तीसाठी तब्बल तीन कोटी 37 लाखांची आवश्यकता असल्याचा प्रस्ताव ग्रामीण पाणीपुरवठा विभागाने तयार केला आहे. जुलैअखेर ते ऑगस्टचे पहिल्या दोन आठवड्यांत बहुतांश जिल्ह्याध्या भागात अतिवृष्टी झाली. त्यामुळे कर्‍हाड, पाटणसह, सातारा, जावळी, महाबळेश्वर, वाई तालुक्यात काही भागांत अतिवृष्टी झाली. महापुराच्या पाण्यांचा फटका ग्रामीण पाणीपुरवठा योजनांना झाला आहे. महाबळेश्वर तालुक्यात अनेक गावांतील विहिरीचे बांधकाम पडले आहेत. याशिवाय दाब नलिका नादुरुस्त होणे, गुरुत्व नलिकांत बिघाड होणे, पाइपलाइन तुटणे, वीज पंप्गृहांचे नुकसान होणे, विहिरीवर दरड पडपे, पाणीपुरवठा विहिरीत गाळ साठणे, विद्युत मोटर बाहेर जाणे, पॅनेल बोर्ड पाण्यात जाऊन खराब होणे, विद्युत मोटार बंद होणे, इलटेक चेंबर गाळाचे भरणे, ग्रॅहिव्हटी पाइपलाइन तुटणे, पंप जळणे, वितरण नलिकांत बिघाड होणे, जॅकवेलची पडझड होणे आदी समस्या उद्भवल्या आहेत. त्यांची दुरुस्ती तातडीने करणे आवश्यक आहे. तोपर्यंत उपाययोजना म्हणून कराड तालुक्यातील 22 गावांना दहा टँकरने, तर खंडाळ्यातील एका गावाला एका टँकरद्वारे पाणीपुरवठा केला जात आहे. त्यासाठी सात लाख 39 हजारांचा खर्च अपेक्षित आहे. महापूर, अतिवृष्टी, भूस्खलन या आपत्तीमुळे पाणीपुरवठा योजनांची मोठ्या प्रमाणात हानी झाली आहे.

महाबळेश्वर : महाबळेश्वर तालुक्यात मुसळधार पावसाने शेती, तसेच इतर मालमत्तेने नुकसान झाले आहे. तालुक्यात ओला दुष्काळ जाहीर करावा, अशी मागणी तालुक्यातर्फे आमदार मकरंद पाटील यांनी आज जिल्हाधिकार्‍यांकडे लेखी निवेदन देऊन केली. महाबळेश्वर तालुक्यात ता. एक ऑगस्टपासून सुरू असलेली अतिवृष्टी अद्यापही थांबली नाही. या पावसात सार्वजनिक मालमत्ता, गावातील घरे, पाणीपुरवठा विहिरी, शेती पिके, पॉली हाऊस, गाव पोच रस्ते, पाणीपुरवठा ग्रेव्हिटी योजना, रस्ता पूल, जमिनी खचणे, मनुष्यहानी व पशुधनाची हानी अशा मालमत्तांचे प्रचंड नुकसान झाले आहे. गेल्या वर्षी संपूर्ण वर्षामध्ये 246 इंच(6150 मिलिमीटर) इतका पाऊस झाला आहे. अद्याप दीड महिना पाऊसमान शिल्लक आहे. त्यामुळे कमी कालावधीत झालेल्या पावसाने हानी झाली आहे. त्यामुळे महाबळेश्वर तालुक्यासाठी ओला दुष्काळ जाहीर करावा, अशी मागणी तालुक्यातर्फे आमदार मकरंद पाटील यांनी जिल्हाधिकार्‍यांकडे लेखी निवेदन देऊन केली आहे. या वेळी ज्येष्ठ नेते बाळासाहेब भिलारे, जिल्हा बँकेचे संचालक राजेंद्र राजपुरे, प्रवीण भिलारे व ग्रामस्थ उपस्थित होते.

फलटण : पूरग्रस्तांच्या मदतीसाठी फलटण कृषी उत्पन्न बाजार समितीच्या आवारातील आडते व खरेदीदार, श्रीमंत शिवाजीराजे फळे व भाजीपाला मार्केटमधील विक्रेते, भुसार असोसिएशन, संचालक मंडळ, हमाल, मापाडी, गाळेधारक व इतर घटकांसह कृषी उत्पन्न बाजार समितीचे अधिकारी, कर्मचार्‍यांना जमा केलेले धान्य, पाणी,साखर,रवा, बेसन, बिस्कीटपुडे, चटण्या,तेल, भाजीपाला कोल्हापूरकडे रवाना केला. कृषी उत्पन्न बाजार समितीचे सभापती रघुनाथराजे नाईक-निंबाळकर, उपसभापती भगवानराव होळकर, सहायक निबंधक सुनील धायगुडे, अरविंद मेहता, बाजार समितीचे सचिव शंकरराव सोनावलकर, संचालक मोहनराव निंबाळकर, संजय कदम, परशुराम फरांदे, प्रकाश भोंगळे, बाळकृष्ण रणवरे, समर जाधव, बापू करे, भाजीपाला मार्केटचे बाळासाहेब ननावरे, मंजूर बागवान यांच्यासह शेतकरी, व्यापारी, आडते, खरेदीदार यांच्या उपस्थितीत मदतीची वाहने कोल्हापूर येथील आमदार अमल महाडिक व कोल्हापूर जिल्हा परिषद अध्यक्षा शौमिका महाडिक यांच्याकडील मदत कक्षाकडे रवाना करण्यात आला. या वाहनांमध्ये तीन टन तांदूळ, 100 बॉक्स बिसलरी पाणी, 250 किलो फरसाण, 100 किलो साखर, 300 किलो रवा, 100 किलो बेसन, 10 किलो बारीक मीठ, 200 किलो तूरडाळ, 100 पारले बिस्कीट बॉक्स, 300 किलो गव्हाचे पीठ, दहा किलो चटणी, 25 डबे तेल, 20 बॉक्स डाळींब, 20 पोती बटाटा, पाच पोती कांदा, 50 किलो लसूण, एक पोते आले, दोन पोती ढब्बू मिरची, दोन पोती शेवगा, पाच पोती वांगी, पाच कॅरेट भोपळा, दहा पोती फ्लॉवर, चार पोती कोबी, 500 किलो भाजीपाल्याचा समावेश होता. याप्रसंगी प्रजन्य अहिवळे, संतोष सस्ते, संभाजी घोरपडे, सोमनाथ निकम, चंद्रकांत जगताप, युवराज गायकवाड, चेतन घडिया, रुपचंद दोशी, राजेंद्र सुर्यवंशी, राजेश शहा, राजकुमार मेहता, बुवासाहेब भोसले, राजेंद्र बरडे, रवींद्र चव्हाण, धनेश शहा, अजितकुमार दोशी, मनसुखलाल शहा, अरविंद वीर यांच्यासह विविध संस्थांचे पदाधिकारी, शेतकरी उपस्थित होते.

मेढा : अतिवृष्टीमुळे जावली तालुक्यात बागायती पिकांसह खरीप हंगामातील सर्व पिकांचे, शेतजमिनीचे, घरांचे मोठ्या प्रमाणात नुकसान झाले असून त्यांचे तात्काळ पंचनामे करून नुकसानग्रस्तांना तातडीने भरपाई देण्यात यावी, अतिवृष्टीमुळे पिके वाया गेल्याने जावली तालुक्यात ओला दुष्काळ जाहीर करावा, अशी सूचना सभापती जयश्री गिरी यांनी केल्यावर तसा ठराव मासिक सभेत घेण्यात आला. जावली पंचायत समितीची मासिक सभा सभापती जयश्री गिरी यांच्या अध्यक्षतेखाली संपन्न झाली. त्यावेळी हा निर्णय घेण्यात आला. कृषी विभागाच्या आढाव्यात अतिवृष्टीमुळे शेतीचे मोठे नुकसान झाली आहे. अंदाजे 900 हेक्टर क्षेत्राचे नुकसान झाले असून भातपिकांचेही नुकसान झाले आहे. त्याचेही पंचनामे करण्याचे काम सुरु आहे, अशी माहिती यावेळी देण्यात आली. शेतांच्या ताली वाहून गेल्या त्यावर काय उपाययोजना करणा? असा सवाल उपसभापती यांनी केल्यावर पंचनामे करून जास्तीत जास्त शेतकर्‍यांना त्याचा मोबदला मिळवून देणार असल्याचे कृषी अधिकारी रमेश देशमुख यांनी सांगितले. एसटी विभागाच्या आढाव्यात पाचवड ते म्हसवे, बोंडारवाडी बस कित्येक दिवस बंद आहे ती कधी चालू होणार? कुसूंबी भागाकडे एस टी वेळेवर का येत नाही? असा सवाल सदस्यांनी केल्यावर परिवहनचे अधिकारी निरूत्तर झाले. बसेस वेळेवर आल्या नाहीत तर डेपोला टाळे ठोकण्याचा इशारा सदस्यांनी दिला. शेतीपंप कनेक्शनका मिळत नाहीत? असा सवाल सदस्यांनी केला. अतिवृष्टीमुळे अनेक विभागातील विजेचे पोल पडले आहेत, त्याकडेही गांभार्याने लक्ष घाला, अशा सूचना सदस्यांनी केल्या. शिक्षण विभागाच्या आढाव्यात शिक्षणाधिकारी रमेश चव्हाण यांनी सांगितले की, तालुक्यात नरदेव शाळेचा स्लॅब कोसळला असून हातरेवाडी शाळेच्या इमारतीवर झाड कोसळल्याने शाळेची खोली जमिनदोस्त झाली आहे. 32 शाळांवरील पत्र गळती, भिंती खचणे अशा स्वरूपात नुकसान झाले असून या शाळांचे पंचनामे करण्यास सांगितले आहे.

खंडाळा : कोल्हापूर व सांगलीच्या पूरग्रस्तांसाठी खंडाळा तालुका धावून गेला आहे. सन्मित्र पतसंस्थेने पिण्याचे पाणङ दिले आहे. याचाच आदर्श घेत विविध सामाजिक, सहकारी संस्था, दानशूर व्यक्तीने पुढे यावे, असे प्रतिपादन खंडाळ्याचे तहसिलदार दशरथ काळे यांनी केले. खंडाळा सन्मित्रको ऑप क्रेडिट सोसायटीच्या वतीने पूरग्रस्तासाठी दहा हजार लिटर पाणी व बिस्कीटांची मदत पाठवण्यात आली. यावेळी काळे बोलत होते. खंडाळा तालुक्यातून आतापर्यंत कपडे, ब्लँकेट, खाद्यपदार्थ, धान्य, पाणी, औषधे स्वच्छतेचे साहित्य, दैनंदिन वापराच्या वसातूंचे 28 ट्रक भरून मदत पाठवण्यात आली. यामध्ये तालुक्यातील विविध गावामधून ग्रामस्थ, पारगाव प्राथमिक शाळा व राजेंद्र विद्यालयातील विद्यार्थ्यांकडून मदतफेरी काढून मदत गोळा करण्यात आली. पोलीस पाटील संघटनेने पाणी बॉक्स, मोबाईल दुकानदारासाठी दैनंदिन वापराचे साहित्य, शिरवळच्या रोटरी क्लब, गणेश मंडळे, महिला बचत गट यांनीही या पूरग्रस्तांना मदत केली. याचबरोबर शिरवळ, केसुर्डी, धनगरवाडी, पारगांव येथील युवकांनी महामार्गावर थांबलेल्या ट्रकचालकांना नाष्टा, जेवण व आरोग्य सुविधा पूरवल्या. तालुक्यातून मोठ्या प्रमाणात मदत गोळा होत असून माणूसकीच्या भावनेतून मदतीचा महापूर पूरग्रस्तांकडे जात असल्याचे काळे यांनी सांगितले. यावेळी सपोनि हणमंत गायकवाड, सभापती मकरंद मोटे, सदस्य अश्विनी पवार, सन्मित्र पतसंस्थेचे अध्यक्ष नारायणराव पाटील, उपाध्यक्ष सुनिल ढमाळ यांच्यासह मान्यवर उपस्थित होते.

सातारा : स्वातंत्र्य प्राप्तीसाठी ज्यांनी ज्यांनी स्वतःच्या संसारावर तुळशीपत्र ठेवून कष्ट उपसले, ज्यांनी ज्यांनी हौतात्म्य पत्करले त्यांचे स्मरण ठेवून त्यांचे आचार, विचार आजच्या पिढीपुढे ठेवणे काळाची गरज आहे, असे प्रतिपादन सेवानिवृत्त मुख्याध्यापक संपतराव जगदाळे यांनी केले. कोरेगाव रोटरी क्लब व इनरव्हील क्लबच्या वतीने नऊ ऑगस्ट हुतात्मा क्रांती दिनानिमित्त कोरेगाव येथील हुतात्मा स्मारकात हुतात्मा स्मृतिस्तंभास अभिवादन केले. त्यानंतर आयोजित कार्यक्रमात जगदाळे बोलत होते. यावेळी रोटरी क्लबचे अध्यक्ष दिलीप वेलियावेट्टील, सचिव निलेश भंडारे, इनरव्हील क्लबच्या अध्यक्षा प्रतिभा बर्गे,सचिव रोहिणी बर्गे, रोटरी व इनरव्हीलचे आजी-माजी पदाधिकारी, सदस्य उपस्थित होते. महात्मा गांधी, क्रांतीसिंह नाना पाटील आदी मान्यवरांसह असंख्य स्वातंत्र्यसैनिकांनी आपापल्या भागामध्ये स्वातंत्र्य चळवळ उभी करून भारताला स्वातंत्र्य मिळवून देण्यासाठी सर्व अंगाने प्रयत्न केले. त्यांचे केवळ स्मरण ठेवून चालणार नाही तर त्यांचे आचार विचार आजच्या पिढीपर्यंत पोचवण्याची आवश्यकता आहे. त्यातून आजच्या पिढीत देशभावना रूजेल. त्यांनी आपल्या कुमठे गावात 19 स्वातंत्र्यसैनिक असल्याचे उल्लेखही अभिमानाने करत त्यांच्या स्मृतीप्रित्यर्थ सुरू केलेल्या उपक्रमांची माहिती दिली. दिलीप वेलियावेट्टील, बाळासाहेब बर्गे यांनी नऊ ऑगस्ट हुतात्मा क्रांती दिनाचे महत्त्व आपल्या भाषणात विशद केले. यावेळी डॉ. महादेव मोरे, निलेश निकम, परीन बहुआ, विघ्नेश शानभाग, राहुल बर्गे, सुधा मोरे, नलिनी बर्गे, मनिषा आडके आदी उपस्थित होते.

सातारा : प्रत्येक गावोगावी विचार केला तर नाभिक समाज हा संख्येने नगण्य आहे. पण मनात आणले तर हा समाज फार मोठा इतिहास निर्माण करू शकतो. प्रत्येक घरातला एक माणूस कधी ना कधीतरी तुमच्या सहवासात येऊन जात असतो. त्यामुळे जनसंपर्काच्या बाबतीत सर्वात आघाडीवर असणारा असा नाभिक समाज आहे. येथील नाभिक समाजाच्या मागणीनुसार येथील श्री संत सेना महाराज समाज मंदिराच्या व श्री नागोबा मंदिराच्या सुशोभिकरणासाठी तीन लाख रुपये देण्यात येतील, असे आश्वासन जि.प.सदस्य व जिल्हा नियोजन मंडळाचे सदस्य सुरेंद्र गुदगे यांनी दिले. मायणी, ता. खटाव येथील सेना महाराज नाभिक संघटनेच्यावतीने नागपंचमी निमित्त आयोजित समारंभात ते बोलत होते. यावेळी माजी उपसरपंच दादासो कचरे, ग्रा.प.सदस्य रणजित माने, हेमंत जाधव, प्रसाद कुंभार आदी उपस्थित होते. ते पुढे म्हणाले, समाजातील अडी अडचणी सोडविण्यासाठीच राजकारण करावयाचे असते, हे ध्येय घेऊन मी आजपर्यंत राजकारण करीत आलो आहे. आपल्या समाजाच्या मनात ज्या काही विकास कल्पना असतील त्या पूर्ण करण्याचा प्रयत्न आपण केला आहे. नाभिक संघटनेचे राज्यउपाध्यक्ष अरूण सुरमुख यांनी मायणी येथील नाभिक समाज संघटीत करण्यास प्राधान्य देऊन ही संघटना एकसंघ ठेवण्याचा प्रयत्न केला. अरूण सुरमुख यांच्या अकाली निधनामुळे त्यांची संघटनेस निश्चितच उणीव भासणार आहे. त्यांच्या निधनानंतर संघटनेने ती जबाबदारी घेऊन यापुढील काळात संघटना एकसंघ ठेवण्याचा प्रयत्न करावा, असे आवाहन त्यांनी यावेळी केले. प्रास्ताविक चंद्रकांत लोखंडे यांनी केले. आभार संघटनेचे अध्यक्ष अमर लोखंडे यांनी केले.

वाई : पूरग्रस्त गावांत झालेले नुकसान अपरिमित आहे, पण माणुसकीची ताकद ही निसर्गाच्या कोपापेक्षाही मोठी आहे वाई पंचायत समितीच्या शिक्षण विभागाने दाखवून दिले आहे. शिक्षण विभागाने तालुक्यातील शिक्षकांकडून जीवनावश्यक आपतीग्रस्तांच्या दैनंदिन गरजांसाठी साहित्य गोळा करून पूरग्रस्त सांगली जिल्ह्यातील, वाळवा तालुक्यातील पाच गावांत ही मदत पोहोचविली. ब्लँकेट्स, सतरंच्या,चटई, गहू, तांदूळ, कपडे, सॅनिटरी नॅपकिन्स, स्लीपिंग किट्स, टॉवेल्स, साबण आदी साहित्य वितरण करून पूरग्रस्तांना दिलासा दिला. पंचायत समितीचा शिक्षण विभाग आणि वाई येथील ज्ञानदीप इंग्लिश मीडियम स्कूल यांनी संयुक्तरित्या सुमारे 80 हून अधिक पोती जीवनावश्यक वस्तू पूरग्रस्तांना पोहचवून या संकटकालीन परिस्थितीत सावरण्यासाठी धीर दिला. वाळवा तालुक्यातील धोत्रेवाडी, तांबवे, बहे, शिरटे व काळे-ढेले मळा आदी पाच गावांतील आपतीग्रस्त कुटुंबांना प्रत्यक्ष भेटून त्यांच्यापर्यंत मदत पोहोचवून त्यांना दिलासा दिला. साहित्य वितरण करण्यास वाई पंचायत समितीचे गट शिक्षणाधिकारी कमलकांत म्हेत्रे, सातारा जिल्हा परिषदेचे उपशिक्षणाधिकारी (प्राथमिक) धनंजय चोपडे, केंद्रप्रमुख विठ्ठल माने, भास्कर पोतदार, विजय येवले, रवींद्र लटिंगे, राहुल हावरे, संजय शर्मा, प्रशांत पवार, सहदेव कणसे, अक्षय रुईभरे, सहभागी झाले. गावातील प्रत्यक्ष पूरपरिस्थिती बाधित कुटुंबे, तात्पुरता निवारा आणि नेमक्या आवश्यक तेथे मदत पोहचण्यासाठी वाळवा पंचायत समितीचे गट शिक्षणाधिकारी प्रदीपकुमार कुडाळकर, कुमार बल्लाळ, सचिन पाटील, सचिन कदम यांनी मौलिक साहाय्य केले.

सातारा : गेल्या 10 वर्षांत सातारा-जावली मतदारसंघात मी विकासकामे करून माणसे जोडली आहेत. त्यामुळे येथील लोकांचे जनमत हे माझ्या बरोबर आहे. माझ्या मतदारसंघाचे प्रश्न सोडवण्यासाठी व तेथील विकासकामे करण्यासाठी मी सोडवण्यासाठी व तेथील विकासकामे करण्यासाठी मी प्रवाहाच्या दिशेने जाण्याचा निर्णय घेतला आहे. सातारा-जावलीचा विकास हाच माझा ध्यास असल्याने येत्या विधानसभा निवडणुकीत मी सातारची जागा लढवणार अन् ती मी घेणारच, असा ठाम विश्वास शिवेंद्रसिंहराजे भोसले यांनी व्यक्त केला. नुने, ता. सातारा येथील युवक मेळाव्यात ते बोलत होते. यावेळी ज्येष्ठ नेते शिवराम घोरपडे, उपसभापती जितेंद्र सावंत, ज्ञानदेव रांजणे, नामदेवराव सावंत, युवानेते महेश गाडे, उद्योजक अरुण कापसे, अमित लावंघरे, विठ्ठलदादा शिंदे, रमेश चव्हाण आदी उपस्थित होते. शिवेंद्रराजे भोसले म्हणाले, माझ्या राजकीय वाटचालीत येथील कार्यकर्ते व लोकांचा सिंहाचा वाटा आहे. सध्याची स्थिती पाहता जनमत भाजपाबरोबर आहे. सत्तेशिवाय मतदार संघाचा विकास होत नाही. भाजपामुळे मतदारसंघाचा विकास करता येईल. शिवाय येथील मेडिकल कॉलेज, एमआयडीसीमधील रखडलेले प्रकल्प यासारखी विकास कामे करण्यासाठी सरकारचा पाठिंबा आवश्यक आहे. ही वस्तुस्थिती आहे. त्यामुळे मी भाजपात प्रवेश केला आहे. शिवाय माझ्या मतदारसंघातील युवकांची मोठी फळी माझ्या पाठीशी असल्याचा विश्वासही त्यांनी व्यक्त केला. ज्ञानदेव रांजणे म्हणाले, बाबाराजेंच्या मावळ्यांचा छत्रपती शासन हा उपक्रम स्तुत्य असून, त्यांच्या माध्यमातून अनेक माता-भगिनीचे व गोरगरीबांचे प्रश्न सोडवले जाणार असल्याचे त्यांनी सांगितले. दरम्यान, धावडशी येथील राजेंद्र पवार व ग्रामस्थांच्यावतीने पूरग्रस्तांना 10 हजार रुपयांचा धनादेश शिवेंद्रराजेंकडे सुपूर्द करण्यात आला. यावेळी श्याम धनावडे, संभाजी इंदलकर, बंडा कापसे, आबा निंबाळकर, किशोर चव्हाण, शुभम निंबाळकर, किरण पवार, विश्वजीत लाड, तुळशीराम मोरे, रणजीत सपकाळ, प्रवीण घोरपडे, लक्ष्मण बाबर, चंदनभाऊ जाधव, तसेच कोंडवे, शाहूपुरी, कामथी, माळ्याचीवाडी, कळंबे, किडगाव, कण्हेर, धावडशी आदी उपस्थित होते. सूत्रसंचालन बळवंत पाडळे यांनी केले. आभार चंद्रकांत वेंदे यांनी मानले.

पाटण : पाटण तालुक्यात यावर्षी झालेल्या अभूतपूर्व पावसामुळे मोठ्या प्रमाणावर सार्वत्रिक हानी झाली आहे, त्यामुळे शासनाने येथे कोणतेही निकष न लावता शेती, जनावरे, घरे आदींचे नुकसानीचे सरसकट पंचनामे करावेत आणि तातडीने नुकसान भरपाई, मदत व कर्जमाफी द्यावी. यासाठी येथे ओला दुष्काळ जाहीर करावा अशी मागणी करत येथे पालकमंत्र्यांचा दौर्‍यात केवळ राजकारण झाले पुरबाधीत गावांना, संबंधित लोकांना भेटण्याऐवजी केवळ शो करण्यार्‍या पालकमंत्र्यांचा तालुक्याच्या वतीने जाहीर निषेध करण्यात येत असल्याचे पंचायत समिती उपसभापती राजाभाऊ शेलार यांनी स्पष्ट केले.पंचायत समिती सभापती सौ. उज्ज्वला जाधव यांच्या अध्यक्षतेखाली मासिक सभा संपन्न झाली त्यावेळी ते बोलत होते. यावेळी बोलताना राजाभाऊ शेलार म्हणाले, यावर्षी येथे निसर्गाचा कोप झाला सुरूवतीला कोयना धरण भरेल का नाही अशा शंका होती. मात्र त्यानंतर काही दिवसांतच येथे झालेली महाकाय अतिवृष्टी आणि धरणातून सोडण्याशिवाय आलेले पाणी यामुळे येथे मोठ्या प्रमाणावर वैयक्तिक, खाजगी, सार्वजनिक निसर्गाचा कोपच जबाबदार असल्याने यासाठी शासनाने तातडीने येथे कोणत्याही शासकीय निकषांचा बागुलबुवा न करता सरसकट पंचनामे करून अधिकाधिक मदत येथे द्यावी. यासाठी या तालुक्याला वेगळा न्याय द्यावा. महापूर ओसरल्यानंतर अनेक दिवसांनी वेळ मिळाल्यावर पालकमंत्री तालुक्यात आले मात्र त्यांनी येथे येऊन जे खरोखरच बाधीत लोक त्यांची गावे, नुकसान झालेल्या मालमत्तांची पहाणी न करता केवळ रोड शो केला आणि या दौर्‍यात राजकीय विधाने करून पूरग्रस्तांच्या जखमांवर मिठ चोळण्याचे काम केल्याने त्यांचा आम्ही जाहीर निषेध करतो असे राजाभाऊ शेलार यांनी सांगितले. यापुर्वी अतिवृष्टी होणार्‍या गावात शाळांना पावसाळी सुट्टी होती मध्यंतरी ती उन्हाळी केली मात्र आता ती पुन्हा पावसाळीच करण्यात यावी. ज्या ज्या ठिकाणी सार्वजनिक मालमत्तांचे नुकसान झाले आहे त्या ठिकाणचे संबंधित विभागांनी तातडीने पंचनामे करून वरिष्ठ विभागांना पाठवावेत. किरकोळ दुरुस्ती कामे तातडीने करावीत. प्रामुख्याने रस्ते, वीज,पाणी, आरोग्य या प्रश्नांकडे गांभीर्याने लक्ष द्यावे. पशुसंवर्धन विभागाने या महापूरात दगावलेली व वाहून गेलेल्या जनावरांबाबत सहानुभूतीपूर्वक निर्णय घेवून संबधितांना न्याय द्यावा. नदीकाठच्या पाणी योजनांचे मोठ्या प्रमाणावर नुकसान झाले आहे याच्या पंचनाम्याबाबत शासनाची उदासीनता अडचणीची असून याबाबत तातडीने निर्णय घेऊन मदत करावी. अनेक विभाग आणि स्थानिक ग्रामसेवक यांच्यात समन्वय व एकवाक्यात नाही याचा स्थानिक विकासावर, गैरसोयींवर गंभीर परिणाम होतो त्यामुळे असे घडता कामा नये अशा सूचना राजाभाऊ शेलार यांनी केल्या. आपत्कालीन परिस्थितीत काही वैद्यकीय अधिकारी गैरहजर होते अशा अधिकार्‍यांची चौकशी होवून त्यांचेवर कारवाई करण्याची मागणी बबनराव कांबळे यांनी केली. स्वागत सभापती सौ. उज्ज्वला जाधव यांनी व आभार उपसभापती राजाभाऊ शेलार यांनी केले. यावेळी गटविकास अधिकारी मीना साळुंखे, पंचायत समिती सदस्य, विविध विभागांचे अधिकारी उपस्थित होते.

कोरेगाव : कोरेगाव तालुका शिक्षक समिती महिला आघाडीच्या वतीने कोरेगाव पंचायत समितीच्या गटविकास अधिकारी क्रांती बोराटे यांचे स्वागत करण्यात आले. तालुका शिक्षक समिती महिला आघाडी विविध उपक्रमांत सक्रिय असल्याबद्दल गटविकास अधिकारी बोराटे यांनी विशेष कौतुक केले. या वेळी सहायक गटविकास अधिकारी सय्यद, महिला आघाडीच्या तालुकाध्यक्ष मुस्कान आतार, मार्गदर्शिका संगीता नलवडे, उर्मिला शिर्के, सुजाता इंदलकर, सुजाता गडकरी, अनिता अडसूळ, सुनंदा अहिरेकर, अरुणा शिर्के, सारिका पाटील, वैशाली डोईफोडे, सारिका टंकसाळे, अश्विनी धुमाळ उपस्थित होत्या. गडकरी, अनिता अडसूळ, सुनंदा अहिरेकर, अरुणा शिर्के, सारिका पाटील, वैशाली डोईफोडे, सारिका टंकसाळे, अश्विनी धुमाळ उपस्थित होत्या.

उंब्रज : कराड उत्तर विधानसभा मतदारसंघातील आणि सातारा तालुक्यातील भैरवगड गावाची माळीनसारखी पुनरावृत्ती होऊ नये यासाठी भैरवगडचे पुनर्वसन करण्याच्या दृष्टीने तातडीने कार्यवाही करणार आहे. तसेच भैरवगडचे तात्पुरते पुनर्वसन करुन शिवसेनेच्या वतीने त्यांना तातडीने मदत करणार असल्याची ग्वाही कृष्णा खोरे महामंडळाचे उपाध्यक्ष ना. नितीन बानगुडे पाटील यांनी दिली. ना. बानुगडे पाटील आणि परिवहन मंत्री ना. दिवाकर रावते यांनी भैरवगड गावाला भेट देऊन पाहणी केली. त्यांनी ग्रामस्थांशी संवाद साधला. अतिवृष्टीने भैरवगड संपूर्ण खचले आहे. जवळपास सत्तर टक्के घरांना तडे जाण्याबरोबरच घरे कमकुवत झाली आहेत. त्यामुळे भैरवगडचे पुनर्वसन करणे हा एकमेव पर्याय आहे. पुनर्वसन करणे हा एकमेव पर्याय आहे. पुनर्वसन करण्याच्या अनुषंगाने तातडीने पावले उचलणार असल्याचे त्यांनी सांगितले. तसेच अतिवृष्टीमुळे मोठी दुर्घटना घडू शकते अशी परिस्थिती गावाची झाली असून, येथील नागरिक भीतीच्या छायेखाली आहेत. या गावातील नागरिकांचे तात्पुरते पुनर्वसन करणे आवश्यक आहे. त्या दृष्टीने हालचाली गतिमान केल्या आहेत. अतिवृष्टीने नुकसान झालेल्या नागरिकांना तातडीने धान्य, कपडे, यासह जीवनावश्यक साहित्य शिवसेनेच्यावतीने तातडीने पोहोच केले जाणार असल्याचे ना. बानुगडे पाटील यांनी सांगितले. दरम्यान ना. दिवाकर रावते यांनी ग्रामस्थांशी संवाद साधला. यावेळी त्यांनी मंत्रालय सचिव निंबाळकर यांच्याशी संपर्क करत भैरवगडची परिस्थिती लक्षात आणून दिली.

सातारा : राज्य शासनाने शिर्डी विमानतळ विस्तारीकरणाबरोबरच कोल्हापूर, नाशिक, औरंगाबाद विमानतळ विस्तारीकरण केले. माझा प्रश्न एवढाच आहे. कधीतरी आठवड्यातून विमान येणार आणि त्याला सुध्दा प्रतिसाद किती मिळेल याची शंका आहे. कोल्हापूरला प्रतिसाद मिळाला का?, नाशिकला मिळाला का?, औरंगाबादला मिळाला का?, ज्या ठिकाणी विमानतळ आहे त्या ठिकाणी सुध्दा विमानतळाला आणि विमानसेवेला प्रतिसाद मिळेत नसेल तर कराडसाठी आटापिटा का? हाच प्रश्न आंदोलनाच्या माध्यमातून आहे. राज्य सरकारने हा आदेश रद्द करावा, अशी मागणी आ. शशिकांत शिंदे यांनी केली. कराड विमानतळ विस्तारीकरण विरोधी कृती समिती आणि तारळी धरणग्रस्तांचे श्रमिक मुक्ती दलाच्या नेतृत्वाखाली जिल्हाधिकारी कार्यालयासमोर आंदोलन सुरु आहे त्या आंदोलनस्थळी आ. शिंदे यांनी दिली. यावेळी डॉ. प्रशांत पन्हाळी यांच्यासह आंदोलनकर्ते उपस्थित होते.

सातारा : सातारा जिल्ह्यातील भैरवगड ता. सातारा गावातील डोंगरभागाचे भूसखलन झाल्याने 110 कुटूंबांचे संसार उघड्यावर पडले आहेत. या लोकांची पिरवाडी गावांमध्ये तात्पुरती राहण्याची सोय केली असून सातारा जिल्हा बँकेने अतिवृष्टीमुळे बाधित कुटुंबांना ब्लँकेटचे वाटप करुन मदतीचा हात दिला आहे. सातारा जिल्हा बँकेतील संचालकांनी 2 सभांचा भत्ता तसेच सेवक व अधिकारी यांनी 1 दिवसाचे वेतन पूरग्रस्त व अतिवृष्टीमुळे बाधित कुटुंबांना देणेचे जाहीर केले असून या मदतीतून रक्कम रु. 15 लाख जमा झाले आहेत. या रक्कमेतून सातारा जिल्ह्यातील सातारा कराड, पाटण व जावली तालुक्यातील पूरग्रस्त व अतिवृष्टीने बाधित कुटुंबांना जीवनावश्यक वस्तूंचे वितरण केले जाणार आहे. यास अनुसरुन भैरवगड, ता. सातारा येथील अतिवृष्टीने बाधित 110 कुटुंबांना प्रत्येकी ब्लँकेटचे वितरण करणेत आले. यावेळी संचालिका सौ. कांचनताई साळुंखे म्हणाल्या जिल्हा बँक, बँकिंग कामगाजाबरोबरच सामाजिक बांधिलकी जपणेसाठी नेहमीच अग्रेसर असते. भीषण दुष्काळामध्ये पाणी टंचाईचे काळात बँकेने रक्कम रु.2 कोटी खर्च करुन दुष्काळाग्रस्त भागात टँकरने पाणी वितरण करुन जनतेला मोठा दिलासा दिला आहे. आताही अतिवृष्टीमुळे बाधित कुटुंबांच्या मदतीला बँक सज्ज झाली आहे. याप्रसंगी बँकेचे संचालक प्रकाश बडेकर म्हणाले, सातारा जिल्हा मध्यवर्ती सहकारी बँक नेहमीच सामाजिक बांधिलकी जपत असून संचालक व सेवकांनी पुढाकार घेवून पूरग्रस्तांना व अतिवृष्टीमुळे बाधित कुटुंबाना केलेली मदत आदर्शवत असून विधायक कामासाठी बँक नेहमीच अग्रेसर असते. बँकेचे मुख्य कार्यकारी अधिकारी डॉ. राजेंद्र सरकाळे, व्यवस्थापक, विनायक कदम, प्रदीप शिंदे तसेच भैरवगडे सरपंच व ग्रामस्थ व परिसरातील लोक उपस्थित होते.

सातारा : सातारा जिल्हा परिषदेच्या विविध झालेल्या करोडो रुपयांच्या घोटाळ्यात अडकलेल्या अधिकार्‍यांवर फौजदारी गुन्हे दाखल करण्यात यावेत, संबंधितांना निलंबित करण्यात यावे, यासाठी भ्रष्टाचार विरोधी जन आंदोलन न्यासच्यावतीने जिल्हाधिकारी कार्यालयासमोर आमरण उपोषण सुरू करण्यात आले आहे. जिल्हा परिषदेच्या विविध विभागात ठेकेदारांच्या माध्यमातून अधिकार्‍यांनी करोडो रुपयांचा गैरव्यवहार केला आहे. याबाबत तत्कालीन मुख्य कार्यकारी अधिकारी डॉ. कैलास शिंदे यांनी चौकशी करून कारवाई करू, असे आश्वासन दिले होते. मात्र, त्यांची बदली झाल्याने दोषी अधिकार्‍यांवरील कारवाई रखडली आहे. सातारा पंचायत समितीच्या गटविकास अधिकारी यांनी कर्मचार्‍यांच्या नियमबाह्य बदल्या केल्या आहेत. कर्मचारी कामावर नसतानाही ते हजर असल्याचे दाखवून पगार काढले आहेत. त्यामुळे जिल्हा परिषदेच्या घोटाळ्याबरोबर त्यांचीही चौकशी व्हावी, यासाठी भ्रष्टाचार विरोधी जन आंदोलन न्यासचे पदाधिकारी जिल्हाधिकारी कार्यालयासमोर उपोषणास बसले आहेत. दरम्यान, स्वातंत्र्य दिनी विविध संघटना, संस्थांसह काही व्यक्तींनी आंदोलनाचा इशारा दिला होता. त्यातील अनेकांच्या मागण्या मान्य झाल्याने आणि काहींना प्रशासनाने आश्वासन दिल्याने त्यांनी आंदोलने मागे घेतली होती.

वाई : आजचे भारताचे चित्र विदारक आहे. प्रचंड विषमता देशामध्ये पसरली आहे. देशाला जातिव्यवस्थेचे ग्रहण लागलेले आहे. 70 वर्षात आपण हवी तेवढी प्रगती साधलेली नाही. देश लोकप्रतिनिधी, न्यायपालिका, प्रशासन व प्रसार व प्रचारमाध्यमे या 4 स्तंभांवर आधारलेला आहे. या सर्वांमध्ये आपल्या समाजाचे प्रतिनिधत्व किती आहे याचा मागोवा आपण घेतला पाहिजे, असे उद्गार गटशिक्षणाधिकारी कमलाकांत म्हेत्रे यांनी काढले. स्वकुळ साळी समाजाच्यावतीने भगवान जिव्हेश्वर उत्सव कार्यक्रम विविध धार्मिक उपक्रमांनी साजरा करण्यात आला. त्यावेळी प्रमुख पाहुणे म्हणून ते बोलत होते. म्हेत्रे म्हणाले, समाजामध्ये प्रचंड विषमता पसरली आहे. देशातील 9 अब्जाधिशांकडे 65 कोटी लोकांइतकी संपत्ती आहे. इतकी प्रचंड विषमता देशात आहे. त्यांनी इतर मागास वर्गाची सर्वांगीण स्थिती याविषयीची सद्यस्थिती, संविधानाने दिलेले आपले अधिकार, हक्क कल्याणकारी योजना, समाजासाठी आपण नेमके काय केले पाहिजे. जातिव्यवस्थेतील विषमता दूर करण्यासाठी काय करायला पाहिजे.आरक्षण मिळवण्यासाठी काय करावे, भारताची आर्थिक स्थिती उदाहरणे व सर्वेक्षणात्मक आकडेवारी विषद केली. यावेळी सौ. मनीषा अरवुणे, प्रा. हणमंत कोळेकर यांनी मनोगत व्यक्त केले. प्रारंभी जलप्रलयामुळे निधन पावलेल्या पूरग्रस्तांना, देशासाठी शहीद झालेल्या जवान व ज्ञात-अज्ञात समाज बांधवांना श्रध्दांजली वाहण्यात आली. प्रमुख अतिथी गटशिक्षणाधिकारी कमालकांत म्हेत्रे यांचे स्वागत उपाध्यक्ष ज्ञानेश्वर गवते यांनी केले. म्हेत्रे यांच्या हस्ते श्रीमती वत्सला विष्णू कोळेकर यांचा सन्मान करण्यात आला. सैनिक स्कूल,साताराचे प्रा. हणमंत कोळेकर यांचा सत्कार अध्यक्ष भास्करराव कांबळे यांच्या हस्ते करण्यात आला. भास्करराव कांबळे यांनी अहवाला वाचन केले. जमाखर्च व ताळेबंदाचे वाचन रविंद्र लटिंगे यांनी केले. यावेळी समाजाच्यावतीने पूरग्रस्तांना मदत करण्याचे ठरविण्यात आले जिव्हेश्वर आरती कोळेकर कुटुंबीयांच्यावतीने घेण्यात आली. प्रास्ताविक रवींद्र लटिंगे यांनी केले. सौ. विद्या साळी यांनी परिचय करून दिला. योगेश दाहोत्रे यांनी आभार मानले. कार्यक्रमासाठी दत्तात्रय मढेंकर, प्रा. रमेशचंद्र बारगजे, जनार्धन अरबुणे, राजेंद्र लुंगे, अजिता दातरंगे, भगवान गवते, महेंद्र धेडे, स्वप्नील दाहोत्रे, उमेश तांबे, अजित हावरे, आनंदा सुकाळे, राहुल हावरे व सौ. पूनम दातरंगे, सौ. सारिका गवते, सागर मर्ढेकर, नीलेश मर्ढेकर, योगेश पोरे यांनी मोलाचे सहकार्य केले. कार्यक्रमास शहरातील सर्व स्वकुळ साळी समाज बांधव उपस्थित होते.

कोरेगाव : पावसामुळे खरिपाचे शंभर टक्के नुकसान झाले आहे. केंद्र शासनाने राष्ट्रीय आपत्ती व राज्य शासनाने ओला दुष्काळ जाहीर करून शेतकर्‍यांना नुकसान भरपाई द्यावी, असा ठराव पंचायत समितीच्या मासिक सभेत झाला. सभापती राजाभाऊ जगदाळे यांच्या अध्यक्षतेखाली झालेल्या सभेस अण्णासाहेब निकम, डॉ. निवृत्ती होळ, सुप्रिया सावंत, शीला झांजुर्णे, मंगल गंगावणे, साधना बनकर, शुभांगी काकडे, पाणीपुरवठा विभागाचे कार्यकारी अभियंता एस.ए. शिंदे, गटविकास अधिकारी क्रांती बोराटे, सहायक गटविकास अधिकारी सय्यद उपस्थित होते. सभेत विविध विभागांचा आढावा सादर झाला. कृषी विभागाच्या आढाव्यादरम्यान पावसामुळे तालुक्यात मुद्यावर सभागृहात चर्चा झाली. जिरायातील घेवडा, सोयाबीन, वाटाणा, बटाटा ही खरीप पिके नसून गेली आहेत. त्याचबरोबर बागायतातील भाजीपाला पिकांसह उसाचेही मोठे नुकसान झाले आहे. परिणामी शेतकरी अडचणीत आले आहेत. या पार्श्वभूमीवर प्रशासनाने तातडीने पाहणी करावी आणि पंचनामे करुन सरसकट सर्वच शेतकर्‍यांना नुकसान भरपाई द्यावी, अशी एकमुखी मागणी सभागृहाने केली. त्यानुसार सभापती जगदाळे यांच्या सूचनेनुसार तसा ठराव झाला. पावसामुळे विजेच्या उच्च दाब व लघु दाब वाहिन्या पडल्या होत्या. त्यापैकी कोरेगाव व रहिमतपूर विभागातील उच्च दाब वाहिन्यांची दुरुस्ती झाली आहे; परंतु अद्यापही शेतांमध्ये पाणी असल्याने या दोन्ही भागांतील 70 लघु दाब वाहिनीची कामे करण्यात अडचणी येत असल्याची माहिती वीज वितरण कंपनीच्या उपअभियंत्यांनी दिली. तालुक्यातील जिल्हा परिषदेच्या सर्व शाळांसाठी गेल्या वर्षीप्रमाणेच या वर्षीही एक तालुका, एक गणवेश?ची अंमलबजावणी करावी, असाही ठराव सभेने केला. तालुक्यात मोजणीची एक हजार 350 प्रकरणे व शासकीय भूसंपादनासाठीच्या मोजणीची 28 प्रकरणे प्रलंबित असल्याची माहिती भूमिअभिलेखच्या अधिकार्‍यांनी दिली. कार्यकारी अभियंता शिंदे यांनीही सभेस मार्गदर्शन केले. उपसभापती साळुंखे यांनी आभार मानले.

फलटण : शहरात दररोज शिक्षण घेण्यासाठी तालुक्यातून बसने दररोज किमान दहा हजार मुले-मुली येतात. त्यांची प्रवासाबाबत कोणतीही गैरसोय होणार नाही, अशा पध्दतीने बसफेर्‍या वाढवाव्यात असे विधान परिषद सभापती रामराजे नाईक-निंबाळकर यांनी आगार व्यवस्थापकांना सांगितले. बसची कमतरता, नादुरुस्त गाड्यांच्या पार्श्वभूमीवर शिक्षण घेण्यासाठी विद्यार्थी येणार्‍या मार्गावरील बसफेर्‍या परिवहन प्रशासनाने कमी केल्याने महाविद्यालयीन व माध्यमिक विद्यार्थ्यांची गैरसोय होत होती. याबाबत तक्रारी झाल्यानंतर रामराजेंनी निवासस्थानी आगार व्यवस्थापक राहुल कुंभार, फडतरे व अन्य अधिकार्‍यांची बैठक बोलावली होती. या वेळी अडचण जाणून घेऊन त्यांनी आगार व्यवस्थापकांना योग्य सूचना देऊन विद्यार्थ्यांची गैरसोय होणार नाही, यासाठी बसफेर्‍या नियमित करण्याबाबत सूचित केले. तसेच एसटी डेपोत निर्भया दिली. चर्चेनुसार आजपासून बसफेर्‍या नियमित केल्याचे कुंभार यांनी सांगितले.

वाठार किरोली : जिल्ह्यामध्ये गेले महिनाभर पावसाची अतिवृष्टी झाल्याने शेतीचे खूप मोठे नुकसान झालेले आहे. ऊस, घेवडा, सोयाबीन, ज्वारी इत्यादी पिके पूर्ण वाया गेली आहेत. आले या पिकाचेही मोठ्या प्रमाणात मोठ्या नुकसान झाले आहे. त्यामुळे शेतकर्‍यांना पिकांच्या खर्चाच्या प्रमाणात नुकसान भरपाई मिळावी, असे निवेदन उपजिल्हाधिकारी थोरवे यांना सरपंच परिषदेचे सातारा जिल्हाध्यक्ष जितेंद्र भोसले आणि सहकार्‍यामार्फत देण्यात आले. यावेळी जिल्हाध्यक्ष जितेंद्र भोसले, महिला जिलाध्यक्ष मंदाकिनी सावंत, आनंद जाधव, रणजित पाटील, चंद्रकांत सणस, सतिश इंगवले, समाधान पोफळे, आशा जाधव, आल्पना यादव, सुनीता पाटणे, संतोष शेळके, मंगेश जगताप, अविनाश पाटील, रामचंद्र देवकर, रामचंद्र सावंत आदीची उपस्थिती होती.

दहिवडी : वृक्ष लागवड व इतर वेगवेगळ्या योजनेच्या माध्यमातून माण तालुक्यात वनविभागाच्या अधिकारी, कर्मचार्‍यांनी मोठ्या प्रमाणावर भ्रष्टाचार केला आहे. या भ्रष्टाचाराची सखोल चौकशी करुन दोषींवर कठोर कारवाई करावी, अशी मागणी माजी जिल्हा परिषद सदस्य दिलीप तुपे यांनी थेट वनमंत्री सुधीर मुनगुंटीवर यांच्याकडे केली आहे. याबाबत त्यांनी दिलेल्या निवेदनातील अधिक माहिती अशी, माण तालुक्यात वनविभागाच्या कामात प्रचंड अनियमितता आहे. वृक्ष लागवड, खोदाई व तत्सम कामे स्थानिक मजूरांना न देता अधिकारी, कर्मचारी ठेकेदाराशी संगनमत करुन मनमानी पध्दतीने करत आहेत काही ठिकाणी मंजूराऐवजी जे.सी.बी. पोकलॅन्ड या यंत्राच्या साहाय्याने खड्डे काढले गेले आहेत. याशिवाय आम्हास मोठ्या प्रमाणावर आर्थिक त्यामुळे आमचे कोणी काही करु शकत नाही तरी या प्रकाराची सखोल चौकशी करुन दोषीवर तातडीने निलंबनाची कारवाई करावी, अन्यथा मजूंर संघटना व सामाजिक कार्यकत्यांच्यावतीने तीव्र आंदोलन छेडण्यात येईल.

सातारा : सातारा तालुक्यातील आरफळ, वडूथ, विजयनगर, लिंब, चिंचणेर, नागठाणे, आरळे, पाटखळ, लिंबखिंड, वाठार स्टेशन या विभागातील काम करणारे विस्तार अधिकारी ग्रामसेवक यांची खातेनिहाय चौकशी करावी आणि तत्काळ निलंबित करण्यात यावे. अशी मागणी लोकसाहित्यिक अण्णाभाऊ साठे कृती समिती साताराचे अध्यक्ष उमेश चव्हाण यांनी केली आहे. निवेदन म्हटले की शासनाने धोरण 2020 पर्यंत सर्वांना घर देणार ही घोषणा फसवी असून 2018 च्या परिपत्रकानुसार शासनाच्या जागेवरील राहत असलेल्या ठिकाणचे सर्व्हे करुन अतिक्रमण नियमित करुन या लोकांना घरकुल देण्याचे शासनाचे धोरण असताना सुध्दा शासनाने अधिकारीही पक्षापातीपणा करुन पारधी समाजाला घरकुले व इतर सुविधा देण्याची टाळाटाळ करत आहेत. भेटावयास गेल्यानंतर तेच कागदी घोडे नाचवण्याचे काम व उडवाउडवीची उत्तरे देवून, पारधी, गोसावी, कातकरी, गोपाळ, समाजाच्या प्रश्नाकडे बगल देण्याचे काम चालू आहे तरी या सर्व बाबीचा निषेध म्हणून व गटविकास अधिकारी, विस्तार अधिकारी, ग्रामसेवक यांचे खातेनिहाय चौकशी करुन, त्यांना तत्काळ निलंबित करण्याच्या मागणीसाठी निषेध मोर्चा काढण्यात आला. दरम्यान 20 ऑगस्ट रोजी मंगळवारी जिल्ह्यातील सर्व ग्रामसेवक व विस्तार अधिकारी यांची संयुक्त बैठक घेवून पारधी समाजाच्या घरकुलाचा प्रश्न मिटवू असे आश्वासन समाज कल्याण विभागाचे सभापती शिवाजी सर्वगौड यांनी दिले. यावेळी सतीश शिंदे, पप्पू बाबर,संदिप भिसे, भायज्या भोसले, अशोक भोसले, सविता शर्मा, डिया भोसले, बेडीस पवार, हमसफर भोसले, शारूख काळे व कार्यकर्ते उपस्थित होते.

सातारा : सातारा जिल्ह्यातील पूरग्रस्त भागातील नुकसान झालेल्या गावांची माहिती घ्यावी. लोकांचे स्थलांतर, शेतीचे नुकसान, जॅकवेलची उभारणी, विद्युत पोलची उभारणी, गावांचा सर्व्हे जिल्हा परिषदेमार्फत करण्यात याव्या. याबाबत पूरग्रस्तांना दिलासा देण्यासाठी तत्काळ प्रशासनाने उपाययोजना करून याचा अहवाल शासनाला सादर करण्याच्या सूचना राज्याच्या ग्राम विकास विभागाचे प्रधान सचिव असीम गुप्ता यांनी केल्या. कोल्हापूर व सांगली येथील पूरग्रस्ता भागाची पाहणी करण्यासाठी निघालेले असीम गुप्ता व गृहनिर्माणचे संचालक धनंजय माळी यांनी मुख्य कार्यकारी अधिकारी संजय भागवत यांच्या निवासस्थानी येवून धावता आढावा घेतला. नदीकाठच्या गावातील घरे कायमस्वरूपी पाण्यात जात असतील तेथे नागरिकांचे स्थलांतरासाठी निर्णय घ्यावा, पूरबाधित गावांचे नुकसानीचे सर्व्हे करावे, पूराच्या पाण्यामुळे अनेक स्मशानभूमी पाण्याखाली गेल्या असून त्याबाबत स्थानिक पातळीवर चर्चा करावी, पूर रेषेबाहेर विद्युत पोल व जॅकवेलची उभारणी करावी, आरोग्य विभागाने सर्व्हे करून किती नागरिक आजारी आहेत याची माहिती घ्यावी. प्राथमिक आरोग्य केंद्र व उपकेंद्रात पुरेशा लस आहेत का? याची खात्री करावी, पाणी तपासणी केल्यानंतरच पुरवठा करावा, अंगणवाडीचे स्थलांतर पुरेरेषेबाहेर करावे, जमिनीचे भुस्खलन होणार्‍या भागात घरे बांधताना योग्य काळजी घ्यावी. पूरग्रस्त भागातील प्रत्येक गोष्टीसाठी शासनाकडून निधी उपलब्ध करून देण्यात येईल. यासाठी मुख्य कार्यकारी अधिकार्‍यांनी तात्काळ प्रस्ताव द्यावेत. या बैठकीत संजय भागवत, ग्रामपंचायत विभागाचे उपमुख्य कार्यकारी अधिकारी अविनाश फडतरे, सामान्य प्रशासनचे उपमुख्य कार्यकारी अधिकारी अमोल नाईक, बांधकाम दक्षिणचे कार्यकारी अभियंता संतोष रोकडे, ग्रामीण पाणी पुरवठा विभागाचे कार्यकारी अभियंता सुनील शिंदे, जिल्हा महिला बाल विकास अधिकारी मनोज ससे, जिल्हा आरोग्य अधिकारी डॉ. अनिरूध्द आठल्ये, प्राथमिक शिक्षणाधिकारी प्रभावती कोळेकर, सातारा, कराड, पाटण पंचायत समितीचे गटविकास अधिकारी व अन्य विभागाचे अधिकारी उपस्थित होते.

सातारा, दि. 19 : भारत सरकारची अटल पेन्शन योजना ही वृध्दापकाळात सामाजिक व आर्थिक सुरक्षा देणारी योजना आहे. यासाठी जिल्ह्यातील बँका व त्यांचे व्यवसाय प्रतिनिधींनी 18 ते 40 वयोगटातील जास्तीत जास्त नागरिकांना या योजनेत सहभागी करुन घ्यावे, असे आवाहन जिल्हाधिकारी श्वेता सिंघल यांनी आज केले. जिल्हाधिकारी कार्यालयात नियोजन भवनाच्या सभागृहात अटल पेन्श्न योजनेसंदर्भात बँकर्स व्यवसाय समन्वयक व व्यवसाय प्रतिनिधींसाठी कार्यशाळेचे आयोजन करण्यात आले होते. त्यावेळी त्या बोलत होत्या. यावेळी बॅक ऑफ महाराष्ट्राचे झोनल मॅनेजर वसंत गागरे, नाबार्डचे जिल्हा विकास प्रबंधक सुबोध अभ्यंकर, स्टेट बँकेचे जिल्हा समन्वयक सुर्यकांत पाटील, अग्रणी जिल्हा बँकेचे व्यवस्थापक महादेव शिरोळकर आदी उपस्थित होते. जिल्हाधिकारी यावेळी बोलतांना पुढे म्हणाल्या, जिल्ह्यात 35 लाख लोकसंख्या असून आतापर्यंत 24 हजार नागरिक या पेन्शन योजनेत सहभागी झाले आहेत. अटल पेन्शन योजना ही सर्वसामान्य नागरिकांच्या भावी वृध्दापकाळासाठी सर्वात चांगली योजना असून या योजनेच्या यशस्वीतेसाठी सर्व बँकांनी तसेच जिल्ह्यातील व्यवसाय प्रतिनिधींनी व्यक्तीगत पातळीवर लाभार्थ्यांशी संपर्क साधून या योजनेची माहिती करुन दिली पाहीजे. जे लाभार्थी आहेत, त्यांनी काही कारणांनी प्रिमीयम वेळेत भरला नाही तर या योजनेविषयी नकारात्मक संदेश पसरण्याची शक्यता आहे. अशा परिस्थीतीत बँकाची भूमिका खूप महत्वाची असते. बँकांनी याची काळजी घेऊन त्यांना प्रिमियम भरण्याविषयी वेळोवेळी लोकांशी संपर्क साधला पाहिजे. यावेळी या पेन्शन योजनेमध्ये उत्कृष्ट कामगिरी केलेल्या जिल्हा व्यवसाय प्रतिनिधी समन्वयक व व्यवसाय प्रतिनिधी यांचा सत्कार जिल्हाधिकारी व इतर मान्यवरांच्या हस्ते करण्यात आला. कार्यशाळेचे प्रास्ताविक अग्रणी जिल्हा बँकेचे व्यवस्थापक यांनी केले, स्वागत व सूत्रसंचालन नितीराज साबळे यांनी केले. कार्यशाळेस विविध बँकाचे व्यवसाय समन्वयक प्रतिनिधी, व्यवसाय प्रतिनिधी उपस्थित मोठ्या संख्येने उपस्थित होते. 0000

म्हसवड : क्रांतिवीर शैक्षणिक संकुल हे जिल्ह्यातील आदर्श शैक्षणिक संकुल असल्याचे प्रतिपादन खटाव पंचायत समितीचे माजी सभापती संदिप मांडवे यांनी केले. माजी सभापती संदीप मांडवे यांनी नुकतीच क्रांतिवीर शैक्षणिक संकुल म्हसवड येथे सदिच्छा भेटी दिली. त्यावेळी ते बोलत होते. यावेळी संस्था अध्यक्ष प्रा. विश्वंभर बाबर, संस्थेच्या सचिव व मुख्याध्यापिका सुलोचना बाबर, खवसपूर येथील कुस्ती संकुलाचे वस्ताद भारत भोसले, कुस्ती निवेदक परशुराम पवार, बापू मिसाळ आदी प्रमुख मान्यवर उपस्थित होते.

सातारा : जिल्हा परिषद आरोग्य विभाग यांच्यावतीने राष्ट्रीय जंतनाशक दिन मोठ्या उत्साहात साजरा करण्यात आला. जिल्हास्तरीय उदघाटन सोहळा कोडोली येथील जिल्हा परिषदेच्या केंद्रशाळेत संपन्न झाला. यावेळी जिल्हा परिषदेचे अधिकारी संजय भागवत, जिल्हा आरोग्याधिकारी डॉ. अनिरुध्द आठल्ये, अति. जिल्हा शल्यचिकित्सक डॉ. कुराडे, माता बाल संगोपणाधिकारी डॉ.प्रमोद शिर्के, तालुका आरोग्याधिकारी डॉ. पवार, जि.प. माजी उपाध्यक्ष रवी साळुंखे व विविध विभागाचे अधिकारी व पदाधिकारी उपस्थित होते. राष्ट्रीय जंतनाशक दिनाचा उद्देश्य 1 ते 19 वर्षे वयोगटातील सर्व मुला-मुलींना शाळा व अंगणवाडी केंद्र स्तरावर जंतनाशक गोळी देऊन आरोग्य चांगले राखण्यास मदत होणार आहे. पोषण स्थिती, शिक्षण व जीवनाचा दर्जा उंचावणे हा मुख्य उद्देश आहे. अशी माहिती गटशिक्षणाधिकारी संजय धुमाळ यांनी दिली. मुख्यकार्यकारी अधिकारी संजय भागवत यांनी जिल्ह्यात उल्लेखनीय असे काम संबंधितांनी करावे. असे उदघाटनपर आवाहन केले. तसेंच अन्य मान्यवरानीही मनोगत व्यक्त केली. सदरच्या कार्यक्रमास सरपंच मनोज गायकवाड, अतिरिक्त गटविकासाधिकारी चव्हाण, मुख्याध्यपक दयानंद गाडे व सौ. पवार यांनी स्वागत केले. डॉ. आठल्ये यांनी प्रास्ताविक केले.

सातारा : पाटण विधानसभा मतदारसंघातील अनेक गावांना अतिवृष्टी आणि महापुराचा मोठा फटका बसला आहे. त्यामुळे या मतदारसंघातील 3 लाखांपर्यंतची नुकसानीची कामे तातडीने करण्यास जिल्हा परिषदेच्या बैठकीत मान्यता देण्यात आली. यामध्ये पाणीपुरवठा योजना, साकव, शाळा दुरुस्तीची कामे हाती घेण्यात येणार आहेत. जिल्हा परिषदेत बुधवारी अध्यक्ष संजीवराजे नाईक-निंबाळकर यांच्या अध्यक्षतेखाली बैठक झाली. यावेळी मुख्य कार्यकारी अधिकारी संजय भागवत, उपमुख्य कार्यकारी अधिकारी अविनाश फडतरे(ग्रामपंचायत), पाटण पंचायत समितीचे माजी सभापती सत्यजितसिंह पाटणकर, जिल्हा परिषदेचे शिक्षण समिती सभापती राजेश पवार, जिल्हा परिषदेचे माजी सदस्य सदाभाऊ जाधव, पंचायत समितीचे माजी सदस्य पी. एल.माने, विजय चव्हाण, तांबवेचे सरपंच जावेद मुल्ला यांच्यासह जिल्हा परिषदेतील विविध विभागांचे अधिकारी उपस्थित होते. या बैठकीत पाटण विधानसभा मतदारसंघात अतिवृष्टी होणे व महापुरामुळे रस्ते, घरे, पाणी योजना, पूल, शाळा, अंगणवाडी, स्मशानभूमीचे मोठे नुकसान झाल्याची माहिती देण्यात आली. त्यासाठी तातडीने दुरुस्तीची कामे हाती घ्यावेत, असे सांगण्यात आले. त्यानंतर मतदारसंघातील नळपाणी योजना, साकव, अंगणवाड्या, शाळांची तातडीने दुरुस्ती करण्यासाठी मान्यता देण्यात आली. यामध्ये तीन लाखापर्यंतचीच कामे करता येणार आहेत.

उंब्रज : कोर्टी, भुयाचीवाडी, हनुमानवडीसह परिसरातील हजारो शेतकर्‍यांसाठी वरदान ठरलेला कराड तालुक्यातील कृष्णा नदीवरील कोणेगाव येथील कोल्हापूर पध्दतीचा बंधारा अतिवृष्टीमुळे वाहून गेल्याने शेतकर्‍यांचे मोठ्या प्रमाणावर नुकसान झाले आहे. बंधार्‍याच्या पुनर्बांधणीची मागणी पंचक्रोशातील शेतकरी करत आहेत. दरम्यान, कृष्णा खोरे विकास महामंडळाचे उपाध्यक्ष नितीन बानुगडे-पाटील यांनी अधिकार्‍यांसमवेत बंधार्‍याची पाहणी केली. येत्या चार महिन्यांत कोणत्याही परिस्थितीत बंधार्‍याचे काम पूर्ण केले जाईल, अशी ग्वाही त्यांनी शेतकर्‍यांना दिली. लाखो रुपये खर्चून बांधलेला कोणेगाव-हनुमानवाडी गावच्या हद्दीतील कोल्हापूर पध्दतीचा गावच्या हद्दीतील कोल्हापूर पध्दतीचा बंधारा (केटीवेअर) नुकत्याच झालेल्या अतिवृष्टीमुळे व महापुराने वाहून गेली आहे. या बंधार्‍यामुळे परिसरातील हजारो गेला आहे. या बंधार्‍यामुळे परिसरातील हजारो एकर शेतजमीन बागायती झाली आहे. मात्र बंधारा महापुराने वाहून गेल्याने शेतकरी हवालदिल झाला आहे. कृष्णा नदीवर सह्याद्री कारखान्याच्या माध्यमातून होणार्‍या जलसिंचन योजनांच्या दूरदृष्टीतून स्वर्गीय पी.डी. पाटील यांच्या संकल्पनेतून आणि बाळासाहेब पाटील यांच्या पाठपुराव्यामुळे हा बंधारा पूर्णत्वास आला होता. कोणेगाव बंधार्‍यामुळे उंब्रज येथील उमेश्वर सहकारी पाणीपुरवठा संस्था तसेच कोर्टी येथील कोटेश्वर पाणीपुरवठा संस्था याशिवाय हनुमानवाडी, शिवडे, बराडे,कोणेगाव, उंब्रज परिसरातील गावांना या बंधार्‍याचा मोठा फायदा झाला आहे. या बंधार्‍यामुळे चार हजाराहून अधिक हेक्टर क्षेत्र ओलिताखाली येण्यास मदत झाली आहे. मात्र नुकत्याच झालेल्या अतिवृष्टीमुळे आणि महापुरामुळे महापुराने हा बंधारा वाहून गेला आहे. त्यामुळे उन्हाळ्यात पाणीटंचाई निर्माण होऊन शेतीचा व पिण्याच्या पाण्याचा प्रश्न गंभीर होणार आहे. दरम्यान, वाहून गेलेल्या बंधार्‍याची पाहणी कृष्णा खोरे विकास महामंडळाचे उपाध्यक्ष नितीन बानगुडे-पाटील यांनी अधिकार्‍यांसमवेत केली. यावेळी जिल्हा परिषदेचे माजी उपाध्यक्ष पतंगराव माने, तालुकाप्रमुख, सुनील पाटील, भानुदास पोळ, सतीश पाटील, रवींद्र सूर्यवंशी विजय जाधव, रामकृष्णा शिंदे यांच्यासह कोणेगाव व हनुमानवाडी येथील ग्रामस्थ उपस्थित होते. बानुगडे पाटील यांनी बंधारा दुरुस्तीचा प्रस्ताव तातडीने पाठविण्याच्या सूचना अधिकार्‍यांना केल्या बंधार्‍याचे काम चार महिन्यांत पूर्ण केले जाईल, अशी ग्वाही ग्रामस्थांना दिली.

मेढा : जावली तालुक्यातील मोरखिंडीत सुरू असलेली दगड खाण धोकादायक असून या खाणीमुळे केंजळ, धनगरपेढा, मेरुलिंग, वाघेश्वर प्रवाशांच्या जीविताला धोका निर्माण होऊ शकतो. या खाणींची पाहणी जिल्हा परिषद अध्यक्ष संजीवराजे नाईक-निंबाळकर व उपाध्यक्ष वसंतराव मानकुमरे यांनी नुकतीच केली. रस्त्यापासून फक्त-शंभर फुटावर सुरू असलेली ही खाण पाहून या खाणीला अधिकार्‍यांनी परवानगी कशी दिली, असा संतापजनक सवाल संजीवराजेंनी केला. महाबळेश्वर-विटा मार्गाचे काम सध्या सुरू असून या रस्त्याला लागणार्‍या खडीसाठी ठेकेदाराने मोरघर खिंडीत दगडखाण सुरु केली आहे. सुरुवातीला केंजळ ग्रामस्थांनी या खाणी विरोधात आंदोलन केले व खाण बंद पाडली. मात्र, ठेकेदारापुढे ग्रामस्थांची मात्र चालली नाही. या खाणीसाठी लागणार्‍या परवानग्या घेतल्या नसल्याचा आरोप होत असून सभोवताली असलेली लोकवस्ती पहाता या परवानग्या देणे धोकादायक आहे. या खाणीमुळे मेढा, मोरघर, रस्त्याचेही मोठे नुकसान झाले आहे. यावर्षी अतिवृष्टीमुळे धनगरपेढा व मेरुलिंगला जमीन खचण्याचे प्रकार घडले असून या खाणीतील सुरुंगांच्या स्फोटामुळे डोंगर हादरून भविष्यात या गावात माळीणसारखी दुर्घटना घडली आणि माणसांचे जीव गेले तर याला जबाबदार या खाणीला परवानगी देणारे अधिकारी राहतील असे यावेळी मानकुमरे म्हणाले. या खाणीमुळे डोंगर खचण्याचे प्रकार निश्चित घडणार आहेत. या खाणीसाठी पर्यावरण व तत्सम परवानग्यांकडे अधिकार्‍यांनी दुर्लक्ष केल्याचा आरोपही मानकुमरे यांनी केला. या खाणीला कोणकोणत्या परवानग्या दिल्या आहेत, खाण नियमानुसार आहे का? आदींची चौकशी करण्यात येईल, असे जि.प. अध्यक्ष संजीवराजे यांनी सांगितले. या खाणीचा ठेकेदार शासकीय यंत्रणा आपल्या खिशात असल्यासारखे वागत असून खाणीसाठी मिळालेल्या परवानग्यांची सखोल चौकशी करावी, अशी मागणी येथील ग्रामस्थांनी केली आहे.

सातारा : सांगली व कोल्हापूर जिल्ह्यामध्ये उद्भवलेल्या पूर परिस्थितीवर नियंत्रण मिळवण्यासाठी सातारा जिल्ह्यातील ग्रामीण पाणी पुरवठा व बांधकाम विभागातील सुमारे 30 हून अधिक वरिष्ठ अधिकार्‍यांची नियुक्ती करण्यात आली आहे. या अभियंत्यांनी सांगली व कोल्हापूर जिल्ह्यात प्रत्यक्ष कामकाजाला सुरूवात केली आहे. जिल्हाधिकारी कार्यालयातील भूसंपादन उपजिल्हाधिकारी संजय आसवले, पुनर्वसन तहसिलदार जगदीश निंबाळकर, महसूल तहसिलदार अनिता देशमुख, ग्रामीण पाणी पुरवठा विभागाचे कार्यकारी अभियंता सुनिल शिंदे, पाणी व स्वच्छता विभागाचे उपमुख्य कार्यकारी अधिकारी किरण सायमोते हे यापूर्वीच पूरग्रस्त भागात कार्यरत आहे. त्या ठिकाणी आणखी कुमक लागणार असल्याने या नियुक्त्या करण्यात आल्या आहेत. बांधकामचे शाखा अभियंता एम.बी.वास्ते, एस.एस.जाधव, एम.डी.खाडे, डी. एस. पाडळकर,एच. बी. हुद्देपार, के. प्रसाद, देशमाने, एम.के. कण्हेरे, आर.के. शेख, एम.एल. कोळी, जे. व्ही. मुळीक, व्ही. पी. नकाते,जी.एल. वाघमारे, आर. बी. मुलाणी, बी.एस.पवार, डी.पी.कापिले, यु.बी. शिंदे, व्ही.आर.कोळी व्ही.डी. सुतार, के.बी.भोईटे, व्ही.बी. दिक्षीत, व्ही. एम. देशमुख हे सांगली जिल्ह्यात काम करणार आहेत. तर उपअभियंता आर.जे. कुंभार, पी.एस. खैरमोडे, एम.एन.सनगर, आर. के. पाडवी, के.आर. फडतरे, आर.वाय.शिंदे, एस.एस.पाटील, एम.डी. टिकोले, डी.जे. देशपांडे, यु.बी. टंकसाळी,जे.डी. नाळे, जे.बी.धायगुडे, एम.एच. पाटील, ए.ए. शितोळे, डी.ए. बिराजदार. डी.एम.साबळे, एस.व्ही. शिंदे हे सांगली जिल्ह्यात काम करणार आहेत. तर उपअभियंता एस.बी. काकडे हे कोल्हापूर येथे काम करणार आहेत. या अधिकार्‍यांची नेमणूक पुण्याचे विभागीय आयुक्त डॉ. दिपक म्हैसेकर यांनी केली आहे.

मायणी : महाराष्ट्रात सातारा, सांगली, कोल्हापूर, नाशिक आदी जिल्ह्यांमध्ये जोरदार पावसामुळे महापुराने थैमान मांडले आहे. मात्र खटाव, माण, आटपाडी या दुष्काळी तालुक्यांमध्ये पावसाचे प्रमाण अत्यल्प असल्यामुळे दुष्काळी तालुक्यांमधील विविध तलावांसह जलसंधारणाची भांडी अद्यापही कोरडी ठणठणीत आहेत. महाराष्ट्रातील बहुतांश भागामध्ये पाऊस चांगल्या प्रमाणात झाला असून अनेक ठिकाणी महापुरामुळे हाहाकार झाला आहे. मात्र या पूर क्षेत्राच्या नजीक असलेल्या दुष्काळी तालुक्यांमध्ये पावसाची परिस्थिती अत्यंत समाधकारक आहे. या तालुक्यांमधील बहुतांश ओढे, नद्या, नाले, छोटे-मोठे पाझर तलाव व धरणे अद्यापही कोरडी ठणठणीत आहेत. या भागांमध्ये कोठेही नद्या-नाले खळखळून वाहिले नाहीत. खटाव तालुक्याला वरदान ठरणार्‍या मायणीचा ब्रिटिशकालीन तलाव, पळशी व नेरचा तलाव वयेरळवाडी तलाव अद्यापही कोरडाच आहे. हीच अवस्था थोड्या फार प्रमाणात माण तालुक्यातील विविध तलावांमध्ये व माणगंगा नदीची आहे. शेतकर्‍यांनी आत्ता घेतलेली पिके नुकत्याच झालेल्या पावसामुळे चांगल्या अवस्थेत असली तर पुन्हा पाऊस न झाल्यास या पिकांची खात्री देता येत नाही. प्रामुख्याने खटाव-माण या तालुक्यांमध्ये जंलसंधारणाची व पाणी फाउंटेशनची कामे मोठ्या प्रमाणावर झाली आहेत. ही गावोगावी झालेली कामे अद्यापही पावसाच्या प्रतीक्षेत असून ही जलसंधारण व पाणी फाउंडेशनची भांडी भरली गेली तरच भविष्यात या दुष्काळी तालुक्यांना शेतीच्या व पिण्याच्या पाण्यासाठी चिंता करावी लागणार नाही. खटाव माण तालुक्यातून उरमोडी, जिहे-कठापूर, तारळी या प्रकल्पांचे पाणी काही गावांमधून जात आहे. सध्या या प्रकल्पांची सर्व धरणे तुडुंब भरल्यामुळे त्याचा विसर्ग केला जात आहे. मात्र हे वाया जाणारे पाणी या दुष्काळी तालुक्यातील धरणे, तलाव, नद्या यामध्ये सोडल्यास भूजल पातळी निश्चितच वाढेल व सातत्याने या दुष्काळी तालुक्यांमधील दुष्काळाची तीव्रता कमी होण्यास मदत होईल, अशा प्रतिक्रिया येथील शेतकरी, नागरिकांमधून व्यक्त होत आहेत.

दहिवडी : माण तालुक्याच्या उत्तर भागातील पाण्यापासून वंचित राहिलेल्या 32 गावांना आंधळी धरणातून पाणी देण्याच्या योजनेला राज्याच्या कॅबिनेट मंत्रिमंडळाने मंगळवारी प्रशासकीय मान्यता दिली. आ. जयकुमार गोरे यांनी सादर केलेल्या या योजनेला 350 कोटींचा निधीही जाहीर करण्यात आला. दुष्काळी माण आणि खटाव तालुक्यांची लाईफलाईन ठरणार्‍या जिहेकठापूर उपसा सिंचन योजनेसाठी आ. जयकुमार गोरे यांनी गेल्या दहा वर्षांपासून अहोरात्र परिश्रम सुरू ठेवले आहेत. विधानसभेतील पहिल्या पाच वर्षांच्या कार्यकाळात जिहेकठापूरसाठी त्यांनी शेकडो कोटींचा निधी मिळवला होता. मात्र, सुप्रमा नसल्याने मंजूर झालेला निधी खर्च करण्यात आला नव्हता. जिहेकठापूर योजना पूर्ण झाली तरी माण तालुक्यातील 32 गावे पाण्यापासून वंचित रहाणार होती. या गावांना पाणी मिळवण्यासाठी आ. गोरेंनी प्रयत्न सुरू ठेवले होते. आ. गोरे म्हणाले, मी विधानसभेत गेल्यावर तत्कालीन मुख्यमंत्र्यांना या रखडलेल्या योजनेचे माण खटावसाठी मोठे महत्त्व असल्याचे पटवून दिले होते. मोठे प्रयत्न करून चांगला निधीही मिळवला होता. या योजनेच्या वाढीव खर्चाला सध्याच्या युती सरकारने सुधारित प्रशासकीय मान्यता दिली. जिहे-कठापूर योजनेच्या पहिल्या टप्प्यात लवकरच खटाव तालुक्यातील नेर धरणात पाणी आणून येरळा नदी प्रवाही करण्यात येत आहे. दुसर्‍या टप्प्यात आंधळी धरणात पाणी आणून माणगंगा नदी प्रवाही करून नदीवरील बंधारे भरून घेण्यात येणार आहेत. मुख्यमंत्र्यांनी माण-खटावचा पाणीप्रश्न सोडवण्यासाठी लागेल ती मदत करण्याचा शब्द दिला होता. माण तालुक्याच्या उत्तर भागातील 32 गावांना कोणत्याच योजनेचे पाणी मिळत नसल्याचे तसेच शेतकर्‍यांना आंधळी धरणातील पाणी उचलून नेण्याचे शक्य नसल्याचे सांगून जिहेकठापूरची सुधारित योजना त्यांच्यापुढे मांडली. आंधळी धरणात आलेले पाणी उचलून टाकेवाडी परिसरातील उंच ठिकाणी साठवून वंचित राहिलेल्या माणच्या उत्तर भागातील 32 गावांना देण्यासाठी निधीची मागणी केली. मुख्यमंत्र्यांनीही दिलेला शब्द पाळत मंगळवारी कॅबिनेट मंत्रीमंडळाच्या बैठकीत या योजनेला प्रशासकीय मान्यता देण्याचा ऐतिहासिक निर्णय घेतला. या योजनेसाठी जलसंपदा मंत्री आणि मुख्यमंत्र्यांच्या उपस्थितीत मुंबई येथे बैठका झाल्या. मुख्यमंत्र्यांनी स्वतः लक्ष घालून अधिकार्‍यांना तांत्रिक बाबी पूर्ण करायला सांगितल्या. महाराष्ट्र राज्य कृष्णा खोरे महामंडळ, सिंचन भवन आणि जलसंपदा विभागाच्या प्रधान सचिवांना अहवाल सादर झाले. मुख्यमंत्री देवेंद्र फडणवीस, जलसंपदा मंत्री गिरीश महाजन, महसूलमंत्री चंद्रकांत पाटील, राज्यमंत्री सदाभाऊ खोत, खा. रणजितसिंह निंबाळकर यांनी माझ्या पाठपुराव्याला योग्य न्याय दिल्याने अनेक गावांचा पाणीप्रश्न मार्गी लागला आहे. आजपर्यंतच्या लोकप्रतिनिधींच्या नाकर्तेपणामुळे माणचा उत्तर भाग पाण्यापासून वंचित राहिला होता. मी जनतेला पहिल्यांदा उरमोडीचे पाणी आणण्याचा शब्द दिला होता. तो शब्द पूर्ण करुन आता जिहेकठापूरचे पाणी माणगंगा नदीसह वंचित 32 गावांना देण्याचा शब्दही पूर्ण होत आहे. या योजनेमुळे खटाव तालुक्यातील 11700, माण तालुक्यातील 15800 हेक्टर क्षेत्रासह आता उत्तर माणमधील वाढीव 3000 हेक्टर क्षेत्र ओलिताखाली येणार आहे. ही सुधारीत योजना मंजूर होताना प्रधान सचिव चहल, अधिक्षक अभियंता विजय घोगरे आणि त्यांच्या सहकार्‍यांनीही मोठे योगदान दिल्याचे त्यांनी सांगितले. 

खटाव : खटाव व माण तालुक्यांना वरदान ठरणार्‍या लक्ष्मणराव इनामदार जिहेकठापूर योजनेसाठी 1330 कोटी रुपयांच्या खर्चाला मंगळवारी द्वितीय सुधारित प्रशासकीय मान्यता मिळाली. कॅबिनेट मंत्रिमंडळाच्या बैठकीत मुख्यमंत्री ना. देवेंद्र फडणवीस यांनी ही घोषणा केली. दरम्यान, याबाबतची माहिती ट्रस्टचे कार्याध्यक्ष आणि भाजप नेते महेश शिंदे यांनी दिली. योजनेसाठी चाळीस मेगावॅट क्षमतेच्या सौरऊर्जा प्रकल्पालाही मंजुरी देण्यात आली असून, मुख्यमंत्र्यांचा निर्णय दुष्काळी माण व खटाव तालुक्यासाठी ऐतिहासिक ठरणार आहे. कॅबिनेट मंत्रिमंडळाच्या बैठकीत मंगळवारी मुख्यमंत्री ना. फडणवीस यांनी लक्ष्मणराव इनामदार सिंचन योजनेला 1330 कोटीच्या निधीची घोषणा केली. या योजनेचे काम प्रगतीपथावर असून योजनेच्या माध्यमातून कृष्णा नदीचे पाणी 700 फूट उंचीवर उपसा करून प्रथम नेर तलावात सोडले जाणार आहे. त्यामुळे खटाव तालुक्यातील 11700 हेक्टर क्षेत्र ओलिताखाली येणार आहे. तसेच नेर तलावातून बोगद्याद्वारे आंधळी तलावात पाणी सोडले जाईल. तेथून ते माण नदीत सोडून कोल्हापूर पद्धतीच्या बंधार्‍यात अडवले जाणार आहे. हे पाणी शेतकर्‍यांनी उचलून माण तालुक्यातील 15800 हेक्टर क्षेत्र सिंचित करणे अपेक्षित आहे. कॅबिनेटच्या बैठकीत निधीची घोषणा करण्यात आली. त्यावेळी प्रकल्प अहवालात समाविष्ट असलेल्या 27 गावांना शेतीस पाणी देण्यासाठी आंधळी तलावातून उपसा सिंचन योजना प्राधान्याने राबवण्याचा निर्णय घेण्यात आला. निर्णयाची अधिक माहिती देताना लक्ष्मणराव इनामदार चॅरिटेबल ट्रस्टचे कार्याध्यक्ष महेश शिंदे म्हणाले, खटाव तालुक्यातील 11800 आणि माण तालुक्यातील 15800 हेक्टर क्षेत्र ओलिताखाली आणणार्‍या लक्ष्मणराव इनामदार जलसिंचन योजनेच्या वाढीव खर्चाला मान्यता मिळावी म्हणून राष्ट्रीय स्वयंसेवक संघ, सहकार भारती आणि ट्रस्टच्या माध्यमातून प्रयत्न करण्यात आले होते. मुंबई, दिल्लीपर्यंत जाऊन आम्ही सुरुवातील 1085 कोटींची पहिली सुप्रमा मिळविली होती. त्याच वेळी या योजनेचा पंतप्रधान जलसिंचन योजनेत समावेश करण्यात आम्हाला यश आले होते. 

सातारा : जिल्हा परिषद बांधकाम समितीचे सचिव व समाज कल्याण समितीच्या सर्व योजनांचा निधी अशाप्रकारे विविध निधी वितरण, काम वाटप, तांत्रिकदृष्ट्या तपासणी अधिकारी यांचे प्रमुख असणार्‍या अतिरिक्त मुख्य कार्यकारी अधिकारी संतोष धोत्रे यांचा मनमानी कारभार सुरू आहे. त्यांच्याकडून महिला कर्मचार्‍यांना अशोभनीय वर्तन केले जात असल्याने त्यांच्या कारभाराची चौकशी करण्यात यावी, अन्यथा आंदोलन छेडण्यात येईल असा इशारा ब्ल्यु फोर्सचे दादासाहेब ओव्हाळ यांनी पत्रकाद्वारे दिला आहे. अतिरिक्त मुख्य कार्यकारी अधिकारी धोत्रे हे बांधकाम विभागाशी व निधीशी निगडीत असणार्‍या समाज कल्याण, बांधकाम उत्तर, दक्षिण, शिक्षण, आरोग्य, लपा आदी ठिकाणी संबंधित टेबलावर व तरूण महिला कर्मचारी असल्यास त्यांच्याशी किंवा त्यांच्यासमोर उध्दट बोलणे, अपमानित करणे, बोलणे असे प्रकार केले जात आहेत. त्या महिला कर्मचार्‍यांनी विरोध केल्यास बदली, निलंबनाची धमकी देणे असे प्रकार घडत आहेत. त्यांच्यावर कारवाई करावी, संबंधित अधिकारी हा वेगवेगळ्या खात्याचा प्रमुख असल्याने बांधकाम समिती विरूध्द कोणत्या ही सभापती, अध्यक्ष, आमदार, सदस्य यांची तक्रार नसतानाही तीन ते चार वेळा काम बांधकाम समिती सचिव म्हणून बदल करून मनमानी करत आहेत. कामामध्ये हेराफेरी करून लाखो रूपयांचा मलिदा लाटला जात आहे. त्यांनी केले सर्व काम वाटप, आदेश, बदली, व गोपनीय जबाब याबाबतची सखोल चौकशी करण्यात यावी, कारवाई करण्यात यावी, अन्यथा आंदोलन छेडण्यात येईल, असे ओव्हाळ यांनी म्हटले आहे.

सातारा : महापुरामुळे सातारा जिल्ह्यात काही ठिकाणी अल्पभूधारक शेतकर्‍यांचे विद्युत पंप व मोटर्स वाहून गेल्या आहेत, अशा लाभार्थ्यांना 95 टक्के अनुदानावर विद्युत पंप देण्याचा निर्णय कृषि समितीच्या मासिक सभेत घेण्यात आला. कृषि व पशुसंवर्धन व दुग्धशाळा समितीची मासिक सभा मनोज पवार यांच्या अध्यक्षतेखाली झाली. सभेस शिवाजीराव चव्हाण, प्रकाश चव्हाण, प्रतिक कदम, गणपत हुलवान, रजनी भोसले, प्रियांका ठावरे, कृषि विकास अधिकारी विनायक पवार, जिल्हा अधिक्षक कृषि अधिकारी सुनील बोरकर, जिल्हा पशुसंवर्धन अधिकारी डॉ. एच.एच. शिंदे, कृषि अधिकारी, पशुधन विकास अधिकारी उपस्थित होते. मनोज पवार म्हणाले, पाटण, कराड, वाई, खंडाळा व सातारा तालुक्यातील नदीकाठच्या गावातील शेतकर्‍यांच्या महापुरात मीटर वीज कनेक्शनसह विद्युत पंप वाहून गेल्या आहेत. अशा अल्पभूधारक शेतकर्‍यांना 95 टक्के अनुदानावर सुमारे 300 विदायुत पंप देण्याचा निर्णय घेण्यात आला आहे. मात्र त्याचा पंचनामा तलाठी, ग्रामसेवकांचा दाखला असल्याशिवाय अल्पभूधारक शेतकर्‍याला लाभ दिला जाणार नाही. यातून सुमारे 50 लाख रुपये पूरग्रस्त शेतकर्‍यांना मदत देण्यात येणार असून शेतकर्‍यांना उभे करण्याचा प्रयत्न केला जाणार आहे. सुनील बोरकर यांनी पावसामुळे जिल्ह्यात 38 हजार 225 हेक्टर क्षेत्रावरील पिकांचे नुकसान झाले असून पंचनामे येत्या 3 दिवसात पूर्ण होणार असल्याचे सांगितले. महाराष्ट्र राज्य विद्युत वितरण कंपनी व सामाजिक वनीकरण विभागाच्या अधिकार्‍यांनी दांडी मारली.

दहिवडी : माण सेतु कार्यालयात नागरिकांना वेळेवर दाखले मिळत नाहीत, याबाबत तहसीलदारांकडे न्याय मागण्यास गेल्यानंतर माणच्या तहसीलदार मॅडमनीही अपमानास्पद वागणूक देत आमच्या अर्जाची दखल घेतली नाही. उशिरा दाखला मिळाल्याने मला माझ्या मुलीला जादा पैसे भरून शालेय प्रवेश घ्यावा लागला आहे. सेतू विभागात वेळेवर दाखले मिळाले तर नागरिकांना सोयीचे होणार आहे. मात्र दाखले वेळेवर मिळत नसल्याने अनेकांची गैेरसोय होत आहे. या सेतू विभागावर तहसील कार्यालयाचे नियंत्रण नसून ते त्यांना पाठीशी घालत तक्रारदारांना अपमानास्पद वागणूक देत आहेत. याची प्रांताधिकारी, जिल्हा प्रशासनाने चौकशी करावी, अशी मागणीही तक्रारदार शिवाजी पोळ यांनी केली आहे. निवेदनात शिवाजी पोळ यांनी म्हटले आहे की, मी माझा स्वतःचा आर्थिक दुर्बल दाखला काढणेसाठी सेतू कार्यालयात कागदपत्रे दाखल केली असून त्याची मला पावती मिळाली होती. मात्र त्याला 24 दिवस झाले तरी मला दाखला मिळाला नाही. सेतू कार्यालयाने माझा दाखला वेळेत का दिला नाही याबाबत चौकशी करून येाग्य ती कारवाई करण्यात यावी. अन्यथा मला आपल्या कार्यालयापुढे उपोषणास बसावे लागेल याची आपण गांभीर्याने दखल घ्यावी असे म्हटले आहे. तसेच माण तालुक्यात शासनाने दुष्काळ जाहीर केलेला असून या तालुक्यात बरेच विद्यार्थी शिक्षणासाठी बाहेरगावी आहेत. त्यास आपल्या कार्यालयाकडून स्वतःचे गाव व तालुका दुष्काळी असलेबाबतचा दाखल मिळत नाही, त्यामुळे या विद्यार्थ्यांना दुष्काळ विषयक सुविधांचा किंवा योजनांचा लाभ मिळत नाही, यास सेतू कार्यालय जबाबदार आहे.

कोरेगाव : सातारा लातूर राष्ट्रीय महामार्गासाठी कोरेगाव शहरात 9 मीटरचा रस्ता, 3 मीटरचा पदपथ आणि दोन मीटरचे गटर अशा पध्दतीने काम करण्यास कोणतीही हरकत नाही. कोणाच्याही मालमत्तेचे नुकसान होऊ न देता आणि कोणत्याही प्रकारची तोडफोड न करता, काम मार्गी लावा अशा सूचना आ. शशिकांत शिंदे यांनी रस्ते विकास महामंडळाच्या अभियंत्यांना दिल्या. कोरेगाव पंचायत समितीच्या सभागृहात महामार्गाच्या कामाच्या अनुषंगाने व्यापारी, नागरीक, अभियंते आणि प्रशासकीय अधिकार्‍यांची संयुक्त बैठक आ. शिंदे यांच्या अध्यक्षतेखाली झाली. यावेळी ते बोलत होते. रस्ते विकास महामंडळाचे अधीक्षक अभियंता डी.डी.बारावकर, पंचायत समितीचे सभापती राजाभाऊ जगदाळे, माजी सभापती संजय झंवर, तहसीलदार सौ. रोहिणी शिंदे, नायब तहसीलदार अमर रसाळ, गटविकास अधिकारी क्रांती बोराटे, सहाय्यक गटविकास अधिकारी अल्मास सय्यद, नगराध्यक्षा सौ. रेश्मा कोकरे, उपनगराध्यक्ष सौ.संगीता बर्गे, नगरसेवक संजय पिसाळ, नागेश कांबळे,नगरपंचायतीचे मुख्याधिकारी अशोक कुंभार, अव्वल कारकून सारगं जाधव यांच्यासह मान्यवर उपस्थित होते. आ. शिंदे पुढे म्हणाले, शहरातील सध्याचा रस्ता हा रूंद आहे. नव्याने काँक्रीट रस्ता करण्यासाठी तो पुरेसा आहे. रस्ते विकास महामंडळानेआहे या रस्त्यामध्ये काम करावे, जेथे अडचण येईल, तेथे धोरणात्मक निर्णय घेतला जाईल. कोणत्याही मिळकतीचे नुकसान होणार नाही, याची दक्षता घेऊन काम करण्यास हरकत नाही, मात्र सर्वांना विश्वासात घेऊन काम झाले पाहिजे. बारावकर म्हणाले, शहरातून 9 मीटर रूंदीचा रस्ता, प्रत्येकी 2 मीटरचे पेव्हर ब्लॉकचे पदपथ आणि 1 मीटर रुंदीचे दोन्ही बाजूस भुयारी गटर असे आमचे धोरण आहे. सध्याचा रस्ता अपेक्षित रूंदीचा आहे. मात्र पदपथ आणि गटारांसाठी जागेची आवश्यकता भासत असल्याने कोरेगाव रेल्वे स्टेशन ते कुमठे फाटा असे सुमारे अडीच कि.मी. अंतराचे सर्वेक्षण करण्यात आले आहे. एकूण 40 मिळकती सिमा रेषेवर आहेत. साखळी पुलाबाबत निर्णय घ्यावा लागणार आहे, त्याचे अद्याप स्ट्रक्चरल ऑडीट झालेले नाही. ते झाल्यानंतर नवीन पूल उभारायचा की जुन्या पुलाची डागडुजी करून, त्याला नवीन रूप द्यायचे, याबाबत निर्णय घ्यावा लागणार आहे. संजय पिसाळ यांनी नगरपंचायतीने सकारात्मकरीत्या पत्रव्यवहार करून देकील रस्ते विकास महामंडळाने उत्तरे दिलेली नाहीत. रस्त्याखालून सध्या जलवाहिन्या असल्याने त्याबाबत नियोजन करणे आवश्यक असल्याचे सांगितले. यावेळी झालेल्या चर्चेत संजय झंवर, अ‍ॅड. प्रभाकर बर्गे, राजेश बर्गे, पृथ्वीराज बर्गे, अ‍ॅड. विक्रम बर्गे, डॉ. गणेश होळ यांनी भाग घेतला. यावेळी व्यापार्‍यांनी केलेल्या सूचनावर चर्चा करण्यात आली. बैठकीस शहाजीराव बर्गे, विलासराव बर्गे, संतोष कोकरे, नवनाथ बर्गे, अ‍ॅड. निलेश झांजुर्णे, सनी शिर्के यांच्यासह नागरीक उपस्थित होते.

सातारा : पारधी समाजातील बांधवांसाठी असलेल्या घरकुल योजनेची अमंलबजावणी होण्यासाठी सातारा तालुक्यातील ग्रामसेवकांनी काही ठिकाणी ग्रामपंचायतीचा विरोध असला तरी आठ दिवसात 18 घरकुलांचे प्रस्ताव आठ दिवसात सादर करण्याचे आदेश उपमुख्य कार्यकारी अधिकारी अविनाश फडतरे यांनी दिले. पारधी समाजाच्या न्याय व हक्कासाठी तसेच त्यांच्या घरकुलाच्या प्रश्नाबाबत लोकसाहित्यिक अण्णाभाऊ साठे कृती समितीतर्फे 16 रोजी काढण्यात आलेल्या मोर्चाच्या पार्श्वभूमीवर सातारा जिल्हा परिषदेत उपमुख्य कार्यकारी अधिकारी अविनाश फडतरे यांच्या अध्यक्षतेखाली बैठक झाली. यावेळी समाजकल्याण समितीचे सभापती शिवाजी सर्वगौड, आण्णाभाऊ साठे कृती समितीचे अध्यक्ष उमेश चव्हाण, डीआरडी विभागाचे यशवंत थोरात, राजेश जाधव तसेच सातारा तालुक्यातील ग्रामसेवक मंडलाधिकारी उपस्थित होते. यावेळी उमेश चव्हाण यांनी पारधी तसेच वंचित समाजातील घटकांसाठी प्रशासन व ग्रामसेवकांकडून टाळाटाळ होत असल्याची तक्रार केली. त्यावर अविनाश फडतरे यांनी उपस्थितग्रामसेवकांना पारधी समाजातील घटकांसाठी असलेल्या घरकुल योजनेबाबत तातडीने अमंलबजावणी करा तसेच ग्रामपंचायत विरोध असला तरी एकूण 18 प्रस्ताव आठ दिवसाच्या आत पाठवा, असे आदेश दिले. यावेळी संजय बाबर, सतीश शिंदे, विनोद बोतालजी, खुदा भोसले, रूपिता पवार, ब्रिटिश पवार, आक्काताई भोसले आदी उपस्थित होते.

कोरेगाव : श्रीकृष्ण एज्युकेशन सोसायटी संचलित चॅलेंज अ‍ॅकॅडमी कोरेगावच्या विद्यार्थ्याकडून जीवनावश्यक वस्तू, तसेच अन्नधान्याच्या स्वरुपात पूरग्रस्तांना मदत करण्यात आली. कोल्हापूर-सांगली-सातारा याठिकाणी झालेल्या महाभयंकर अतिवृष्टी व त्या त्या भागातील धरणातील पाणी विसर्ग न केल्यामुळे या तिन्ही जिल्ह्यामध्ये पूरस्थिती निर्माण झाली होती. या भागातील नागरिकांची घरे पाण्याखाली गेली. तेथील कुटुंब आपली घरेदारे सोडून वेगवेगळ्या ठिकाणी स्थायिक झाली. काही जणांची कुटुंबे उद्ध्वस्तही झाली. याचवेळी संपूर्ण सातारा जिल्ह्यातून या पूरग्रस्त बांधवांसाठी मदतीचा ओघ चालूच होता. कोरेगावच्या चॅलेंज अकॅडमीच्या सर्व विद्यार्थ्यांनी आपणही मदत करावी, आपणही या समाजाचे देणे लागतो, अशी भावना ठेऊन इयत्ता पहिली ते दहावीपर्यंतच्या सर्व विद्यार्थ्यांनी जीवनावश्यक वस्तूमध्ये काडीपेटी, मेणबत्ती, टूथपेस्ट, साबण, चहा, पावडर, साखर, डाळ, चटणी,तांदूळ, तेल, गहू, ज्वारी इत्यादी वस्तू पूरग्रस्तांना शासकीय यंत्रणेच्या सल्ल्यानुसार त्यांच्याकडे सुपूर्द केले.

खटाव : गेली दहा वर्षे मतदारसंघातील जनता माझ्यावर प्रेम करत आहे. इथल्या जनतेच्या प्रेमातून उतराई होण्यासाठी माझे प्रयत्न सुरुच राहणार आहेत. पायाखालची वाळू सरकलेले विरोधक काहीही वावड्या उठवत असले तरी मी कोरेगावातूनच लढणार आहे. मलाही अनेक वेळा पायघड्या घालण्यात आल्या होत्या. मात्र मी निष्ठा जपणारा पवारसाहेबांचा शिलेदार आहे. सर्वसामान्य जनतेची ताकद काय असते ती विरोधकांना दाखवून देणार आहे. सत्ताधार्‍यांचा त्यांच्या लोकांवर विश्वास नाही म्हणूनच दुसर्‍या पक्षातील लोकांना भाजपाकडे ओढून घेतले जात आहे. सातारा जिल्ह्यातील जनता भाजपाच्या षडयंत्राला भुलणार नाही, असा विश्वास राष्ट्रवादीचे प्रतोद आ. शशिकांत शिंदे यांनी व्यक्त केला. जांब येथे आयोजित मेळाव्यात ते बोलत होते. यावेळी सभापती शिवाजी सर्वागौड, जि.प. सदस्य प्रदीप विधाते, तालुकाध्यक्ष बाळासाहेब जाधव, उपसभापती संतोष साळुंखे, दगडू शिंदे, राजू कचरे, जितेंद्र शिंदे, सागर साळुंखे, चंद्रकांत शिंदे आदि उपस्थित होते. आ. शिंदे म्हणाले, जनता मी केलेल्या विकासकामांच्या पाठिशी आहे. गावोगावी अंतर्गत रस्ते, पूल, शाळांच्या इमारती, पेयजल योजना अशी अनेक कामे गेल्या दहा वर्षात पूर्ण केली आहेत. माझ्यावर प्रेम करणार्‍या जनतेसाठी मी अहोरात्र परिश्रम घेत आहे. भविष्यातही माझ्या मतदारसंघाच्या सर्वांगीण विकासात कुठेच कमी पडणार नाही. खा. शरद पवार सातारा जिल्ह्यावरील राष्ट्रवादीची पकड कधीच ढीली होवू देणार नाहीत. मी त्यांचाच निष्ठावान शिलेदार आहे. गेल्या दोन वर्षात राजकारणात आलेले विरोधक चव्हाणसाहेबांच्या जिल्ह्यात राजकीय संस्कृतीला तिलांजली देण्याचे काम करत आहेत. सत्तेचा उन्माद आम्हाला कधीही नव्हता. सर्वसामान्य जनतेच्या कामांना प्राधान्य देताना मी कधीच राजकारण केले नाही. लोकप्रतिनिधी या नात्याने मतदारसंघाच्या विकासाला प्राधान्य दिले. जिहेकठापूर योजनेवर या क्षणापर्यंत आम्ही मंजूर केलेलाच निधी खर्च केला जात आहे. या सरकारने या योजनेसाठी अद्याप पैसे उपलब्ध केले नाहीत. दोन महिन्यात पाणी आणण्याच्या वल्गना गेल्या सहा महिन्यांपासून सुरु आहेत. औद्योगिक वसाहतीसाठीही विरोधकांनी काहीही केले नाही. मी मंत्री असताना खटाव, माणच्या औद्योगिकरणासाठी पाण्याची तरतूद करुन ठेवली आहे. लवकरच एमआयडीसीही मंजूर होणार असल्याचे त्यांनी सांगितले.

सातारा : पावसाने उघडीप घेतल्याने कास पठाराच्या हंगाम सप्टेंबर महिन्याच्या पहिल्या आठवड्यात सुरू होण्याची शक्यता आहे. कास पर्यटनाच्या आरंभाचे सूतोवाच सातारा वन विभागाने केले आहे. मात्र, रानफुलाच्या काही प्रजाती यंदा बघायला मिळणार नाहीत असे मत काही अभ्यासकांनी व्यक्त केले आहे. यंदा पश्चिम महाराष्ट्रात झालेल्या अतिवृष्टीने जनजीवन अस्तव्यस्त करुन टाकले. सातारा जिल्ह्याच्या पश्चिम भागात सरासरीपेक्षा अधिक एकशे दहा टक्के पाऊस अधिक झाला. जावली तालुक्यात आणि तालुक्याच्या हद्दीत येणार्‍या कास परिसरात 27 जुलै ते 18 ऑगस्ट या तीन आठवड्यात सरासरी 45 ते 55 मिलीमीटर म्हणजेच दिवसाला अडीच इंच पावसाची नोंद झाल्याचे वृत्त आहे. अतिवृष्टीमुळे कास परिसराला भूस्खलनाचा मोठा फटका बसला. या अतिवृष्टीचा कास पठारावर उमलणार्‍या हंगामालाही मोठा फटका बसला आहे. ऑगस्ट महिन्यांच्या शेवटी फुलांचा बहर येण्यास सुरुवात होते. निळ्या गेंदाची फुले, सीता आसव, कापरू तेरडा, हिरवी निसुरडी अशी फुले पठारावर आणि कुमादिनी तळ्याच्या आसपास उमलल्यानंतर सारे पठार रंगीबेरंगी फुलांनी बहरते. ऑगस्ट महिन्याचा शेवटचा आठवडा सुरू झाला असून पावसाने सुध्दा उघडीप घेतली आहे. घाटाई रस्ता ते कुमुदिनी तळे या मार्गाकडून फुले उमलण्यास सुरवात झाली आहे. दरवर्षी कास पठाराला ऐंशी हजार ते एक लाख पर्यटक भेट देतात. कास पठारावर अजूनही पावसाची रिमझिम सुरूच आहे. साधारण पुढील आठवड्यात पाऊस कमी झाल्यावर फुलाचा हंगाम गृहित धरून वनविभागाने हंगामाची तयारी सुरू केल्याचे वनविभागाचे वनपरिक्षेत्र अधिकारी एस.आर. परदेशी यांनी दिली आहे. ऑनलाईन बुकिंग करून येणार्‍या तीन हजार पर्यटकांनाच पठारावर प्रवेश देण्यात येणार आहे.

सातारा : पाटण, महाबळेश्वर, सातारा, कराड, जावली या तालुक्यात अतिवृष्टी झाल्याने मोठे नुकसान झाले आहे. त्यामुळे या तालुक्यांमध्ये ओला दुष्काळ जाहीर करण्याचा ठराव बुधवारी झालेल्या जिल्हा परिषदेच्या सर्वसाधारण सभेत करण्यात आला. हा ठराव शासनाकडे पाठवण्यात येणार आहे. तसेच सातार्‍यातील पूर परिस्थिती ही राष्ट्रीय आपत्ती जाहीर करण्याची मागणी सदस्यांनी केली. संजीवराजे ना. निंबाळकर यांच्या अध्यक्षतेखाली जिल्हा परिषदेच्या छ. शिवाजी महाराज सभागृहात सर्वसाधारण सभा संपन्न झाली. सभेस उपाध्यक्ष वसंतराव मानकुमरे, शिक्षण सभापती राजेश पवार, कृषी सभापती मनोज पवार, समाजकल्याण सभापती शिवाजी सर्वगोड, महिला बालकल्याण सभापती बनिता गोरे, मुख्य कार्यकारी अधिकारी संजय भागवत व सदस्य उपस्थित होते. पाटण, महाबळेश्वर, कराड, सातारा व जावली या तालुक्यात घरांची पडझड झाली असून पुरामुळे शेतीचेही मोठे नुकसान झाले आहे. लाखो रूपयांच्या मोटारी पूराच्या पाण्यात वाहून गेल्या आहेत. जिल्हा परिषदेने पूरग्रस्त शेतकर्‍यांना मदत करावी. तसेच या तालुक्यात ओला दुष्काळ जाहीर करण्याची मागणी मानसिंगराव जगदाळे यांनी केली. अतिवृष्टीमुळे पाटण व कराड तालुक्यात शाळा, साकव, अंगणवाड्या, रस्त्यांचे नुकसान झाले आहे. याचा सर्व्हे करण्यात यावा, शासनाकडून एकत्रित विकासकामांसाठी निधीची मागणी करावी, अशी मागणी उदयसिंह पाटील यांनी केली. शासकीय व सामाजिक संस्थामार्फत केली जाणारी मदत ही सांगली व कोल्हापूरकडे जात आहे. कराड व पाटण तालुक्यातही पूर परिस्थिती निर्माण झाली होती. त्यामुळे ही मदत या तालुक्यांनाही मिळावी, अशी मागणी सदस्यांनी केली. राजाभाऊ जगदाळे यांनी कराड व पाटण तालुक्यात झालेली पूर परिस्थिती ही राष्ट्रीय आपत्ती जाहीर करावी, अशी मागणी केली. अधिकार्‍यांनी आपल्या सजामध्ये राहूनच पंचनामे करावेत, अशी मागणी अभय तावरे यांनी केली. भीमराव पाटील यांनीही याला अनुमोदन दिले. मुंद्रळ कोळे गटात जिंती जिचकरवाडी हा पूल वाहून गेल्याने सात वाड्यांचा संपर्क तुटला आहे. त्यामुळे हा पूल त्वरित दुरूस्त करण्याची मागणी रमेश पाटील यांनी केली. वसंतराव मानकुमरे यांनी महाबळेश्वर, जावली व पाटण तालुक्याला शासनाकडून विशेष पॅकेज मिळावे यासाठी पाठपुरावा करणार असल्याचे सांगितले. संजीवराजे यांनी पूरग्रस्त भागातील सर्व शाळा, साकव, पूल, रस्ते, अंगणवाड्या इमारतीचे पंचनामे करण्यात प्रस्ताव प्राप्त झालेले आहेत. काही भागात पंचनाम्याचे काम सुरू आहे. पंचनाम्याचे सर्व अहवाल आल्यानंतर शासनाकडे सर्व कामांच्या दुरूस्तीसाठी निधीची मागणी करणार असल्याचे सांगितले. ज्या ठिकाणी डोंगर खचू लागले आहे तेथील गावांना धोका असल्याने त्या भागाच प्लॅन करून शासनाला पाठवून त्याचे पुनर्वसन कसे होईल? यासाठी प्रयत्न केले जाणार आहेत. मनोज पवार यांनी पाटण, कराड व अन्य तालुक्यातील ज्या शेतकर्‍यांचे विद्युत पंप वाहून गेले. या चर्चेत शिवाजीराव चव्हाण, बापूसाहेब जाधव, मंगेश धुमाळ, भिमराव पाटील, रमेश पाटोळे, दिपक पवार, मनोज घोरपडे, धैर्यशील अनपट, सागर शिवदास, प्रदिप पाटील, फरिदा इनामदार, अर्चना देशमुख, रेश्मा शिंदे, मधू कांबळे, भाग्यश्री मोहिते यांनी सहभाग घेतला.

मसूर : अतिवृष्टीमुळे कृष्णा, उरमोडी, तारळी नद्यांना पूर आला होता. नदीवर असणार्‍या को.प.बंधार्‍यात झाडे व झुडपे अडकली होती. बंधार्‍यांच्या दोन्ही बाजुंकडून जमिनीची धूप होवून शेतकर्‍यांच्या पिकांसह जमिनीचे नुकसान झाले आहे. याची पाहणी आ. बाळासाहेब पाटील यांनी करून संबंधित विभागाला सूचना केल्या होत्या. त्या अनुषंगाने बुधवारी अधिकार्‍यांनी बंधार्‍यांची पाहणी केली. कोणेगांव को.प.बंधार्‍याची पाहणी करण्यासाठी कृष्णा सिंचन मंडळ साताराचे अधीक्षक अभियंता डोईफोडे व कार्यकारी अभियंनता पी.डी.जाधव, मसूरचे उपकार्यकारी अभियंता थोरात व पोतदार आले होते. त्यावेळी संपतराव जाधव व सह्याद्री कारखान्याचे कार्यकारी संचालक आबासाहेब पाटील यांनी कोणेगांव को.प.बंधारा व बाजूची दुरूस्ती करण्याबाबत सूचना केल्या. बंधार्‍यावर उंब्रज, कोर्टी, वडोली भिकेश्वर, कवठे या गावच्या पाणी पुरवठा योजना अवलंबून आहेत.

दहिवडी : दहिवडी ता. माण येथील फलटण चौक व गोंदवलेकडे जाणार्‍या रस्त्याच्या सुरुवातीलाच नगरपंचायतीच्यासमोर असलेल्या रस्त्याची साईड पट्टी खचल्याने अपघाताचे प्रमाण वाढले आहे. याठिकाणी वारंवार अपघात घडत असून वाहनधारक प्रवाशी यांच्यात नेहमीचा वादाचे खटके उडत असतात. सार्वजनिक बांधकाम विभाग याकडे जाणीवपूर्वक दुर्लक्ष करत आहे. साईडपट्ट्या भरल्या नसल्याने अपघातांना एकप्रकारे अपघातास आमंत्रणच दिले जात आहे. एसटी बसस्थानक ते गोंदावले रस्ता हा दहिवडी शहरातून जाणारा रहदारी असलेला मुख्य रस्ता जात आहे. या रस्त्याच्या साईड पट्ट्या जागोजागी खचल्या आहेत. या यारस्त्यावर कायम रहदारी असते. या रस्त्यावरुन समोरासमोरून ये-जा करताना कधी-कधी काही वाहने रस्त्यावर उभी असतात. अशा वेळी मोठ्या वाहनांना समोरील वाहन ओलांडताना कसरत करावी लागत असते. तर काही वाहने रस्त्यावरून साईट पट्टीवर उतरवता येत नाहीत. नगरपंचायती समोर तर साईड पट्टी चक्क एक-दीड फूट खचली आहे. याठिकाणी वाहने रस्त्यावरून साईड पट्टीवर उतरवतांना व चढवताना लहान मोठे अपघात होत असतात. परिणामी वाहनधारकांमध्ये अपघातावरून नेहमीच चकमकी होत राहतात. मात्र खचलेल्या साईडपट्टाकंडे सार्वजनिक बांधकाम विभागाचे अनेक दिवसांपासून दुर्लक्ष असल्याचे पाहायला मिळत आहे. खचलेल्या साईडपट्ट्या बांधकाम विभागाने तातडीने भराव्यात अन् होणारे अपघात टाळावेत, अशी मागणी संतप्त नागरिक व वाहनधारकांमधून होत आहे.

कोरेगाव : सर्वसामान्य जनतेने माझ्यावर दाखवलेल्या विश्वासाची जाणीव ठेवून कोरेगाव मतदारसंघातील विकासकामांची घोडदौड मी यापुढेही कायम ठेवणार आहे, असे प्रतिपादन आमदार शशिकांत शिंदे यांनी केले. रूई (ता.कोरेगाव) येथे एक कोटी 85 लाखांच्या विविध विकासकामांचे भूमिपूजन व उद्घाटन आमदार शशिकांत शिंदे यांच्या हस्ते झाले. त्यात 95 लाख 93 हजारांचा रूई ते देशमुखवस्ती रस्ता, 45 लाख 17 हजारांची राष्ट्रीय पेयजल योजना, कैलास बुधवले यांच्या घराकडे जाणार्‍या रस्त्याचे सहा लाखांचे खडीकरण, डांबरीकरण तसेच रूई ते सिध्दार्थनगर रस्त्याच्या 38 लाखांच्या खडीकरण, डांबरीकरणाच्या कामाचा समावेश आहे. कार्यक्रमास पंचायत समितीचे सभापती राजाभाऊ जगदाळे, जिल्हा परिषदेचे सदस्य डॉ. अभय तावरे, जयश्री फाळके, राजेंद्र भोसले, राष्ट्रवादी काँग्रेसचे तालुकाध्यक्ष भास्कर कदम, कार्याध्यक्ष श्रीमंत झांजुर्णे, राष्ट्रवादी युवकचे तालुकाध्यक्ष राहुल साबळे, पंचायत समितीचे सदस्य डॉ. निवृत्ती होळ, अर्जुन वीर आदी प्रमुख उपस्थित होते. आमदार शिंदे म्हणाले, ?रूई व या भागातील विकासासाठी मी सातत्याने शासनदरबारी पाठपुरावा करून विकासकामे करत आलो आहे. या गावातील ग्रामस्थांनी तसेच संपूर्ण कोरेगाव मतदारसंघातील जनतेने माझ्यावर दाखवलेला विश्वास सार्थ ठरवण्याचा व विकासाची घौददौड कायम ठेवण्याचा माझा प्रामाणिक प्रयत्न आहे.? सातारा, सांगली, कोल्हापूर येथे झालेल्या अतिवृष्टीमध्ये लोकांचे शेतीचे व घरांचे अतोनात नुकसान झाले आहे. त्याचे सरसकट पंचनामे व्हावेत, अशी शासनाकडे मागणी केल्याचेही आमदार शिंदे यांनी या वेळी सांगितले. सतीश वीर यांनी प्रास्तविक केले. प्रभाकर वीर यांनी आभार मानले. शिवाजीराव फाळके, विलासराव फाळके, रामचंद्र येवले, जितेंद्र जगदाळे, नितीन फाळके, नागेश मोरे, सरपंच अनिल सावंत, उपसरपंच सचिन वीर, समीर वीर, कैलास बुधावले, जालिंदर शेलार, पिरूभाई मुलाणी आदींसह कार्यकर्ते व ग्रामस्थ उपस्थित होते.

सातारा : राष्ट्रीयकृत, खासगी व व्यापारी बँकांबरोबर स्पर्धेत टिकून राहण्यासाठी बँकेने काळानुरुप कामकाजामध्ये बदल केले पाहिजेत. तसेच ग्राहकांना कोअर बँकिंग प्रणाली विकसित करुन आधुनिक बँकिंग सेवा सुविधा उपलब्ध करुन दिलेल्या आहेत. सहकारात काम करताना विविध आव्हानांना तोंड द्यावे लागत आहे, असे प्रतिपादन जिल्हा बँकेचे अध्यक्ष शिवेंद्रसिंहराजे भोसले यांनी केले. सातारा जिल्हा मध्यवर्ती सहकारी बँकेत भारतीय स्वातंत्र्याचा 73 वा तसेच बँकेचा 70 वा वर्धापनदिन उत्साहात साजरा करण्यात आला. यावेळी मुख्य कार्यकारी अधिकारी डॉ. राजेंद्र सरकाळे, संचालक प्रकाश बडेकर, दत्तानाना ढमाळ, अनिल देसाई, संचालिका कांचन साळुंखे उपस्थित होते. शिवेंद्रसिंहराजे म्हणाले, ?इतर बँकांच्या तुलनेत जिल्हा बँकेने उत्कृष्ट कामकाज करुन देशात कर्तृत्वाचा वेगळा ठसा उमटवला आहे. संचालक मंडळ बँकेच्या कामकाजात हस्तक्षेप करीत नसल्यामुळे बँकेत आर्थिक शिस्त आहे. बँकेच्या ठेवी व कर्ज यामधील लक्षणीय वाढ, उत्कृष्ट वसुली नियोजन, शून्य टक्के निव्वळ एनपीए, दर्जात्मक व पारदर्शक कामकाज यामुळे देश-परदेशातील सहकार खेत्रातील मान्यवर अभ्यासासाठी भेटी देत असतात. बँक आर्थिकदृष्ट्या सक्षम करण्यासाठी बँकेचे स्वनिधी वाढविण्याचा प्रयत्न केला आहे.? डॉ. सरकाळे म्हणाले, ?बँकेच्या जडणघडणीमध्ये यशवंतराव चव्हाण, आर.डी. पाटील, बाळासाहेब देसाई, आबासाहेब वीर या नेत्यांनी कृषी, ग्रामीण व सहकाराचा विकास व्हावा म्हणून बँकेची स्थापना केली. स्थापनेपासूनच चांगले नेतृत्व लाभल्यामुळे बँकेची चांगली प्रगती झाली आहे. विशेषतः ग्रामीण भागात कृषी व कृषिपूरक योजनांची प्रभावीपणे अंमलबजावणी करुन शेतकरी सभासदांचे जीवनमान उंचालण्याचा बँकेने प्रयत्न केला आहे. जलसिंचन, कृषियांत्रिकीकरण, पशुसंवर्धन, शेतकरी निवास तसेच जिल्ह्यातील सहकारी साखर कारखाने, खरेदी-विक्री संघ, दुध पुरवठा संघ, नोकरदार सहकारी पतसंस्था, ऊस तोडणी यंत्र, जेसीबी, पोकलॅन आदी जवळपास शंभराहून अधिक नावीन्यपूर्ण व ग्राहकोपयोगी विविध कर्ज योजनांचे माध्यमातून शेतकरी, तरुण महिलांना अर्थसाहाय्य केले जात आहे.?

सातारा : सुडाचे राजकारण करून राष्ट्रवादी काँग्रेस मोढायचा प्रयत्न भाजपाकडून सुरू आहे. सत्तेचा चुकीचा वापर करून विरोधकांत भीतीचे वातावरण निर्माण केले जात आहे. पण, आम्ही शरद पवारांशी बांधिल असून पुन्हा शून्यातून पक्षाची बांधणी करून राष्ट्रवादी उभी करू. त्यासाठी जिल्ह्यात येणारी शिवस्वराज्य यात्रा यशस्वी करण्यावर भर राहील, अशा माहिती राष्ट्रवादीचे पक्षप्रतोद, आमदार शशिकांत शिंदे यांनी आज येथे पत्रकार परिषदेत दिली. राष्ट्रवादीची शिवस्वराज्य यात्रा ही येत्या 28 ऑगस्टला जिल्ह्यात येत असून दुपारी दोन वाजता दहिवडीत सभा येईल. तेथून पुसेगाव, कोरेगावमार्गे सातार्‍यात येईल. येथे सायंकाळी पाच वाजता कल्याण रिसॉर्टला सभा व मुक्काम असेल. 29 ऑगस्टला सकाळी नऊ वाजता कर्‍हाडातील प्रीतिसंगमावरील यशवंतराव चव्हाण यांच्या समाधीचे दर्शन घेऊन 11 वाजता कर्‍हाडात सभा होईल. दुपारी दोन वाजता पाटणला सभा घेऊन यात्रा कोकणाकडे मार्गस्थ होईल. यात्रेसोबत माजी उपमुख्यमंत्री अजित पवार, खासदार अमोल कोल्हे, धनंजय मुंडे, तसेच जिल्ह्यातील पदाधिकारी व कार्यकर्ते सहभागी होणार आहेत, अशी माहिती श्री. शिंदे यांनी दिली. यात्रेच्या माध्यमातून राज्यात आणि देशातील भाजप सरकारच्या विरोधातील असंतोष मांडणार आहोत. रयतेच्या राज्यासाठी, रयतेच्या हक्कासाठी शिवस्वराज्य यात्रा हा एक नवा लढा उभारणार आहे. राष्ट्रवादीच्या बालेकिल्ल्यात आम्ही यात्रेचे जोमात स्वागत करू असे नमूद करून ते म्हणाले,?केंद्रात आणि राज्यातील सत्तेत बदल होताना सातारा जिल्ह्याने राष्ट्रवादीला साथ दिली. छत्रपती शिवाजी महाराजांचे वंशज पराभूत व्हावेत, म्हणून लोकसभा निवडणुकीत भाजप शिवसेना यूतीने प्रचंड शक्तीचा वापर केला. मात्र, राष्ट्रवादीच्या कार्यकर्त्यांनी उदयनराजेंना पुन्हा निवडून दिले. सध्या विधानसभेची निवडणूक डोळ्यासमोर ठेऊन भाजपाकडून नेते व कार्यकर्त्यांना विकासाचे स्वप्न दाखवून पक्षात घेण्यासाठी प्रयत्न होत आहेत. मात्र, राष्ट्रवादीच्या कार्यकर्त्यांनी आपल्या आत्मविश्वास ढळू देऊ नये. शिवस्वराज्य यात्रा यशस्वी करुन यशवंतराव चव्हाण यांच्यानंतर जिल्हा शरद पवारांचे विचार मानतो, हे आपल्या एकजुटीतून दाखवून देऊ,? (ता.23) सकाळी दहा वाजता कवठे (ता.वाई) येथे व दुपारी दोन वाजता कोरेगाव बाजार समितीत यात्रेच्या नियोजन मेळावा होईल. रविवारी (ता.25) ऑगस्टला दुपारी चार वाजता दहिवडीत मेळावा होणार आहे, अशी माहितीही त्यांनी दिली. ?ईडी?च्या चौकशीला आमचा विरोध नाही. पण, राजकीय सूडबध्दीने भाजपाकडून चुकीचा प्रकार सुरू आहे. सुडाच्या राजकारणातून राष्ट्रवादीला मोडायचे प्रयत्न भाजप करत आहे. सत्तेच्या चुकीच्या पध्दतीने वापर करताना विविध चौकशींच्या माध्यमातून विरोधकांत भीतीचे वातावरण निर्माण करण्याचा प्रयत्न केला जात आहे, अशी टीकाही त्यांनी केली. जिल्हाध्यक्ष सुनील माने व सरचिटणीस राजकुमार पाटील यांनाही भाजपाकडून ऑफर आली होती का, या प्रश्नावर आमदार शिंदे म्हणाले, ?भाजपकडून गेल्या तीन-चार वर्षांत राष्ट्रवादीच्या बहुतांश आमदार पक्षप्रवेशाची ऑफर येत आहे.

सातारा : गेल्या काही महिन्यांमध्ये राष्ट्रवादी काँग्रेस पक्षातील अनेक नेत्यांनी पक्षाला रामराम करत भारतीय जनता पक्षात प्रवेश केला. राष्ट्रवादीतून भाजपमध्ये आऊटगोईंग अजूनही सुरुच आहे. त्यात गेल्या काही दिवसांपासून राष्ट्रवादीचे नेते आणि साताऱ्याचे खासदार उदयनराजे भोसले राष्ट्रवादीला रामराम करुन भाजपमध्ये जाणार असल्याची चर्चा सुरु आहे. उदयनराजेंच्या भाजप प्रवेशाबाबत सुरु असलेल्या चर्चेला खुद्द उदयनराजेंनी स्वल्पविराम लावला आहे. आज काही माध्यमांनी उदयनराजेंना भाजप प्रवेशाबाबत प्रश्न विचारला. यावर उत्तर देताना उदयनराजे म्हणाले की, "लोकांचे हित पाहून निर्णय घेईन" उदयनराजे म्हणाले की, "काही दिवसांपूर्वी मुख्यमंत्री देवेंद्र फडणवीस यांना भेटलो होतो. साताऱ्यातील विकासकामांबाबत आमची चर्चा झाली. पूर्वी माझी कामं होत नव्हती. परंतु फडणवीस यांनी माझी खूप कामं केली" भाजपमध्ये तुमचे जवळचे लोक आहेत, त्यामुळे तुमच्या भाजप प्रवेशाची संपूर्ण साताऱ्यात चर्चा सुरु आहे का? असा प्रश्न उदयनराजेंना विचारण्यात आला. यावर उदयनराजे म्हणाले की, "प्रत्येक पक्षात माझे जवळचे संबंध असलेले नेते आहेत. त्याचा अर्थ असा नाही की, मी त्यांच्या पक्षात जाईन" उदयनराजे म्हणाले की, "मी माझ्या मनाला वाटेल तेव्हा आणि मनाला पटतील ते निर्णय मी घेत असतो. यापुढेही मी जनतेच्या हिताचा विचार करुन निर्णय घेईन"

वडूज : जिहे-कठापूर योजनेचे पाणी येत्या सहा महिन्यात आंधळी धरणात आणून ते पाणी उचलून माण तालुक्याच्या उत्तर भागातील 32 गावांना देण्याची योजना दोन वर्षांत पूर्ण करणार, असा विश्वास आ. जयकुमार यांनी व्यक्त केला. मतदारसंघाच्या विकासाचा कोणताच अजेंडा नसणार्‍या खोबर्‍यावरच्या पैलवानांचे फक्त लगीन करायचे ठरलेय पण बोहल्यावर कुणी चढायचे हेच निश्चित झाले नाही. त्यांचे काहीही ठरले असले तरी माझे मात्र माण खटावचा दुष्काळ हटवायचे ठरले असल्याचेही त्यांनी सांगितले. विविध गावांमधील जनतेशी संपर्क साधताना आ. गोरे पुढे म्हणाले, मी माण खटावच्या जनतेला पाण्याचे, रोजगाराचे आणि विकासाचे स्वप्न दाखवून राजकारणात आलो. जे शब्द जनतेला दिले ते पूर्ण करण्यासाठी जीवाचे रान केले. उरमोडीचे पाणी मतदारसंघातील 90 गावांमध्ये पोहचले आहे. त्या पाण्यावर अनेक गावांमध्ये ऊसाची शेती होत आहे. साखर कारखान्यांची धुराडी पेटली आहेत. जनतेला मी जिहे-कठापूरचे पाणी आणण्याचा दिलेला शब्द पूर्ण होत आहे. तालुक्यातीले औद्योगिकरणाचा प्रश्न मार्गी लावण्यातही मला यश मिळाले आहे. जिहे कठापूरचे पाणी आंधळी धरणात सोडल्यानंतर माणगंगेच्या नदीवरील 23 बंधार्‍यात ते पाणी सोडले जाणार होते. मग त्या नदीवरून शेतकर्‍याने आपल्या खर्चाने पाणी उचलून न्यायचे अशी जिहे कठापूरची पहिली योजना होती. मात्र आपला शेतकरी दुष्काळामुळे अगोदरच आर्थिक परिस्थितीने खचलेला आहे. तो हा खर्च करूच शकत नाही. म्हणून मी जिहे कठापूरची अतिरिक्त योजना मुख्यमंत्र्यांपुढे मांडली. जिहे कटापूरचे पाणी आंधळी धरणात आल्यानंतर ते पाणी लिफ्ट करायचे. टाकेवाडीतील स्टोरेज टँकमधून उत्तर माणच्या भागातील 322 गावांना ग्रॅव्हिटीने हे पाणी देण्याचे योजना सादर केली. या प्रस्तावाला शासनाने सकारात्मकता दाखवली आहे. या योजनेंतर्गत या भागाला सव्वातीन टीएमसी पाणी दिले जाणार आहे. लोकसभा निवडणुकीदरम्यान मुख्यमंत्री देवेंद्र फडणवीस यांची आम्ही भेट घेतली होती. त्यावेळी मी हा पाण्याचा मुद्दा त्यांच्यासमोर मांडला होता. ?मला लोकसभेला माढ्याचा खासदार भाजपचा हवाय. तुम्ही मला माढ्याचा खासदार द्या मी तुम्हाला पाणी देतो?, असे त्यांनी सांगितले होते. पाण्यासाठी वाट्टेल ते करण्याची धकम मी पहिल्यापासूनच ठेवली आहे. त्यामुळेच आम्ही लोकसभा निवडणुकीला माण खटावच्या जनतेच्या पाण्यासाठी सर्व बंधने झुगारून भाजपला माढ्याचा खासदार मिळवून दिला. मुख्यमंत्र्यांनीही आपल्याला दिलेला शब्द पाळत जिहे कठापूरच्या योजनेबाबत सकारात्मक पावले उचलली आहेत. लोकसभेला जनतेला मी दिलेला शब्द पूर्ण होत असल्याचा मला अभिमान आहे, असेही ते म्हणाले. यावेळी जि. प.सदस्य अरुण गोरे, दहिवडीचे नगराध्यक्ष दिलीप जाधव, माजी जि.प. सदस्य अर्जुन काळे, सोमनाथ भोसले, सरपंच आप्पा अडागळे, संजय भोसले उपस्थित होते.

कराड : कराड दक्षिणच्या डोंगरी भागात झालेल्या अतिवृष्टीने कोल्हापूर पध्दतीचा पृथ्वी बंधार्‍यांची अवस्था दयनील झाली असून नांदगाव ता. कराड येथील कोल्हापूर पध्दतीचा बंधारा वाहून गेल्यामुळे मोठे नुकसान झाले आहे. नांदगाव(पवारवाडी) ता. कराड परिसरात गेल्या मे महिन्यात नव्याने बांधण्यात आलेला कोल्हापूर पध्दतीचा पृथ्वी बंधारा बांधून नुकताच पूर्ण करण्यात आला होता. या बंधार्‍याच्या परिसरात माळरान असल्यामुळे येथील पाण्याचा साठा हा नजीकच्या विहिरी व कूपनलिकाला होणारा होता पण या वर्षी आलेल्या मुसळधार पावसाने हा पृथ्वी बंधारा पहिल्याच पाण्यात वाहून गेला. या बंधार्‍याचे एक वैशिष्ट्ये म्हणजे हा पृथ्वी बंधारा ओढा नाला किंवा नदी या प्रवाहाच्या मध्यभागी बांधून काही प्रमाणात पाणी साठवण करून बाकीचे पाणी या बंधार्‍याच्या वरून वाहून जाते. त्यामुळे या बंधार्‍याला फुटण्याचा धोका कमीच पण प्रशासनातील अभियंत्याच्या चुकीच्या धोरणामुळे या बंधार्‍याची अवस्था कराड दक्षिणेत केविलवाणी झाली आहे. नांदगाव येथील बंधारा हा पाणी बंधारे वरून जाण्याऐवजी हे पाणी बंधार्‍याच्या दोन्ही बाजूनी भिंती बांधताना त्याचा दर्जा तपासला का? शिवाय नेमकी जागा अभियंत्याने पहाणे गरजेचे असताना या अभियंत्याने ती जागा कशी निवडली असाही प्रश्न पडतो. एकूणच विभागात दोन ते तीन ठिकाणी याच पध्दतीने बंधार्‍याचे नुकसान झाले आहे त्यामुळे प्रशासनाने लाखो रुपये पाण्यात गेले आहेत. याला जबाबदार कोण? अशी प्रतिक्रिया शेतकरी वर्गातून व्यक्त होत आहे. पाणी आडवा पाणी जिरवा या शासनाच्या भूमिकेला बंधारा फुटीमुळे हरताळ फासला जात आहे.

पाटण : पूरग्रस्तांनी घाबरून जाऊ नये, आम्ही तुमच्यासोबत आहोत. नुकसानीचे पंचनामे सुरू आहेत. पंचनामे पूर्ण झाल्याबरोबर सातारा जिल्हा परिषदेच्या माध्यमातून मदत मिळवून देऊ, असे अभिवचन जिल्हा परिषदेचे अध्यक्ष संजीवराजे नाईक-निंबाळकर यांनी नुकसानग्रस्त भागात लोकांशी बोलताना दिले. या वेळी युवा नेते सत्यजितसिंह पाटणकर, शिक्षण व अर्थ सभापती राजेश पवार, लहुराज कदम, बाळासाहेब राजेमहाडिक, सुहास माने, सचिन पवार शशिकांत पाटील, बंडा पाटील, दशरथ शेजवळ, इंद्रजित पाटील, संजय घाडगे आदींची उपस्थिती होती. तारळे विभागातील केळेवाडी येथील वाहून गेलेला पूल, वाघळवाडी, बोगेंवाडी येथे भूस्खलन होऊन रस्ता, पिण्याच्या पाण्याची नळयोजना, जिल्हा परिषद शाळा व विद्युत पुरवठ्याच्या झालेल्या पडझडीची पाहणी करण्यासाठी संजीवराजे आले होते. पाटण तालुक्यातील सर्वच गावांमध्ये पावसाने प्रचंड नुकसान झाले आहे. तारळे विभागही त्यास अपवाद नाही. तारळे विभागही त्यास अपवाद नाही. तारळे विभागात जमिनी व डोंगर खचण्याचे प्रमाण सर्वाधिक आहे. शेकडो घरांची पडझड झाली आहे. त्यामुळे गोरगरीब जनतेचे लाखो रुपयांचे नुकसान झाले आहे. विभागात प्रथमच एवढी मोठी हानी झाली आहे, असेही संजीवराजे म्हणाले. या वेळी त्यांनी ग्रामस्थांशी संवाद साधत झालेल्या नुकसानीची पाहणी करून संबंधित अधिकार्‍यांना अडचणी दूर करण्याच्या सूचनाही दिल्या.

मसूर : कराड उत्तर विधानसभा मनदारसंघात आ. बाळासाहेब पाटील यांच्या विशेष प्रयत्नाने विविध रस्त्यांच्या कामांसाठी 4 कोटी 85 लाख रुपयांचा निधी मंजूर झाला आहे. आ. पाटील यांच्या प्रयत्नातून मुख्यमंत्री ग्रामसडक योजना सन 2019/20 अंतर्गत बॅच 2 मधून हा निधी मंजूर झाला आहे. यामध्ये कराड तालुक्यातील उंब्रज ते गोडवाडी रस्ता ग्रा.मा.40/41 एल.आर. 185 या रस्त्याच्या कामासाठी 1 कोटी 47 लाख रुपये मंजूर झाले आहेत तसेच सातारा तालुक्यातील प्र. जि.ता. 37 नागठाणे ते हरपळवाडी रस्ता (ग्रा.मा.263, एल.आर.67) या रस्त्याच्या कामासाठी 2 कोटी 22 लाख रुपये, खटाव तालुक्यातील प्र. जि.मा. 35 ते थोरवेवाडी रस्ता(ग्रा.मा. 256, एल.आर 219) या रस्त्यासाठी 1 कोटी 16 लाख रुपयांचा निधी मंजूर झाले आहेत. विकास ही न थांबणारी संकल्पना आहे, याच उद्देशाने मतदारसंघाच्या सर्वांगीण विकासासाठी कराड उत्तरचे आ. बाळासाहेब पाटील हे सदैव प्रयत्नशील असतात. यांच्या विशेष प्रयत्नातून कराड उत्तरमधील विविध रस्त्यांसाठी 4 कोटी 85 लाखांचा निधी मंजूर झाला आहे.

सातारा : ज्या विद्यार्थ्यांना शासकीय आय.टी.आय. ला प्रवेश मिळाला नाही, अशा इच्छुक विद्यार्थ्यांना समुपदेशन फेरीची संधी प्राप्त झाली असून अशा विद्यार्थ्यांनी शेंद्रे, ता. सातारा येथील छ. शाहू आय.टी.आय. येथे समक्ष येवून आपला प्रवेश निश्चित करावा, असे आवाहन संस्थेच्या अध्यक्षा श्रीमंत सौ. वेदांतिकाराजे भोसले यांनी केले आहे. ग्रामीण भागातील गोरगरीब आणि होतकरु विद्यार्थ्यांना उच्च दर्जाचे तांत्रिक कौशल्य शिक्षण मिळावे यासाठी विद्यावर्धिनी चॅरिटेबल ट्रस्टने छत्रपती शाहू आय.टी.आय. ही नवीन संस्था शेंद्रे येथे सुरु केली आहे. या संस्थेला एन.सी.व्ही. टी. नवी दिल्ली, डी.जी.ई.टी. नवी दिल्ली, कौशल्य विकास व उद्योजगत मंत्रालय, नवी दिल्ली यांची संलग्नता प्राप्त झाली असून महाराष्ट्र शासनाचीही मान्यता मिळाली आहे. शैक्षणिक वर्ष 2018-19 पासून संस्थेमध्ये फिटर, इलेक्ट्रिशियन, वेल्डर हे ट्रेड सुरु केले असून इलेक्ट्रिशयन ट्रेडसाठी 20, फिटरसाठी 20 व वेल्डरसाठी 40 अशी प्रवेश क्षमता आहे. संस्थेला एनएक्यूएफ लेव्हलच्या नियमानुसार मान्यता मिळालेली ही पश्चिम महाराष्ट्रातील एकमेव संस्ता असून संस्थेमध्ये अनुभवी,कुशल निदेशक व प्राध्यापक वर्ग तसेच भव्य व स्वतंत्र इमारत, सुसज्ज ग्रंथालय संगणक लॅब, सुसज्ज कार्यशाळा, माफक फी, ईबीसी सवलत, स्कॉलरशिप, अत्याधुनिक यंत्रे, नामांकित कंपन्यांसोबत करार, अ‍ॅप्रिटिसची सुविधा अशी संस्थेची वैशिष्ट्ये असून येथे येणारा प्रत्येक विद्यार्थी 100 टक्के यशाची खात्री बाळगू शकतो. संस्थेने नव्याने सुरु केलेल्या फिटर, इलेक्ट्रिशियन, वेल्डर या कोर्सला सातारा, कोरेगाव, कराड व फलटण तालुक्यातून विद्यार्थी व पालकांचा प्रचंड प्रतिसाद मिळत असून कराड, उंब्रज, कोरेगाव व तारळे या ठिकाणांहून बस आणि विद्यार्थ्यांसाठी वसतिगृहाची सुविधाही उपलब्ध करुन देण्यात आली असल्याचअ सौ. वेदांतिकाराजे यांनी म्हटले आहे.

सातारा : राष्ट्रवादी काँग्रेस पक्ष फोडण्यासाठी सत्ताधार्‍यांकडून प्रयत्न होत असले तरी सातारा हा राष्ट्रवादीचा बालेकिल्ला असून तो बालेकिल्लाच राहणार आहे. पक्षाने आजपर्यंत अनेकांना पदे दिली, मात्र तरीदेखील पक्षावाढासाठी पदाधिकारी काम करताना दिसत नाहीत. पक्षाच्या बैठकांना उपस्थित राहत नाहीत, त्यामुळे पक्षाचे काम करा, अन्यथा पदे सोडा, असा इशारा आ. शशिकांत शिंदे यांनी दिला. दरम्यान पदाधिकार्‍यांवर ताशेरे ओढत आ. शिदेंनी पदाधिकारी, कार्यकर्त्यांना मरगळ झटकण्याचे आवाहन केले. राष्ट्रवादीची शिवस्वराज्य यात्रा, दि. 28 रोजी जिल्ह्यात येत आहे. यात्रेचे नियोजन करण्यासाठी गुरुवारी राष्ट्रवादी भवनात आयोजित बैठकीत आ. शिंदे बोलत होते यावेळी आ. बाळासाहेब पाटील, आ. मकरंद पाटील, आ. दीपक चव्हाण, सत्यजितसिंह पाटणकर, सुनील माने, देवराज पाटील, सुभाषराव शिंदे, डी.के.पवार, रमेश पाटील, तेजस शिंदे, कविता म्हेत्रे, कोरेगाव पंचायत समितीचे उपसभापती संजय साळुंखे, सरचिटणीस राजकुमार पाटील आदी उपस्थित होते. आ. शिंदे म्हणाले, सातारचा राष्ट्रवादीचा बालेकिल्ला डळमळीत करण्याचे काम सत्ताधार्‍यांकडून सुरु आहे. निवडणूक जाहीर होईपर्यंत काही लोकांना खेचण्याचे काम होणार असून यापैकी काही अफवाही असतील. पदाधिकारी, कार्यकर्त्यांनी एकदिलाने काम करावे. काळ कठीण असला तरी अजूनही शरद पवार यांच्यावर जिल्ह्यातील जनतेचा विश्वास आहे. जे पक्षाचे काम करत नसतील त्यांच्याबाबत आम्ही कठोर निर्णय घेत आहोत. राष्ट्रवादी काँग्रेसने जिल्ह्यात अनेकांना पदे दिली, मात्र काही पदाधिकारी पक्षाचे काम प्रामाणिक करताना दिसत नाहीत. पक्षाच्या बैठकांना राहणार्‍यांनाही समज देण्यात येणार आहे. परिणामांचा विचार न करता प्रसंगी कठोर निर्णय घेण्याची तयारी पक्षाने ठेवली आहे. देशात आणि राज्यात सध्या भयंकर परिस्थिती आहे. सत्तेचा वापर करुन सुडाचे राजकारण करण्यात येत आहे. विरोधकांना नेस्ताबूत करण्यासाठी सगळ्या बाजूने प्रयत्न सुरु आहेत. त्यामुळे पदाधिकारी, कार्यंकर्त्यांनी अफवांवर विश्वास न ठेवता पक्षवाढीसाठी योगदान द्यावे. शिवस्वराज्य यात्रेच्या माध्यमातून सर्वांनी आपली ताकद दाखवून द्यायची आहे. संपूर्ण जिल्हा ढवळून निघाला पाहिजे असे काम करा, अशा सूचनाही आ. शिंदेनी यावेळी केल्या. यानंतर आ. मकरंद पाटील, आ.बाळासाहेब पाटील, आ. दीपक चव्हाण यांची मनोगत व्यक्त करून अफवांवर विश्वास न ठेवण्याचे आवाहन पदाधिकारी, कार्यंकर्त्यांना केले. राजकुमार पाटील यांनी सूत्रसंचालन केले.

वाई : केंद्र शासनाने प्रधानमंत्री किसान मानधन योजना दि. 9 ऑगस्ट 2019 पासून 18 ते 40 वयोगटातील व 2.00 हे. पर्यंत क्षेत्र असलेल्या सर्व अल्पभूधारक व सिमांत पात्र शेतकर्‍यांसाठी व त्यांच्या मृत्यूनंतर त्यांचे कुटुंबियासाठी निवृत्तीवेतन सुरू केले असून त्यांचे वयाचे 60वर्षे पूर्ण झाल्यानंतर त्यांना रक्कम रू. 3000/- प्रतिमाह पेन्शन मिळणार आहे. अशी माहिती वाई उपविभागीय कृषी अधिकारी हरिश्चंद्र धुमाळ यांनी दिली. ज्या शेतकर्‍यांनी वृध्दावस्थेतील निर्वाहासाठी अत्यंत अल्पबचत केलेली असते किंवा बर्‍याच शेतकर्‍यांची बचत नसते आणि उत्पन्नाचा स्त्रोतही उपलब्ध नसतो अशा शेतकर्‍यांना त्यांचे वृध्दापकाळात आरोग्यपूर्ण व आनंदी जीवन जगण्यासाठी आर्थिक मदत करणे हा या योजनेचा प्रमुख उद्देश आहे. प्रधानमंत्री किसना मानधन योजना ही ऐच्छिक व अंशदायी पेन्शन योजना असून ज्या पात्र अत्यल्प व अल्प भूधारक शेतकरायांनी योजनेमध्ये भाग घेतल्यानंतर काही कारणामुळे त्यांना योजनेतून बाहेर पडावयाचे असल्यास त्यांची पेन्शन फंडामध्ये जमा केलेली रक्कम त्यांना परत करण्यात येईल. या योजनेअंतर्गन तोंदणीकृत शेतकर्‍यांचे सेवानिवृत्ती तारखेपूर्वी (म्हणजेच वय 60 वर्षे पूर्ण होणयापूर्वी) आकस्मिक निधन झाल्यास त्या व्यक्तीचे 60 वर्ष वयापर्यंत उर्वरीत मासिक हप्ते पती /पत्नी हे पेन्शन फंडामध्ये जमा करून त्या व्यक्तीचे पेनश्न काते चालू ठेवता येईल व ते खाते बंद करावयाचे असल्यास त्या खात्यातील पेन्शन फंडामध्ये अंशदायी जमा केलेली रक्कम व्याजासह वारसदार पती/पत्नी शेतकर्‍यास मिळेल. सेवानिवृत्ती तारखेपूर्वी निधन झालेल्या शेतकरी पती/पत्नीस दर महा 50 टक्के रक्कम म्हणजे रू. 1500/-परिवारीक मासिक पेन्शन मिळेल. या योजनेत मार्गदर्शक सूचनेनुसार 18 ते 40 वयोगटातील पात्र शेतकर्‍यांना वयानुसार रक्कम रू. 55 ते 200/- प्रतिमाह हप्ता वयाचे 60 वर्षापर्यंत भरावा लागणार आहे. सदर योजनेत भाग घेण्यासाठी पात्र शेतकर्‍यांनी समाईक सुविधाकेंद्रावर आधारकार्ड, बँक पासबुक, मोबाईल क्र. इ. कागदपत्र घेऊन ऑनलाईन नोंदणी करावयाची आहे. सदर नोंदणीसाठी कोणतेही शुल्क आकारले जाणार नसून केंद्र शासनाकडून नोंदणी फी रू. 30/-(प्रति शेतकरी) समाईक सुविधा केंद्रावर अदा करण्यात येणार आहे. प्रधानमंत्री किसान मानधन योजनेसाठी खालील शेतकरी अपात्र असतील. 1) कोणत्याही सामाजिक सुरक्षा योजनांतर्गत लाभ घेणारे अत्यल्प/अल्प भूधारक शेतकरी 2) श्रम योगी मानधन योजना, प्रधानमंत्री लघु व्यापारी मानधन योजनेतील शेतकरी 3) उच्च आर्थिक स्थितीतील शेतकरी खालील प्रमाणे पात्र नसतील. जमिन धारण करणारी संस्था, संवैधानिक पद धारण करणारी/ केलेली आजी/माजी व्यक्ती, आजी/माजी मंत्री, आमदार, खासदार, महापौर, जिल्हा परिषद अध्यक्ष. कर्मचारी शासन अंगीकृत व स्वाय्य संस्था, स्थानिक स्वराज्य संस्थेतील अधिकारी/ कर्मचारी चतुर्थ श्रेणी कर्मचारी वगळून तसेच मागील वर्षात आयकर भरलेल्या व्यक्ती व नोंदणीकृत व्यवसायिक डॉक्टर, वकील, अभियंता, सी.ए. वास्तूशास्त्र इ. व्यक्ती अपात्र असतील.

सातारा : आशा म्हणजे आरोग्य विभागाचा कणा असून त्यांच्यामार्फत आरोग्य विषयक योजना व सुविधा गावपातळीवरील नागरिकांपर्यंत पोहोचवण्याचे काम करत आहेत, असे प्रतिपादन मुख्य कार्यकारी अधिकारी संजय भागवत यांनी केले. राष्ट्रीय आरोग्य अभियान सातारा जिल्हा परिषद व पुणे येथील मुकुल माधव फौंडेशनच्या संयुक्त विद्यमाने सातारा जिल्हा आशा कार्यक्रमांतर्गत आशा स्वयंसेविकांच्या पुरस्कार सोहळ्यानिमित्त आयोजित कार्यक्रमात ते बोलत होते. यावेळी पश्चिम महाराष्ट्र विकास महामंडळाचे अध्यक्ष दिपक पवार, जिल्हा परिषदेचे उपाध्यक्ष वसंतराव मानकुमरे, सदस्या शारदा ननावरे, जिल्हा आरोग्य अधिकारी डॉ. अनिरूध्द आठल्ये, निवासी वैद्यकीय अधिकारी डॉ. सुधीर धुमाळ, जिल्हा कार्यक्रम व्यवस्थापक डॉ. माधुरी उटीकर, आशा कार्यक्रम जिल्हा समन्वयक करण जगताप उपस्थित होत्या. दिपक पवार म्हणाले, आशा स्वयंसेविकांचे योगदान समाजात अतिशय मोलाचे आहे. गावातील प्रत्येक कुटुंब व व्यक्तीची माहिती त्यांच्याकडून समजते. पुरस्कारामुळे त्याच्या योगदानाचे कौतुक होत आहे. वसंतराव मानकुमरे म्हणाले, आशा स्वंयसेविका समाजाचे आरोग्य सुधारण्यासाठी कार्यरत आहेत. हे पुरस्कार या सेविकांचे मनोधैर्य उंचावणारे आहे. यावेळी गटप्रवर्तक पुरस्कार वनिता कदम, छाया गोळे, मनिषा डेरे, आशा स्वयंसेविका पुरस्कार शबाना तांबोळी, शुबांगी निकम यांना तर आरोग्य सखी पुरस्कार संगीता बनगर, नंदा महागडे यांना देण्यात आला. 105 जणांचा यावेळी गौरव करण्यात आला. कार्यक्रमात डॉ.शिल्पा नाईक, डॉ. शारदा रमेश, डॉ. रिबेक जोसेफ, मिस रोमा, डॉ., विवेकव, जी.जा. पुरोहित, डॉ.विद्या गोखले, बबलू मोकळे, यास्मिन शेख, ज्ञानदेव शेलार, बन्सी शेठ, मनिष शेढ व आरोग्य विभागाचे अधिकारी, कर्मचारी, गटप्रवर्तक आशा स्वयंसेविका उपस्थित होत्या. श्वेता जगताप व संतोष शेलार यांनी सूत्रसंचालन केले.

सातारा : मोरखिंड येथील खाणीसंदर्भात जिल्हा परिषद पदाधिकार्‍यांनी सभागृहात जे शब्द वापरले ते शब्द न वापरता त्यांनी वरिष्ठांकडे याबाबत तक्रार करून संबंधित खाणीला स्टे घेणे गरजेचे होते. या खाणीला महसूल विभागाच्या नियमानुसार परवानगी देण्यात आली असल्याची माहिती अतिरिक्त जिल्हाधिकारी साहेबराव गायकवाड यांनी पत्रकाराशी बोलताना दिली. साहेबाव गायकवाड म्हणाले, महसूल विभाग जी कृती किरते ते कायदेशीर करत असते. मात्र संबंधित ठेकेदार जर काही चुकीचे करत असेल तर कारवाई केली जाईल. महसूल विभाग नियमानुसार संबंधित ठेकेदाराला रितसर काणींची परवानगी दिली आहे. महत्त्वाच्या रस्त्याच्या कामासाठी संबंधित खाणीला परवानगी दिली आहे. संबंधितांनी आरोप करू नयेत. त्यांनी यासंदर्भात अपिल करणे आवश्यक आहे. वरिष्ठांकडे अपील दाखल करून खाणीच्या उत्खननावर स्टे घ्यावा, असेही साहेबराव गायकवाड म्हणाले.

कोरेगाव : असहकार आंदोलनाचा भाग म्हणून तालुक्यातील ग्रामसेवकांनी त्यांच्याशी संबंधित ग्रामपंचायत कार्यालयाच्या चाव्या आज पंचायत समिती कार्यालयाकडे जमा करून प्रत्यक्ष कामबंद आंदोलनास प्रारंभ केला. ग्रामसेवक संघटनेने विविध मागण्यासाठी असहकार आंदोलन सुरू केले आहे. मात्र, त्यावर अद्याप तोडगा निघू शकला नाही. त्यामुळे आता आंदोलनाचा अंतिम टप्पा म्हणून तालुक्यातील ग्रामसेवकांनी त्यांच्याशी संबंधित ग्रामपंचायत कार्यालयाच्या चाव्या, शिक्के आज पंचायत समिती कार्यालयाकडे जमा करून प्रत्यक्ष कामबंद आंदोलनास प्रारंभ केला. गटविकास अधिकारी क्रांती बोराटे यांनी यासंदर्भातील माहिती संघटनेतर्फे निवेदनाद्वारे देण्यात आली. यावेळी संघटनेचे तालुकाध्यक्ष अभिजीत चव्हाण, उपाध्यक्ष निलेश बर्गे, तृप्ती जाधव, अंकुश टेंबरे, माया इंगवले, गणपती खलाटे, विजय ढाणे, डी.जी.राऊत, जी.एम. शेख, एस.वाही. लवळे, आबासाहेब बर्गे, समाधान माने, दिगंबर सुरवसे, सारिका पवार, धनंजय सस्ते, सतीश खंडाईत, अजित जाधव उपस्थित होते.

कराड : कराड उत्तर मतदारसंघात लोकप्रतिनिधी या नात्याने कार्य करीत असताना जनतेच्या सर्व मागण्या पूर्ण करण्याचा प्रयत्न केला आहे. यापुढे सदैव कराड उत्तर मतदारसंघात जनतेसाठी विकास कामे करण्यासाठी प्रयत्नशील राहणार असल्याचे प्रतिपादन आ.बाळासाहेब पाटील यानी केले. वारणानगर ता. जि.सातारा येथे रस्त्याच्या डांबरीकरणाच्या उद्घाटनप्रसंगी ते बोलत होते. कार्यक्रमास सह्याद्री कारखान्याचे संचालक पै. संजय थोरात, संचालक संजय कुंभार, अनिल घोरपडे, प्रविण देशमुख, संभाजी देशमुख, रविंद्र देशमुख यांची प्रमुख उपस्थिती होती. आ. पाटील म्हणाले, सह्याद्री कारखान्याच्या माध्यमातून आपले जिव्हाळ्याचे संबंध आहेत. अधिकाधिक विकासकामे मतदारसंघात करण्याचा सातत्याने प्रयत्न करीत असतो. मतदारसंघ पुर्नरचनेमुळे अधिकचा विकास झाला असून सह्याद्री कारखान्यांच्या माध्यमातून शेतकर्‍यांचा सर्वांगीण विकास व्हावा यासाठी नेहमीच प्रयत्न केले जातील. प्रास्ताविक शिवाजीराव कोकाटे यांनी केले. यावेळी उपसरपंच अमोल घाडगे, संजय मोरे, विश्वनाथ पवार, नामदेव भडके, जगन्नाथ पवार, चंद्रकांत जगदाळे, मारूती जगदाळे, संतोष मोरे, प्रदीप पवार, दत्तात्रय पवार, विलास घाडगे, वसंत जाधव तसेच वारणानगर परिसरातील पदाधिकारी व ग्रामस्थ उपस्थित होते.

सातारा : तारळी धरणग्रस्तांचे पुनर्वसन रखडल्याने धरणातील पाणी सोडून आपल्या जागा परत मिळविण्यासाठी धरणग्रस्त आक्रमक भूमिका घेणार आहेत. 29 ऑगस्ट रोजी हे आंदोलक धरणावर जाऊन धरण मोकळे करतील, असा इशारा श्रमिक मुक्ती दलाचे अध्यक्ष डॉ. भारत पाटणकर यांनी पाटबंधारे विभागाला दिला आहे. पाटबंधारे विभागाचे अधीक्षक अभियंता विजय घोगरे यांनी दिलेल्या निवेदनात म्हटले आहे की, लाभक्षेत्रातील जनतेबरोबरच धरणग्रस्तांचे विकसनशील पुनर्वसन होणार म्हणून शेतकर्‍यांनी या धरणाचे बांधकाम करायला मंजुरी दिली. पण वर्षानुवर्षे त्यांचे पुनर्वसनाचे साधे साधे प्रश्नही सुटलेले नाहीत. उपलब्ध जमिनीचे वाटपही वर्षानुवर्षे होत नाही, त्यामुळे हा निर्णय घेण्यात आला आहे. या निवेदनावर डॉ. प्रशांत पन्हाळकर, आनंदा सपकाळ, गोपाळराव शिंदे, उत्तम काकडे, लक्ष्मण मिसाळ, श्रीकांत राजेशिर्के, साहेबराव पाटील आदींच्या सह्या आहेत.

फलटण : फलटण भूमि अभिलेख कार्यालयाच्या उपअधिक्षक व इतर काही कर्मचारी नियमबाह्यपणे कामकाज करत आहेत. तसेच कामासाठी कार्यालयात आलेल्या वृध्द शेतकर्‍यांशी उध्दटपणे वागत आहेत. त्यांच्यावर कारवाई करावी, अन्यथा फलटण तहसील कार्यालयासमोर उपोषण करणार असल्याचा इशारा मनसेचे जिल्हा उपाध्यक्ष युवराज शिंदे यांनी दिला आहे. याबाबत प्रसिध्दी पत्रकात म्हटले आहे की, भूमि अभिलेख कार्यालयाच्या उपअधिक्षक शिल्पा जवक व इतर कार्यालयीन कर्मचारी हे अने दिवसांपासून कार्यालयात नियमबाह्य कामे करत आहेत. कार्यालयाची कोणतीही पूर्व परवानगी नसताना सहा ते सात खाजगी कर्मचारी नेमले आहेत. त्यातील काही कर्मचारी नकला, मालमत्ता, उतारे बनवणे व इतर कार्यालयीन कामे करत असतात. शिल्पा जवक या कार्यालयात हजर झाल्यापासून अनेक नियमबाह्य कामे सुरू आहेत. येथे आलेल्या अनेक वयोवृध्द शेतकर्‍यांशी त्या उध्दट वागतात, अशा तक्रारी मनसेकडे मिळाल्या आहेत. त्यांच्यावर कारवाई करण्यात यावी या मागणीसाठी यापूर्वी लेकी तक्रार देऊनसुध्दा कारवाई करण्यास टाळाटाळ केली जात आहे. यामुळे येत्या दि. 26 पासून फलटण तहसील कार्यालयासमोर उपोषण करणार असल्याचे निवेदन युवराज शिंदे यांनी मुख्यमंत्री देवेंद्र फडणवीस यांनी पाठविले आहे.

वाई : वाई पंचायत समितीमधील राष्ट्रवादी गटाच्या सत्ताधारी पदाधिकार्‍याकडून सेस फंडाची आलेली शासकीय फंडाची रक्कम बहुमताच्या जोरावर संगनमताने आपआपसात वाटून घेत गेली दोन वर्षे शेंदूरजणे गणातील जनतेच्या हक्काचा शासकीय निधी स्वतःच्या गणात हडप करून शेंदूरजणे गणाला विकासापासून जाणीवपूर्वक वंचित ठेवून सतत डावलण्याचे राजकारण होत असलेच्या निषेधार्थ गणातील जनतेच्या न्याय हक्कासाठी शेंदूरजणे गणाच्या प.स.सदस्या ऋतूजा शिंदे व काँग्रेस जिल्हा अध्यक्ष विराज शिंदे यांच्या नेतृत्वाखाली गणातील ग्रामस्थांनी वाई पंचायत समितीवर धडक मोर्चा काढण्यात येवून 2019-2020 च्या बजेट मधील सेस फंडाचे समान फेरवाटप करून शेंदुरजणे गणाच्या हिश्याचा सेस पंड तात्काळ मिळावा अन्यथा तीव्र आंदोलन करण्यात येईल असे निवेदन गट विकास अधिकारी उदय कुसुरकर यांना देण्यात आले. आठ सदस्य असलेल्या वाई पंचायत समितीमध्ये राष्ट्रवादीची सत्ता असून शेंदुरजणे गणातून ऋतूजा शिंदे काँग्रेस पक्षातून निवडून आल्या आहेत तर बावधन गणातून काँग्रेस पक्षातून निवडून आलेले दिपक ननावरेंनी भाजपचे कमळ धरल्याने राष्ट्रवादीच्या सत्तेपुढे ऋतूजा शिंदे यांची लढाई एकाकी व अपुरी पडत आहे. बहुमताच्या जोरावर सत्ताधारी सदस्य सेस फंड व अन्य शासकीय निधीचे वाटप करताना वारंवार मागणी करूनही दुजाभाव करत डावलण्यात येवून कुरघोडीचं राजकारण करत शेंदूरजणे गणावर जाणीवपूर्वक अन्याय केला जात असल्याचा आरोप ऋतूजा शिंदे यांनी केला आहे. शेंदूरजणे गणाच्या हक्काचा शासकीय निधीसाठीसभागृहाच्या मासिक मिटींगमध्ये सातत्याने आवाज उठवून सुध्दा बहुमताच्या जोरावर फक्त सात सदस्या मध्येच सर्व निधी वाटून गेतली जत असल्याने शेंदुरजणे गणातील जनता विकास कामापासून वंचित राहत आहे. याबाबत गट विकास अधिकारी यांनी लक्ष घालून सर्व सदस्यांना समान निधीचे वाटप करावे अन्यथा सेस फंडाच्या निधीवर कायदेशीर हरकत घेणार असल्याचा इशारा शिंदे यांनी यावेळी दिला. आंदोलनात शेंदुरजणे गणातील बोपर्डी, लोहारे, धावडी, बालेघर, मांढरदेव, शेंदुरजणे, मेणवली, वेरूळी, मुंगसे वाडी व परखंदी येथील ग्रामस्थांनी सहभागी झाले होते

कराड : सातारा,सांगली व कोल्हापूर जिल्ह्यातील पूरग्रस्तांना एक हात मदतीचा या संकल्पनेतून संपूर्ण महाराष्ट्रातून वस्तू स्वरुपात तसेच आर्थिक मदतीचा ओघ सुरु झाला. लोकप्रतिनिधी या नात्याने कराड उत्तरचे आ. बाळासाहेब पाटील यांच्याकडे मदत स्वरूपात आलेले धनादेश जिल्हाधिकारी सौ. श्वेता सिंघल यांच्याकडे मुख्यमंत्री सहाय्यता निधीसाठी सुपूर्त करण्यात आले. याप्रसंगी कराड उत्तर राष्ट्रवादी काँग्रेसचे अध्यक्ष देवराज पाटील, पालचे सरपंच जगन्नाथ पालकर, भास्करराव गोरे, उध्दवराव फाळके, सचिन लवंदे, मुकुंद खंडाईत, आप्पासाहेब खंडाईत, युवराज गोरे, बाबा शेळके, सैनिक घाडगे, संजय काळभोर तसेच समितीचे पदाधिकारी उपस्थित होते. सातारा, सांगली, कोल्हापूर जिल्ह्यात महापुरामुळे मोठ्या प्रमाणात नुकसान झाले. अनेक कुटुंबाना विस्थापित व्हावे लागले. पूर ओसल्यानंतर अजूनही अनेक कुटुंब स्थिरस्थावर झालेली नाहीत. पुरामध्ये बाधित झालेल्या कुटुंबाचे दैनंदिन जनजीवन स्थिरस्थावर व्हावे यासाठी कराड उत्तर मतदारसंघातून मोठ्या प्रमाणात मदत करण्यात येत आहे. यावेळी खंडोबा देवस्थान समिती व ग्रामस्थ पाल यांच्यावतीने पुरग्रस्तांच्या मदतीसाठी धनादेश जिल्हाधिकारी यांच्याकडे सुपूर्त करण्यात आला आहे. कराड उत्तर मतदार संघात पुरामुळे मोठे नुकसान झालेल्या बंधार्‍यांची लवकरात लवकर दुरुस्ती करण्यासंबंधी, व शेतकर्‍यांना मदत मिळावी यासाठी श्वेता सिंघल यांना निवेदन देण्यात आले.

पाटण : राज्य शासनाच्या मुख्यमंत्री ग्रामसडक योजनेंतर्गत सन 2019-20 करिता संशोधन व विकास अंतर्गत पाटण विधानसभा मतदारसंघातील नऊ मोठ्या रस्त्यांच्या कामांना राज्य शासनाच्या ग्रामविकास विभागाने मंजुरी दिली असून या कामांना देण्यात आलेल्या प्रशासकीय मान्यतेचा शासन निर्णय शासनाच्या ग्रामविकास विभागाने नुकसाच पारित केला आहे. पाटण विधानसभा मतदारसंघातील विविध भागातील नऊ महत्त्वाच्या रस्त्यांच्या कामांकरिता 12 कोटी 35 लाख 48 हजार रुपयांचा निधी मंजूर केला असून 15.540 किलोमीटर रस्त्याची लांबी या निधीतून पूर्ण होणार असल्याची माहिती आ. शंभूराज देसाई यांनी प्रसिध्दीपत्रकाव्दारे दिली. पाटण विधानसभा मतदारसंघातील ग्रामीण आणि डोंगरी भागातील मोठ्या रस्त्यांच्या कामांना राज्य शासनाच्या मुख्यमंत्री ग्रामसडक योजनेंतर्गत संशोधन व विकास अंतर्गत प्रतिवर्षाप्रमाणे सन 2019-20 मध्ये आवश्यक असणारा निधी मंजूर करण्याविषयी राज्याच्या ग्रामीण विकास मंत्री ना. पंकजा मुंडे यांच्याकडे विनंती करुन या कामांचे प्रस्ताव शासनाच्या यंत्रणेमार्फत सादर करण्यात आले होते. सदरच्या कामांना ग्रामीण विकास मंत्री मुंडे यांनी मान्यता देवून या नऊ रस्त्यांच्या कामांसाठी एकूण 12 कोटी 35 लाख 48 हजार रुपयांचा निधी मंजूर केला आहे. या निधीमधून 15.540 किलोमीटर रस्त्याची लांबी पूर्ण होणार आहे.

कोरेगाव : गेली 40 वर्षे खा. शरद पवार यांच्या खांद्याला खांदा लावून काम करणारा मी निष्ठावंत कार्यकर्ता आहे. आज मी जो कोणी आहे, ते केवळ पवार साहेबांमुळेच, शरद पवार हे माझे विठ्ठल आहेत. त्यांनी मला जिल्ह्याची जबाबदारी सोपविली असून, सातारा जिल्हा हा राष्ट्रवादीचा बालेकिल्ला अभेध ठेवत भाजपला अडवण्याचे काम करणार आहे. एकवेळ मी राजकारण सोडेन, पण खा. शरद पवार यांना सोडणार नाही, अशी ग्वाही राष्ट्रवादी काँग्रेसचे मुख्य प्रतोद आ. शशिकांत शिंदे यांनी दिली. राष्ट्रवादी काँग्रेस पक्षाची शिवस्वराज्य यात्रा दि.28 रोजी रोजी सातारा जिल्ह्यात प्रवेश करत असून, तिथे नियोजन करण्यासाठी कोरेगाव विधानभा मतदारसंघातील पदाधिकारी व कार्यकर्त्यांचा मेळावा कोरेगाव येथील बाजार समिती आवारातील गिताई मंगल कार्यालयात झाला. त्यावेळी ते बोलत होते. यावेळी पक्षाचे प्रदेश सरचिटणीस बाळासाहेब सोळस्कर-पाटील, संजय झंवर, जिल्हा परिषद सदस्य जयवंत पवार, मंगेश धुमाळ, बाळासाहेब फाळके, पंचायत समितीचे सभापती राजाभाऊ जगदाळे, उपसभापती संजय साळुंखे, सतीश चव्हाण, प्रदीप विधाते, अरुण माने, भास्कर कदम, श्रीमंत झांजुर्णे, प्रतापराव कुमुकले-निकम, उपनगराध्यक्ष सौ. संगीता बर्गे, नगरसेवक जयवंत पवार, संजय पिसाळ यांच्यासह मान्यवर उपस्थित होते. आ. शिंदे पुढे म्हणाले की, सातारा जिल्ह्यात चित्र बदलायला लागले आहे. लोकसभा निवडणुकीत भाजपला खा. उदयनराजे भोसले यांना निवडून आणायचे नव्हते. मराठ्यांचा नेता दिल्लीच्या तख्तावर त्यांना नको आहे. सातारा जिल्हा राष्ट्रवादी काँग्रेसाचा बालेकिल्ला असून, तो अमेद्य ठेवणार आहे. गावोगावी आणि खेडेपाडी जाऊन पक्षाच्या कार्यंकर्त्यांची मोट बांधणार आहे. फक्त अडीच महिने तुम्ही मला द्या, मी 365 दिवस तुमच्याबरोबरच आहे. कोरेगाव विधानसभा मतदारसंघ हा विभागलेला आहे. काही प्रमाणामध्ये खा. उदयनराजे भोसले, आ. शिवेंद्रसिंहराजे भोसले, स्वतः माझी, माजी आमदार प्रभाकर घार्गे, प्रदीप विधाते यांची ताकद आहे, म्हणून मी निवडून येईन का चिंतेत माझे कुटुंब व साम